კარების საწარმო

საქართველოში დამსაქმებლებისთვის საგადასახადო შეღავათები გაგრძელდება

154
(განახლებულია 12:15 29.12.2020)
პროგრამა 550 ათასი დასაქმებულისთვის სამუშაო ადგილების შენარჩუნების დამატებითი გარანტია იქნება, განაცხადა დეპუტატმა.

თბილისი, 28 დეკემბერი – Sputnik. საქართველოში ექვსი თვის განმავლობაში დამსაქმებლები ბიუჯეტში 750 ლარამდე ხელფასის საშემოსავლო გადასახადს არ გადაიხდიან, განაცხადა დარგობრივი ეკონომიკისა და ეკონომიკური პოლიტიკის კომიტეტის თავმჯდომარის მოადგილემ ბექა ლილუაშვილმა.

შესაბამისი საკანონმდებლო ინიციატივა მზადაა და 1 დეკემბრიდან ექვსი თვის განმავლობაში იმოქმედებს. ეს შეეხება იმ დასაქმებულებსაც, რომელთა ანაზღაურება 1,5 ათასი ლარი ან ნაკლებია. მათ შემთხვევაში დამსაქმებელი მხოლოდ 750 ლარის ზემოთ დარჩენილი თანხის საშემოსავლოს გადაიხდის. მაგალითად, თუ დასაქმებულს 1000 ლარი აქვს ხელფასი, საშემოსავლო იანგარიშება 250 ლარიდან.

„ეს პროგრამა ძალიან ნაცნობია ჩვენი კერძო სექტორისთვის. ეს კონკრეტული ღონისძიება 42 ათასამდე კომპანიისთვის არის ხელმისაწვდომი და მათ შეუმსუბუქებს ამ ტვირთს“, – განაცხადა ლილუაშვილმა.

მისი სიტყვებით, აღნიშნული პროგრამა 550 ათასი დასაქმებული პირისთვის გახდება დამატებითი გარანტია იმისა, რომ მათი სამუშაო ადგილები შენარჩუნდება.

კორონავირუსის მეორე ტალღის დროს ბიზნესის მხარდასაჭერად 515 მილიონი ლარია გათვალისწინებული.

მთავრობის გადაწყვეტილებით, 1,5 ათას ლარამდე ხელფასის მქონე პირები გათავისუფლდებიან 750 ლარის ოდენობით საშემოსავლო გადასახადისგან 2020 წლის დეკემბრიდან 2021 წლის მაისის ჩათვლით. საგადასახადო შეღავათები დაწესებულია ასევე ტურიზმის სექტორის ქონებაზეც. სასტუმროები, რესტორნები 2021 წელს თავისუფლდებიან ქონების გადასახადისგან.

საქართველოს ბიუჯეტი სერიოზულ მსჯელობას მოითხოვს – მმართველმა პარტიამ პროექტი განიხილა >>

ტურიზმის სექტორში ჩამოიწერება 2020 წელს ოთხ თვეზე გადავადებული საშემოსავლო გადასახადი (ეხება სასტუმროებს, რესტორნებსა და კომპანიებს, რომლებიც მსგავს საქმიანობას ეწევიან).

154
ვალუტის გაცვლის პუნქტი

ლარის კურსი 15 იანვარს

89
(განახლებულია 10:28 15.01.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0026 ლარით გაუფასურდა.

თბილისი, 15 იანვარი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,2935 GEL/$1 ნიშნულზე დაადგინა.

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0026 ლარით გაუფასურდა.

ლარის კურსი 15 იანვარს
ლარის კურსი 15 იანვარს
89
თემები:
ლარის კურსი დღეს
ბათუმის პორტი

პანდემია და ვაჭრობა: საქართველოდან ექსპორტი 12%-ით შემცირდა

64
(განახლებულია 16:01 15.01.2021)
2020 წელს საგარეო სავაჭრო ბრუნვა, 2019 წელთან შედარებით, 14,8%-ით შემცირდა და 11,3 მილიარდ დოლარს გაუტოლდა.

თბილისი, 15 იანვარი – Sputnik. სტატისტიკის ეროვნული სამსახურის „საქსტატის“ მონაცემებით, 2020 წელს ექსპორტზე 3,3 მლრდ აშშ დოლარზე მეტი ღირებულების ქართული პროდუქცია გავიდა – 12%-ით ნაკლები 2019 წელთან შედარებით.

2020 წელს იმპორტმა დაახლოებით 8 მლრდ დოლარი შეადგინა, რაც 2019 წელთან შედარებით 15,9%-ით ნაკლებია.

საქართველოს საგარეო სავაჭრო ბრუნვა 2020 წელს

მაჩვენებელი მოცულობა/მლნ დოლარი ვარდნა/%
ექსპორტი 3 342 -12,0
იმპორტი 8 006 -15,9
სულ 11 348 -14,8

2020 წელს მთლიანი საგარეო სავაჭრო ბრუნვა, 2019 წელთან შედარებით, 14,8%-ით შემცირდა და 11,3 მილიარდ დოლარს გაუტოლდა (არაორგანიზებული ვაჭრობის გარეშე).

როდის გაუმჯობესდება სიტუაცია ვაჭრობის კუთხით?

კორონავირუსის ეპიდაფეთქებამ ქვეყნის ეკონომიკას მნიშვნელოვანი დარტყმა მიაყენა – ზარალდებიან სასტუმროები, რესტორნები, სავაჭრო ცენტრები, დასვენებისა და გართობის სფერო, ტრანსპორტი. საფრთხის ქვეშაა საფინანსო სექტორი, მშენებლობის, უძრავი ქონების, წარმოების და განათლების სფეროები.

„საერთაშორისო პროგნოზირებისა და კვლევების ცენტრის“ ვიცე-პრეზიდენტი ნიკა შენგელია მიიჩნევს, რომ საგარეო ვაჭრობაში ვითარება 2021 წლის მაისი–ივნისამდე არ გაუმჯობესდება. 

„ერთადერთი, რამაც დადებითად იმოქმედა ექსპორტზე, ეს ხილის უცხოეთში გატანაა. მაგრამ თუ ჩვენ ვსაუბრობთ იმის შესახებ, თუ რა გავლენას მოახდენს ეს მონაცემები ლარის კურსზე, ვიტყოდი, რომ ყოველივე ეს მაინც ნეგატიურად მოქმედებს, რადგანაც უარყოფითი სალდო წლების განმავლობაში გრძელდება. ხოლო ექსპორტის თვალსაზრისით ჩვენ ვერ ვხედავთ რაიმე სახის დადებით დინამიკას, რომ ექსპორტი 2021 წლის ზაფხულამდე მნიშვნელოვნად გაიზრდება“, – განაცხადა „Sputnik-საქართველოსთან“ შენგელიამ.

მისი თქმით, ექსპორტის ზრდის ხელშეწყობისთვის საქართველოს მთავრობამ ეკონომიკა სამი მიმართულებით სწრაფად და რევოლუციური გზით უნდა განავითაროს.

„პირველი მიმართულება ახალი ტექნოლოგიების დანერგვაა, მეორე – ბიოფარმაცევტული ბაზრის განვითარება, მესამე და მთავარი კი ქვეყანაში არსებული სასარგებლო წიაღისეულის გადამუშავება და ექსპორტზე საბოლოო სახით გატანაა“, – განაცხადა შენგელიამ და აღნიშნა, რომ ყველა ჩამოთვლილ მიმართულებაზე იაფი კრედიტებია საჭირო.

ეკონომისტი მიიჩნევს, რომ ქვეყნის კრიზისიდან გამოსაყვანად აუცილებელია ეკონომიკის განვითარების სტრატეგიული გეგმა, რომლის განხორციელებაც პუნქტობრივად მოხდება.

64
ვაქცინაცია კორონავირუსზე მოსკოვში

კორონავირუსის საწინააღმდეგო რუსული ვაქცინა პარაგვაიში დაარეგისტრირეს

0
სამხრეთ ამერიკაში კორონავირუსის საწინააღმდეგო პრეოპარატით უკვე იცრება არგენტინის, ბოლივიის, ვენესუელისა და ბრაზილიის მოსახლეობა

თბილისი, 15 იანვარი — Sputnik. პარაგვაის ჯანდაცვის სამინისტრომ COVID-19-ის საწინააღმდეგო ვაქცინა „სპუტნიკV" დაარეგისტრირა, იუწყება რუსეთის პირდაპირი ინვესტიციების ფონდი.

ვაქცინა დაარეგისტრირეს დაჩქარებული წესით, სახელმწიფოს ტერიტორიაზე დამატებითი კლინიკური კვლევების ჩატარების გარეშე. ანალოგიურად დაარეგისტრირეს პრეპარატი არგენტინაში, ბოლივიაში, ვენესუელაში, სერბეთში, ალჟირსა და პალესტინაში.

პარაგვაიში პრეპარატის მიწოდებას უზრუნველყოფენ ფონდის საერთაშორისო პარტნიორები ინდოეთში, ჩინეთში, სამხრეთ კორეაში და სხვა ქვეყნებში.

ფონდის გენერალური დირექტორის, კირილ დმიტრიევის თქმით, ლათინური ამერიკის მრავალი ქვეყანა დაინტერესებულია რუსული ვაქცინით. მას იმედი აქვს, რომ უახლოეს დროს „სპუტნიკV" რეგიონის სხვა ქვეყნებშიც გაივლის რეგისტრაციას.

რუსეთის ჯანდაცვის სამინისტრომ აგვისტოში დაარეგისტრირა მსოფლიოში პირველი COVID-19-ის საწინააღმდეგო ვაქცინა, რომელიც გამალეის ცენტრშია შექმნილი. ცენტრის დირექტორმა ალექსანდრ გინცბურგმა განაცხადა, რომ ვაქცინის უსაფრთხოება სრულად არის დამტკიცებული, ხოლო მისმა ეფექტურობამ 91,4% შეადგინა.

0