საახალწლო განათება

გაიზრდება თუ არა ელექტროენერგიის ტარიფი, ხვალ გადაწყდება

109
(განახლებულია 21:59 28.12.2020)
რეგულატორი აუდიტის მონაცემებზე დაყრდნობით ობიექტურ და დაბალანსებულ გადაწყვეტილებას მიიღებს, განაცხადა მარეგულირებელი კომისიის თავმჯდომარემ.

თბილისი, 28 დეკემბერი – Sputnik. ელექტროენერგიის სამომხმარებლო ტარიფის გაზრდის საკითხი სამშაბათს, 29 დეკემბერს საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკი) სხდომაზე გადაწყდება, განაცხადა კომისიის თავმჯდომარემ დავით ნარმანიამ.

დღეს ელექტროკომპანია „ენერგო-პრო ჯორჯიამ“ (Energo-Pro Georgia) განცხადება გამოაქვეყნა, სადაც აღნიშნულია, რომ გარდაუვალია ელექტროენერგიის ტარიფების მნიშვნელოვანი გაზრდა. კომპანია მარეგულირებელი კომისიის გადაწყვეტილებას ელოდება. კომპანიაში საუბრობენ კრიზისზე და აღნიშნავენ, რომ არსებული ტარიფების შენარჩუნება უფრო ცუდ შედეგებს მოიტანს.

ტარიფები საყოფაცხოვრებო მომხმარებლებისთვის (დღგ-ის ჩათვლით) ამჟამად ასეთია: 101 კვტ/სთ-ის ჩათვლით და საერთო მოხმარების მრიცხველის აბონენტებისთვის 1 კვტ/სთ მოხმარებული ენერგიის ფასი 14.2367 თეთრია. 101 კვტ/სთ-დან 301 კვტ/სთ-ის ჩათვლით – 18.2133, ხოლო 301 კვტ/სთ-დან და მეტი – 22.7327 თეთრი.

დავით ნარმანიას განცხადებით, ეროვნული კომისიის ტარიფებისა და ეკონომიკური ანალიზის დეპარტამენტმა დაასრულა აუდიტი და ცნობილია ყველა ძირითადი პარამეტრი.

„სემეკის ტარიფების და ეკონომიკური ანალიზის დეპარტამენტმა დაასრულა აუდიტი, ყველა ძირითადი პარამეტრები ხელთ გვაქვს. აღნიშნულ საკითხზე კომისია ხვალ სხდომაზე იმსჯელებს და მიიღებს ობიექტურ და დაბალანსებულ გადაწყვეტილებას. ნებისმიერ შემთხვევაში ჩვენი გადაწყვეტილება იქნება ობიექტური და ის პარამეტრები, რაც დამტკიცდება, იქნება ორიენტირებული ხარისხიანი და უსაფრთხო ენერგიის მიწოდებაზე“, – განაცხადა ნარმანიამ.

„ენერგო-პრო ჯორჯიას“ განცხადებაზე კომენტარი გააკეთა ასევე საქართველოს ეკონომიკის მინისტრმა ნათია თურნავამ.

მისი თქმით, ელექტროენერგიაზე ტარიფის მომატება ეროვნული კომისიის კომპეტენციის ფარგლებშია და ამ ეტაპზე მთავრობა ამაში ჩარევას არ აპირებს.

„კანონმდებლობის თანახმად, ტარიფების კალკულაციასა და დადგენას ახორციელებს დამოუკიდებელი რეგულატორი, მარეგულირებელი კომისია, სემეკი, რომელიც თავისი მეთოდოლოგიით ხელმძღვანელობს. ჩვენ დარწმუნებული ვართ, რომ სემეკი მიიღებს დაბალანსებულ, ოპტიმალურ გადაწყვეტილებას, რომელიც, ერთი მხრივ, მომხმარებლის უფლებებს დაიცავს, მეორე მხრივ, ენერგოკომპანიებსაც მისცემს საშუალებას უსაფრთხოდ მიაწოდონ ელექტროენერგია მოსახლეობას და კომერციულ აბონენტებს. ამ ეტაპზე ჩვენ არ ჩავერევით მათ კომპეტენციაში", – განაცხადა ნათია თურნავამ.

ელექტროენერგიაზე სამომხმარებლო ტარიფის ცვლილებაზე გადაწყვეტილება მარეგულირებელ კომისიას გასული კვირის დასაწყისში უნდა მიეღო, მაგრამ ვინაიდან კომისიის რამდენიმე თანამშრომელი კორონავირუსით ინფიცირების რისკის გამო იზოლაციაში იმყოფებოდა, სხდომა გადაიდო.

109
ვალუტის გაცვლის პუნქტი

ლარის კურსი 25 იანვარს

32
(განახლებულია 12:56 24.01.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0034 ლარით გაუფასურდა.

თბილისი, 25 იანვარი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,3044 GEL/$1 ნიშნულზე დაადგინა.

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0034 ლარით გაუფასურდა.

ლარის კურსი 25 იანვარს
ლარის კურსი 25 იანვარს
32
თემები:
ლარის კურსი დღეს
სასოფლო-სამეურნეო სამუშაოები შიდა ქართლში

კლიმატი და სოფლის მეურნეობა პანდემიის პერიოდში: რა განიხილეს მინისტერიალზე

120
(განახლებულია 14:00 24.01.2021)
ფორუმის ფარგლებში მონაწილეებმა რეგიონებისა და ქვეყნების მიხედვით პანდემიის პრევენციის და კლიმატის ცვლილების შერბილების საკითხებზე იმსჯელეს

თბილისი, 24 იანვარი – Sputnik. გარემოს დაცვისა და სოფლის მეურნეობის მინისტრმა, ლევან დავითაშვილმა მიიღო მონაწილეობა სოფლის მეურნეობის საკითხებზე ონლაინ მინისტერიალში, რომელიც ყოველწლიურად ათ წელიწადზე მეტია ბერლინში იმართება, ინფორმაციას სოფლის მეურნეობის სამინისტრო ავრცელებს.

მინისტერიალს, რომელიც სურსათისა და სოფლის მეურნეობის მე-13 გლობალური ფორუმის (GFFA) ფარგლებში გაიმართა, მსოფლიოს 70-ზე მეტი ქვეყნის სოფლის მეურნეობის მინისტრი და საერთაშორისო ორგანიზაციების წარმომადგენლები ესწრებოდნენ.

ლევან დავითაშვილმა, სიტყვით გამოსვლისას, საქართველოში პანდემიით შექმნილი მდგომარეობის საპასუხოდ ხელისუფლების მიერ გატარებულ ღონისძიებებზე ისაუბრა.

როგორც მინისტრმა აღნიშნა, ურთულესი გამოწვევის დროს, კოორდინირებული მუშაობით, არცერთ რეგიონში სასურსათო პროდუქციის დეფიციტი არ შექმნილა.

„მხარდაჭერისთვის და თანამშრომლობისთვის მადლობას ვუხდი ყველა მონაწილე სახელმწიფოს და პარტნიორ ორგანიზაციებს, ასევე, ადგილობრივი კერძო სექტორის წარმომადგენლებს სანიმუშო კომუნიკაციისთვის. ეს წარმატება ერთობლივი შრომის შედეგია“,- განაცხადა ლევან დავითაშვილმა.

დავითაშვილმა ფერმერების მხარდასაჭერად შემუშავებული სოფლის მეურნეობის ანტიკრიზისული გეგმის მნიშვნელობაზეც გაამახვილა ყურადღება.

ფორუმის ფარგლებში მონაწილეებმა რეგიონებისა და ქვეყნების მიხედვით პანდემიის პრევენციის და კლიმატის ცვლილების შერბილების საკითხებზე იმსჯელეს და მიიღეს კომუნიკე, რომელიც კლიმატის ცვლილების და  პანდემიის პირობებში მსოფლიოს სასურსათო მარაგების უზრუნველყოფას და პანდემიის პრევენციას ეხება.

120
ევროსაბჭოს საპარლამენტო ასამბლეა

ქართული დელეგაცია ევროსაბჭოს საპარლამენტო ასამბლეის სესიაში მიიღებს მონაწილეობას

0
დღეს სტრასბურგში გაიხსნება ევროსაბჭოს საპარლამენტო ასამბლეის (PACE) ზამთრის სესია, რომელიც მთელ კვირას გასტანს

თბილისი, 25 იანვარი – Sputnik. საქართველოს პარლამენტის მუდმივმოქმედი დელეგაცია 25-29 იანვარს ევროპის საბჭოს საპარლამენტო ასამბლეის ზამთრის სესიაში მიიღებს მონაწილეობას, ნათქვამია საქართველოს პარლამენტის მიერ გავრცელებულ განცხადებაში.

ქართულ დელეგაციას პარლამენტის თავმჯდომარის მოადგილე კახა კუჭავა უხელმძღვანელებს.

უწყების ინფორმაციით, ეს არის საპარლამენტო დელეგაციის პირველი ვიზიტი, რომელიც მეათე მოწვევის პარლამენტის ფარგლებში განხორციელდება.

სესიაზე მსჯელობის მთავარი საგანი გლობალური პანდემია და კოვიდ–19-ის საწინააღმდეგო ვაქცინები იქნება. დელეგატებს სიტყვით მიმართავს ჯანმრთელობის მსოფლიო ორგანიზაციის გენერალური დირექტორი ტედროს ადანომ გებრეიესუსი.

ამასთან, სასესიო და საკომიტეტო მუშაობის პარალელურად, დელეგაციის წევრები გამართავენ მაღალი დონის შეხვედრებს.

„ჩვენთვის ძალიან მნიშვნელოვანი იყო ამ ვიზიტის განხორციელება, რადგან არის ბევრი აქტუალური საკითხი, ანგარიში, რომელიც საქართველოს ეხება. ჩვენ ვაპირებთ, ძალიან აქტიურად მივიღოთ მონაწილეობა ამ განხილვებში“, - განაცხადა კუჭავამ.

მისი ინფორმაციით, ერთ-ერთი მნიშნელოვანი დოკუმენტი, რომელიც პირველივე დღეს იქნება წარმოდგენილი, გახლავთ ევროსაბჭოს სადამკვირვებლო მისიის ანგარიში, რომელიც  2020 წლის 31 ოქტომბრის არჩევნებს შეეხება.

ანგარიშს დღევანდელ სხდომაზე წარადგენს მისიის ხელმძღვანელი, ჰოლანდიელი დეპუტატი ტინი კოქსი.

„ჩვენთვის ასევე მნიშვნელოვანია მონიტორინგის ანგარიში და ის დადებითი შეფასებები, რომელიც წარმოდგენილია საქართველოს მიმართ“, -  განაცხადა კახა კუჭავამ.

სტრასბურგში მყოფი დელეგაციის შემადგენლობაში მმართველი პარტიიდან არიან ირაკლი კობახიძე, მარიამ ქვრივიშვილი, გივი მიქანაძე, თამარ ტალიაშვილი, ირაკლი ჩიქოვანი და გიორგი ხოჯევანიშვილი. დელეგაციის წევრია „ევროპელი სოციალისტების“ წარმომადგენელი ფრიდონ ინჯიაც.

0
თემები:
საქართველოს პარლამენტი