ნათია თურნავა

„კომენდანტის საათის“ გაუქმება ჯერ არ ღირს ნათია თურნავა

124
(განახლებულია 17:50 17.02.2021)
ხელისუფლებას ესმის, რომ ყველა განიცდის თავისი ბიზნესის გამო, მაგრამ სახელმწიფომ უნდა გაითვალისწინოს, რომ პასუხისმგებლობა აკისრია მთელ საზოგადოებაზე, აღნიშნა ეკონომიკის მინისტრმა

თბილისი, 17 თებერვალი – Sputnik. ღამის საათებში გადაადგილებაზე დაწესებული შეზღუდვების გაგრძელება შესაძლებლობას მოგვცემს, რომ ეკონომიკის ყველა სფერო გავხსნათ, განაცხადა საქართველოს ეკონომიკისა და მდგრადი განვითარების მინისტრმა ნათია თურნავამ.

საქართველოს ბიზნეს-ასოციაცია: მხოლოდ ეკონომიკის გახსნა დაამარცხებს კრიზისს>>

კორონავირუსის პანდემიამ საქართველოს ეკონომიკას უზარმაზარი ზარალი მიაყენა და ეს, ფაქტობრივად, ყველა სფეროს შეეხო. ბევრი ადამიანი დარჩა უმუშევარი. ბიზნესი სტაგნაციაშია და ვინც შეინარჩუნა სამუშაო, ყოველდღიურად იბრძვის გადარჩენისთვის. სიტუაციას მოქმედი შეზღუდვებიც აღრმავებს. ბიზნეს–სექტორის წარმომადგენლები აქტიურად მოითხოვენ შეზღუდვების მოხსნას, რათა ეკონომიკა ნელ–ნელა გამოცოცხლდეს.

„ვფიქრობ, რომ ღამის გადაადგილებაზე დაწესებული შეზღუდვა და ეს არის ჩვენი ეპიდემიოლოგების ძალიან მკაფიო პოზიცია, არის ისეთი შეზღუდვა, რომელიც ალბათ უფრო დიდხანს უნდა დარჩეს და სწორედ ეს შეზღუდვა მოგვცემს შესაძლებლობას, რომ ჩვენ უფრო თამამად გავხსნათ თუნდაც დახურული სივრცეები რესტორნების, თუნდაც ფიტნესები ან სხვა დავუშვათ ისეთი სფერო, რომელიც ჯერ კიდევ რჩება შეზღუდვაში“, – განაცხადა თურნავამ პირველი არხის ეთერში.

მისი თქმით, ეკონომიკის უცბად გახსნის მოთხოვნა არაადეკვატურია.

„ასეთ დროს რადიკალური მოთხოვნა იმისა, რომ ამდენი რამ რომ გახსენი, ბარემ ყველაფერი გახსენი, ეს არის აბსოლუტურად არაგონივრული პოზიცია. გვესმის, რომ ყველას საკუთარი ბიზნესი სტკივა, მაგრამ უნდა გავითვალისწინოთ, რომ მთავრობა ვართ პასუხისმგებელი მთელ საზოგადოებაზე, ყველას ინტერესი უნდა გავითვალისწინოთ“, – აღნიშნა მინისტრმა.

ხელისუფლების გადაწყვეტილებით 8 თებერვლიდან განახლდა დიდ ქალაქებში საზოგადოებრივი ტრანსპორტის მუშაობა, გაიხსნა სავაჭრო ცენტრები, ხოლო 15 თებერვლიდან გაიხსნა სკოლები, ნებადართულია რესტორნების მუშაობა ღია სივრცეებში. მიუხედავად ამისა, სხვადასხვა სფეროს წარმომადგენლებს აღელვებთ გადაადგილებაზე დაწესებული შეზღუდვა (21:00–დან 05:00 საათამდე).

მიუხედავად შეზღუდვების შემსუბუქებისა, არ მუშაობენ დახურული რესტორნები, სპორტდარბაზები, აუზები, არ ტარდება გასართობი ღონისძიებები, დაკეტილია თეატრები და კინოთეატრები. უქმეებზე არ მუშაობს საზოგადოებრივი ტრანსპორტი, ბაზრობები და არასასურსათო ტიპის მაღაზიები.

ამას გარდა, ქვეყანაში სავალდებულოა პირბადის ტარება როგორც დახურულ, ისე ღია სივრცეებში.

124
თემები:
საქართველოს ეკონომიკა (943)
ვალუტის გაცვლის პუნქტი

ლარის კურსი 26 თებერვალს

52
(განახლებულია 07:18 26.02.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0067 ლარით გაუფასურდა.

თბილისი, 26 თებერვალი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,3265 GEL/$1 ნიშნულზე დაადგინა.

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0067 ლარით გაუფასურდა.

ლარის კურსი 26 თებერვალს
ლარის კურსი 26 თებერვალს
52
თემები:
ლარის კურსი დღეს
კომპანია  OMV -ს შესასვლელი

ევროპის ერთ-ერთი უდიდესი კომპანია საქართველოს შელფზე ნავთობს მოძებნის

42
(განახლებულია 21:26 25.02.2021)
კომპანია შავი ზღვის კონტინენტურ შელფზე სეისმური დაზვერვის სამუშაოებს ჩაატარებს, ხოლო შემდეგ ბურღვას დაიწყებს.

თბილისი, 25 თებერვალი – Sputnik. საქართველოს ნავთობისა და გაზის სახელმწიფო სააგენტო ავსტრიულ ნავთობისა და გაზის კომპანიასთან OMV პროდუქციის წილობრივი განაწილების ხელშეკრულებას ხელს უახლოეს მომავალში მოაწერს, განაცხადა ეკონომიკისა და მდგრადი განვითარების მინისტრმა ნათია თურნავამ.

ავსტრიულმა კომპანიამ OMV PETROM S.A. შავი ზღვის შელფზე ნავთობისა და გაზის რესურსებით სარგებლობის გენერალური ლიცენზიის მოსაპოვებლად ტენდერში გაიმარჯვა. კომპანია ავსტრიული ჰოლდინგის OMV (Österreichische Mineralölverwaltung AG) ნაწილია, რომელიც 1956 წელს დაფუძნდა. აღნიშნული კომპანია ნავთობისა და გაზის მოპოვების მოცულობით ავსტრიაში რიგით მეორე და ევროპაში მეათე პოზიციას იკავებს.

„საქართველოს მთავრობამ მოიწონა ხელშეკრულება, რომელიც რამდენიმე დღეში იქნება ხელმოწერილი... კომპანია OMV Petrom SA ცნობილია რუმინეთის შელფზე გაზის ერთ-ერთი მსხვილი საბადოს „დომინო 1“-ის აღმოჩენით. ჩვენ დიდი იმედი გვაქვს, რომ ასევე წარმატებით წარიმართება კომპანიის საქმიანობა საქართველოშიც. დიდი წვლილი იქნება შეტანილი ქვეყნის ეკონომიკის განვითარებაში, იმიტომ რომ ნავთობის მოპოვება პერსპექტიული დარგია. ჩვენ დიდ იმედებს ვამყარებთ ამ კომპანიაზე“, – განაცხადა ნათია თურნავამ.

თურნავას თქმით, პანდემიის მიუხედავად საქართველოში ასეთი მსხვილი ბიზნეს-ჯგუფის შემოსვლა სწორედ იმაზე მეტყველებს, რომ ქვეყნის საინვესტიციო კლიმატი სტაბილურია გარე შოკების მიმართ.

კომპანიამ შავი ზღვის სანაპიროებთან 5,3 ათასი კვადრატული კილომეტრის შელფურ მონაკვეთზე ნავთობისა და გაზის რესურსებით სარგებლობის გენერალური ლიცენზიის მოსაპოვებლად გამოცხადებულ საერთაშორისო ტენდერში გაიმარჯვა.

კომპანიას უკვე გააჩნია ნავთობის საბადოების მოძიების წარმატებული გამოცდილება. მან რუმინეთის ტერიტორიულ წყლებში აღმოაჩინა საბადო, რომლის რესურსების ღირებულება 1,5 მლრდ აშშ დოლარად ფასდება.

ნავთობისა და გაზის სახელმწიფო სააგენტოს ცნობით, ქვეყანაში სალიცენზიო მონაკვეთებზე ნავთობის მოპოვებით ექვსი ინვესტორი კომპანიაა დაკავებული. კიდევ შვიდი კომპანია საძიებო სამუშაოებს ახორციელებს, საშუალო წლიური მოპოვება, ბოლო 10 წლის მონაცემებით, 43,6 ათას ტონას შეადგენს.

42
მზის ჩასვლა

მოემზადეთ უმაღლესი დონის მაგნიტური ქარიშხლებისთვის: მარტის სახიფათო დღეები

0
(განახლებულია 13:29 26.02.2021)
გაზაფხულის პირველი თვე ძალიან დატვირთულია ძლიერი მაგნიტური ქარიშხლებით, რის გამოც აუცილებელია ექიმების რეკომენდაციების გათვალისწინება

თბილისი, 26 თებერვალი — Sputnik. მზის რენტგენული ასტრონომიის ლაბორატორიის მაგნიტური ქარიშხლების კალენდრის თანახმად, მარტი მეტად რთული თვეა ამ კუთხით.

მომდევნო თვეში დედამიწას ერთბაშად ექვსი გეომაგნიტური შეტევა დაატყდება თავს.

მარტის გეომაგნიტური ქარიშხლების კალენდარი ასე გამოიყურება:

1–3 მარტი — მოსალოდნელია ძალიან ძლიერი, 5 ბალიანი შეტევა, რაც უკვე რამდენიმე თვეა, არ მომხდარა. ამიტომ მის გავლენას ფიზიკურად ჯანმრთელი ადამიანებიც კი იგრძნობენ.

ძლიერი მაგნიტური ქარიშხალი გამოიწვევს შაკიკს, ტაქიკარდიას, ქოშინს, გამწვავდება ქრონიკული დაავადებები — გასაკუთრებით ულთან, თირკმელებთან და ტვინთან დაკავშირებული პრობლემები.

6 მარტი — მოსალოდნელია ოთხბალიანი მაგნიტური რყევები, რაც გამოიწვევს: თავის ტკივილებს, წნევის ცვალებადობას, აღგზნებადობას.

12–13 მარტი — ეს საშუალო სიძლიერის მაგნიტური ქარიშხალი იქნება, თუმცა მეტეოდამოკიდებული ადამიანები მაინც იგრძნობენ მის ზემოქმედებას ძილის პრობლემების, სისუსტისა და აპათიის სახით.

15 მარტი — ეს კიდევ ერთი საშუალო ძალის მაგნიტური ქარიშხალი იქნება. ადამიანები იგრძნობენ: ძილის დარღვევებს, შრომისუნარიანობის დაქვეითებას, თავის ტკივილებს, ქრონიკული დაავადებების გამწვავებას.

18-21 მარტი — მოსალოდნელია ძალიან ძლიერი, ხუთ ბალიანი  მაგნიტური ქარიშხალი. NASA–ს მონაცემებით, ის პიკს 19 მარტს მიაღწევს, რა დროსაც პლანეტარული ინდექსი 20–მდე აიწევს. შედარებისთვის: ჩვეულებრივ დღეებში ინდექსის ნიშნული 5–ია.  

ამასთან 1–3 მარტის ხუთბალიანი ქარიშხლისგან ის იმით განსხვავდება, რომ თვის დასაწყისში პლანეტარული ინდექსი „მხოლოდ“ 15–18 იქნება.

შესაბამისად, მის გავლენას იგრძნობენ ისეთებიც კი, ვინც მეტეოდამოკიდებული არ არის. ამ დღეებში განსაკუთრებით საგრძნობი იქნება არტერიული წნევის ცვალებადობა, გულისა და თავის ტკივილები, ძლიერი სისუსტე (ერთგვარი „დაბზარულობა“).  

28–29 მარტი — ეს თვის ფინალური მაგნიტური ქარიშხალია და ის საშუალო სიმძლავრისა იქნება. მოსალოდნელია წნევის ცვალებადობა და ქრონიკული დაავადებების გამწვავება.

ექიმები მაგნიტური ქარიშხლების გავლენის შესამსუბუქებლად შემდეგ რეკომენდაციებს გასცემენ:

  • დაწექით დასაძინებლად შეძლებისდაგვარად ადრე – ძილის დროს გამოყოფილი მელატონინი ეხმარება ორგანიზმს აღდგენაში და ასევე ნორმაში მოჰყავს სისხლის წნევა; გაღვიძებისას კი (განსაკუთრებით ჰიპერტონიკები) არ უნდა წამოდგეთ საწოლიდან მკვეთრად;
  • კარგია კონტრასტული შხაპის მიღება – ოღონდ მხოლოდ იმ შემთხვევაში, თუ ამას თქვენი ჯანმრთელობისთვის უკუჩვენება არ აქვს;
  • დღის განმავლობაში ერთხელ მაინც უნდა გაისეირნოთ ჰაერზე, ან, უკიდურეს შემთხვევაში, რამდენჯერმე გაანიავოთ ოთახი – სუფთა ჰაერი დადებითად მოქმედებს გულ-სისხლძარღვთა სისტემაზე;
  • არ არის რეკომენდებული ალკოჰოლური სასმელებისა და ყავის მიღება, ასევე თამბაქოს მოწევა;
  • საუკეთესო მენიუ ასეთ დღეებში არის ხილი, ბოსტნეული, ფაფები, ქათმის მოხარშული ხორცი და თევზეული;
  • მიიღეთ ტკივილგამაყუჩებელი, დამამშვიდებელი და მატონიზირებელი პრეპარატები, რომლებიც ექიმის მიერ გაქვთ დანიშნული;
  • ნერვული აშლილობისას საუკეთესოა ნატურალური დამამშვიდებელი საშუალებების მიღება – კატაბალახას (ვალერიანი), ბარამბოსა თუ შავბალახას ნახარში ან ნაყენი;
  • კარგი იქნება, თუ სტრესს თავს აარიდებთ და სხვა დროისთვის გადადებთ მნიშვნელოვანი საკითხების გადაჭრას.
0
თემები:
სასარგებლო რჩევები