საბადურის ტყე

საქართველოში ტყის კოდექსი ამოქმედდა

254
(განახლებულია 16:55 11.01.2021)
2021 წლიდან საქართველოში ყველა ტყე საკუთრების ტიპის შესაბამისად აღირიცხება და დაიყოფა კატეგორიებად – ფუნქციებისა და ეკოსისტემაზე ზეგავლენის მიხედვით.

თბილისი, 11 იანვარი – Sputnik. საქართველოში 1 იანვრიდან ამოქმედდა ტყის კოდექსი, რომელიც ტყეების აღრიცხვას და დანიშნულების მიხედვით მათ განსაზღვრას ითვალისწინებს.

ბოლო მონაცემებით, საქართველოს ტერიტორიის (6,97 მლნ ჰა) 40% ტყით არის დაფარული, რაც 2,7 მილიონ ჰექტარს შეადგენს. თუმცა ეს არ არის ზუსტი მონაცემები, რადგან ტყის ლანდშაფტი მუდმივ ცვლილებას განიცდის და ტყის ფონდის ფართობი იცვლება.

2021 წლიდან ყველა ტყე აღირიცხება და საკუთრების ტიპის და კატეგორიების მიხედვით დაიყოფა.

საკუთრების ტიპის მიხედვით საქართველოს ექნება სახელმწიფო, მუნიციპალური და კერძო ტყეები. ტყის კატეგორიას კი განსაზღვრავს მისი ფუნქციები და გავლენა ეკოსისტემაზე. სულ ასეთი ოთხი კატეგორია იქნება: დაცული, დაცვითი, საკურორტო და სარეკრეაციო, სამეურნეო კატეგორიის ტყე.

„დაცული კატეგორიის ტყეებს“ ექნებათ დაცული ტერიტორიების სტატუსი და ასეთ ეკოსისტემაში ნებისმიერი ჩარევაა იკრძალება.

„დაცვითი კატეგორიის ტყეებს“ განეკუთვნება ზვავის ან ღვარცოფის აღსაკვეთად არსებული ნარგავები, ასევე სუბალპურ ზონაში, რკინიგზის ან საავტომობილო გზის გასწვრივ და კულტურული მემკვიდრეობის ობიექტებთან ახლოს მდებარე ტყე.

„საკურორტო ტყე“ – ეს არის ტყე, რომელიც მდებარეობს საკურორტო და სარეკრეაციო ზონაში, სამკურნალო დაწესებულებიდან ან მინერალური წყაროდან 1 კმ-ის რადიუსში და ქალაქის ან სხვა დასახლების მიმდებარე ტერიტორიაზე.

„სამეურნეო კატეგორიის ტყე“ – ასრულებს ნიადაგდაცვით და წყალმარეგულირებელ ფუნქციებს და ეს ტყის ერთადერთი კატეგორიაა, რომელშიც შესაძლებელია განხორციელდეს ტყითსარგებლობის ყველა სახე.

კატეგორიებად დაყოფის მიუხედავად თავისუფალი რჩება ტყით სარგებლობა დასვენებისა და გართობის მიზნით, ასევე მცენარეების წიწვის, ფოთლის, ყვავილის, ყვავილის მტვერის, ფისის, წვენის, თესლის, გირჩის, ნაყოფის, სოკოს შეგროვება. თუმცა ხელისუფლებას ან მესაკუთრეს ექნება უფლება, აკრძალოს ტყეში სეირნობა გარკვეული მიზეზების გამო, უსაფრთხოების ზომებიდან გამომდინარე. ამასთან, აკრძალვის მოქმედების ვადა ხანგრძლივი არ იქნება.

ამიერიდან კოცონის დანთება, თუ ეს არ უკავშირდება სიცოცხლის გადარჩენას, მხოლოდ ამისთვის განკუთვნილ ადგილებში იქნება შესაძლებელი. ასევე აიკრძალება ტყის ტერიტორიის საქონლის ძოვების ადგილად გამოყენება, თუმცა ამ მიზნით სპეციალური ადგილები გამოიყოფა.

გარდა ამისა, ახალი კოდექსით ნებადართულია გარეულ ცხოველთა თავშესაფრისა და სანაშენის მოწყობა, რათა შემდგომში მათი ბუნებაში დაბრუნება მოხდეს. ამასთან, ცხოველთა მოშენება არ უნდა ახდენდეს გავლენას ტყის ეკოსისტემაზე.

ამიერიდან შესაძლებელი გახდა, გატარდეს ისეთი ღონისძიებები, რომლებიც ხელს შეუწყობს – მოხდეს როგორც პოლიტიკური, ისე გეოგრაფიული თვალსაზრისით ყველაზე მიუვალი ტყეების მდგომარეობის შეფასება, ასევე ტყეების განვითარების ან დეგრადაციის, მათი მრავალფეროვნების, კლიმატური ცვლილებების გავლენის შესახებ ინფორმაციის მოპოვება და ა.შ.

254
ვალუტის კურსი

ლარის კურსი 16 აპრილს

61
(განახლებულია 21:29 15.04.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0069 ლარით გამყარდა.

თბილისი, 16 აპრილი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,4363 GEL/$1 ნიშნულზე დაადგინა. 

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0069 ლარით გამყარდა. 

ლარის კურსი 16 აპრილს
61
თემები:
ლარის კურსი დღეს
ფინანსთა სამინისტრო

საქართველომ ლონდონის საფონდო ბირჟაზე 500 მილიონი დოლარის ევრობონდები განათავსა

33
საქართველომ ლონდონის საფონდო ბირჟაზე ევროობლიგაციები 2011 წლის მარტში გამოშვებული ბონდების რეფინანსირების მიზნით განათავსა.

თბილისი, 15 აპრილი — Sputnik. საქართველომ ლონდონის საფონდო ბირჟაზე 500 მლნ აშშ დოლარის ღირებულების ევრობონდების განთავსება დაასრულა, დაწერა სოციალურ ქსელში ფინანსთა მინისტრის მოადგილე ლაშა ხუციშვილმა.

საქართველომ ლონდონის საფონდო ბირჟაზე ევროობლიგაციები 2011 წლის მარტში გამოშვებული ბონდების რეფინანსირების მიზნით განათავსა.

„ახლახან საქართველოს ფინანსთა სამინისტრომ წარმატებით დაასრულა 500 მლნ აშშ დოლარის ღირებულების ევრობონდების გამოშვება. საპროცენტო განაკვეთმა (coupon rate) შეადგინა 2,75%“, - დაწერა ხუციშვილმა.

ფინანსთა სამინისტრო განხორციელებული ტრანზაქციის შესახებ დეტალურ ინფორმაციას მოგვიანებით გაავრცელებს.

ევრობონდების განთავსებისთვის მოსამზადებელი ეტაპი საინვესტიციო ბანკებთან – JP Morgan, Goldman Sachs, ICBC Standard, TBC Capital და Galt & Taggart, იურიდიულ მრჩევლებთან Backer & McKenzie და BLC და ფისკალურ აგენტ Citi-სთან ერთობლივად ჩატარდა.

2011 წელს საქართველომ ლონდონის საფონდო ბირჟაზე 10-წლიანი დაფარვის ვადის 500 მლნ დოლარის ევროობლიგაციები განათავსა, რომლის ძირითადი თანხის დაფარვის ვადა 2021 წლის აპრილია. არსებული ევროობლიგაციების ძირითადი თანხის დასაფარად და ფინანსური რესურსების მოსაზიდად აუცილებელი გახდა ახალი ევრობონდების გამოშვება.

 

33
ლაბორატორია

COVID-19 საქართველოში 16 აპრილის მონაცემები

22
(განახლებულია 10:53 16.04.2021)
ამ დროისათვის სულ გამოჯანმრთელდა 279.831 ადამიანი (ბოლო 24 საათში – 442), გარდაიცვალა – 3.916 (ბოლო 24 საათში – 9), კარანტინის რეჟიმშია 331, სტაციონარებში ექიმების დაკვირვების ქვეშ 2.720 პაციენტი, ხოლო კოვიდ–სასტუმროებში 400 ადამიანი იმყოფება.

თბილისი, 16 აპრილი – Sputnik. საქართველოში ახალი კორონავირუსით დაავადებულთა რაოდენობა ბოლო დღე-ღამეში 1.077-ით გაიზარდა და ინფიცირებულთა საერთო რიცხვმა 293.321-ს მიაღწია. ინფორმაცია საქართველოს მთავრობის სპეციალურ ვებ-გვერდზე stopcov.ge განახლდა.

ამ დროისათვის სულ გამოჯანმრთელდა 279.831 ადამიანი (ბოლო 24 საათში – 442), გარდაიცვალა – 3.916 (ბოლო 24 საათში – 9), კარანტინის რეჟიმშია 331, სტაციონარებში ექიმების დაკვირვების ქვეშ 2.720 პაციენტი, ხოლო კოვიდ–სასტუმროებში 400 ადამიანი იმყოფება.

ბოლო 24 საათში ჩატარებულია 31.645 ტესტი, მათ შორის ანტიგენის სწრაფი ტესტით – 20.727, PCR–ტესტით – 10.918.

დადებითობის მაჩვენებელი: დღიური - 3,4%, ბოლო 14 დღის - 2,77%, ბოლო 7 დღის - 2,04%.

საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.

22
თემები:
კორონავირუსი საქართველოში: ბოლო ცნობები