რატი აბულაძე

2020 წელი ეს იყო შეჩერებული ეკონომიკური აქტივობა და აღშფოთებული ბიზნესი

167
(განახლებულია 15:35 04.01.2021)
რა გამოწვევების წინაშე აღმოჩნდა ქვეყნის ეკონომიკა 2020 წელს და როგორი იქნება 2021 – „Sputnik–საქართველოსთან“ ეკონომიკის დოქტორი რატი აბულაძე საუბრობს.

- როგორი იყო 2020 წელი საქართველის ეკონომიკისთვის?

- საქართველო, მსოფლიოს ქვეყნების მსგავსად, მეტ-ნაკლები ეფექტიანობით გაუმკლავდა პანდემიას, თუმცა, დარღვეული ეკონომიკური წესრიგით. შედეგად – 2020 წელი დასრულდა ზარალით, 50 მლრდ ლარის მოცემულობის ეკონომიკით, ინფლაციითა და ვალუტის კურსის გაუფასურებით. ვალების აღების, დახმარების პაკეტების, სუბსიდირების, შეღავათების, კომპენსაციების ფონზე ჯამში მშპ-ის 5%-იანი კლება დაფიქირდა. არსებულ ფონზე ეპიდემიოლოგიური თვალსაზრისით მეტ-ნაკლებად სწორი მიდგომები გვქონდა, თუმცა სოციალურ-ეკონომიკური თვალსაზრისით მიდგომები არეული იყო. აღსანიშნია, რომ თუ ეპიდემიოლოგები კოპლექსურად აფასებენ ვირუსის გავრცელების მოცემულობას და იმედს ვაქცინაზე ამყარებენ, ეკონომიკაში მთავრობის წარმომადგენლებს არც „ვაქცინა“ აქვთ და არც ზუსტი შეფასებები.

- რა იყო გასულ წელს მთავარი გამოწვევა?

- ქვეყნის მთავარი გამოწვევა იყო ეპიდემიოლოგიური მდგომარეობა, ეკონომიკური და პოლიტიკური კრიზისი. აღსანიშნია, რომ თუ პანდემიის პირველი ტალღის დროს მდგომარეობა არაპროგნოზირებადი და სწრაფად განვითარებადი იყო, პანდემიის შემდგომ ტალღას არაპროპორციული მზადყოფნით შეხვდა ქვეყანა. კითხვაზე, რა ისწავლა ქვეყანამ კრიზისის ფონზე, პასუხი უარყოფითია, რადგან არ გვქონდა დარგობრივი ძვრები. პირიქით, ჯანმრთელობის დაცვასა და ეკონომიკის დაცვას შორის ბალანსის ძიებაში მივიღეთ დარგების ბლოკირება და „საცობები“ ეკონომიკაში, რის შედეგადაც გაუარესდა საზოგადოებისა და ბიზნესის მდგომარეობა; არ შეიქმნა ისეთი კონფიგურაცია, რომელიც ეკონომიკისა და შემოსავლების ზრდის შესაძლებლობას შექმნიდა; ბაზარი დაცარიელდა ინვესტორისგან, მომხმარებლისა და ადგილობრივი მწარმოებლისგან. შედეგად – მივიღეთ შეჩერებული ეკონომიკური აქტივობა და აღშფოთებული ბიზნესი. ამ კრიზისებმა ახალი კრიზისები შექმნა პოლიტიკაშიც და ეკონომიკაშიც. ჯამში ქვეყანამ 2020 წელი დაასრულა „მიმზიდველი“ ეკონომიკური სიმშვიდით, „სტაბილური“ ბირთვითა და მაკროეკონომიკური პარამეტრებით, აქტიური დახმარებებითა და მხარდამჭერი ღონისძიებებით, ზრდადი ვალებითა და ინფლაციით, განხორციელებული სახელმწიფო პროგრამებითა და შესრულებული ინფრასტრუქტურული პროექტებით.

- რა იყო 2020 წლის ყველაზე მნიშვნელოვანი მოვლენა?

- არსებითია აღინიშნოს, რომ თუ თანამედროვე სამყაროს მიღწევები გადის კოსმოსურ ტექნოლოგიებზე, გლობალურ ეკონომიკაში წამყვან როლზე, საერთაშორისო ეკონომიკურ ინსტრუმენტებზე, საქართველოს პოლტიკური და მმართველობითი გარემო ამ მიმართულებით კვლავ მზად არ არის. ჯამში საქართველო გარდამავალი ეკონომიკის მქონე ქვეყანაა.

- როგორი იქნება 2021 თქვენი პროგნოზით?

- ვაქცინა რომ შემოვიდეს და საზოგადოებას ჩვეულ რეჟიმში დაბრუნების შესაძლებლობა მიეცეს, გრძელვადიან პერსპექტივაში პანდემიის გამო ეკონომიკური დანახარჯების ზრდა დიდი იქნება. ქვეყანა თუ პრობლემების გადაჭრას კვლავ ვალების აღებით, უმისამართო ღონისძიებებითა და ტრადიციული პოლიტიკური დინებით გააგრძელებს, მომავალ თაობებს მძიმე ეკონომიკური მემკვიდრეობა დარჩება. ამიტომ აღვნიშნავ, რომ: შეზღუდვების შედეგად დარღვეული ეკონომიკური წესრიგი საჭიროებს ახალ ნორმებს, გამოწვევების შესაბამის მიდგომებს, მართვის ახალ სტანდარტებს, ეკონომიკური პოლიტიკის ტრაექტორიის ცვლილებას.

ნატა პატარაია

 

167
ვალუტის გადამცვლელი პუნქტი

ლარის კურსი 18 იანვარს

42
(განახლებულია 10:19 18.01.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0052 ლარით გაუფასურდა.

თბილისი, 18 იანვარი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,2987 GEL/$1 ნიშნულზე დაადგინა.

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0052 ლარით გაუფასურდა. 

ლარის კურსი 18 იანვარს
ლარის კურსი 18 იანვარს



42
თემები:
საქართველოს ეკონომიკა
აშშ-ის დოლარები

ფულადი გზავნილები: რამდენი გადმოირიცხა საქართველოში 2020 წელს

880
(განახლებულია 12:53 16.01.2021)
2020 წელს რუსეთიდან ფულადი გზავნილების მოცულობამ 364 მლნ დოლარზე მეტი შეადგინა –საერთო მოცულობის 19,3%.

თბილისი, 16 იანვარი – Sputnik. საქართველოს კომერციულ ბანკებში 2020 წელს ელექტრონული სისტემებით ფულადი გზავნილების მოცულობა 2019 წელთან შედარებით 8,8%-ით გაიზარდა და 1 866 მლნ აშშ დოლარი შეადგინა, ნათქვამია საქართველოს ეროვნული ბანკის განცხადებაში

ყველაზე მეტი ვალუტა რუსეთიდან შემოვიდა. 2020 წელს რუსეთიდან ფულადი გზავნილების მოცულობამ 364 მლნ დოლარზე მეტი შეადგინა – ელექტრონული სისტემების მეშვეობით საქართველოს კომერციულ ბანკებში ფულადი გზავნილების საერთო მოცულობის 19,3%. თუმცა, ეს მაჩვენებელი 15,1%-ით ნაკლებია 2019 წელთან შედარებით.

ლიდერი ქვეყნების ხუთეულში ასევე შედიან იტალია, საბერძნეთი, აშშ და ისრაელი.

2020 წლის დეკემბერში ფულადი გზავნილები 15,9%-ით გაიზარდა და 199,7 მლნ დოლარი შეადგინა.

ყველაზე მეტი მოცულობის ვალუტა შემოვიდა რუსეთიდან. 2020 წლის დეკემბერში რუსეთიდან ფულადი გზავნილების მოცულობამ 40,7 მლნ დოლარზე მეტი შეადგინა – ელექტრონული სისტემების მეშვეობით საქართველოს კომერციულ ბანკებში ფულადი გზავნილების საერთო მოცულობის 20,4%. თუმცა, ეს მაჩვენებელი 7,1%-ით ნაკლებია 2019 წლის ანალოგიურ პერიოდთან შედარებით.

ლიდერი ქვეყნების ხუთეულში ასევე შედიან იტალია, საბერძნეთი, აშშ და ისრაელი.

დეკემბერში ლიდერთა ქვეყნებს შორის მეექვსე ადგილი დაიბრუნა თურქეთმა და გაუსწრო უკრაინას, რომელმაც მაც 2020 წლის აგვისტოში აჯობა.

ზრდის ტემპები აჩქარდა

ფულადი გზავნილების ზრდის ტენდენცია გრძელდება, თუმცა მისი ტემპები კვლავ დაბალია. ივნისში 17,8%-იანი მატების შემდეგ ივლისში წლიურმა ზრდამ 22,1% შეადგინა, აგვისტოში – 25,8%, სექტემბერში – 28,7%, ოქტომბერში ზრდის ტემპმა იკლო და 18,6% შეადგინა, ნოემბერში -12,5%, ხოლო დეკემბერში კვლავ აჩქარდა და 15,9% შეადგინა.

ფულადი გზავნილების გარკვეული ნაწილი, დაახლოებით 8%, ქვეყანაში პანდემიამდე შემოდიოდა არასაბანკო არხებით – ვიზიტორების მეშვეობით. საერთაშორისო მოგზაურობის შეზღუდვის გამო ფულადი გზავნილების ეს ნაწილი საბანკო სექტორში გადავიდა და, შედეგად, ფულადი გზავნილების აღნიშნულ ზრდაშიც შეიტანა წვლილი, განაცხადა ადრე საქართველოს ეროვნული ბანკის პრეზიდენტმა კობა გვენეტაძემ.

„საერთაშორისო პროგნოზირებისა და კვლევების ცენტრის“ ვიცე-პრეზიდენტმა ნიკა შენგელიამ საქართველოში ფულადი გზავნილების მოცულობის ზრდის ორი მიზეზი დაასახელა.

„პირველი მდგომარეობს იმაში, რომ პანდემიისა და ეკონომიკური საქმიანობის შეზღუდვებიდან გამომდინარე, ხალხი უფრო გაღარიბდა, არ მუშაობს ტრანსპორტი, დაკეტილია სავაჭრო ცენტრები, გარდა სასურსათო და ფარმაცევტული ობიექტებისა. და უცხოეთში მყოფი ჩვენი თანამოქალაქეები უფრო მეტ თანხას გზავნიან. დავუშვათ, თუ 200 დოლარს რიცხავდნენ, ახლა 300 დოლარს რიცხავენ“, – განაცხადა შენგელიამ „Sputnik-საქართველოსთან“ ინტერვიუში.

საქართველოს ეკონომიკის ვარდნის ტემპები გაიზარდა

მისი აზრით, მეორე მიზეზი მდგომარეობს იმაში, რომ სამშენებლო ბიზნესის დახმარების მიზნით დეკემბრის ჩათვლით მთავრობამ იპოთეკური სესხების 4%-ით სუბსიდირების გადაწყვეტილება მიიღო.

„ყველა, ვისაც ახლა საშუალება აქვს, ცდილობს ამ შეთავაზებით ისარგებლოს და ამიტომაც გაიზარდა საქართველოში უცხოეთიდან ტრანზაქციები. თუ 2021 წელს მთავრობა იპოთეკური სესხების სუბსიდირებას გააგრძელებს და ადამიანები ბინებს შეიძენენ, პირველ კვარტალში გადმორიცხვების მოცულობა ისევ გაიზრდება“, – განაცხადა შენგელიამ.

მან აღნიშნა, რომ დეკემბრის ჩათვლით პროგრამა ძალაშია. ამიტომ უცხოეთში მომუშავე ადამიანები ჩქარობენ ისარგებლონ ნაკლები პროცენტის გადახდის შესაძლებლობით და აქტიურად ყიდულობენ ბინებს, რადგან ადრე მათ იპოთეკურ კრედიტზე 13-14%-ის გადახდა უწევდათ.

რამდენი ვალუტა გაიგზავნა საქართველოდან

2020 წლის დეკემბერში საქართველოდან საზღვარგარეთ დაახლოებით 24,7 მლნ დოლარზე მეტი გადაირიცხა, რაც 2019 წლის იმავე პერიოდის მაჩვენებელზე 3,4%-ით ნაკლებია.

2020 წელს საქართველოდან საზღვარგარეთ დაახლოებით 246,9 მლნ დოლარი გადაირიცხა, რაც 4%-ით მეტია 2019 წელთან შედარებით.

880
თემები:
საქართველოს ეკონომიკა
დონალდ ტრამპი

პრეზიდენტობის ბოლოსწინა დღეს ტრამპი მასშტაბურ შეწყალებას გეგმავს

0
(განახლებულია 11:35 18.01.2021)
ახალი პრეზიდენტის ინაუგურაციის წინა დღეს მოქმედი პრეზიდენტი დონალდ ტრამპი ასი ათასი ადამიანის შეწყალებას გეგმავს

თბილისი, 18 იანვარი — Sputnik. აშშ–ის მოქმედი პრეზიდენტი დონალდ ტრამპი 19 იანვარს ასი ათასი ადამიანის შეწყალებას აპირებს, იუწყება ტელეკომპანია CNN–ი.

ტელეკომპანია წყაროებზე დაყრდნობით იტყობინება, რომ კვირას თეთრ სახლში სხდომა გაიმართა, რომელზეც შეთანხმდა კიდეც შესაწყალებელ პირთა სია. სავარაუდოდ, ჩამონათვალში შესულია „ვიკილიქსის“ დამფუძნებელი ჯულიან ასანჟიც, რომელიც ამ დროისათვის ლონდონის ციხეში იმყოფება და აშშ-ში მისი ექსტრადირების თაობაზე აპელაციის შედეგებს ელოდება. 

ტრამპი თავდაპირველად ადამიანთა ორი ჯგუფის შეწყალების შესახებ განცხადების გავრცელებას გასული კვირის ბოლოსთვის აპირებდა თანმიმდევრულად, მაგრამ ვაშინგტონში მომხდარი არეულობის გამო მისი გეგმები შეიცვალა. ამიტომ ის სავარაუდოდ ერთდროულად ასი ათასი ადამიანის შეწყალების თაობაზე გააკეთებს განცხადებას ჯო ბაიდენის ინაუგურაციის წინა დღეს — 19 იანვარს.

ამასთან, გავრცელებული ინფორმაციით, პრეზიდენტი არ აპირებს საკუთარი თავის შეწყალებას, რაზეც მანამდე ამერიკული მედიასაშუალებები საუბრობდნენ, თუმცა CNN–ს მიაჩნია, რომ საპრეზიდენტო ვადის ბოლო დღეებში დონალდ ტრამპის ნაბიჯები შეიძლება არაპროგნოზირებადი ხასიათისა იყოს.   

 

 

0
თემები:
საერთაშორისო პანორამა