ღამის თბილისი

თურნავა: ეკონომიკის გაჯანსაღება ლარის კურსზე დადებითად იმოქმედებს

56
(განახლებულია 12:42 19.12.2020)
მიმდინარე წელი მთავრობის ეკონომიკურ გუნდსა და ეროვნულ ბანკს შორის ეფექტური კოორდინაციის თვალსაჩინო მაგალითია, განაცხადა ეკონომიკის მინისტრის მოვალეობის შემსრულებელმა

თბილისი, 19 დეკემბერი – Sputnik. ეკონომიკის მინისტრის მოვალეობის შემსრულებელი ნათია თურნავა აცხადებს, რომ ეროვნული ვალუტის გაცვლითი კურსის გამყარებაზე გავლენას მოახდენს მომდევნო წლიდან ეკონომიკის გაჯანსაღება.

თურნავამ აღნიშნა, რომ ერთ-ერთი ძირითადი ფაქტორი, რომელმაც ლარის კურსის ვარდნა გამოიწვია - ტურიზმის გაჩერებაა.

„პირველ რიგში, ჩვენ დაგვარტყა პანდემიამ იმ თვალსაზრისით, რომ ქვეყანაში უცხოური ვალუტის შემომტანი ინდუსტრიები ან შეჩერდა, ან ძალიან დაზარალდა. იცით, რომ ტურიზმი არის ესეთი ერთ-ერთი ინდუსტრია, რომელმაც 2019 წელს 3.3 მილიარდი დოლარის კონტრიბუცია დააგენერირა ჩვენს ფინანსურ ბაზარზე. პრაქტიკულად, წელს ამოვარდა ეს რესურსი“, - განაცხადა თურნავამ ტელეარხ Rustavi 2-ის ეთერში.

მისი თქმით, იყო პერიოდი, როდესაც ექსპორტიც, როგორც უცხოური ვალუტის მსხვილი შემომტანი, შეუძლებელი იყო.

„ბევრი სხვა ფაქტორიც ზემოქმედებდა ეკონომიკაზე და ბუნებრივია, რომ ეს არ შეიძლებოდა არ ასახულიყო ეროვნულ ვალუტაზე, ისევე როგორც ჩვენს რეგიონში და ჩვენს ირგვლივ სხვა ქვეყნების ეროვნულ ვალუტებსაც იგივე პრობლემა შეექმნათ,“ - აცხადებს ნათია თურნავა.

მისი თქმით, 2020 წელი მთავრობის ეკონომიკურ გუნდსა და ეროვნულ ბანკს შორის ეფექტური კოორდინაციის თვალსაჩინო მაგალითია, რომლის წყალობით გაცილებით უარესი შედეგის თავიდან აცილება მოხერხდა.

„რა თქმა უნდა, საბოლოო ჯამში, ლარის კურსზე და მის გამყარებაზე, პირველი და მთავარი პოზიტიური ზემოქმედება ექნება ეკონომიკის გაჯანსაღებას უკვე მომავალი წლიდან მოყოლებული. ერთ-ერთი მთავარი შემომტანი ქვეყანაში უცხოური ვალუტის, რაც  დამაბალანსებელ როლს ითამაშებს, ეს არის და იქნება ექსპორტი. მიუხედავად პანდემიისა, ძალიან კარგი ტენდენციები გვაქვს ქართული წარმოების ექსპორტში“, - განაცხადა ნათია თურნავამ.

სავალუტო ბაზრის სტაბილიზაციის მიზნით გაზაფხულიდან მოყოლებული ეროვნულმა ბანკმა რვა თვეში უკვე 25 აუქციონი ჩაატარა, რომლებზეც ჯამში 843,2 მილიონი დოლარი გაყიდა. ლარის ანტირეკორდი 27 მარტს დაფიქსირდა, როდესაც ეროვნული ვალუტის კურსი დაეცა ნიშნულამდე 3,4842 GEL/$1.

19 დეკემბერს საქართველოს ეროვნულმა ბანკმა აშშ დოლარის მიმართ ლარის ოფიციალური გაცვლითი კურსი დაადგინა ნიშნულზე 3,2747 GEL/$1. წინა ნიშნულთან შედარებით, ლარის კურსი დოლარის მიმართ 0,0099 ლარით გამყარდა.

56
თემები:
საქართველოს ეკონომიკა (897)
ვალუტის გაცვლის პუნქტი

ლარის კურსი 15 იანვარს

73
(განახლებულია 10:28 15.01.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0026 ლარით გაუფასურდა.

თბილისი, 15 იანვარი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,2935 GEL/$1 ნიშნულზე დაადგინა.

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0026 ლარით გაუფასურდა.

ლარის კურსი 15 იანვარს
ლარის კურსი 15 იანვარს
73
თემები:
ლარის კურსი დღეს
ბათუმის პორტი

პანდემია და ვაჭრობა: საქართველოდან ექსპორტი 12%-ით შემცირდა

41
(განახლებულია 16:01 15.01.2021)
2020 წელს საგარეო სავაჭრო ბრუნვა, 2019 წელთან შედარებით, 14,8%-ით შემცირდა და 11,3 მილიარდ დოლარს გაუტოლდა.

თბილისი, 15 იანვარი – Sputnik. სტატისტიკის ეროვნული სამსახურის „საქსტატის“ მონაცემებით, 2020 წელს ექსპორტზე 3,3 მლრდ აშშ დოლარზე მეტი ღირებულების ქართული პროდუქცია გავიდა – 12%-ით ნაკლები 2019 წელთან შედარებით.

2020 წელს იმპორტმა დაახლოებით 8 მლრდ დოლარი შეადგინა, რაც 2019 წელთან შედარებით 15,9%-ით ნაკლებია.

საქართველოს საგარეო სავაჭრო ბრუნვა 2020 წელს

მაჩვენებელი მოცულობა/მლნ დოლარი ვარდნა/%
ექსპორტი 3 342 -12,0
იმპორტი 8 006 -15,9
სულ 11 348 -14,8

2020 წელს მთლიანი საგარეო სავაჭრო ბრუნვა, 2019 წელთან შედარებით, 14,8%-ით შემცირდა და 11,3 მილიარდ დოლარს გაუტოლდა (არაორგანიზებული ვაჭრობის გარეშე).

როდის გაუმჯობესდება სიტუაცია ვაჭრობის კუთხით?

კორონავირუსის ეპიდაფეთქებამ ქვეყნის ეკონომიკას მნიშვნელოვანი დარტყმა მიაყენა – ზარალდებიან სასტუმროები, რესტორნები, სავაჭრო ცენტრები, დასვენებისა და გართობის სფერო, ტრანსპორტი. საფრთხის ქვეშაა საფინანსო სექტორი, მშენებლობის, უძრავი ქონების, წარმოების და განათლების სფეროები.

„საერთაშორისო პროგნოზირებისა და კვლევების ცენტრის“ ვიცე-პრეზიდენტი ნიკა შენგელია მიიჩნევს, რომ საგარეო ვაჭრობაში ვითარება 2021 წლის მაისი–ივნისამდე არ გაუმჯობესდება. 

„ერთადერთი, რამაც დადებითად იმოქმედა ექსპორტზე, ეს ხილის უცხოეთში გატანაა. მაგრამ თუ ჩვენ ვსაუბრობთ იმის შესახებ, თუ რა გავლენას მოახდენს ეს მონაცემები ლარის კურსზე, ვიტყოდი, რომ ყოველივე ეს მაინც ნეგატიურად მოქმედებს, რადგანაც უარყოფითი სალდო წლების განმავლობაში გრძელდება. ხოლო ექსპორტის თვალსაზრისით ჩვენ ვერ ვხედავთ რაიმე სახის დადებით დინამიკას, რომ ექსპორტი 2021 წლის ზაფხულამდე მნიშვნელოვნად გაიზრდება“, – განაცხადა „Sputnik-საქართველოსთან“ შენგელიამ.

მისი თქმით, ექსპორტის ზრდის ხელშეწყობისთვის საქართველოს მთავრობამ ეკონომიკა სამი მიმართულებით სწრაფად და რევოლუციური გზით უნდა განავითაროს.

„პირველი მიმართულება ახალი ტექნოლოგიების დანერგვაა, მეორე – ბიოფარმაცევტული ბაზრის განვითარება, მესამე და მთავარი კი ქვეყანაში არსებული სასარგებლო წიაღისეულის გადამუშავება და ექსპორტზე საბოლოო სახით გატანაა“, – განაცხადა შენგელიამ და აღნიშნა, რომ ყველა ჩამოთვლილ მიმართულებაზე იაფი კრედიტებია საჭირო.

ეკონომისტი მიიჩნევს, რომ ქვეყნის კრიზისიდან გამოსაყვანად აუცილებელია ეკონომიკის განვითარების სტრატეგიული გეგმა, რომლის განხორციელებაც პუნქტობრივად მოხდება.

41
ეიფელის კოშკი

საქართველოს საელჩო საფრანგეთში მოქალაქეებს ახალ შეზღუდვებზე აფრთხილებს

0
საფრანგეთში კორონავირუსით ინფიცირებულთა რაოდენობა 2,8 მილიონს აჭარბებს, გარდაიცვალა 69 ათასზე მეტი ადამიანი

თბილისი, 15 იანვარი - Sputnik. საქართველოს საელჩო საფრანგეთში მოუწოდება საქართველოს მოქალაქეებს დაიცვან კორონავირუსის პანდემიის გამო დაწესებული შეზღუდვები, ნათქვამია დიპლომატიური მისიის განცხადებაში.

საფრანგეთის მთავრობის გადაწყვეტილებით, ქვეყანაში ეპიდვითარების გაუარესების გამო 16 იანვრიდან მინიმუმ 15 დღით კომენდანტის საათი 20:00 საათის ნაცვლად 18:00 საათზე დაიწყება და 06:00 საათამდე გაგრძელდება.

18 იანვრიდან, ევროკავშირის არაწევრი ქვეყნებიდან  საფრანგეთის ტერიტორიაზე შესვლისას სავალდებულო ხდება 72 საათის განმავლობაში გაკეთებული PCR - ტესტის უარყოფითი პასუხის წარდგენა, 7-დღიანი თვითიზოლაცია და იზოლაციის დასასრულს, განმეორებითი PCR-ტესტის გაკეთება.

საფრანგეთის ჯანდაცვის სამინისტროს მონაცემებით, კორონავირუსით ინფიცირებულთა რაოდენობა ქვეყანაში 2,8 მილიონს აჭარბებს, გარდაიცვალა 69 ათასზე მეტი ადამიანი.

0