ნათია თურნავა

მორიგი ცვლილებები პროგრამაში „აწარმოე საქართველოში“: ვის ეხმარება ამჯერად სახელმწიფო

99
(განახლებულია 20:54 04.02.2021)
სახელმწიფო რესტორნების, სპორტული ობიექტების, საბავშვო ბაღებისა და სკოლამდელი აღზრდის დაწესებულებების სესხების პროცენტის სუბსიდირებას მოახდენს ექვსი თვის განმავლობაში.

თბილისი, 4 თებერვალი — Sputnik. პროგრამაში „აწარმოე საქართველოში“ განხორციელებული მორიგი ცვლილებები ამჯერად შეეხება ბიზნეს-ჯგუფებს, რომლებიც მეტად დაზარალდნენ პანდემიის გამო დაწესებული შეზღუდვებით, ან დიდი ხნით იყვნენ გაჩერებული, ან ჯერ კიდევ ვერ იწყებენ საქმიანობას, განაცხადა საქართველოს ეკონომიკისა და მდგრადი განვითარების მინისტრმა ნათია თურნავამ ბრიფინგზე.

სარესტორნო ბიზნესის განცხადებებს დაუმორჩილებლობაზე მთავრობიდან უპასუხეს>>

სახელმწიფო რესტორნებს, სპორტულ ობიექტებს, საბავშვო ბაღებსა და სკოლამდელი აღზრდის დაწესებულებებს სესხების პროცენტის სუბსიდირებით ექვსი თვის მანძილზე დაეხმარება.

სარესტორნო ბიზნესს აღებული სესხების პროცენტს 6 თვის განმავლობაში სახელმწიფო ახალი პირობებით დაუფინანსებს. კვების ინდუსტრიის წარმომადგენლები სესხების სუბსიდირების თაობაზე განაცხადის გაკეთებას 8 თებერვლიდან 5 მარტის ჩათვლით შეძლებენ.

თურნავას განცხადებით, მათ გადაწყვეტილება რამდენიმე ხნის წინ მიიღეს და დაიწყეს სესხის პროცენტის სუბსიდირების პროგრამა სარესტორნო ინდუსტრიისთვის. ამ უკანასკნელთა მხრიდან დიდი ინტერესი გამოვლინდა და მთავრობას 2 ათასამდე რესტორანმა მიმართა. თუმცა გამოვლინდა გარკვეული ტექნიკური თუ იურიდული ნიუანსებიც, რამაც დაინტერესებული ობიექტებიდან ბევრს ხელი შეუშალა პროგრამაში ჩართვაში.

„ჩვენ გადავხედეთ ამას, გავაანალიზეთ და საკმაოდ სერიოზული შემსუბუქებით ვაცხადებთ უკვე განაცხადების მიღების მეორე ეტაპს, რომ ამ სექტორს 2020 წლის 1 დეკემბრამდე აღებული სესხების პროცენტი დავუსუბსიდიროთ“, – განაცხადა მინისტრმა.

ნათია თურნავას ინფორმაციით, პროგრამას, საბანკო სესხებთან ერთად, დაემატა მიკროსაფინანსო ორგანიზაციებში აღებული სესხების სუბსიდირებაც და გაფართოვდა პროგრამის გავრცელებაც – თუ აქამდე სუბსიდირება შეეხებოდა 2020 წლის 1 მარტამდე აღებულ სესხებს, ახლა პროგრამა გავრცელდება 2020 წლის 1 დეკემბრამდე გაცემულ სესხებზეც, რადგან შემდგომშიც დასჭირდა კვების ინდუსტრიას დამატებითი სესხები, განსაკუთრებით საბრუნავი საშუალებები, რათა გადაეხადათ ხელფასები, გარკვეული საიჯარო ვალდებულებები, ქირა თუ სხვა აუცილებელი გადასახდელები.

მინისტრის განცხადებით, ძალზე მნიშვნელოვანია ის, რომ გადაიხედება თანაფარდობა ძირითადი საშუალებებისა და საბრუნავი საშუალებებისთვის აღებულ სესხებს შორის, რასაც თვითონ რესტორნებიც ითხოვდნენ. აქამდე პროგრამის ფარგლებში უპირატესობა ენიჭებოდა ძირითად საშუალებებს.

„ჩვენ ვიცით, რომ ახლა ეს თანაფარდობა ბევრ შემთხვევაში ირღვევა, რადგან უფრო მეტად საბრუნავი საშუალებები უჭირს ბიზნესს. ამიტომ თანაფარდობა იქნება – 50/50, ხოლო გარკვეული კატეგორიებისთვის, განსაკუთრებით ბოლო დროს აღებული სესხებისთვის, ეს საერთოდ ნულდება“, – განაცხადა მინისტრმა.

„მოთმინება გვმართებს“ – თურნავამ რესტორატორებს უპასუხა>>

სესხის სუბსიდირების პროგრამაში ჩართვას ასევე შეძლებენ სპორტული ობიექტები, საბავშვო ბაღები და სკოლამდელი აღზრდის დაწესებულებები.

„მივიღეთ გადაწყვეტილება, რომ სესხის პროცენტის სუბსიდირების პროგრამა გავრცელდეს სპორტულ ობიექტებზე, საბავშვო ბაღებსა და სკოლამდელი აღზრდის დაწესებულებებზე, რომ მათ დაუსუბსიდირდეთ როგორც ბანკის, ასევე მიკროსაფინანსო ორგანიზაციიდან აღებული სესხის და ლიზინგის პროცენტი“, – აღნიშნა თურნავამ.

სპორტული ობიექტების შემთხვევაში, მინისტრის თქმით, პროგრამა მოიცავს ფიტნეს-ცენტრებს, საცურაო აუზებს, სპორტულ მოედნებს, სპორტულ დარბაზებს – საკმაოდ ვრცელია იმ კომპანიების ჩამონათვალი, რომლებიც დაკავებული არიან სპორტული აქტივობებით, ფლობენ მსგავს ობიექტებს და აქვთ სესხი, ან ლიზინგის პროცენტს იხდიან. მათ სესხის პროცენტი 80 პროცენტით დაუფინანსდებათ.

მინისტრის თქმით, ამ კატეგორიის ობიექტები ამ ეტაპზე ვერ განაახლებენ საქმიანობას.

„დიდი იმედი გვაქვს, რომ მომავალში შესაძლებელი იქნება ამის გადახედვა, თუ ეპიდემიოლოგიური ვითარება მოგვცემს ამის საშუალებას, რადგან მცირეწლოვან ბავშვებზე გვაქვს საუბარი. ამიტომ ვითვალისწინებთ მათ მოთხოვნას და სესხის პროცენტის სუბსიდირების პროგრამას ვავრცელებთ საბავშვო ბაღებსა და სკოლამდელი აღზრდის დაწესებულებებზეც“, – აღნიშნა ნათია თურნავამ.

კორონავირუსის პანდემიამ და ამის გამო დაწესებულმა შეზღუდვებმა საქართველოში სერიოზული პრობლემები შეუქმნა ბიზნესს. მთავრობა სხვადასხვა პროგრამის მეშვეობით ამ პრობლემების შემსუბუქებას ცდილობს. ამჯერად ხელისუფლება ბიზნესს საბანკო ვალდებულებების მომსახურების მიმართულებით ეხმარება.

„აწარმოე საქართველოში“ – საქართველოს ხელისუფლების პროექტია, რომელიც მიზნად ისახავს ქვეყანაში ადგილობრივი წარმოების განვითარებას. სააგენტო აერთიანებს ყველა სახელმწიფო პროგრამას, მიმართულს ბიზნეს-სექტორის ხელშეწყობისა და ქვეყნის ეკონომიკური განვითარებისკენ.

99
თემები:
საქართველოს ეკონომიკა (1015)
მიწის დამუშავება

საქართველოს მთავრობა მიწის მოიჯარეებისთვის ახალ შეღავათებს აწესებს

54
(განახლებულია 19:14 10.05.2021)
მოიჯარეები, რომლებიც გარკვეულ სასოფლო–სამეურნეო მიწებს წლობით ამუშავებენ, მათ შესყიდვას 25-პროცენტიანი ფასდაკლებით შეძლებენ.

თბილისი, 10 მაისი – Sputnik. საქართველოს მთავრობა მიწის მოიჯარეებს ახალ შეღავათებს სთავაზობს.

შვეიცარია საქართველოს სოფლის მეურნეობის განვითარებისთვის წლიურად 10 მლნ დოლარს გამოუყოფს>>

როგორც ეკონომიკისა და მდგრადი განვითარების მინისტრმა ნათია თურნავამ მთავრობის სხდომის შემდეგ ბრიფინგზე განაცხადა, საუბარია 25%-იან ფასდაკლებაზე მიწის ნაკვეთის შესყიდვისას.

„იმისთვის, რომ გავზარდოთ სასოფლო-სამეურნეო მიწის ხელმისაწვდომობა და საშუალება მივცეთ მოიჯარეებს, უფრო ეფექტურად გამოიყენონ თავისი უფლება, პირდაპირი წესით შეიძინონ ეს მიწები, ვიმსჯელეთ და გადავწყვიტეთ, რომ ამიერიდან შესაძლებელი იქნება ამის გაკეთება 25-პროცენტიანი ფასდაკლებით“, – განაცხადა თურნავამ.

მან აღნიშნა, რომ ასეთი დაახლოებით 2 ათასი მოიჯარეა და საუბარია ჯამში საკმაოდ დიდ ფართობზე.

მინისტრის განცხადებით, ადამიანები ამ მიწებს წლების განმავლობაში ამუშავებენ, ამიტომ მთავრობამ გადაწყვიტა, ეს მიწები მათთვის უფრო ხელმისაწვდომი გახდეს.

ახალი შეღავათები კერძო ინვესტიციების მოზიდვისკენ არის მიმართული.

როგორც თურნავამ აღნიშნა, განკარგულება შეღავათების ამოქმედების შესახებ დღესვე იქნება ხელმოწერილი და მაშინვე ამოქმედდება.

მინისტრის თქმით, მთავრობის ამოცანაა დაუმუშავებელი მიწის ფართობების მინიმუმამდე დაყვანა და მოქალაქეების დასაქმების ხელშეწყობა.

54
თემები:
საქართველოს სოფლის მეურნეობა
ქართული ღვინო

პოლონეთში ქართული ღვინის ონლაინ–დეგუსტაცია გაიმართა

20
(განახლებულია 18:16 10.05.2021)
პოლონური ღვინის კომპანიებს საშუალება მიეცათ, გაცნობოდნენ ქართული ღვინის მწარმოებელი 25 კომპანიის პროდუქციას.

თბილისი, 10 მაისი – Sputnik. ღვინის ეროვნული სააგენტოს მხარდაჭერით პოლონეთში ღვინის პროფესიონალებისა და იმპორტიორებისთვის ქართული ღვინის ონლაინ–დეგუსტაცია გაიმართა, ნათქვამია სააგენტოს მიერ გავრცელებულ განცხადებაში.

ღვინის ეროვნული სააგენტოს ცნობით, ღონისძიებაზე, რომელიც სააგენტოს კონტრაქტორი კომპანია „მალინოვას“ მიერ იყო ორგანიზებული, იმ ქართული კომპანიების ღვინოები იყო წარდგენილი, რომლებიც დღეისათვის პოლონეთის ბაზარზე ღვინის ექსპორტს არ ახორციელებენ. 

სააგენტოს ცნობით, ქართული ღვინო ონლაინ–ფორმატში გამომცემლობა „ვინისფერას“ ხელმძღვანელმა მარიუს კაპჩინსკმა კრაკოვიდან წარადგინა, რომელმაც ღონისძიების მონაწილეებს გააცნო საქართველო, მისი ტრადიციები, ღვინის კულტურა და ისტორია.

პოლონეთში სადეგუსტაციოდ წარდგენილი იყო ქართული ღვინის მწარმოებელი 25 კომპანიის სხვადასხვა დასახელების ღვინოების ნიმუშები.

„აღნიშნული ღვინოები მათ დეგუსტაციის მიმდინარეობისას დააგემოვნეს და შეაფასეს. მსგავსი ღონისძიებების მიზანია, ხელი შეუწყოს პოლონეთის ღვინის ბაზარზე ახალი მწარმოებლების დამკვიდრებას“, – ნათქვამია განცხადებაში.

პოლონეთი ქართული ღვინის ერთ-ერთი სტრატეგიული ბაზარია, სადაც ექსპორტი ყოველწლიურად მზარდია. 2020 წელს საქართველოდან პოლონეთში ექსპორტს 60-მდე კომპანია ახორციელებდა, ექსპორტირებული იყო 5 მლნ-ზე მეტი ბოთლი ქართული ღვინო, დაფიქსირდა 30%-იანი ზრდა.

ქართული ღვინის ექსპორტის მზარდი მაჩვენებლის შენარჩუნებისთვის პოლონეთში 2021 წელს აქტიური მარკეტინგული კამპანია გაგრძელდება. კამპანიას ღვინის ეროვნული სააგენტოს კონტრაქტორი კომპანია „მალინოვა“ (Malinova spólka z ograniczoną odpowiedzialnością S.K) განახორციელებს. სააგენტო აღნიშნულ კომპანიასთან 2016 წლიდან თანამშრომლობს.

ქართული ღვინის სტრატეგიული ბაზრებია ასევე აშშ, ჩინეთი, დიდი ბრიტანეთი, იაპონია, გერმანია და ბალტიისპირეთის ქვეყნები.

20
თემები:
ღვინის კულტურა და მეღვინეობა
ბათუმის ბოტანიკური ბაღი

დღის ასტროპროგნოზი ზოდიაქოს ნიშნებისთვის: 11 მაისი

0
(განახლებულია 09:16 10.05.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 11 მაისია, სამშაბათი. ახალმთვარეობა კუროს ნიშანშია. ამ დღეს პლანეტა მარსი მფარველობს.

დღეს გრძნობები გაბატონდება გონებაზე. თუ ნეგატივს ავყვებით და გულში წყენას შევუშვებთ, ის ღრმა კვალს დატოვებს დიდი ხნით. და თუ პოზიტიურ მომენტებზე შევაჩერებთ გულისყურს და უარყოფით წვრილმანებს არ მივაქცევთ ყურადღებას, დღე ძალიან პროდუქტიული იქნება, ამ დღისთვის დამახასიათებელი ენერგიულობა, შრომისუნარიანობა წარმატებების კარს გახსნის.

რას ნანობენ ზოდიაქოს ნიშნები?>>

ვერძი: დღევანდელი დღე მოითხოვს, რომ ფინანსური საკითხები მოაგვაროთ. ეს არ ნიშნავს, რომ ამ თვალსაზრისით პრობლემები შეიძლება შეგექმნათ, უბრალოდ ფულთან დაკავშირებული საკითხები ყურადღებას მოითხოვს. კარგი დღეა იმისთვის, რომ გაერკვიოთ თქვენს ბიუჯეტში, დაითვალოთ შემოსავლები და შეადგინოთ ბიზნეს–გეგმა უახლოესი კვირების ან დღეებისთვის. თუ ამ რჩევას გაითვალისწინებთ, მოგებაში დარჩებით.

კურო: იმდენად შრომისუნარიანი ხართ, რომ ეს თავადაც გაგაკვირვებთ, არამცთუ კოლეგებსა და ახლობლებს. ნებისმიერ პრობლემაში ძირეულად გაერკვევით და მისი გადასაჭრელად უნივერსალურ გასაღებს მოძებნით. სამეცნიერო ძიებანი, სწავლა და ნებისმიერი სამუშაო, რომელიც ყურადღებასა და მოთმინებას მოითხოვს, დღე ისე იოლად გამოგივათ, როგორც არასდროს. ერთადერთი – განწყობამ შეიძლება ხელი შეგიშალოთ და გამოამჟღავნოთ გაღიზიანება მათ შორის უმიზეზოდაც.

ტყუპი: ვარსკვლავები გირჩევენ, რომ დღეს გარშემომყოფების მხრიდან დიდ ყურადღებას მოერიდოთ. არ ხართ იმგვარ განწყობაზე, რომ თავი საუკეთესო მხრიდან წარმოაჩინოთ, ამიტომ, თუ დრო ამის საშუალებას გაძლევთ, დაელოდეთ. სამაგიეროდ იდეალური დღეა იმისთვის, რომ მომავალ წარმატებას საძირკველი მოუმზადოთ. იმუშავეთ საკუთარ პროექტზე, მოამზადეთ საჭირო მასალები, მოიფიქრეთ არგუმენტები და როდესაც ყურადღების ცენტრში აღმოჩენის დრო დადგება, ყველას გაოცებას შეძლებთ.

კირჩხიბი: ერთნაირად ხელსაყრელი დროა საქმიანი და პირადი შეხვედრებისთვის. ბევრთან შეგიძლიათ კონტაქტის დამყარება, იცით, რას გრძნობენ ადამიანები. ახალი ნაცნობობით შეიძლება სათავე დაედოს მეგობრულ ან რომანტიკულ ურთიერთობებს. ეს ბევრად იქნება დამოუკიდებული იმაზე, მოისურვებთ თუ არა ინიციატივის გამოჩენას. საღამოს სასიამოვნო სიურპრიზები გელოდებათ. შესაძლებელია მოულოდნელი შეხვედრა ადამიანთან, რომელიც ძალიან მოგენატრათ.

ლომი: აუცილებელია მუშაობა, მაგრამ სამუშაო გარემოს შექმნა შეიძლება გაგიჭირდეთ. დღე თქვენგან ყურადღების კონცენტრაციასა და დაგროვებულ საქმეებთან გამკლავებას მოითხოვს. მზად ხართ, თავი აჩვენოთ, მაგრამ გარშემომყოფები ხშირად ამოგაგდებენ კალაპოტიდან და ხელს შეგიშლიან. ყველაფერი ისე რომ გააკეთოთ, როგორც დაგეგმილი გაქვთ, დროებით მაინც უნდა გაერიდოთ ხმაურსა და ორომტრიალს, მოძებნოთ წყნარი ადგილი – სულ ეს გჭირდებათ იმისთვის, რომ საქმეები ფრიადზე შეასრულოთ.

ქალწული: გულწრფელი ურთიერთობების დიდი სურვილი გაგიჩნდებათ. ჩვეულებრივმა საქმიანმა საუბრებმა, შესაძლოა, გაგაღიზიანოთ და დაპირისპირებებიც კი გამოიწვიოს. თუ ვინმეს ახლოს გაცნობა გსურთ, ვარსკვლავები გირჩევენ, ეს დღეს გააკეთოთ. არა აქვს მნიშვნელობა, ვინაა ეს ადამიანი – ახლობელი, კოლეგა თუ პარტნიორი. ისაუბრეთ მასთან გულახდილად, გაიგეთ, რას ფიქრობს ის და რისკენ ისწრაფვის. ეს შეიძლება თქვენ შორის განსაკუთრებული ურთიერთობების პირველი ნაბიჯი აღმოჩნდეს.

სასწორი: დღეს შეიძლება მოგეჩვენოთ, რომ მთელი ძალებით ცდილობთ კონფლიქტებს აარიდოთ თავი, მაგრამ კონფლიქტები თვითონ გეძებენ და გპოულობენ. დაპირისპირებები, წყენა ცარიელ ადგილზე – ეს ყველაფერი მოსალოდნელია იქ, სადაც თქვენ გაჩნდებით. სინამდვილეში კი გაუგებრობების მიზეზი თქვენ ხართ თქვენი გაძლიერებული ემოციებით და საკმარისია მცირე ნაპერწკალიც, რომ „ცეცხლი აგიზგიზდეს“. თუ არ გინდათ მთელი დღის კამათში გატარება, ყველა წვრილმანს ნუ გამოედევნებით.

მორიელი: ვარსკვლავები გირჩევენ, დღეს არანაირი გრანდიოზული ამოცანა არ დაისახოთ. ეს ის დღეა, როცა არ ღირს არაფრის დამტკიცება არც საკუთარი თავისა და არც სხვებისთვის. რაღაც საქმეები უკვე გაკეთებული გაქვთ, რაღაც კი მოიცდის. სჯობს, დაისვენოთ, მოდუნდეთ. მაგრამ თუ ერთ ადგილას ვერ ისვენებთ, ისეთი საქმე გააკეთეთ, რომელიც მინიმალურ სულიერ ძალას მოითხოვს. მაგალითად, მიხედეთ სახლის საკიტხებს, ან დიდი პროექტის ერთ რომელიმე ნაწილს.

მშვილდოსანი: დღეს თქვენი კონტაქტები გარშემომყოფებთან მინიმუმამდე იქნება დაყვანილი. და ამაში „დამნაშავე“ თავად თქვენ იქნებით. გაგიჭირდებათ ადამიანებთან ურთიერთობები. თუნდაც თავს ძალა დაატანოთ, ამისგან მაინც არაფერი გამოვა – ხართ გაღიზიანებული და ჩხუბის პროვოცირება შეგიძლიათ. აქედან გამომდინარე, ვარსკვლავები გირჩევენ, დღეს მხოლოდ საკუთარი თავის იმედი გქონდეთ და გააკეთოთ ის საქმეები, რომლებსაც მარტოც გაუმკლავდებით და სხვების დახმარება არ გჭირდებათ.

თხის რქა: დღეს ძირეულად შეიგრძნობთ ფრაზას „ცხოვრება თეატრია“, რადგან სწორედ თქვენ ითამაშებთ სპექტაკლში მთავარ როლს. შეგრძნება, რომ დგახართ პროჟექტორებით გაჩახჩახებულ სცენაზე, მთელი დღე გექნებათ და ეს შესაბამისად, ანუ დემონსტრაციულ მოქმედებას გაიძულებთ. უფრო მეტიც, შეიძლება ტრაგიკული როლიც მოირგოთ და მიანიშნოთ გარშემომყოფებს, თუ როგორ არ გაფასებენ და გიგებენ ისინი. ტრაგედია რომ კომედიად არ გადაიქცეს, ზედმეტიც არ მოგივიდეთ საკუთარი თავის შეცოდებაში.

მერწყული: წყნარი და მშვიდი დღე გელოდებათ, რომელიც სჯობს საოჯახო საზრუნავში ან სამომავლო გეგმების დაწყობაში გაატაროთ. დაასუფთავეთ და მოაწესრიგეთ სახლი და ამასთან, ფიქრებიც. არ გაწყენთ ბოლო ხანს გაკეთებული საქმეების შეჯამება და შემდეგ უახლოესი დროის მოქმედებების გეგმის შედგენა. ახლობელ ადამიანებთან დაპირისპირებას კი აუცილებლად უნდა მოერიდოთ – მცირე წყენაც კი მძიმე დაპირისპირებაში შეიძლება გადაიზარდოს.

თევზები: დღეს მომატებული ცნობისმოყვარეობა და სხვისი საიდუმლოს გაგების სურვილი მოგეძალებათ. თუ ჩვეულებრივ დღეებში მაინცდამაინც არ გაწუხებთ, თუ რას მალავენ გარშემომყოფები თქვენგან, ახლა მზად ხართ, ამის გასაგებად ძალ–ღონე არ დაიშუროთ. სხვათა შორის, სიტუაცია შეიძლება ისე აეწყოს, რომ უნებურად სხვისი საიდუმლო შეიტყოთ ან საკუთარი შემთხვევით წამოგცდეთ. ეს რომ არ მოხდეს, ენას კბილი უნდა დააჭიროთ და ჭორიკანა ადამიანებს გვერდი აუაროთ.

0