ქვევრი

ქართული ღვინო ექსპერტმა მსოფლიოს საუკეთესო ღვინოების ხუთეულში დაასახელა

99
(განახლებულია 18:27 28.12.2020)
The Morning Claret-ის დამფუძნებელმა და რედაქტორმა საიმონ ვულფმა, რომელიც მსოფლიოს მასშტაბით ღვინის ერთ-ერთ საუკეთესო შემფასებელია, 2016 წელს წარმოებულ „საფერავს" საუკეთესო შეფასება მისცა.

თბილისი, 28 დეკემბერი – Sputnik. 2020 წელს საუკეთესო ხუთ ღვინოს შორის გამორჩეული ადგილი ქართულმა ღვინომ დაიკავა, იუწყება ღვინის ეროვნული სააგენტო.

The Morning Claret-ის დამფუძნებელმა და რედაქტორმა, ბესტსელერის „ქარვისფერი რევოლუცია“ (Amber Revolution) ავტორმა საიმონ ვულფმა, რომელიც მსოფლიოს მასშტაბით ღვინის ერთ-ერთ საუკეთესო შემფასებლად ითვლება, 2020 წლის შემაჯამებელ სტატიაში მკითხველს ხუთი ღვინო გააცნო, საიდანაც ერთი ქართული ღვინოა – 2016 წელს წარმოებული „საფერავი".

საიმონ ვულფი განმარტავს, რომ ოჯახური ტიპის მეღვინეობა „ბიომარნის" საფერავი „ნამდვილი ვარსკვლავი" და სრულიად განსაკუთრებულია. რაც შეეხება თავად სახელს – „ბიომარანი", ავტორი წერს, რომ ეს შთაგონებას იწვევს, რადგანაც, ტექნიკური აღწერის თანახმად, მათ მიერ წარმოებული ღვინო „ორგანულზე გადასვლის“ ეტაპს გადის, რაც, მისი შეფასებით, ძალიან კარგი დასაწყისია.

„ბიომარანმა" ჭეშმარიტად გამაოგნებელი ღვინო მიიღო, რომელიც მაგონებს უდიდეს ლუარის კაბერნე ფრანკს (Loire Cab Franc)", – წერს ვულფი.

მისი შეფასებით, ამ ღვინოში სწორადაა შენარჩუნებული საფერავის წითელკენკროვანი გემო, ისევე, როგორც მისი მწკლარტე, მაგრამ დახვეწილი ტანინი.

„ლაღად იგრძნობა შეთამაშებული მიწის სურნელი, რასაც ისევ Cab Franc-მდე მივყავარ. ეს კი აღფრთოვანებას გვმატებს! ეს საფერავი ნადვილი vin de soif-ია, ტიპურობითა და ენერგიით დატვირთული. და როგორც ყველა კარგი ქვევრის ღვინის შემთხვევაში, აქ ვერ ნახავთ ვერც ჭარბ ჟანგბადიანობასა და ვერც მუხის კასრის ზედმეტ გემოებს, რაც ამ ღვინოს განსაკუთრებით სახალისოს ხდის", – წერს საიმონ ვულფი.

ამასთან, ღვინის გამორჩეული შემფასებელი „ბიომარანს" მადლობას უხდის, რომ ეს 2016 წლის ღვინო ახლა გამოუშვა და არა მის ადრეულ ეტაპზე, რადგან, მისი აზრით, ეს ღვინო ბევრად კარგია, როდესაც ის რამდენიმეწლიანი დაძველებითაა.  

ჩინეთში ქართული ღვინით დაინტერესდნენ>>

საიმონ ვულფი ბევრს საუბრობს „ბიომარნის" ღვინოზე და სტატიას იმ იმედით ასრულებს, რომ „თუ ქისი და ხიხვიც ასეთივე კარგია, მხოლოდ ამისთვის ღირს მოუთმენლად დაველოდოთ 2021 წელს”.  

გარდა ქართული ღვინისა, საიმონ ვულფის წლის მაღალი შეფასება ესპანურმა, ფრანგულმა, სლოვაკურმა და იტალიურმა ღვინოებმა დაიმსახურეს.

99
თემები:
ღვინის კულტურა და მეღვინეობა (96)
დაკეტილი სასტუმროები, კაფე–ბარები

შრომის ინსპექციამ წესების დარღვევისთვის სამი ობიექტი დააჯარიმა

37
(განახლებულია 15:19 19.01.2021)
ბოლო დღეებში შრომის ინსპექციამ 550-ზე მეტი სხვადასხვა ობიექტი შეამოწმა, აქედან 485 ობიექტი გააფრთხილეს.

თბილისი, 19 იანვარი – Sputnik. საქართველოში კოვიდ-შეზღუდვების ამოქმედების შემდეგ 48 ათასზე მეტი ობიექტი შემოწმდა, განაცხადა შრომის პირობების ინსპექტირების დეპარტამენტის უფროსმა ბექა ფერაძემ.

ფერაძის განმარტებით, ახალი შეზღუდვების ამოქმედების შემდეგ, 28 ნოემბრიდან 17 იანვრის ჩათვლით პერიოდში ზედამხედველობა განხორციელდა 48 589 ობიექტზე, აქედან რეკომენდაციები გაიცა 26 841 ობიექტზე.

14-17 იანვარს შემოწმდა 553 ობიექტი, მათგან 485-ს სიტყვიერი გაფრთხილება მიეცა, 65 ობიექტი კი საქმიანობას პროტოკოლის სრული დაცვით ახორციელებდა.

„ამავე პერიოდში, 322-ე დადგენილების მიხედვით, აკრძალული საქმიანობის განხორციელებისთვის სამი ობიექტი დაჯარიმდა. მათგან ერთ-ერთი ახორციელებდა დახურულ სოციალურ ღონისძიებას, რომელსაც 100-ზე მეტი ფიზიკური პირი ესწრებოდა“, – აღნიშნა ფერაძემ.

საქართველოში ინფიცირებულთა ზრდის მაჩვენებლის შეკავების მიზნით ხელისუფლებამ 28 ნოემბრიდან მკაცრი შეზღუდვები დააწესა. არ მუშაობს მუნიციპალური ტრანსპორტი, კაფე–რესტორნები, ფიტნეს–დარბაზები და აუზები და ა.შ. გარდა ამისა, ქვეყნის მთელ ტერიტორიაზე 21:00 საათიდან 05:00 საათამდე იკრძალება ქუჩაში როგორც ქვეითების, ისე ტრანსპორტის გადაადგილება.

37
თემები:
საქართველოს ეკონომიკა
„ენგურჰესი

თურნავა: „ენგურჰესის“ რემონტი მნიშვნელოვანია საქართველოს ენერგოუსაფრთხოებისთვის

29
(განახლებულია 14:36 19.01.2021)
სარემონტო–აღდგენითი სამუშაოები უწყვეტ რეჟიმში ჩატარდება, რათა „ენგურჰესმა“ დროულად განაახლოს ფუნქციონირება.

თბილისი, 19 იანვარი – Sputnik. საქართველოში ყველაზე მძლავრი სადგურის – „ენგურჰესის“ რემონტის პროექტი მასშტაბურია და კრიტიკულად მნიშვნელოვანი საქართველოს ენერგოუსაფრთხოებისთვის, განაცხადა ეკონომიკისა და მდგრადი განვითარების მინისტრმა ნათია თურნავამ.

დერივაციული (ჰიდროტექნიკური) გვირაბის დაგეგმილი სამუშაოების გამო სადგური 20 იანვრიდან 1 მაისამდე არ იმუშავებს. გამოირთვება „ენგურჰესის“ ხუთივე აგრეგატი.

მასშტაბური პროექტის მოსამზადებელი სამუშაოების შესახებ დეტალური ინფორმაცია თურნავამ ქვეყნის ენერგოსექტორის სახელმწიფო უწყებებისა და იმ სამშენებლო კომპანიების წარმომადგენლებთან ერთად განიხილა, რომლებიც ჰესის რემონტის პროექტს განახორციელებენ.

„ენგურჰესი“ ჩვენთვის ძალიან მნიშვნელოვანი ობიექტი და იაფი ენერგიის წყაროა... მისი უსაფრთხო ექსპლუატაციისთვის პერიოდულად აუცილებელია სადგურზე სარეაბილიტაციო–სარემონტო სამუშაოების ჩატარება. ამჯერად განხორციელდება საკმაოდ მასშტაბური სამუშაოები. ესაა გვირაბის ცემენტაცია, დალექილი ლამის გამოტანა, ელექტრომექანიკური ნაწილების შეკეთება–რეაბილიტაცია, რაც საბოლოო ჯამში უზრუნველყოფს იმას, რომ სადგურის მიერ წყლის დანაკარგი შემცირდება, ელექტროსადგურის გამომუშავება კი მოიმატებს“, – განუცხადა თურნავამ ჟურნალისტებს.

მისი თქმით, სარემონტო სამუშაოები უწყვეტ, 24-საათიან რეჟიმში განხორციელდება, რათა დროულად ამუშავდეს ქვეყნის უმძლავრესი ჰესი.

თურნავა: საქართველოს ენერგოსისტემა ენგურჰესის გაჩერებით არ დაზარალდება>>

სარემონტო სამუშაოები „ენგურჰესზე“ ბოლოს 15 წლის წინ ჩატარდა. თურნავას განცხადებით, ჰიდროსადგურის მუშაობის უსაფრთხოებისთვის მისი გაჩერება აუცილებელია. ამისთვის კი ყველაზე ოპტიმალური დრო შეარჩიეს, როდესაც „ენგურჰესის“ წყლის რესურსები მინიმალურია.

რემონტის პროექტის სრული ღირებულება 45 მლნ ევროა. აქედან 7 მლნ ევროკომისიის გრანტია, 38 მლნ – ევროპის რეკონსტრუქციისა და განვითარების ბანკის (EBRD) მიერ გამოყოფილი თანხა.

„ენგურჰესი“ ყველაზე დიდი ჰესია კავკასიაში და ის საქართველოს ელექტროენერგიის ძირითად წყაროს წარმოადგენს. ამ ჰესის მიერ გამომუშავებული ელექტროენერგიის დაახლოებით მესამედი, ზამთარში კი მთლიანად აფხაზეთს მიეწოდება, რომელსაც საქართველოს ცენტრალური ხელისუფლება ვერ აკონტროლებს.

„ენგურჰესი“ ჰიდროელექტროსადგურების კასკადია, რომელშიც შედის თვით ენგურჰესი, რომლის დადგმული სიმძლავრეა 1300 ათ. კვტ, ვარდნილჰესი №1 (სიმძლავრე 220 ათ. კვტ) და სამი 40 ათ. კვტ სიმძლავრის ჰესი. ენგურჰესის თაღოვან კაშხალს, რომელიც ერთ-ერთი ყველაზე მაღალია მსოფლიოში ამ ტიპის დამბებს შორის, მინიჭებული აქვს ეროვნული მნიშვნელობის კულტურის ძეგლის სტატუსი.

29
თემები:
საქართველოს ენერგეტიკა

მაღალმთიან აჭარაში დიდთოვლობაა - ვიდეო

0
(განახლებულია 18:53 19.01.2021)
აჭრის მთებში დიდი თოვლი მოვიდა, რომელმაც პირდაპირი გაგებით დაფარა სოფლები. იხილეთ Sputnik საქართველოს ვიდეო ადგილიდან

ქედისა და აჭარის სხვა რაიონებში დილიდან იწმინდება გზები. კომუნალური სამსახურის თანამშრომლები დილიდან ცდილობენ ბოლო ოცდაოთხ საათში მოსული თოვლის აღებას. თოვლის საფარი ზოგ ადგილას 70 სანტიმეტრს აღწევს.

უამინდობის გამო გაძნელებულია სატრანსპორტო მოძრაობა. ხულოს მუნიციპალიტეტში შიდა გზებზე გადაადგილება მხოლოდ მაღალი გამავლობის ავტომობილებით არის შესაძლებელი, თუმცა ცენტრალურ გზაზე მოძრაობა უკვე თავისუფალია.

 

0
თემები:
ამინდი საქართველოში