დაკეტილი მაღაზიები

საქართველოს ეკონომიკის ვარდნის ტემპები შემცირდა

90
(განახლებულია 10:03 19.12.2020)
ყველაზე შესამჩნევი კლება დაფიქსირდა განთავსების საშუალებებით უზრუნველყოფის და საკვების მიწოდების საქმიანობაში, ტრანსპორტსა და დასაწყობებაში, ხელოვნებაში, გართობასა და დასვენებაში

თბილისი, 19 დეკემბერი – Sputnik. საქართველოს ეკონომიკა კვლავ ვარდნას განიცდის, რაც კორონავირუსის პანდემიამ გამოიწვია – 2020 წლის მესამე კვარტალში, გასული წლის ანალოგიურ პერიოდთან შედარებით, მშპ 5,6%-ით შემცირდა, იუწყება საქართველოს სტატისტიკის ეროვნული სამსახური „საქსტატი“. 

მშპ, მიმდინარე ფასებით, 2020 წლის მესამე კვარტალში 4,3 მილიარდი დოლარი შეადგინა. დეფლატორმა აღნიშნულ პერიოდში 5,9% შეადგინა.

რომელი სფეროები იზრდება, რომელი - მცირდება

ყველაზე შესამჩნევი კლება დაფიქსირდა შემდეგ დარგებში:

  • განთავსების საშუალებებით უზრუნველყოფის და საკვების მიწოდების საქმიანობები (-53.1%)
  • ტრანსპორტი და დასაწყობება (-25.0 %)
  • ხელოვნება, გართობა და დასვენება (-32.4 %),
  • ადმინისტრაციული და დამხმარე მომსახურების საქმიანობები (-49.0 %),
  • პროფესიული, სამეცნიერო და ტექნიკური საქმიანობები (-12.5 %),
  • ელექტროენერგიის, აირის, ორთქლის და კონდიცირებული ჰაერის მიწოდება (-11.5 %),
  • საფინანსო და სადაზღვევო საქმიანობები (-4.4 %).

ზრდა დაფიქსირდა შემდეგ დარგებში:

  • სახელმწიფო მმართველობა და თავდაცვა; სავალდებულო სოციალური უსაფრთხოება (4.3 %),
  • ჯანდაცვა და სოციალური მომსახურების საქმიანობები (6.6 %),
  • განათლება (5.6%),
  • სამთომოპოვებითი მრეწველობა (14.7%),
  • მშენებლობა (2.0 %),
  • სოფლის, სატყეო და თევზის მეურნეობა (1.5%).

მშპ-ს სტრუქტურაში ყველაზე მაღალი ხვედრითი წილი უკავიათ შემდეგ სფეროებს: ვაჭრობა, გადამამუშავებელი მრეწველობა, მშენებლობა, სოფლის, სატყეო და თევზის მეურნეობა, სახელმწიფო მმართველობა და თავდაცვა.

ეკონომიკის სფეროების ტოპ-ხუთეული, რომლებსაც 2020 წლის III კვარტალში მშპ-ს სტრუქტურაში ყველაზე მაღალი ხვედრითი წილი უკავიათ

ეკონომიკის სფერო ზრდა, %
ვაჭრობა   15,1
გადამამუშავებელი მრეწველობა 11,6
უძრავ ქონებასთან დაკავშირებული საქმიანობები 10,7
მშენებლობა     10,4
სოფლის მეურნეობა 9,3

საქართველოს ეკონომიკის ვარდნის ტემპები შემცირდა

საქართველოს ეკონომიკის ვარდნის ტემპები 202 წლის მეორე კვარტალთან შედარებით შემცირდა - აპრილიდან ივნისამდე მშპ 2019 წლის ანალოგიურ პერიოდთან შედარებით 12,3%-ით შემცირდა.

2020 წლის პირველ კვარტალში, როდესაც ჯერ კორონავირუსის პანდემია არ იყო დაწყებული, გასული წლის იმავე პერიოდთან შედარებით მშპ-ს ზრდამ 2,2% შეადგინა.

გასულ წელს საქართველოს ეკონომიკა გაიზარდა 5,2%-ით, რაც აღემატებოდა პროგნოზს, რომელიც 4,5%-ს შეადგენდა.

პროგნოზები და პერსპექტივები

პანდემიისა და გლობალური კრიზისის ფონზე საქართველოს ეკონომიკა მძიმე მდგომარეობაში აღმოჩნდა - სახელმწიფო ბიუჯეტში ასახული ოფიციალური პროგნოზის მიხედვით, 2020 წელს ეკონომიკური ვარდნა 5%-ს შეადგენს.

2020 წელს მშპ-ს 5%-ით შემცირების შემდეგ 2021 წელს მოსალოდნელია 4,3%-იანი ეკონომიკური ზრდა. 2021-2024 წლებში საქართველოში მოსალოდნელია ერთ-ერთი ყველაზე მაღალი ზრდა - საშუალოდ 5,3%. გაზრდილი საგარეო ვალი ეტაპობრივად შემცირდება, ნათქვამია ეკონომიკის სამინისტროს წლიურ ანგარიშში.

საერთაშორისო სავალუტო ფონდის პროგნოზი ემთხვევა საქართველოს მთავრობის პროგნოზს - სსფ ელოდება, რომ 2020 წელს ეკონომიკა შემცირდება 5%-ით, ხოლო 2021 წელს პანდემიის შედეგების შესუსტებასთან ერთად საქართველოს ეკონომიკის ზრდა შედგენს 4,3%-ს, თუმცა პერსპექტივების გაუარესების მნიშვნელოვანი რისკებით.

90
თემები:
საქართველოს ეკონომიკა (900)
დაკეტილი სასტუმროები, კაფე–ბარები

შრომის ინსპექციამ წესების დარღვევისთვის სამი ობიექტი დააჯარიმა

36
(განახლებულია 15:19 19.01.2021)
ბოლო დღეებში შრომის ინსპექციამ 550-ზე მეტი სხვადასხვა ობიექტი შეამოწმა, აქედან 485 ობიექტი გააფრთხილეს.

თბილისი, 19 იანვარი – Sputnik. საქართველოში კოვიდ-შეზღუდვების ამოქმედების შემდეგ 48 ათასზე მეტი ობიექტი შემოწმდა, განაცხადა შრომის პირობების ინსპექტირების დეპარტამენტის უფროსმა ბექა ფერაძემ.

ფერაძის განმარტებით, ახალი შეზღუდვების ამოქმედების შემდეგ, 28 ნოემბრიდან 17 იანვრის ჩათვლით პერიოდში ზედამხედველობა განხორციელდა 48 589 ობიექტზე, აქედან რეკომენდაციები გაიცა 26 841 ობიექტზე.

14-17 იანვარს შემოწმდა 553 ობიექტი, მათგან 485-ს სიტყვიერი გაფრთხილება მიეცა, 65 ობიექტი კი საქმიანობას პროტოკოლის სრული დაცვით ახორციელებდა.

„ამავე პერიოდში, 322-ე დადგენილების მიხედვით, აკრძალული საქმიანობის განხორციელებისთვის სამი ობიექტი დაჯარიმდა. მათგან ერთ-ერთი ახორციელებდა დახურულ სოციალურ ღონისძიებას, რომელსაც 100-ზე მეტი ფიზიკური პირი ესწრებოდა“, – აღნიშნა ფერაძემ.

საქართველოში ინფიცირებულთა ზრდის მაჩვენებლის შეკავების მიზნით ხელისუფლებამ 28 ნოემბრიდან მკაცრი შეზღუდვები დააწესა. არ მუშაობს მუნიციპალური ტრანსპორტი, კაფე–რესტორნები, ფიტნეს–დარბაზები და აუზები და ა.შ. გარდა ამისა, ქვეყნის მთელ ტერიტორიაზე 21:00 საათიდან 05:00 საათამდე იკრძალება ქუჩაში როგორც ქვეითების, ისე ტრანსპორტის გადაადგილება.

36
თემები:
საქართველოს ეკონომიკა (900)
„ენგურჰესი

თურნავა: „ენგურჰესის“ რემონტი მნიშვნელოვანია საქართველოს ენერგოუსაფრთხოებისთვის

29
(განახლებულია 14:36 19.01.2021)
სარემონტო–აღდგენითი სამუშაოები უწყვეტ რეჟიმში ჩატარდება, რათა „ენგურჰესმა“ დროულად განაახლოს ფუნქციონირება.

თბილისი, 19 იანვარი – Sputnik. საქართველოში ყველაზე მძლავრი სადგურის – „ენგურჰესის“ რემონტის პროექტი მასშტაბურია და კრიტიკულად მნიშვნელოვანი საქართველოს ენერგოუსაფრთხოებისთვის, განაცხადა ეკონომიკისა და მდგრადი განვითარების მინისტრმა ნათია თურნავამ.

დერივაციული (ჰიდროტექნიკური) გვირაბის დაგეგმილი სამუშაოების გამო სადგური 20 იანვრიდან 1 მაისამდე არ იმუშავებს. გამოირთვება „ენგურჰესის“ ხუთივე აგრეგატი.

მასშტაბური პროექტის მოსამზადებელი სამუშაოების შესახებ დეტალური ინფორმაცია თურნავამ ქვეყნის ენერგოსექტორის სახელმწიფო უწყებებისა და იმ სამშენებლო კომპანიების წარმომადგენლებთან ერთად განიხილა, რომლებიც ჰესის რემონტის პროექტს განახორციელებენ.

„ენგურჰესი“ ჩვენთვის ძალიან მნიშვნელოვანი ობიექტი და იაფი ენერგიის წყაროა... მისი უსაფრთხო ექსპლუატაციისთვის პერიოდულად აუცილებელია სადგურზე სარეაბილიტაციო–სარემონტო სამუშაოების ჩატარება. ამჯერად განხორციელდება საკმაოდ მასშტაბური სამუშაოები. ესაა გვირაბის ცემენტაცია, დალექილი ლამის გამოტანა, ელექტრომექანიკური ნაწილების შეკეთება–რეაბილიტაცია, რაც საბოლოო ჯამში უზრუნველყოფს იმას, რომ სადგურის მიერ წყლის დანაკარგი შემცირდება, ელექტროსადგურის გამომუშავება კი მოიმატებს“, – განუცხადა თურნავამ ჟურნალისტებს.

მისი თქმით, სარემონტო სამუშაოები უწყვეტ, 24-საათიან რეჟიმში განხორციელდება, რათა დროულად ამუშავდეს ქვეყნის უმძლავრესი ჰესი.

თურნავა: საქართველოს ენერგოსისტემა ენგურჰესის გაჩერებით არ დაზარალდება>>

სარემონტო სამუშაოები „ენგურჰესზე“ ბოლოს 15 წლის წინ ჩატარდა. თურნავას განცხადებით, ჰიდროსადგურის მუშაობის უსაფრთხოებისთვის მისი გაჩერება აუცილებელია. ამისთვის კი ყველაზე ოპტიმალური დრო შეარჩიეს, როდესაც „ენგურჰესის“ წყლის რესურსები მინიმალურია.

რემონტის პროექტის სრული ღირებულება 45 მლნ ევროა. აქედან 7 მლნ ევროკომისიის გრანტია, 38 მლნ – ევროპის რეკონსტრუქციისა და განვითარების ბანკის (EBRD) მიერ გამოყოფილი თანხა.

„ენგურჰესი“ ყველაზე დიდი ჰესია კავკასიაში და ის საქართველოს ელექტროენერგიის ძირითად წყაროს წარმოადგენს. ამ ჰესის მიერ გამომუშავებული ელექტროენერგიის დაახლოებით მესამედი, ზამთარში კი მთლიანად აფხაზეთს მიეწოდება, რომელსაც საქართველოს ცენტრალური ხელისუფლება ვერ აკონტროლებს.

„ენგურჰესი“ ჰიდროელექტროსადგურების კასკადია, რომელშიც შედის თვით ენგურჰესი, რომლის დადგმული სიმძლავრეა 1300 ათ. კვტ, ვარდნილჰესი №1 (სიმძლავრე 220 ათ. კვტ) და სამი 40 ათ. კვტ სიმძლავრის ჰესი. ენგურჰესის თაღოვან კაშხალს, რომელიც ერთ-ერთი ყველაზე მაღალია მსოფლიოში ამ ტიპის დამბებს შორის, მინიჭებული აქვს ეროვნული მნიშვნელობის კულტურის ძეგლის სტატუსი.

29
თემები:
საქართველოს ენერგეტიკა
სპეცტექნიკა გზებზე

გუდაური-კობის გზის ნაწილზე ზვავსაშიშროება მოიხსნა

0
(განახლებულია 17:37 19.01.2021)
გუდაური-კობის მონაკვეთზე ზვავსაშიშროების გამო ტრანსპორტის მოძრაობა 11 იანვრიდან აიკრძალა – გზაზე სატვირთო ავტომობილების საცობია

თბილისი, 19 იანვარი - Sputnik. საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის გუდაური–კობის მონაკვეთზე გაწმენდითი სამუშაოები დაიწყო, ნათქვამია საავტომობილო გზების დეპარტამენტის მიერ გავრცელებულ განცხადებაში. 

გზის აღნიშნულ მონაკვეთზე კვირაზე მეტია რთული მეტეოროლოგიური პირობების გამო ყველა სახის ტრანსპორტის გადაადგილება აკრძალულია. ინტენსიური თოვისა და დაბალი ტემპერატურის გამო გზის აღნიშნულ მონაკვეთზე ზვავსაშიშროების საფრთხის მაღალი დონეა.

უწყების ცნობით, გზის გაწმენდითი სამუშაოები როგოც გუდაურის, ისე კობის მხრიდან ინტენსიურ რეჟიმში მიმდინარეობს. კერძოდ,  საავტომობილი გზის 93-99-ე და 105-107-ე კმ მონაკვეთებზე, სადაც ზვავსაშიშროება უკვე მოიხსნა. რაც შეეხება გზის 100-104-ე კმ. მონაკვეთს, აქ ზვავსაშიშროების რეჟიმი  კვლავ ნარჩუნდება.

„აღნიშნულ მონაკვეთზე გაწმენდითი სამუშაოები ზვავსაშიშროების რეჟიმის მოხსნისთანავე დაიწყება, რათა უმოკლეს ვადებში აღდგეს ავტოტრანსპორტის მოძრაობა“, – ნათქვამია განცხადებაში.

მცხეთა–სტეფანწმინდა–ლარსის ტრასა დღეისათვის ერთადერთი სახმელეთო გზაა, რომელიც საქართველოსა და სომხეთს რუსეთთან აკავშირებს.


0
თემები:
უამინდობა საქართველოში