თევზსაჭერი გემი

საქართველოს თევზსაჭერ ფლოტს 10 ახალი გემი შეემატება

113
(განახლებულია 20:26 30.12.2020)
ამჟამად ქართველი მეთევზეები უცხოურ გემებს ქირაობენ, რადგან ქართული თევზსაჭერი გემები სავალალო მდგომარეობაშია. გემების დაბალი საიმედოობის და წარმადობის გამო ასევე ვერ ხერხდება მეთევზე მეზღვაურთა სათანადო დონეზე გადამზადება.

თბილისი, 30 დეკემბერი – Sputnik. საქართველოს თევზსაჭერი ფლოტი 10 ახალი გემით გაიზრდება, მათ შორის პირველი გემი ქვეყნის აკვატორიაში უკვე იანვარ-თებერვალში შემოვა, იუწყება საქართველოს ეკონომიკისა და მდგრადი განვითარების სამინისტრო.

საქართველოს დღეს 30 სეინერი (თევზსაჭერი გემი) ჰყავს, რომელზეც 500-მდე მეთევზე-მეზღვაურია დასაქმებული, თუმცა გემები მოძველებულია და ვერ აკმაყოფილებს თანამედროვე მოთხოვნებს.

საზღვაო თევზჭერის ფლოტის აღდგენა და განვითარება საქართველოს პრემიერ-მინისტრის გიორგი გახარიას ინიციატივით და სააგენტოს „აწარმოე საქართველოში" მხარდაჭერით დაიწყო და აქტიურად  მიმდინარეობს.

„აწარმოე საქართველოში“ პროგრამას თევზჭერის მიმართულების განვითარებისათვის „თევზჭერის მიმართულება საზღვაო სფეროში" დაემატა. საზღვაო თევზჭერის ინდუსტრიის თანადაფინანსების კომპონენტი მთავრობამ, პრემიერ-მინისტრის ხელმძღვანელობით, გასული წლის ბოლოს დაამტკიცა.

პროგრამის ამოქმედებიდან საზღვაო თევზჭერის მიმართულებით სულ დაფინანსდა 10 თევზსაჭერი გემის შესყიდვა. აღნიშნული პროექტების სესხის მოცულობა 37.6 მილიონ ლარზე მეტს შეადგენს, ხოლო ჯამური ინვესტიციის რაოდენობა 38 მილიონ ლარს აჭარბებს. პროექტების ფარგლებში სულ შეიქმნება 161 დამატებითი სამუშაო ადგილი.

„აწარმოე საქართველოში“: ქვეყანაში პირველი თევზსაჭერი გემის მშენებლობა დაფინანსდა>>

კომპანიები ისარგებლებენ სესხის თანადაფინანსების კომპონენტით, ამასთანავე 6 კომპანია საკრედიტო-საგარანტიო მექანიზმითაც. კერძოდ, პირველი 3 წლის განმავლობაში სესხის პროცენტის თანადაფინანსებას სააგენტო „აწარმოე საქართველოში“ განახორციელებს და ასევე, სესხის ძირი თანხის 90%-ის გარანტორი სახელმწიფო იქნება.

პროგრამა ერთდროულად იძლევა 5 მლნ ლარამდე საკრედიტო-საგარანტიო მექანიზმით 90%-იანი უზრუნველყოფისა და საბანკო სესხის რეფინანსირების განაკვეთს პლუს 3%-იანი თანადაფინანსების შესაძლებლობას. ასევე, შესაძლებელია გემის ლიზინგი, რომლის შემთხვევაში რეფინანსირების განაკვეთს პლუს 5%-იანი თანადაფინანსების მექანიზმი ხორციელდება. 

პროგრამის ხელშეწყობით თევზმჭერი ფლოტი მნიშვნელოვნად განახლდება და ახალ სამუშაო ადგილებს შექმნის. დარგში თანამედროვე ტექნოლოგიების დანერგვა თევზჭერის პროდუქტების ასორტიმენტისა და გაყიდვების გეოგრაფიის მნიშვნელოვან ზრდას გამოიწვევს. 

ახალი გემებით მეთევზეები წლიური თევზჭერის კვოტის მაქსიმალურ ათვისებას შეძლებენ მაშინ, როცა დღეს მისი სრულად ათვისება ვერ ხორციელდება. გასათვალისწინებელია ის გარემოებაც, რომ არსებული პრაქტიკით ქართველი ლიცენზიანტები უცხო ქვეყნის გემებს ქირაობენ და ისე ახორციელებენ საქმიანობას, ვინაიდან ქართული გემები სავალალო მდგომარეობაშია.

113
თემები:
საქართველოს ეკონომიკა (906)
ვალუტის გაცვლის პუნქტი

ლარის კურსი 25 იანვარს

27
(განახლებულია 12:56 24.01.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0034 ლარით გაუფასურდა.

თბილისი, 25 იანვარი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,3044 GEL/$1 ნიშნულზე დაადგინა.

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0034 ლარით გაუფასურდა.

ლარის კურსი 25 იანვარს
ლარის კურსი 25 იანვარს
27
თემები:
ლარის კურსი დღეს
სასოფლო-სამეურნეო სამუშაოები შიდა ქართლში

კლიმატი და სოფლის მეურნეობა პანდემიის პერიოდში: რა განიხილეს მინისტერიალზე

120
(განახლებულია 14:00 24.01.2021)
ფორუმის ფარგლებში მონაწილეებმა რეგიონებისა და ქვეყნების მიხედვით პანდემიის პრევენციის და კლიმატის ცვლილების შერბილების საკითხებზე იმსჯელეს

თბილისი, 24 იანვარი – Sputnik. გარემოს დაცვისა და სოფლის მეურნეობის მინისტრმა, ლევან დავითაშვილმა მიიღო მონაწილეობა სოფლის მეურნეობის საკითხებზე ონლაინ მინისტერიალში, რომელიც ყოველწლიურად ათ წელიწადზე მეტია ბერლინში იმართება, ინფორმაციას სოფლის მეურნეობის სამინისტრო ავრცელებს.

მინისტერიალს, რომელიც სურსათისა და სოფლის მეურნეობის მე-13 გლობალური ფორუმის (GFFA) ფარგლებში გაიმართა, მსოფლიოს 70-ზე მეტი ქვეყნის სოფლის მეურნეობის მინისტრი და საერთაშორისო ორგანიზაციების წარმომადგენლები ესწრებოდნენ.

ლევან დავითაშვილმა, სიტყვით გამოსვლისას, საქართველოში პანდემიით შექმნილი მდგომარეობის საპასუხოდ ხელისუფლების მიერ გატარებულ ღონისძიებებზე ისაუბრა.

როგორც მინისტრმა აღნიშნა, ურთულესი გამოწვევის დროს, კოორდინირებული მუშაობით, არცერთ რეგიონში სასურსათო პროდუქციის დეფიციტი არ შექმნილა.

„მხარდაჭერისთვის და თანამშრომლობისთვის მადლობას ვუხდი ყველა მონაწილე სახელმწიფოს და პარტნიორ ორგანიზაციებს, ასევე, ადგილობრივი კერძო სექტორის წარმომადგენლებს სანიმუშო კომუნიკაციისთვის. ეს წარმატება ერთობლივი შრომის შედეგია“,- განაცხადა ლევან დავითაშვილმა.

დავითაშვილმა ფერმერების მხარდასაჭერად შემუშავებული სოფლის მეურნეობის ანტიკრიზისული გეგმის მნიშვნელობაზეც გაამახვილა ყურადღება.

ფორუმის ფარგლებში მონაწილეებმა რეგიონებისა და ქვეყნების მიხედვით პანდემიის პრევენციის და კლიმატის ცვლილების შერბილების საკითხებზე იმსჯელეს და მიიღეს კომუნიკე, რომელიც კლიმატის ცვლილების და  პანდემიის პირობებში მსოფლიოს სასურსათო მარაგების უზრუნველყოფას და პანდემიის პრევენციას ეხება.

120
თელასი

„თელასი": თბილისის რომელ უბნებს შეეზღუდება ელექტროენერგია 25 იანვარს

0
(განახლებულია 21:27 24.01.2021)
გეგმური სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 25 იანვარი – Sputnik. სააქციო საზოგადოება „თელასი" იუწყება, რომ 25 იანვარს გეგმური სარემონტო სამუშაოების გამო დედაქალაქში ელექტროენერგიის მიწოდება შეიზღუდება.

ვაკის რაიონი

11:00 საათიდან 17:00 საათამდე შეზღუდვა შეეხება: ვაკის პარკის მიმდებარე ტერიტორიის, ჭავჭავაძის გამზირის, აბაშიძის, ფალიაშვილის, დარიალის, ცხვედაძის, ტაბიძის, ძმები კიკნაველიძეების და მიშველაძის ქუჩების მოსახლეობას.

11:00 საათიდან 14:00 საათამდე შეზღუდვა შეეხება: წყნეთის გზატკეცილის და ბაგების დასახლების მოსახლეობას.

ჩუღურეთის რაიონი

10:00 საათიდან 17:00 საათამდე შეზღუდვა შეეხება: ლამის, დიღომბარის და დავითაშვილის ქუჩების მოსახლეობას.

კრწანისის რაიონი

10:00 საათიდან 16:00 საათამდე შეზღუდვა შეეხება: ფონიჭლის დასახლების მოსახლეობას.

საბურთალოს რაიონი

10:00 საათიდან 18:00 საათამდე შეზღუდვა შეეხება: თინათინის და ვეფხისტყაოსნის ქუჩების მოსახლეობას.

10:00 საათიდან 14:00 საათამდე შეზღუდვა შეეხება: კანდელაკის ქუჩის მოსახლეობას.

სამგორის რაიონი

10:00 საათიდან 18:00 საათამდე შეზღუდვა შეეხება: გარდაბნის გზატკეცილის, ქვემო მელითონეთა დასახლების, წმინდა ბარბარეს უბნის, ყიფიანის, ბოგდან ხმელნიცკის, აღნიაშვილის, ბურჯანაძის, პერინის, თეკლა ბატონიშვილის, ქინძმარაულის და ბარბარეს ქუჩების მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

0
თემები:
თბილისი დღეს