იუსტიციის სახლი, სადაც ეროვნული ბანკია განთავსებული

ეროვნულმა ბანკმა ოქროსა და ვერცხლის ახალი საკოლექციო მონეტები გამოუშვა

68
(განახლებულია 14:26 28.12.2020)
მონეტების ყიდვა შესაძლებელია მხოლოდ ხუთი დღის განმავლობაში. შემდეგ მისი გაყიდვა შეჩერდება. ერთ ჯერზე შესაძლებელია მხოლოდ ორი ვერცხლისა და ერთი ოქროს მონეტის ყიდვა.

თბილისი, 28 დეკემბერი – Sputnik. ქართველი მეფის ერეკლე მეორის 300 წლის იუბილესადმი მიძღვნილი ოქროსა და ვერცხლის მონეტები 28 დეკემბრიდან გაიყიდება, ნათქვამია საქართველოს ეროვნული ბანკის განცხადებაში.

მონეტების შეძენა მხოლოდ ხუთი დღის განმავლობაში იქნება შესაძლებელი. ამასთან, ერთ ჯერზე მხოლოდ ორი ვერცხლისა და ერთი ოქროს მონეტის ყიდვა შეიძლება.

მონეტის ნომინალი ხუთი ლარია. სულ გამოშვებულია 1,5 ათასი ვერცხლისა და 300 ოქროს მონეტა.

მონეტის დიზაინი იდენტურია. ავერსზე გამოსახულია ერეკლე მეორის პორტრეტი, რომელიც საქართველოს ეროვნულ მუზეუმში დაცულ ორიგინალს შეესაბამება. ასევე მას ერთვის ერეკლე მეფის ხელრთვა „ერეკლე“, მისი ხმლისა და ცხოვრების წლების – 1720–1798 – გამოსახულება.

მონეტის ქვედა, ცენტრალურ ნაწილში განთავსებულია ერეკლე II-ის სახელით თბილისის ზარაფხანაში მოჭრილი მონეტა, რომელზეც გამოსახულია ბაგრატიონთა საგვარეულო გერბი: გვირგვინი, სასწორი, სფერო, სკიპტრა და მახვილი.  

მონეტის რევერსზე გამოსახულია ივერიული (ქართული) გვირგვინი. მონეტაზე დატანილია წარწერები: „საქართველო", „5 ლარი", GEORGIA და მითითებულია წელი – „2020".

Национальный банк Грузии выпускает новую монету номиналом 5 лари
5 ლარის ნომინალის მონეტა ერეკლე მეორის გამოსახულებით

მონეტების ესკიზის ავტორია ლევან კაკიაშვილი. მონეტები ნიდერლანდების სამეფო ზარაფხანაში მოიჭრა.

ვერცხლის მონეტა 17 გრამს იწონის, შესრულებულია 925 სინჯის ვერცხლით, მისი დიამეტრია 34 მილიმეტრი. გამოსახულება ავერსზე მოოქროვილია. მონეტის ღირებულებაა 100 ლარი.

ოქროს მონეტა, რომელიც 900 სინჯის ოქროთია შესრულებული, 8,5 გრამს იწონის. მისი დიამეტრია 8,5 მილიმეტრი და ის 1690 ლარი ღირს.

მონეტები ერეკლე მეორის თემაზე პირველია სერიიდან „ქართველი მეფეები“. უკვე გამოცხადებულია კონკურსი მონეტების შექმნაზე თამარ მეფისა და დავით აღმაშენებლის თემაზე. მათი გამოშვება 2021 წელს იგეგმება. შემდეგ ეროვნული ბანკი გეგმავს მონეტების გამოშვებას ვახტანგ გორგასლის, გიორგი ბრწყინვალეს, ბაგრატ მესამე კურაპალატის, ფარნავაზ პირველის თემებზე.

68
პურის მაღაზიაში

რატომ გაიზარდა ხორბლის ფქვილზე სუბსიდიის მოცულობა - ლევან სილაგავას განმარტება

47
 ერთი ტომარა ხორბლის ფქვილზე სახელმწიფო სუბსიდიის მოცულობა გაიზარდა და 15 ლარი გახდა. სუბსიდირების პირველ ეტაპზე ეს თანხა 10 ლარს შეადგენდა

თბილისი, 23 იანვარი - Sputnik. სახელმწიფო სუბსიდირება რომ არა, ყოველდღიური მოხმარების, ქარხნულ პურზე ფასი სავარაუდოდ 15-20 თეთრით გაიზრდებოდა. განაცხადა ფქვილის მწარმოებელთა ასოციაციის აღმასრულებელმა დირექტორმა ლევან სილაგავამ პირველ არხთან საუბრისას.

ლევან სილაგაძემ ერთ ტომარა ფქვილზე სუბსიდიის გაზრდასთან დაკავშირებით ისაუბრა. ცოტა ხნის წინ ერთი ტომარა ხორბლის ფქვილზე სახელმწიფო სუბსიდიის მოცულობა გაიზარდა და 15 ლარი გახდა.

სილაგაძემ აღნიშნა, რომ ფქვილის ფასის სუბსიდირების პროგრამა ორ ეტაპად ხორციელდება, კერძოდ, პირველ ეტაპზე დეკემბერ-იანვარში ერთი ტომარა პირველი ხარისხის ფქვილი 63 ლარი ღირდა, თუმცა უკვე თებერვალსა და მარტში გლობალურ ბაზრებზე ხორბლის მნიშვნელოვანი გაძვირების შედეგად საქართველოში ფქვილის ფასი 68 ლარამდე გაიზარდა.

„შესაბამისად იმისათვის, რომ წისქვილკომბინატებმა მიაწოდონ პურის ქარხნებს 53 ლარად ფქვილი, აღარ არის საკმარისი 10-ლარიანი სუბსიდია და საჭირო გახდა სუბსიდირების თანხის 15 ლარამდე გაზრდა“, - განმარტა სილაგავამ.

ამასთან, ხორბლისა და ფქვილის მწარმოებელთა ასოციაციის აღმასრულებელი დირექტორის განმარტებით, 27 იანვარს გამოცხადდება ტენდერი და ნებისმიერ წისქვილკომბინატს შესაძლებლობა ექნება მიიღოს მასში მონაწილეობა თავისუფალი პრინციპით.

„ეს სუბსიდირების პროგრამა მოიცავს ახლა უკვე პირველი თებერვლიდან პირველ აპრილამდე დღევანდელი ფასის დაჭერას. მონაწილე კომპანიები ამ პირობით შედიან ტენდერში, რომ 53 ლარად მიაწოდებენ პურის ქარხნებს ფქვილს“, - განაცხადა ლევან სილაგავამ.

მწარმოებელ ქვეყნებში ხორბლის ცუდმა მოსავალმა, ეკონომიკურმა კრიზისმა და ლარის მერყევმა კურსმა იმოქმედა ფქვილის ღირებულებაზე, რამაც გააჩინა საფუძვლიანი ეჭვი, რომ ქვეყანაში პური გაძვირდებოდა. ამის თავიდან აცილების მიზნით საქართველოს ხელისუფლებამ მიიღო პირველი ხარისხის ხორბლის ფქვილის იმპორტის სუბსიდირების გადაწყვეტილება.

პროგრამა გათვლილია 4 თვეზე და ის დეკემბრიდან ამოქმედდა. წისქვილკომბინატებისთვის დაწესებულია ფიქსირებული ფასი – 53 ლარი პირველი ხარისხის ფქვილის 50 კგ-იან ტომარაზე. პროგრამა 1 მარტამდე იმოქმედებს.

ხორბლის ფქვილის სუბსიდირებისთვის სახელმწიფო ჯამში 10 მლნ ლარის გამოყოფას გეგმავს.

აღსანიშნავია, რომ საქართველოში ხორბლის იმპორტის 90% რუსეთზე მოდის, რაც დაახლოებით ნახევარ მილიონ ტონა მარცვლეულს ნიშნავს.

47
ფერმა

ქვემო ქართლის რეგიონში მესაქონლეობის ახალი ფერმა ამოქმედდა

41
(განახლებულია 12:48 23.01.2021)
მესაქონლეობის ახალ ფერმაში 20 ადგილობრივია დასაქმებული. წარმოებული პროდუქციის რეალიზაცია ადგილობრივ ბაზარზე ხორციელდება

თბილისი, 23 იანვარი - Sputnik. მარნეულის მუნიციპალიტეტის სოფელ დამია-გიაურარხში თანამედროვე სტანდარტებით აღჭურვილი მესაქონლეობის ახალი ფერმა ამოქმედდა. ინფორმაციას სოფლის მეურნეობის სააგენტო ავრცელებს.

სააგენტოს ცნობით, ახალი ფერმის მშენებლობაზე 2 მილიონ ლარამდე თანხა დაიხარჯა, აქედან 1.5 მლნ ლარი შეღავათიანი აგროკრედიტია, დანარჩენი კი ფერმერის ინვესტიცია. ფერმაში, სადაც 20 ადგილობრივია დასაქმებული ყოველდღიურად 4 ტონა ნედლ რძეს აწარმოებენ. პროდუქციის რეალიზაცია ადგილობრივ ბაზარზე ხორციელდება.

მესაქონლეობის ახალი ფერმა სოფლის განვითარების სააგენტოს დირექტორმა ილია თამარაშვილმა ქვემო ქართლის მხარის სახელმწიფო რწმუნებულთან შოთა რეხვიაშვილთან ერთად დაათვალიერა.

სააგენტოს დირექტორის განცხადებით, სოფლის განვითარების სააგენტო აგრარულ საქმიანობაში ჩართული პირებისთვის სესხის პროცენტის თანადაფინანსებას ახორციელებს. სახელმწიფოს მხრიდან ფინანსური მხარდაჭერა ფერმერებს ბიზნესის წამოწყებასა და მის განვითარებაში ეხმარება.

„სოფელ დამია-გიაურარხში აშენებული ახალი ფერმა კიდევ ერთი მაგალითია, თუ როგორ შესაძლებლობებს იძლევა სოფლის მეურნეობისა და ეკონომიკის მიმართულებით არსებული სახელმწიფო პროექტები“, - განაცხადა შოთა რეხვიაშვილმა.

შეღავათიანი აგროკრედიტის სახელმწიფო პროექტი 2013 წლიდან ხორციელდება, პროგრამა ითვალისწინებს მიზნობრივ კრედიტებს დაბალი ტარიფით ფერმერების დასახმარებლად.

 

 

41
სოფ.ქაისხევის წმ.გიორგის სახელობის ეკლესია

საეკლესიო კალენდარი: 24 იანვარი

0
(განახლებულია 00:42 24.01.2021)
საქართველოს მართლმადიდებელი ეკლესია 24 იანვარს წმიდა თეოდოს დიდს და ღირს თეოდოს ანტიოქიელის იხენიებს.

Sputnik საქართველო გიამბობთ ვინ იყვნენ ეს ადამიანები და რატომ არიან მოხსენიებული საეკლესიო კალენდარში.

წმიდა თეოდოსი დიდი

წმიდა თეოდოსი დიდი 424 წელს დაიბადა კაბადოკიაში, ღვთისმოშიშ ქრისტიანთა ოჯახში.  

თეოდოსიმ რამდენიმე ხანი სიწმიდით განთქმული ერთი განდეგილი ბერის მორჩილებაში დაჰყო, შემდეგ კათისმას მონასტერში ცხოვრობდა, ბოლოს კი განმარტოება ისურვა და პალესტინის უდაბნოს იმ გამოქვაბულში დაეყუდა, სადაც, გადმოცემით, იესოს თაყვანისცემის შემდეგ ბეთლემიდან გამობრუნებულ მოგვებს გაუთევიათ ღამე.

 ოცდაათი წელი ცხოვრობდა წმიდა მამა ამ მღვიმეში და ფიცხელი შრომითა და მარხვით ცდილობდა ხორციელი გულისთქმების დაოკებას: მხოლოდ კვირა დღეს ჭამდა; დღე და ღამე ლოცვად იდგა. წმიდანმა იქ ააგო პირველი საერთო საცხოვრისი, ანუ, ლავრა, რომელიც ბასილი დიდის ტიპიკონით ხელმძღვანელობდა. თეოდოსის სავანეში სიხარულით ღებულობდნენ და ნუგეშს სცემდნენ უცხოებს, გლახაკებს. წმიდა მამა ზრუნავდა სნეულებზეც. მან ააშენა დავრდომილთა თავშესაფარი. წმიდანის ბევრი მოწაფე უდაბნოს გარეთაც მოსაგრეობდა: ზოგმა მეუდაბნეობის ღვაწლი იტვირთა, ზოგიც ეპისკოპოსად და სხვადასხვა სავანეთა იღუმენად დაადგინეს.

„და ვინმცა შეუძლო მოთხრობად ყოვლისა, რავდენსა წმიდაჲ იგი იქმოდა ფერად-ფერადთა სათნოებათა და გარდარეულსა ლოცვასა და წიგნთა კითხვასა დღე და ღამე“? ყოველ კვირას, შაბათის მწუხრიდან გათენებამდე, იგი ძმებს მღვიძარებაში ამყოფებდა, ლოცვის შემდეგ კი მოციქულთა და ეკლესიის მამათა გამონათქვამებით მოძღვრავდა.

იმპერატორ ანასტასის (491-518) ზეობისას იმპერიაში გავრცელდა ევტიხისა და სევერის მწვალებლობა, რომლებიც „უთავოებად“ (ბერძნულად აკაფალებად) იწოდებოდნენ საღმრთო საიდუმლოებებისა და სამღვდელო მადლის უარყოფის გამო. ანასტასი მიემხრო ერეტიკოსებს და ქრისტიანთა სასტიკი დევნა დაიწყო. თეოდოსი აღსდგა მართლმადიდებლობის დასაცავად: ყველა მონასტრის წინამძღვარი შეჰყარა, მათთან ერთად მეფეს მისწერა წერილი, რომელშიც დაგმო მსოფლიო კრებებზე ანათემას გადაცემული ყველა ერესი და განაცხადა: ბერები „არ მიერჩდებიან შეწყნარებასა სევეროსისასა და არცა სხჳსა ვის მწვალებელთაგანისა, ვიდრემდის ყოველთა სისხლი დაითხიოს“. იმპერატორი ცოტა ხნით დაცხრა, მაგრამ შემდეგ კვლავ განაახლა დევნა. მაშინ საღვთო შურით აღძრული წმიდა მამა იერუსალიმში ჩავიდა და დიდი ტაძრის ამბიონიდან შეაჩვენა მწვალებლობა.

ღირსი  მამა 105 წლის ასაკში მიიცვალა. ეს მოხდა 529 წელს.

ღირსი თეოდოსი ანტიოქიელი 

წმინდა თეოდოსი ანტიოქელმა სიყმაწვილეშივე დატოვა მდიდრული ოჯახი და მცირე კელიაში დასახლდა ისის ყურის სანაპიროზე, ქალაქ როსის მახლობლად. წმიდანს შიშველ მიწაზე ეძინა, ჯვალოს სამოსელი ეცვა და თან რკინის მძიმე ბორკილებსაც ატარებდა. მას თმები ისე წამოეზარდა, რომ კოჭებამდე სცემდა. მარხვის და ლოცვის დაუსრულებელი ღვაწლით ღირსმა თეოდოსიმ დათრგუნა ხორციელი ვნებები, მრისხანება დააცხრო და გონება არაწმინდა ფიქრებისაგან განიწმინდა. თავის სამშობლოში მან დააარსა მონასტერი და სავანის ძმებში ფიზიკური შრომისა და სულიერი ღვაწლის სიყვარულს აღვივებდა, ღირსი მამა განსაკუთრებულ მზრუნველობას იჩენდა მწირებისა და მიუსაფრების მიმართ. წმიდანმა შორს გაითქვა სახელი, მას ქრისტიანებიც იცნობდნენ და წარმართებიც. ზღვაოსნები განსაცდელის ჟამს შემწედ „თეოდოსის ღმერთს“ უხმობდნენ. ზოგჯერ მისი სახელის უბრალო ხსენებაც კი აცხრობდა აბობოქრებულ ტალღებს. წმიდანის ეშინოდათ, პატივს სცემდნენ ყაჩაღებიც და ლოცვას ითხოვდნენ მისგან. თეოდოსიმ გადაწყვიტა, განრიდებოდა ადამიანურ დიდებას. სოფელ მარათონის მახლობლად დაიწყო განდეგილი ცხოვრება და მიიცვალა კიდეც მშვიდობით (+დაახლ. 412).

 

მასალა მომზადებულია ღია წყაროებზე დაყრდნობით.

0