„საქართველოს ბანკის“ სათაო ოფისი

ყველაფერი მცირე ბიზნესისთვის - „საქართველოს ბანკის“ საკრედიტო ხაზი ფართოვდება

61
ეს კრედიტი ქართულ ეკონომიკაში ახალ კაპიტალს იმ დროს შექმნის, როდესაც COVID-19-ის პანდემია ბიზნესს ლიკვიდურიბის პრობლემებს უქმნის

თბილისი, 22 დეკემბერი – Sputnik. ევროპის საინვესტიციო ბანკმა (EIB) მცირე და საშუალო საწარმოებისა და საშუალო კაპიტალიზაციის კომპანიებისთვის „საქართველოს ბანკში“ საკრედიტო ხაზის გაფართოების მიზნით 25 მილიონი ევრო გამოყო, რაც COVID-19-ის პანდემიის შემდეგ ქართული ეკონომიკის სწრაფ აღდგენას შეუწყობს ხელს, ნათქვამია EIB-ს ვებგვერდზე გავრცელებულ განცხადებაში.

აღნიშნული ინვესტიცია - „ევროპული გუნდის“ მხრიდან COVID-19-ზე საგანგებო რეაგირების ნაწილია, რომელიც მიზნად ისახავს სამუშაო ადგილების შენარჩუნებას, ლიკვიდურობისა და ოპერაციების მხარდაჭერას, ასევე დახმარებას საქართველოს ეკონომიკის აღსადგენად.

შეთანხმება 7 წელიწადზეა გათვლილი და წარმოადგენს 50 მილიონი ევროს ოდენობის მულტისავალუტო კრედიტის ლიმიტის ზრდას, რომელიც „საქართველოს ბანკმა“ და EIB-მ 2019 წელს გააფორმეს. კრედიტის აღება შესაძლებელია ევროებში, აშშ-ს დოლარებში და ლარებში.

„მოხარული ვარ, რომ საქართველოს ბანკს და ევროპის საინვესტიციო ბანკს შორის წარმატებული პარტნიორობა გრძელდება. გვეძლევა მეტი შესაძლებლობა მცირე და საშუალო საწარმოებისა და საშუალო კაპიტალიზაციის კომპანიებისათვის მათ საჭიროებებზე მორგებული პროდუქტი შევთავაზოთ, რაც მნიშვნელოვანია კერძო სექტორისთვის, განსაკუთრებით ამ რთულ პერიოდში. მადლობას ვუხდი ევროპის საინვესტიციო ბანკს და ვიმედოვნებ, რომ ჩვენი თანამშრომლობით კიდევ მრავალი წარმატებული პროექტი განხორციელდება“, - განაცხადა საქართველოს ბანკის გენერალურმა დირექტორმა, არჩილ გაჩეჩილაძემ.

EIB-ს ინფორმაციით, აღნიშნული კრედიტი ქართულ ეკონომიკაში ახალ კაპიტალს იმ დროს შემოიტანს, როდესაც COVID-19-ის პანდემია ბიზნესს ლიკვიდურიბის პრობლემებს უქმნის, ნაკლებად ხელმისაწვდომს ხდის ფინანსებს და ყოველდღიურ საქმიანობას უზღუდავს.

„როგორც ევროკავშირის ბანკი, ჩვენ ვამაყობთ, რომ გვეძლევა შესაძლებლობა, გვერდით დავუდგეთ საქართველოს ეკონომიკას ამ რთულ პერიოდში. EIB-ს დაფინანსება ხელს შეუწყობს როგორც მცირე და საშუალო ბიზნესს, ასევე საქართველოს ფინანსურ სექტორს, რათა პანდემიის მიუხედავად, გააგრძელონ ოპერირება და შეძლონ ეკონომიკის გაჯანსაღება. ეს იმას ნიშნავს, რომ ჩვენ შევძლებთ შევინარჩუნოთ სამუშაო ადგილები, ხელფასები და შემოსავალი“, - განაცხადა ტერეზა ცერვიშკამ, ევროპის საინვესტიციო ბანკის ვიცე-პრეზიდენტმა და საქართველოში ოპერაციების ხელმძღვანელმა.

ევროკავშირის გარანტიით უზრუნველყოფილი სესხი „საქართველოს ბანკს“ საშუალებას მისცემს გააფართოვოს თავისი საკრედიტო საქმიანობა ისე, რომ საფრთხე არ შეუქმნას ქვეყნის ფინანსური სექტორის გრძელვადიან სტაბილურობას ან მის უნარს, ხანგრძლივი პერიოდის განმავლობაში ხელი შეუწყოს ეკონომიკის აღდგენას პოსტპანდემიურ პერიოდში.

საკრედიტო ხაზი მეტად მიმზიდველი გახდა უფრო მოქნილი პირობების გამო, რომლებსაც ითვალისწინებს პანდემიის წინააღმდეგ მიმართული EIB-ს საგანგებო ღონისძიებები და რომლებიც გაფართოვდა „ევროპული ჯგუფის“ ძალისხმევის შედეგად პანდემიის დროს პარტნიორი ქვეყნების (მაგალითად, საქართველოს) მხარდასაჭერად.

ეს მესამე ოპერაციაა EIB-ს და „საქართველოს ბანკს“ შორის მცირე და საშუალო საწარმოების მხარდასაჭერად. დღეისათვის ევროკავშირის ბანკმა ქართული მცირე და საშუალო საწარმოებისა და საშუალო კაპიტალიზაციის კომპანიებისათვის საკრედიტო ხაზებში 330 მილიონი ევროს ინვესტიცია განახორციელა და ამით ქვეყანაში 54 ათასი სამუშაო ადგილის შენარჩუნება მოხერხდა.

საქართველოში საქმიანობის დაწყებიდან - 2007 წლიდან - EIB-მ ინფრასტრუქტურის, კერძო სექტორისა და კლიმატის ცვლილებებთან ბრძოლის კუთხით 23 პროექტში დაახლოებით 2 მილიარდი ევროს ინვესტიცია განახორციელა.

61
თემები:
საქართველოს ეკონომიკა (906)
ვალუტის გაცვლის პუნქტი

ლარის კურსი 25 იანვარს

32
(განახლებულია 12:56 24.01.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0034 ლარით გაუფასურდა.

თბილისი, 25 იანვარი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,3044 GEL/$1 ნიშნულზე დაადგინა.

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0034 ლარით გაუფასურდა.

ლარის კურსი 25 იანვარს
ლარის კურსი 25 იანვარს
32
თემები:
ლარის კურსი დღეს
სასოფლო-სამეურნეო სამუშაოები შიდა ქართლში

კლიმატი და სოფლის მეურნეობა პანდემიის პერიოდში: რა განიხილეს მინისტერიალზე

120
(განახლებულია 14:00 24.01.2021)
ფორუმის ფარგლებში მონაწილეებმა რეგიონებისა და ქვეყნების მიხედვით პანდემიის პრევენციის და კლიმატის ცვლილების შერბილების საკითხებზე იმსჯელეს

თბილისი, 24 იანვარი – Sputnik. გარემოს დაცვისა და სოფლის მეურნეობის მინისტრმა, ლევან დავითაშვილმა მიიღო მონაწილეობა სოფლის მეურნეობის საკითხებზე ონლაინ მინისტერიალში, რომელიც ყოველწლიურად ათ წელიწადზე მეტია ბერლინში იმართება, ინფორმაციას სოფლის მეურნეობის სამინისტრო ავრცელებს.

მინისტერიალს, რომელიც სურსათისა და სოფლის მეურნეობის მე-13 გლობალური ფორუმის (GFFA) ფარგლებში გაიმართა, მსოფლიოს 70-ზე მეტი ქვეყნის სოფლის მეურნეობის მინისტრი და საერთაშორისო ორგანიზაციების წარმომადგენლები ესწრებოდნენ.

ლევან დავითაშვილმა, სიტყვით გამოსვლისას, საქართველოში პანდემიით შექმნილი მდგომარეობის საპასუხოდ ხელისუფლების მიერ გატარებულ ღონისძიებებზე ისაუბრა.

როგორც მინისტრმა აღნიშნა, ურთულესი გამოწვევის დროს, კოორდინირებული მუშაობით, არცერთ რეგიონში სასურსათო პროდუქციის დეფიციტი არ შექმნილა.

„მხარდაჭერისთვის და თანამშრომლობისთვის მადლობას ვუხდი ყველა მონაწილე სახელმწიფოს და პარტნიორ ორგანიზაციებს, ასევე, ადგილობრივი კერძო სექტორის წარმომადგენლებს სანიმუშო კომუნიკაციისთვის. ეს წარმატება ერთობლივი შრომის შედეგია“,- განაცხადა ლევან დავითაშვილმა.

დავითაშვილმა ფერმერების მხარდასაჭერად შემუშავებული სოფლის მეურნეობის ანტიკრიზისული გეგმის მნიშვნელობაზეც გაამახვილა ყურადღება.

ფორუმის ფარგლებში მონაწილეებმა რეგიონებისა და ქვეყნების მიხედვით პანდემიის პრევენციის და კლიმატის ცვლილების შერბილების საკითხებზე იმსჯელეს და მიიღეს კომუნიკე, რომელიც კლიმატის ცვლილების და  პანდემიის პირობებში მსოფლიოს სასურსათო მარაგების უზრუნველყოფას და პანდემიის პრევენციას ეხება.

120
ევროსაბჭოს საპარლამენტო ასამბლეა

ქართული დელეგაცია ევროსაბჭოს საპარლამენტო ასამბლეის სესიაში მიიღებს მონაწილეობას

0
დღეს სტრასბურგში გაიხსნება ევროსაბჭოს საპარლამენტო ასამბლეის (PACE) ზამთრის სესია, რომელიც მთელ კვირას გასტანს

თბილისი, 25 იანვარი – Sputnik. საქართველოს პარლამენტის მუდმივმოქმედი დელეგაცია 25-29 იანვარს ევროპის საბჭოს საპარლამენტო ასამბლეის ზამთრის სესიაში მიიღებს მონაწილეობას, ნათქვამია საქართველოს პარლამენტის მიერ გავრცელებულ განცხადებაში.

ქართულ დელეგაციას პარლამენტის თავმჯდომარის მოადგილე კახა კუჭავა უხელმძღვანელებს.

უწყების ინფორმაციით, ეს არის საპარლამენტო დელეგაციის პირველი ვიზიტი, რომელიც მეათე მოწვევის პარლამენტის ფარგლებში განხორციელდება.

სესიაზე მსჯელობის მთავარი საგანი გლობალური პანდემია და კოვიდ–19-ის საწინააღმდეგო ვაქცინები იქნება. დელეგატებს სიტყვით მიმართავს ჯანმრთელობის მსოფლიო ორგანიზაციის გენერალური დირექტორი ტედროს ადანომ გებრეიესუსი.

ამასთან, სასესიო და საკომიტეტო მუშაობის პარალელურად, დელეგაციის წევრები გამართავენ მაღალი დონის შეხვედრებს.

„ჩვენთვის ძალიან მნიშვნელოვანი იყო ამ ვიზიტის განხორციელება, რადგან არის ბევრი აქტუალური საკითხი, ანგარიში, რომელიც საქართველოს ეხება. ჩვენ ვაპირებთ, ძალიან აქტიურად მივიღოთ მონაწილეობა ამ განხილვებში“, - განაცხადა კუჭავამ.

მისი ინფორმაციით, ერთ-ერთი მნიშნელოვანი დოკუმენტი, რომელიც პირველივე დღეს იქნება წარმოდგენილი, გახლავთ ევროსაბჭოს სადამკვირვებლო მისიის ანგარიში, რომელიც  2020 წლის 31 ოქტომბრის არჩევნებს შეეხება.

ანგარიშს დღევანდელ სხდომაზე წარადგენს მისიის ხელმძღვანელი, ჰოლანდიელი დეპუტატი ტინი კოქსი.

„ჩვენთვის ასევე მნიშვნელოვანია მონიტორინგის ანგარიში და ის დადებითი შეფასებები, რომელიც წარმოდგენილია საქართველოს მიმართ“, -  განაცხადა კახა კუჭავამ.

სტრასბურგში მყოფი დელეგაციის შემადგენლობაში მმართველი პარტიიდან არიან ირაკლი კობახიძე, მარიამ ქვრივიშვილი, გივი მიქანაძე, თამარ ტალიაშვილი, ირაკლი ჩიქოვანი და გიორგი ხოჯევანიშვილი. დელეგაციის წევრია „ევროპელი სოციალისტების“ წარმომადგენელი ფრიდონ ინჯიაც.

0
თემები:
საქართველოს პარლამენტი