საქართველოს ეკონომიკის ვარდნის ტემპები გაიზარდა

საქართველოს ეკონომიკის ვარდნის ტემპები გაიზარდა

174
(განახლებულია 09:31 01.01.2021)
ეკონომიკის ვარდნის მიუხედავად, ზრდის ტენდენცია შეინიშნებოდა დამამუშავებელ მრეწველობაში, საფინანსო და სადაზღვევო საქმიანობაში

თბილისი, 31 დეკემბერი – Sputnik საქართველოს ეკონომიკის ვარდნის ტემპები, რომელიც კორონავირუსის პანდემიამ გამოიწვია, დაჩქარდა - ნოემბერში, გასული წლის ამავე თვესთან შედარებით, მშპ 7,7%-ით შემცირდა, იუწყება საქართველოს სტატისტიკის ეროვნული სამსახური „საქსტატი“.

შედარებისთვის: ვარდნის ოქტომბრის მაჩვენებელი - 3,9%, სექტემბრის - 0,7%, აგვისტოს - 5,3%, ივლისის - 5,5%, ივნისის - 7,7%, მაისის - 13,5%, აპრილის - 16,6%.

მიქანაძე: სამთავრობო პროგრამა ევროპული სახელმწიფოს მშენებლობაზეა ორიენტირებული >>

გასული წლის ანალოგიურ პერიოდთან შედარებით, ეკონომიკის ვარდნამ 11 თვეში 5,9% შეადგინა.

გასულ წელს საქართველოს ეკონომიკა გაიზარდა 5,2%-ით, რაც აღემატებოდა საპროგნოზო მაჩვენებელს, რომელიც 4,5%-ს შეადგენდა.

ვარდნა დარგების მიხედვით და მაჩვენებლები

„საქსტატის“ დირექტორის, გოგიტა თოდრაძის თქმით, ეკონომიკის ვარდნის მიუხედავად, ზრდის ტენდენცია შეინიშნებოდა დამამუშავებელი მრეწველობის, საფინანსო საქმიანობის, ინფორმაციისა და კომუნიკაციის, ასევე წყალმომარაგების, კანალიზაციისა და ნარჩენების მართვის, ინფორმაციისა და კომუნიკაციების სფეროებში.

„განსაკუთრებით აღსანიშნავია დღგ-ს გადამხდელ საწარმოთა ბრუნვის მოცულობის შემცირება. მშენებლობის, ტრანსპორტისა და დასაწყობების, სასტუმროებისა და რესტორნების, ხელოვნების, გართობის, დასვენების და ვაჭრობის სექტორებში. 2020 წლის ნოემბერში, საქონლის ექსპორტი შემცირებულია 13,4%-ით, ხოლო იმპორტი 12,1%-ით, რაც შეეხება საგარეო ვაჭრობის 11 თვის ჯამურ მაჩვენებელს, ექსპორტის მოცულობა შემცირდა 11,3%-ით, ხოლო იმპორტის მაჩვენებელი დაახლოებით 16%-ით არის შემცირებული“, - განაცხადა თოდრაძემ.

თოდრაძის თქმით, 2020 წლის ნოემბერში ქვეყანაში დარეგისტრირდა დაახლოებით 3 450 ახალი საწარმო და აღნიშნული მაჩვენებელი 11,4%-ით ჩამორჩება წინა წლის შესაბამისი პერიოდის მაჩვენებელს.

„4,2 პროცენტით შემცირდა ეკონომიკური ზრდის წინასწარი შეფასებისას გამოყენებული დღგ-ს გადამხდელ საწარმოთა ბრუნვის მოცულობა და 7,3 მილიარდი ლარი შეადგინა“, - განაცხადა „საქსტატის“ აღმასრულებელმა დირექტორმა.

რაც შეეხება მიზეზებს დარგობრივ ჭრილში, თოდრაძემ დაიწყო იმ დარგებით, სადაც შემცირების ტენდენცია გამოვლინდა.

„მშენებლობის სექტორში კვლავაც კლების ტენდენცია შეინიშნებოდა, როგორც საცხოვრებელი და არასაცხოვრებელი შენობა-ნაგებობების მშენებლობის, ისე სპეციალიზებული სამშენებლო სამუშოების შესრულების მიმართულებით, როგორიცაა მაგალითად ელექტრო, ტექნიკური და სამონტაჟო სამუშაოები“, - აღნიშნა თოდრაძემ.

„საქსტატის“ აღმასრულებელმა დირექტორმა აღნიშნა, რომ საშენ მასალების იმპორტი 15%-ით შემცირდა, ხოლო ცემენტის - 11%-ით.

„სასტუმროებისა და რესტორნების სექტორში კლება, როგორც მოგეხსენებათ ძირითადად დაკავშირებული იყო საერთაშორისო ვიზიტორების რაოდენობის შემცირებასთან. დაახლოებით 92 პროცენტით არის შემცირებული საერთაშორისო ვიზიტორების მიერ განხორციელებული ვიზიტების რაოდენობა, რამაც რასაკვირველია გავლენა მოახდინა ტურისტული სააგენტოების და ტუროპერატორების შემოსავლებზე“, - აღნიშნა თოდრაძემ.

ექსპერტის შეფასება

ეკონომიკურ მეცნიერებათა დოქტორი რატი აბულაძე მიიჩნევს, რომ საქართველოსთვის მთავარი გამოწვევა გასულ წელს იყო ეპიდვითარება, რომელიც კორონავირუსის პანდემიას უკავშირდება.

„ამ ფონზე ჩვენ გვქონდა მეტ-ნაკლებად სწორი მიდგომები ეპიდვითარების თვალსაზრისით, თუმცა სოციალურ-ეკონომიკური თვალსაზრისით მიდგომები ქაოტური იყო. შედეგად, ხელისუფლების მოქმედებებმა ეკონომიკური საქმიანობა და ბიზნესი შეაფერხა“, - განუცხადა Sputnik-ს აბულაძემ.

საერთაშორისო სავალუტო ფონდმა საქართველოს მორიგი ტრანში გამოუყო >>

მეორეს მხრივ, ექსპერტის თქმით, ქვეყანამ 2020 წელი დაასრულა მიმზიდველი ეკონომიკური სტაბილურობით, სტაბილური მაკროეკონომიკური პარამეტრებით, დახმარებისა და მხარდაჭერის აქტიური ღონისძიებებით, ვალისა და ინფლაციის ზრდით, რეალიზებული სახელმწიფო პროგრამებითა და ინფრასტრუქტურული პროექტებით.

174

საპროტესტო აქცია პანდემიის გამო დაწესებული შეზღუდვების წინააღმდეგ თბილისში

45
(განახლებულია 21:15 26.01.2021)
სახელმწიფო კანცელარიის შენობასთან კორონავირუსის პანდემიის გამო დაწესებული შეზღუდვების წინააღმდეგ ახალი საპროტესტო აქცია გაიმართა, რომელშიც ასობით ადამიანი მონაწილეობდა.

კვირის შემდეგ თბილისსა და სხვა ქალაქებში სამოქალაქო აქტივისტები და ოპოზიციის მომხრეები აკრძალვებსა და შეზღუდვებს აპროტესტებენ, რომლებიც ხელისუფლებამ კორონავირუსის პანდემიის გამო დააწესა.

მიუხედავად იმისა, რომ რამდენიმე კვირაში შეზღუდვების ნაწილი მოიხსნება, ხოლო სხვა აკრძალვები შემსუბუქდა, პროტესტის მონაწილეები არ აპირებენ დათმობას და დემონსტრაციების შეწყვეტას. ბევრი მათგანი შეზღუდვების დაუყოვნებლივ მოხსნას მოითხოვს. ეპიდემიოლოგები მათ ეწინააღმდეგებიან – სპეციალისტების აზრით, ყველა შეზღუდვის ერთდროულად მოხსნა ქვეყანაში მდგომარეობას დაამძიმებს.

45
არაგვი

ევროკავშირი საქართველოს აკვაკულტურის ეროვნული სტრატეგიის შემუშავებაში დაეხმარება

71
(განახლებულია 21:10 26.01.2021)
გარემოს დაცვისა და სოფლის მეურნეობის სამინისტრომ და საქართველოში ევროკავშირის წარმომადგენლობამ ოფიციალურად გამოაცხადეს მტკნარი წყლის აკვაკულტურის ღირებულებათა ჯაჭვის ანალიზის დაწყების შესახებ.

თბილისი, 26 იანვარი – Sputnik. მტკნარი წყლის აკვაკულტურის ეროვნული სტრატეგიის განვითარების შემუშავებაში საქართველოს ევროკავშირის ექსპერტები დაეხმარებიან, რომლებიც თბილისში 2021 წლის გაზაფხულზე ჩამოვლენ, იუწყება საქართველოში ევროკავშირის წარმომადგენლობა.

ოთხი საერთაშორისო და ქართველი სპეციალისტებისგან დაკომპლექტებული ჯგუფი საქართველოს აკვაკულტურის კვლევას ჩაატარებს და ჩატარებული სამუშაოების შესახებ ანგარიშს ზაფხულისთვის წარმოადგენს. 

ევროპელ ექსპერტებთან პირველი ონლაინ–შეხვედრა პროექტის „ღირებულებათა ჯაჭვის ანალიზი განვითარებისთვის“ (VCA4D) ფარგლებში უკვე ჩატარდა. მასში მონაწილეობა მიიღეს გარემოს დაცვისა და სოფლის მეურნეობის მინისტრის მოადგილემ ნინო თანდილაშვილმა, საქართველოში ევროკავშირის წარმომადგენელმა ჯორჯ დეუმ და ევროკომისიის წარმომადგენელმა მეთიუ ბრუკმა.

შეხვედრის დროს მონაწილეებმა ერთმანეთს გაუზიარეს ცოდნა ღირებულებათა ჯაჭვის შესახებ, იმსჯელეს კვლევის ფარგლებში მოსალოდნელ გამოწვევებზე და მხარეთა თანამშრომლობისთვის საჭირო პლატფორმა შექმნეს.

აღინიშნა, რომ საქართველოსთვის, რომელიც თევზის იმპორტიორი ქვეყანაა, აკვაკულტურის განვითარებას დადებითი შედეგი ექნება. მეტიც, საქართველოსა და ევროკავშირს შორის ღრმა და ყოვლისმომცველი თავისუფალი სავაჭრო სივრცის შესახებ შეთანხმება (DCFTA) აკვაკულტურის პროდუქტების ექსპორტის ახალ შესაძლებლობებს უზრუნველყოფს.

პროექტი VCA4D დაფინანსებულია ევროკავშირის მიერ და მას ახორციელებს Agrinatura – ევროპის უნივერსიტეტებისა და სამეცნიერო ცენტრების ჯგუფი, რომელიც სპეციალიზებულია სასოფლო-სამეურნეო კვლევებში და ევროპის მასშტაბით 35-ზე მეტი წევრი ჰყავს.

71
თემები:
საქართველოს სოფლის მეურნეობა
დაკავება

ფოთში შსს-ს თანამშრომელი დააკავეს

0
ფოთის საქალაქო სამმართველოს ინსპექტორ-გამომძიებელი მოსამართლის განჩინების საფუძველზე დააკავეს, მას სამ წლამდე პატიმრობა ემუქრება

თბილისი, 26 იანვარი – Sputnik. ფოთში უფლებამოსილების ბოროტად გამოყენების ბრალდებით ინსპექტორ-გამომძიებელი დააკავეს, იუწყება შსს-ს პრესსამსახური.

უწყების ინფორმაციით, ფოთის საქალაქო სამმართველოს ინსპექტორ-გამომძიებელი მოსამართლის განჩინების საფუძველზე დააკავეს.

სისხლის სამართლის საქმე აღიძრა „სამსახურეობრივი უფლებამოსილების ბოროტად გამოყენების“ ფაქტზე სსკ-ის 332-ე მუხლის პირველი ნაწილით, რაც სამ წლამდე თავისუფლების აღკვეთას ითვალისწინებს.

0