„ქართული ოცნების“ ოფისი

საქართველოს ბიუჯეტი სერიოზულ მსჯელობას მოითხოვს მმართველმა პარტიამ პროექტი განიხილა

34
(განახლებულია 14:21 28.12.2020)
დეპუტატები მიიჩნევენ, რომ არსებობს გარკვეული სირთულეები, რადგან მაკროეკონომიკური ფონი საკმაოდ მძიმეა, და ეს ბიუჯეტში აისახა.

თბილისი, 28 დეკემბერი – Sputnik. პარლამენტში მოსალოდნელია 2021 წლის სახელმწიფო ბიუჯეტის პროექტის სერიოზული განხილვა, განაცხადა „ქართული ოცნების“ ოფისში საპარლამენტო უმრავლესობის ორსაათიანი სხდომის შემდეგ პარლამენტის საფინანსო-საბიუჯეტო კომიტეტის თავმჯდომარემ ირაკლი კოვზანაძემ.

მისი თქმით, არსებობს გარკვეული სირთულეები, რადგან მაკროეკონომიკური ფონი საკმაოდ მძიმეა, და ეს ბიუჯეტში აისახება.

„შეცვლილია ყველა ეკონომიკური პარამეტრი, მათ შორის მაკროეკონომიკური პარამეტრები. დეფიციტი არის 7,6%. მთავრობის ვალი აჭარბებს 60%-იან ზღვარს. ეს პირველად მოხდა, აქედან გამომდინარე, გვექნება სერიოზული განხილვა. ვაპირებთ, რომ კომიტეტში სკრუპულოზურად განვიხილოთ ყველა მუხლი. მოწვეული გვეყოლება თითოეული სამინისტროს წარმომადგენელი, ასევე ეროვნული ბანკი, სახელმწიფო აუდიტი და მოვისმენთ მათ მოსაზრებებს“, – განაცხადა კოვზანაძემ.

მისი თქმით, ბიუჯეტში ჩადებულია ყველა ის სოციალური დახმარება და პაკეტი, რომელიც ხელისუფლებამ გამოაცხადა. ამ ნაწილის ჩათვლით მომავალი წლის ბიუჯეტის ასიგნებები შეადგენს თითქმის 18,4 მილიარდ ლარს, რაც 2,5 მილიარდი ლარით მეტია, ვიდრე წელს დაიხარჯა.

ქვეყნის მთავარი საფინანსო დოკუმენტის პროექტი საკანონმდებლო ორგანოში განსახილველად უკვე შესულია და ის პარლამენტმა წლის ბოლომდე უნდა მიიღოს.

2021 წლის საქართველოს ბიუჯეტის საპროგნოზო მაჩვენებლები (მლნ ლარი)

  2020 2021
შემოსულობები სახელმწიფო ბიუჯეტში 18 420,3 16 758,1
საგადასახადო შემოსულობები 8 979,4 10 342,3
ასიგნებები 15 923,8 18 384,5

2021 წელს ყველაზე მეტ დაფინანსებას მიიღებენ ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის, რეგიონული განვითარებისა და ინფრასტრუქტურის, ასევე განათლების, მეცნიერების, კულტურისა და სპორტის სამინისტროები.

34
პური

თბილისში პურის ახალი ქარხანა შენდება

30
(განახლებულია 10:17 27.01.2021)
საწარმოს პროდუქციის ნაწილი ექსპორტზე გავა, პირველ რიგში, აზერბაიჯანში, შემდგომში კი, შესაძლოა, რუსეთშიც

თბილისი, 27 იანვარი – Sputnik. ფასთფუდის რესტორნების ქსელი თბილისში პურის ახალ ქარხანას აშენებს, განაცხადა ქართველმა ბიზნესმენმა, კომპანია „მაკდონალდს საქართველოს“ დამფუძნებელმა თემურ ჭყონიამ.

როგორც ჭყონიამ ტელეარხ Formula TV–ს ეთერში განაცხადა, თებერვლის ბოლოს ან მარტის დასაწყისში „მაკდონალდსისთვის“ ულტრათანამედროვე პურის ქარხანა გაიხსნება, რომელიც მსოფლიოში მეოთხე იქნება იმ რეცეპტებითა და ტექნოლოგიებით, რომლებსაც ისინი საქართველოში ნერგავენ. ინვესტიციების მოცულობა დაახლოებით 6 მლნ ევროს შეადგენს.

მისი თქმით, პროდუქციას ექსპორტზეც გაიტანენ.

ესაა საექსპორტო პროდუქცია, რომელიც უნდა მივაწოდოთ აზერბაიჯანს, სადაც 22 რესტორანია და შესაძლოა, სამხრეთ რუსეთშიც გავიტანოთ, აღნიშნა ჭყონიამ.

ჭყონიამ ცნობილი ქსელის პირველი რესტორანი 1990–იან წლებში გახსნა. ამჟამად საქართველოში McDonald's–ის სწრაფი კვების რამდენიმე რესტორანი მუშაობს. ამას გარდა, ბიზნესმენი ფლობს Coca-Cola–ს ქარხანას და სხვა საწარმოებს საქართველოში.

30
თემები:
საქართველოს ეკონომიკა

სიღარიბე ვირუსზე საშიშია: თბილისი პროტესტების ტალღამ მოიცვა

35
თბილისში კოვიდ-შეზღუდვების გამო პროტესტის ტალღამ იფეთქა. განსაკუთრებით მკაცრი აკრძალვები მოქმედებს დიდ ქალაქებში. იხილეთ Sputnik-საქართველოს ვიდეოშ, თუ რას მოითხოვენ მომიტინგეები

საპროტესტო ტალღა 22 იანვარს დაიწყო, როდესაც ქვეყნის ვიცე-პრემიერმა მაია ცქიტიშვილმა განაცხადა, რომ 1 თებერვლიდან ქვეყანაში შეზღუდვების ნაწილი გაუქმდება, თუმცა თბილისში, რუსთავსა და ქუთაისში აკრძალვები 1 მარტამდე შენარჩუნდება. ამან დიდი უკმაყოფილება გამოიწვია საზოგადოებაში, რადგან დიდი ქალაქების მკვიდრების მთავარი პრობლემა საზოგადოებრივი ტრანსპორტის უმუშევრობაა. 

თბილისში ყოველდღიურად იმართება საპროტესტო აქციე მოქმედი შეზღუდვების მოხსნის მოთხოვნით. თუმცა, როგორც მთავრობაშ აცხადებენ, საკოორდინაციო საბჭო საკუთარ გადაწყვეტილებას მხოლოდ იმ შემთხვევაში განიხილავს, თუ ეპიდემიოლოგიური მაჩვენებელი 4%-მდე დაეცემა და 7 დღის განმავლობაში შენარჩუნდება. ამ მომენტისათვის ეს მაჩვენებელი 6%-ს შეადგენს.

ამავდროულად მეპროტესტეები აცხადებენ, რომ საქართველოს მთავრობას ქვეყნის საკონსტიტუციო სასამართლოში უჩივლებენ.

35
დიმიტრი ხუნდაძე

ხუნდაძე: ვაქცინის შესაძლო უარყოფით შედეგებზე სახელმწიფო პასუხისმგებლობას იღებს

0
(განახლებულია 14:35 27.01.2021)
პარლამენტი საზოგადოებრივი ჯანდაცვის შესახებ კანონში შესატან ცვლილებებს განიხილავს, რომლის შესაბამისად  სახელმწიფო იღებს პასუხისმგებლობას კორონავირუსის საწინააღმდეგო ვაქცინის შესაძლო უარყოფით შედეგებზე, განაცხადა დეპუტატმა დიმიტრი ხუნდაძემ
ხუნდაძე: ვაქცინის შესაძლო უარყოფით შედეგებზე სახელმწიფო პასუხისმგებლობას იღებს
„კანონში შესატან ცვლილებები გულისხმობს ვაქცინაციის პროცესში შესაძლო დამდგარი ზიანის პასუხისმგებლობის განაწილებას სახელმწიფოს მხრიდან, თუ არ არის ზიანი გამოწვეული კლინიკის, მედ პერსონალის, მწარმოებლის ან იმპორტიორის შეცდომით. ნებისმიერ ფარმაცევტულ პროდუქტს აქვს შესაძლო გვერდითი მოვლენები, ისე რომ ეს არ არის ახალი. მაგრამ რადგან კალენდარულ აცრებში არ მოიაზრება კოვიდვაქცინა, ამიტომ, დროებითი ნორმა რომ იყოს საკანონმდებლო დონეზე, ეს არის აუცილებელი. ეს მოთხოვნა აქვს მწარმოებლებსაც, ეს მოთხოვნა აქვს "კოვაქს" პლატფორმასაც", - განაცხადა დიმიტრი ხუნდაძემ.  

საქართველო კორონავირუსის საწინააღმდეგო ვაქცინის მიღებას თებერვლის მეორე ნახევარში ან მარტის დასაწყისში ელოდება. 

0