საკომიტეტო მოსმენა

ირაკლი ქარსელაძემ რეგიონებში ინფრასტრუქტურული პრიორიტეტები დაასახელა

73
დეცენტრალიზაცია, მაგისტრალური გზები, წყალმომარაგება და წყალარინება, სკოლების და დევნილთათვის საცხოვრებელი სახლების მშენებლობა - სამინისტროს პრიორიტეტებზე რეგიონული განვითარებისა და ინფრასტრუქტურის მინისტრობის კანდიდატმა ირაკლი ქარსელაძემ ისაუბრა.

თბილისი, 20 თებერვალი - Sputnik. სამინისტროსთვის მთავარი პრიორიტეტი მაგისტრალური გზების მშენებლობასთან ერთად არის წყალმომარაგებისა და წყალარინების სისტემების მიმართულება, განაცხადა რეგიონული განვითარებისა და ინფრასტრუქტურის მინისტრობის კანდიდატმა ირაკლი ქარსელაძემ პარლამენტში საკომიტეტო მოსმენაზე.

პარლამენტში საფინანსო-საბიუჯეტო, დარგობრივი ეკონომიკისა და ეკონომიკური პოლიტიკის, აგრარულ საკითხთა, გარემოს დაცვისა და ბუნებრივი რესურსების და რეგიონული პოლიტიკისა და თვითმმართველობის კომიტეტების ერთობლივი სხდომა მიმდინარეობს, სადაც საქართველოს განახლებული მთავრობის შემადგენლობის ნდობის გამოცხადების საკითხის განხილვა მიმდინარეობს.

ირაკლი ქარსელაძის განცხადებით, პანდემიით გამოწვეული პრობლემების მიუხედავად, 2020 წელს მაგისტრალური გზების მშენებლობის მიმართულებით უმნიშვნელოვანესი პროექტები განხორციელდა.

„დღეს უკვე თბილისიდან ბათუმში ოთხზოლიანი მაგისტრალით შესაძლებელია ოთხ საათში ჩასვლა. ეს სწორედ იმის შედეგია, რომ 2020 წელს მოვახერხეთ და ყველამ ერთად გავხსენით 70კმ-იანი მაგისტრალური გზა, ხაშურის შემოვლითი, ქუთაისის შემოვლითი და ჯაპანა-ლანჩხუთი“, - განაცხადა ქარსელაძემ.

ქარსელაძემ ასევე მიმდინარე და დაგეგმილ მნიშვნელოვან პროექტებზე ისაუბრა.

„ამჟამად რიკოთის ყველაზე გამომწვევ მონაკვეთზე ნამდვილად საუკუნის პროექტი ხორციელდება, წელს ვაგრძელებთ ქვეშეთი-კობის ისტორიული პროექტის განვითარებას. ეს არის უწყვეტი 9 კმ-იანი საავტომობილო გვირაბი, 15-მეტრიანი დიამეტრის კლდოვან გრუნტებში, ვაგრძელებთ ასევე რეგიონში დამაკავშირებელ გზების მშენებლობას“, - განაცხადა ქარსელაძემ.

მისი თქმით, გრძელდება იმერეთ-რაჭის დამაკავშირებელი გზის მშენებლობა, ასევე შენდება საჩხერე-ონის დამაკავშირებელი 51კმ-იანი გზა, რომელიც 2021 წელს დასრულდება. პარალელურად აქტიურად მიმდინარეობს ბაღდათი-აბასთუმანი, ხულო-ზარზმა, ლენტეხი-მესტია და მრავალი სხვა უმნიშვნელოვანესი პროექტი. მინისტრობის კანდიდატის განმარტებით, აღნიშნული პროექტები მნიშვნელოვანია ქალაქების განვითარებისთვისა და მათი საბაზისო ინფრასტრუქტურის მოწესრიგების თვალსაზრისით.

მინისტრობის კანდიდატმა ასევე აღნიშნა, რომ გასულ წლებში 500 მილიონი ლარის მობილიზებისა და ინვესტირების შედეგად წყლის სისტემები 360 ათას ბენეფიციარს გაუუმჯობესდა.

ირაკლი ქარსელაძემ ამ მიმართულებებით 2021 წელს დაგეგმილ პროექტებზე ისაუბრა. მისი თქმით, წყალმომარაგებისა და წყალარინების კუთხით მიმდინარე წელს 150 დასახლებულ პუნქტში 220 ათას ადამიანს პირველად ექნება ცენტრალიზებული წყალმომარაგება.

მისი თქმით, გაგრძელდება ასევე რეგიონული ფონდის დაფინანსება და სოფლის პროგრამის განხორციელება, რაც დეცენტრალიზაციის განვითარების, როგორც ევროკავშირში შესვლის გზაზე მნიშვნელოვანი კომპონენტის, ერთ-ერთი შემადგენელი ნაწილია.

2021 წელს დასრულდება 41 სკოლის მშენებლობა 7020 ბავშვისთვის და ეტაპობრივად 2022 წლამდე დასრულდება 100-ზე მეტი სკოლის რეკონსტრუქცია-რეაბილიტაცია 16 ათასი ბენეფიციარისთვის.

გარდა ამისა, მისი თქმით, განსაკუთრებული ყურადღება ექცევა დევნილთა პრობლემებს. პროცესშია 1820 დევნილი ოჯახისთვის შესაბამისი საცხოვრებლების აშენება, რაც ეტაპობრივად 2021-2022 წლებში დასრულდება.

ირაკლი ქარსელაძე რეგიონების მინისტრის პოსტზე მაია ცქიტიშვილს შეცვლის. ახალი მინისტრთა კაბინეტი პარასკევს წარადგინა პრემიერობის კანდიდატმა ირაკლი ღარიბაშვილმა, რომელიც ამ პოსტზე მმართველმა პარტიამ „ქართული ოცნება - დემოკრატიულმა საქართველომ“ წამოაყენა.

დღეიდან მთავრობის მიმართ ნდობის გამოცხადების საკითხს, ასევე 2021-2024 წლების სამთავრობო პროგრამას „ევროპული სახელმწიფოს მშენებლობისთვის“ განიხილავენ საქართველოს პარლამენტის კომიტეტებში, ფრაქციებში და ოპოზიციურ ჯგუფებში.

საქართველოს მთავრობის მეთაურის სავარძელი მას შემდეგ გათავისუფლდა, რაც ხუთშაბათს გიორგი გახარიამ გადადგომის შესახებ განცხადება გააკეთა.

73

საქართველოში სათხილამურო კურორტები ამუშავდა: რიგები ბაკურიანის საბაგიროსთან ვიდეო

28
(განახლებულია 19:06 08.03.2021)
საქართველოს სათხილამურო კურორტებზე 8 მარტიდან საბაგირო გზები და სხვა ინფრასტრუქტურა ამუშავდა. იხილეთ „Sputnik-საქართველოს“ ვიდეოში, როგორ წარმოიქმნა საბაგიროსთან რიგები.

მანამდე კორონავირუსის პანდემიის გამო საქართველოს სათხილამურო კურორტების მუშაობა დროებით შეჩერდა. ახლა ინფიცირებულთა რაოდენობა იკლებს და მთავრობა ეტაპობრივად ხსნის დაწესებულ შეზღუდვებს.

8 მარტიდან კურორტებმა ჩვეულ რეჟიმში განაახლეს მუშაობა, თუმცა რიგი შეზღუდვებისა კვლავ ძალაშია. კერძოდ, სავალდებულოა პირბადის ტარება, ხოლო საბაგიროზე ერთდროულად სამ ადამიანზე მეტი არ დაიშვება.

28
ვალუტის კურსი

ლარის კურსი 8 მარტს

84
(განახლებულია 20:07 07.03.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0012 ლარით დაეცა.

თბილისი, 8 მარტი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,3202 GEL/$1 ნიშნულზე დაადგინა. 

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0012 ლარით დაეცა. 

ლარის კურსი 8 მარტს
ლარის კურსი 8 მარტს
84
თემები:
ლარის კურსი დღეს
ადამიანის ფსიქოლოგია

ზოდიაქოს ნიშნები და მათი „შინაგანი დემონები“

0
(განახლებულია 13:07 08.03.2021)
თითოეულ ადამიანს აქვს ხასიათის ბნელი მხარეები, რომლებსაც „შინაგანი დემონები“ ეწოდება. ასტროლოგებმა ზოდიაქოს თითოეული ნიშნისთვის დამახასიათებელი ბნელი მხარეები გამოყვეს

ძლიერ ადამიანებს შესწევთ უნარი, რომ ამ „შინაგან დემონებს“ ებრძოლონ და ბრძნული რჩევები გაითვალისწინონ. რას ამბობენ ექსპერტები ზოდიაქოს ნიშნების შინაგან ბნელ მხარეებზე და რას ურჩევენ მათ ამის დასაძლევად – შეიტყვეთ ჩვენი ჰოროსკოპიდან.

ზოდიაქოს ნიშნები და მათი მავნე ჩვევები>>

ვერძი

ვერძების მთავარი დემონი – ეს ზედმეტობა და გადაჭარბების სიყვარულია. თქვენ არ იცით საზღვარი არც მუშაობაში, არც დასვენებაში, ცხოვრებით ტკბობასა და გართობაში, ოღონდ არა ერთდროულად, არამედ ცხოვრების სხვადასხვა ეტაპზე. უბრალოდ, არ შეგიძლიათ შეჩერება, როცა ეს აუცილებელია. მეორე მხრივ, სწრაფვა, რომ ყველაფერი ერთად და ერთდროულად ჩაიგდოთ ხელში, თქვენთვის საოცარი მოტივაციის როლს ასრულებს.

კურო

კუროებს ძალიან გეშინიათ მარტო დარჩენის. გეშინიათ, რომ ერთ დღეს ყველა ზურგს გაქცევთ. ამის გამო ხშირად მეგობრობთ პირველ შემხვედრთან იმის ნაცვლად, რომ საუკეთესო ადამიანები იპოვოთ. ადამიანების ასეთი განურჩევლობა ხანდახან განგაშის გრძნობასთან ბრძოლაში გეხმარებათ, მაგრამ ეს არცთუ ხშირად ხდება.

ტყუპი

ტყუპის მთავარი დემონი – ეს თავისუფლებისმოყვარეობაა. ვერ იტანთ, როდესაც რაღაცაზე მიგითითებენ, გმართავენ ან გზღუდავენ. ეს დემონი თქვენგან მტკიცე მოქმედებებს მოითხოვს. ხშირად უარყოფთ იმ ადამიანებს, ვინც თქვენზე ზრუნავენ.

ზოდიაქოს ნიშნების კომპლექსები>>

კირჩხიბი

გიყვართ ჭორაობა და ხმების გავრცელება და ამაში საკუთარ თავსაც კი არასდროს გამოუტყდებით. თქვენთან ძალიან ფრთხილად უნდა იყვნენ ადამიანები. მეორე მხრივ, თუ ვინმე ძვირფასია თქვენთვის, მათ შესახებ არასდროს არავის არაფერს არ მოუყვებით.

ლომი

ლომები „ჩაციკლული“ ხართ იმაზე, რომ ყოველთვის ყველაზე უკეთესი იყოთ. ეს სასარგებლო სწრაფვაა, მაგრამ ხშირად ძალიან შორს „შეტოპავთ“ ხოკმე. ასეთ შემთხვევაბში ყველაფერი გავიწყდებათ და მხოლოდ სამუშაოზე, ბიზნესზე, წარმატებასა და ფულზე ხართ გადართული.

ქალწული

თქვენი მთავარი დემონი პერფექციონიზმია, რომელიც გაკეთებულ სამუშაოში, ადამიანებში, ნივთებბში მუდამ რაღაც ნაკლს ეძებს. გიყვართ, როდესაც ყველაფერი წინასწარ შედგენილი გრაფიკის მიხედვით ხდება. ამ შინაგანი „მეს“ გამო ხშირად გიცრუვდებათ იმედები.

ასტრორეიტინგი: ზოდიაქოს ყველაზე ზარმაცი ნიშნები – ტოპ-ხუთეული>>

სასწორი

ერთი განსაკუთრებულად აქტიური დემონი გყავთ, რომელსაც ჰქვია „არაუშავს, კარგი“. ამას ხშირად ეუბნებით საკუთარ თავს, როცა რაღაც ცუდი ხდება, ირგვლივ ბევრი სირთულე და პრობლემაა. აზროვნებთ ოპტიმისტურად, რაც კარგია, მაგრამ ხშირად აგებთ იმის გამო, რომ არ აღიარებთ პრობლემის არსებობას, რომელიც დაუყოვნებლივ გადაწყვეტას საჭიროებს.

მორიელი

თქვენი მთავარი დემონი შურისმაძიებლობაა. ბევრი ამბობს, რომ ეჭვიანები ხართ, მაგრამ ეჭვიანობა ხშირად ნორმის ფარგლებს არ სცდება, რასაც ვერ ვიტყვით თქვენს გულღძოობასა და ბოღმის გულში ჩადებაზე. ხანდახან საკუთარ თავსაც აშინებთ, იმდენად კარგად გახსოვთ ადრინდელი წყენა.

მშვილდოსანი

თქვენი შინაგანი დემონი მანიპულაციებისადმი მიდრეკილებაა. შეგიძლიათ და გიყვართ ურთიერთობების სხვადასხვა დონეზე ადამიანებით მანიპულირება და ამას ისეთი უდიდესი ოსტატობით აკეთებთ, რომ ვერავინ ხვდება.

ზოდიაქოს ნიშნები სიმთვრალეში>>

თხის რქა

თქენი დემონი უნდობლობაა. ამის გამო სწრაფად ვერ პოულობთ სიყვარულს, მეგობრებს. გეშინიათ, რომ მოგატყუებენ ან გიღალატებენ. აფასებთ საკუთარ დროსა და ძალებს, მაგრამ ხშირად ამის გამო მარტოობით ზღვევთ.

მერწყული

თქვენში ეჭვიანი დემონი ზის, რომელიც თავისუფლებას არ აძლევს იმ ადამიანებს, რომლებსაც უყვარხართ. „შეშლილი“ ხართ კონტროლზე. გჭირდებათ, რომ ყოველდღე და ყოველ წუთს დარწმუნებული იყოთ, რომ ვინც თქვენ გარშემოა, სხვა არავინ ჰყავთ ისეთი, რომლებსაც თქვენნაირად ეპყრობიან. თქვენ გამონაკლისი შემთხვევა უნდა იყოთ.

თევზები

თქვენი მთავარი მტერი და შინაგანი დემონი – ეს სიზარმაცეა. შეგიძლიათ მასთან გამკლავება, მაგრამ ამას ყოველთვის არ აკეთებთ. სიზარმაცე ხშირად გძლევთ და ამის გამო არღვევთ დანაპირებს. შედეგად, ირგვლივ მყოფების თვალში არასაიმედონი მოსჩანხართ.

ზოდიაქოს ნიშნების კრიმინალური „ქრონიკა">>

0