თბილისი, 25 მარტი – Sputnik. კატარის დედაქალაქ დოჰაში სოფლის მეურნეობის საერთაშორისო გამოფენაში Agriteq 2021 საქართველოც მონაწილეობს, ნათქვამია გარემოს დაცვისა და სოფლის მეურნეობის სამინისტროს მიერ გავრცელებულ განცხადებაში.
გამოფენაზე, რომელიც 23 მარტს გაიხსნა, საქართველოს სოფლის მეურნეობის სამინისტროსა და კატარის სახელმწიფოში საქართველოს საელჩოს ორგანიზებით, 15 ქართული კომპანიის – გურიელი, ნათსჯი, ჩიკორი, გეო ნატურალი, აგრითაჩი, ელექსირ საქართველო, ნუგბარი, რუხი 2, მაგრიტო, კამპა, მანნა, ბორჯომი, კულა, Georgia’ Natural და Kind&Noble - პროდუქციაა წარმოდგენილი.
„გამოფენაში მონაწილეობა მნიშვნელოვანი შესაძლებლობაა კატარში და, ზოგადად, სპარსეთის ყურის რეგიონში ქართული პროდუქციის პოპულარიზაციის და ექსპორტის ზრდის ხელშეწყობისთვის“, – აღნიშნულია სამინისტროს განცხადებაში.
Agriteq – სპარსეთის ყურის რეგიონში ერთ-ერთი ყველაზე მასშტაბური საერთაშორისო გამოფენაა, რომელსაც მრავალი ათასი ვიზიტორი ჰყავს. წელს გამოფენაში 42 ქვეყანა და სოფლის მეურნეობის სექტორში მოქმედი 208 ადგილობრივი და საერთაშორისო კომპანია მონაწილეობს.
