მიწის დამუშავება ხულოში

შვეიცარია საქართველოს სოფლის მეურნეობის განვითარებისთვის წლიურად 10 მლნ დოლარს გამოუყოფს

57
(განახლებულია 15:12 31.03.2021)
ახალი პროგრამის ფარგლებში გათვალისწინებულია მეცხოველეობის სექტორის განვითარების მხარდაჭერა და ბიოწარმოების განვითარება გარემოსდაცვითი მიმართულებით.

თბილისი, 31 მარტი – Sputnik. შვეიცარიის მთავრობის ხელშეწყობით საქართველოს სოფლის მეურნეობის სფეროში ახალი პროგრამა განხორციელდება, ნათქვამია საქართველოს სოფლის მეურნეობის სამინისტროს განცხადებაში.

რეგიონული თანამშრომლობის ახალი პროგრამის შესახებ საქართველოში შვეიცარიის ელჩმა პატრიკ ფრანცენმა სოფლის მეურნეობის მინისტრთან ლევან დავითაშვილთან გამართულ შეხვედრაზე ისაუბრა. დიპლომატის თქმით, პროგრამა შვეიცარიის მთავრობის მიერ 2021 წლის ივლისში დამტკიცდება. პროგრამის განხორციელება 2022-2025 წლებშია დაგეგმილი და მისი წლიური ბიუჯეტი 10 მილიონ აშშ დოლარს შეადგენს.

ახალი პროგრამა ითვალისწინებს სოფლად ეკონომიკური განვითარების ხელშეწყობას და, შესაბამისად, სოფლის მოსახლეობის სოციალური პირობების გაუმჯობესებას. ფერმერებს შესაძლებლობა ექნებათ, მონაწილეობა მიიღონ საერთაშორისო სასწავლო პროგრამებში.

ახალი პროგრამის ფარგლებში გათვალისწინებულია მეცხოველეობის სექტორის განვითარების მხარდაჭერა, ბიოწარმოების განვითარება გარემოსდაცვითი მიმართულებით. გარდა ამისა, ყურადღება გამახვილდება სატყეო სექტორის რეფორმის მხარდაჭერაზე, ასევე თანამშრომლობაზე კლიმატის ცვლილების კუთხით.

თავის მხრივ, შეხვედრაზე დავითაშვილმა ისაუბრა ქვეყნებს შორის მრავალწლიანი წარმატებული თანამშრომლობის მნიშვნელობაზე. მხარეებმა განიხილეს შემდგომი თანამშრომლობის საკითხები საქართველოს გარემოს დაცვისა და სოფლის მეურნეობის სამინისტროსა და შვეიცარიის თანამშრომლობის ოფისს შორის.

საქართველომ და შვეიცარიამ დიპლომატიური ურთიერთობები 1992 წლის ივნისში დაამყარეს. მას შემდეგ ქვეყნები თანამშრომლობენ ტურიზმისა და სოფლის მეურნეობის სფეროებში.

2018 წლიდან ქვეყნებმა გააფორმეს ხელშეკრულება თავისუფალი ვაჭრობის შესახებ. საქართველოსა და შვეიცარიას შორის საგარეო სავაჭრო ბრუნვამ 2020 წელს 168,7 მლნ დოლარი შეადგინა, მათ შორის საქართველოდან განხორციელებულმა ექსპორტმა – 106,8 მლნ, იმპორტმა – 61,9 მლნ დოლარი.

57
ვალუტის კურსი

ლარის კურსი 15 აპრილს

60
(განახლებულია 08:29 15.04.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0197 ლარით გაუფასურდა.

თბილისი, 15 აპრილი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,4432 GEL/$1 ნიშნულზე დაადგინა. 

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0197 ლარით გაუფასურდა. 

ლარის კურის 15 აპრილს
60
თემები:
ლარის კურსი დღეს
საერთაშორისო საავტომობილო მიმოსვლის შესახებ შეთანხმებას  ხელი მოაწერეს საქართველოს ეკონომიკის მინისტრმა ნათია თურნავამ და ტაჯიკეთის ტრანსპორტის მინისტრმა აზიმ იბრაგიმმა.

საქართველოსა და ტაჯიკეთს შორის საავტომობილო მიმოსვლის შესახებ შეთანხმება გაფორმდა

34
დოკუმენტს თბილისში ხელი მოაწერეს საქართველოს ეკონომიკის მინისტრმა ნათია თურნავამ და ტაჯიკეთის ტრანსპორტის მინისტრმა აზიმ იბრაგიმმა

თბილისი, 14 აპრილი - Sputnik. საქართველომ და ტაჯიკეთმა სავაჭრო-ეკონომიკური თანამშრომლობის გაღრმავების მიზნით საერთაშორისო საავტომობილო მიმოსვლის შესახებ შეთანხმებას მოაწერეს ხელი.

როგორც საქართველოს ეკონომიკისა და მდგრადი განვითარების სამინისტროს განცხადებაშია აღნიშნული, დოკუმენტს ხელი მოაწერეს საქართველოს ეკონომიკის მინისტრმა ნათია თურნავამ და ტაჯიკეთის ტრანსპორტის მინისტრმა აზიმ იბრაგიმმა.

საქართველოს ეკონომიკის სამინისტროს ინფორმაციით, შეთანხმების გაფორმება ხელს შეუწყობს მხარეთა შორის საავტომობილო მიმოსვლისა და ურთიერთსასარგებლო ეკონომიკური თანამშრომლობის შემდგომ განვითარებას.

დოკუმენტით განსაზღვრულია სატვირთო გადაზიდვების განხორციელება ორმხრივ, სატრანზიტო ან მესამე ქვეყნებში/ქვეყნებიდან მიმოსვლაში კვოტირებული ნებართვების საფუძველზე, რომელთა რაოდენობასაც მხარეები ყოველწლიურად განსაზღვრავენ შეთანხმების საფუძველზე.

შეთანხმება ასევე ითვალისწინებს მხარეებს შორის საავტომობილო გადაყვანა/გადაზიდვასთან დაკავშირებული სამართლებრივი საკითხების დარეგულირებას, რაც ხელს შეუწყობს ორივე ქვეყნის გადამზიდველებს მათი საქმიანობის პროცესში.

ტაჯიკეთის რესპუბლიკასთან ამ დრომდე არ იყო გაფორმებული საავტომობილო მიმოსვლის შესახებ მთავრობათაშორისი შეთანხმება, თუმცა საავტომობილო მიმოსვლაში შეფერხებების თავიდან არიდების მიზნით საქართველოსა და ტაჯიკეთის რესპუბლიკის შესაბამის უწყებებს შორის იცვლებოდა საერთაშორისო საავტომობილო სატვირთო გადაზიდვის ნებართვის ბლანკები და ქვეყნებს შორის საავტომობილო მიმოსვლის სფეროში თანამშრომლობის მრავალწლიანი გამოცდილება დაგროვდა.

დღეიდან ეს თანამშრომლობა უკვე ოფიციალური შეთანხმებით გამყარდება, რაც ხელს შეუწყობს ორ ქვეყანას შორის სავაჭრო-ეკონომიკური თანამშრომლობის განვითარებას.

საქართველოსა და ტაჯიკეთს შორის დიპლომატიური ურთიერთობები 1994 წლის 4 აგვისტოდან არსებობს.

ქვეყნები თანამშრომლობენ TRACECA-ს („ახალი აბრეშუმის გზა“) პროგრამის ფარგლებში, რომელიც ევროპა-კავკასია-აზიის სატრანსპორტო დერეფნის განვითარებას ისახავს მიზნად. საქართველოს ტაჯიკეთში გააქვს კვების პროდუქტები, წამლები, ხე-ტყე, ელექტრომოწყობილობა და ავეჯი.

 

34
სოფიკო შევარდნაძე

„საათობრივად ვიკვებებოდი და დავდიოდი ფეხით 5 კილომეტრს“ - სოფიკო შევარდნაძე ოსულობაზე

0
(განახლებულია 14:13 15.04.2021)
საქართველოს მეორე პრეზიდენტის შვილიშვილი დედა მარტის მიწურულს გახდა. მას ვაჟი შეეძინა. სოფიკომ შვილის გაჩენამდე რამდენიმე დღით ადრე გაამხილა ორსულობის ამბავი

მას მერე, რაც დედა გახდა, სოფო შევარდნაძე „ინსტაგრამზე“ ხშირად წერს ახალი ამპლუის შესახებ და თავის მოსაზრებებს თუ შეგრძნებებს უზიარებს სხვა დედებს. ამჯერად დედობისთვის მზადებასა და ორსულობაზე ისაუბრა.

ჟურნალისტი ამბობს, რომ ორსულობისას რეჟიმზე გააკეთა აქცენტი: საათობრივად იკვებებოდა და ეძინა იმდენ ხანს, რამდენსაც ითხოვდა ორგანიზმი. ასევე ყოველდღე დადიოდა ფეხით 5 კილომეტრს, უსმენდა კლასიკურ მუსიკას და ჩასახვის დღიდან ელაპარაკებოდა პატარას.

„სრულფასოვნად ვმუშაობდი, ვიღებდი გადაცემებს და მხოლოდ მშობიარობამდე ორი კვირით ადრე გავუშვი ჯგუფი შვებულებაში. არაფერი არ წამიკითხავს, ხანდახან ვუსმენდი ბავშვთა ფსიქოლოგებს და ნეიროქოუჩებს, რათა გამეგო, როგორი მიდგომები და თეორიებია ადრეული აღზრდის მიმართულებით.
მჯეროდა, რომ დანარჩენი თავისით მოვიდოდა, გამოცდილებასთან ერთად“, - ამბობს სოფო.

საქართველოს მეორე პრეზიდენტის ედუარდ შევარდნაძის შვილიშვილი დედა 42 წლის ასაკში გახდა. ტელეწამყვანმა 21 თებერვალს ინფორმაცია ორსულობის შესახებ Clubhouse-ის მოდურ დანართთან საუბრისას გაამხილა, სადაც სტუმრები ბავშვთა აღზრდის თემაზე სასაუბროდ შეიკრიბნენ.

ცნობილ ტელეწამყვანს პირადი ცხოვრების აფიშირება არ უყვარს, ამიტომ სხვა დეტალები ჯერჯერობით არ არის ცნობილი. ამის შესახებ მას ჯერ თავის „ინსტაგრამზეც“ არ დაუწერია. ერთ-ერთ ინტერვიუში ტელეწამყვანმა აღიარა, რომ უჭირს მისთვის შესაფერისი მეორე ნახევრის მოძებნა, როდესაც თვალწინ ჰყავს ორი ისეთი იდეალური მამაკაცი, როგორებიც ბაბუამისი და მამამისი არიან.

სოფიკო 21 წლის იყო, როცა დაგეგმილი ქორწილი ჩაშალა და დღემდე არ დაქორწინებულა. ნიუ-იორკში ჟურნალისტმა ახალგაზრდა ქართველი რეჟისორი ლევან კოღუაშვილი გაიცნო, მან რჩეული საკუთარ ბაბუასაც კი გააცნო და გამოაცხადა ქორწინების შესახებ, თუმცა ქორწილამდე დაახლოებით ერთი თვით ადრე მიხვდა, რომ არ სურდა მთელი ცხოვრება იმ ადამიანთან ერთად გაეტარებინა.

0
თემები:
ქართველი სელებრითები