მთავრობის წევრების ტრიბუნა

საერთაშორისო სავალუტო ფონდმა საქართველოს მორიგი ტრანში გამოუყო

102
მაკროეკონომიკური პოლიტიკის დისციპლინა და სტრუქტურული რეფორმების შეუპოვარი განხორციელება კრიტიკულად მნიშვნელოვანი იქნება აღდგენის მხარდასაჭერად, მიაჩნიათ საერთაშორისო სავალუტო ფონდში

თბილისი, 17 დეკემბერი – Sputnik. საერთაშორისო სავალუტო ფონდის (სსფ) აღმასრულებელ დირექტორთა საბჭომ „გაფართოებული დაფინანსების მექანიზმით“ მხარდაჭერილი საქართველოს ეკონომიკური რეფორმების ოთხწლიანი პროგრამის მეშვიდე მიმოხილვა დაასრულა, ნათქვამია სსფ-ის განცხადებაში.

საბჭომ დაამტკიცა საქართველოსთვის 113.9 მილიონი აშშ დოლარის გამოყოფა, რაც საქართველოს კორონავირუსის პანდემიით გამოწვეული საგადამხდელო ბალანსის მყისიერი საჭიროებების მოგვარებაში დაეხმარება. ამგვარად, მთლიანობაში გამოყოფილი თანხა 585,4 მილიონ დოლარს შეადგენს.

  • საქართველოში ეკონომიკური რეფორმების მხარდაჭერაზე მიმართული სამწლიანი პროგრამა სსფ-მა 2017 წლის აპრილში დაამტკიცა. მოგვიანებით პროგრამა კიდევ ერთი წლით გაგრძელდა.

„საქართველოს ხელისუფლებამ მართებული ნაბიჯები გადადგა ეკონომიკის მკვეთრი შენელების ფონზე შოკის დამაზიანებელი ეკონომიკური და სოციალური გავლენის შესამსუბუქებლად“, - ნათქვამია განცხადებაში.

საქართველოს ეკონომიკის შეფასება

სსფ-ს მმართველი დირექტორის მოადგილემ და სხდომის თავჯდომარემ ტაო ჟენგმა საბჭოს სხდომის შემდეგ განაცხადა, რომ საქართველოს მთავრობის მიერ სტრუქტურული რეფორმების დამაჯერებელი განხორციელება განსაკუთრებულ მნიშვნელობას იძენს ეკონომიკური აღმავლობის მხარდასაჭერად.

„COVID-19 პანდემიის გამო საქართველოს ეკონომიკა მკვეთრად შენელდა. პანდემიის პირველი ტალღის წარმატებით შეკავების მიუხედავად, შემთხვევების ბოლოდროინდელმა ზრდამ ახალი ზომების მიღება მოითხოვა, რამაც აღდგენის პროცესი შეიძლება შეასუსტოს“, - განაცხადა ჟენგმა.

მისი თქმით, ინვესტიციების მობილიზება, განათლების რეფორმის შემდგომი განხორციელება, გადახდისუუნარობის ახალი ჩარჩოს განხორციელება, ადგილობრივი კაპიტალის ბაზრის განვითარება და სასამართლო რეფორმები კიდევ უფრო გააუმჯობესებს ბიზნეს გარემოს და ხელს შეუწყობს კერძო სექტორის ზრდას.

„პანდემიაზე ფისკალურმა პასუხმა ხელი შეუწყო ამ გამოწვევის დამაზიანებელი ეკონომიკური და სოციალური შედეგების შემსუბუქებას, ჯანდაცვის ხარჯების ზრდას, მიზანმიმართულ და დროებით დახმარებას შინამეურნეობებისა და ბიზნესისათვის და კაპიტალური ინვესტიციების შენარჩუნებას“, - აღნიშნა სსფ-ს მმართველი დირექტორის მოადგილემ.

მისი თქმით, 2021 წლის ბიუჯეტი ეკონომიკის აღდგენის ხელშეწყობას გააგრძელებს, თუმცა, საქართველოს ფისკალური წესის მოთხოვნის შესაბამისად, ფისკალურ კონსოლიდაციას დაიწყებს.

„საქართველოს ეროვნულმა ბანკმა ინფლაციის მოლოდინების მოსათოკად ზომიერად მკაცრი მონეტარული პოზიცია სათანადოდ შეინარჩუნა და, ამასთან, გაცვლითი კურსის მოქნილობა უზრუნველყო“, - განაცხადა სსფ-ს მმართველი დირექტორის მოადგილემ.

შესაძლოა, მისი თქმით, ბაზრის გაუმართავი მუშაობის თავიდან ასაცილებლად და ინფლაციის 3 პროცენტიან მიზნობრივ მაჩვენებელთან დასაახლოებლად მკაცრი მონეტარული პოლიტიკის და სავალუტო ინტერვენციების შენარჩუნება გახდეს საჭირო.

ჟენგმა აღნიშნა, რომ მაკროეკონომიკური პოლიტიკის დისციპლინით და დონორების მხარდაჭერით სავალუტო რეზერვები ადეკვატურ დონეზე შენარჩუნდება. ხოლო ეკონომიკის აღდგენამდე ფინანსური რისკების პროაქტიული მონიტორინგი და საბანკო კაპიტალის შენარჩუნებაზე მიმართული ქმედებები ეკონომიკის გაჯანსაღებას შეუწყობს ხელს.

საქართველოს ხელისუფლება სსფ-ის შეფასებით კმაყოფილია

პრემიერ-მინისტრის მოვალეობის შემსრულებელმა გიორგი გახარიამ დადებითად შეაფასა სსფ-ის გადაწყვეტილება ქვეყნისთვის მორიგი ტრანშის გამოყოფაზე.

„მინდა შეგახსენოთ, რომ საქართველო იყო პირველი ქვეყანა, რომელმაც საერთაშორისო სავალუტო ფონდთან პანდემიის პირობებში ეკონომიკური კრიზისული პროგრამა დაამტკიცა და ამან მოგვცა შესაძლებლობა, დონორი ორგანიზაციებისგან სწრაფად მიგვეღო დახმარება“, – აღნიშნა გიორგი გახარიამ ხუთშაბათს გამართულ მთავრობის სხდომაზე.

მისი თქმით, საერთაშორისო სავალუტო ფონდის პროგნოზით, საქართველოში ეკონომიკური ზრდა 2021 წელს დაახლოებით 4,3%-ს შეადგენს.

„ერთმნიშვნელოვნად უნდა გაგრძელდეს სტრუქტურული რეფორმები და ყურადღება უნდა გამახვილდეს მაკროეკონომიკური მაჩვენებლების შესრულების დისციპლინაზე. აუცილებელია, რომ 2021 წელი უაღრესად ფრთხილად და გონივრულად გავატაროთ, ეს არის ის პოსტკრიზისული სწრაფი ეკონომიკური აღდგენის პოტენციალი, რომელიც უნდა შევუნარჩუნოთ როგორც ქვეყნის ეკონომიკას, ასევე ჩვენს თითოეულ მოქალაქეს“, - განაცხადა გახარიამ.

ეკონომიკის მინისტრის მოვალეობის შემსრულებელმა ნათია თურნავამ თავის მხრივ ყურადღება გაამახვილა იმაზე, რომ საქართველომ გატარებული რეფორმებისა და პანდემიასთან ბრძოლის ეფექტური სტრატეგიისთვის სსფ-ისგან დადებითი შეფასება მიიღო.

„საქართველო არის დიდი ხნის ტრადიციული და სანდო პარტნიორი სავალუტო ფონდისთვის და სავალუტო ფონდის მხარდაჭერა არის ერთ-ერთი გარანტია იმისა, რომ ჩვენ როდესაც დაგვჭირდება დონორთა საზოგადოება დაგვეხმარება ჩვენ, როგორც ეს მოხდა პანდემიის დაწყების ეტაპზე”, - განაცხადა თურნავამ.

საქართველოს და სსფ-ს დარჩათ დაასრულონ ბოლო, მერვე მიმოხილვა და მიმდინარე პროგრამა დასრულდება. მიმოხილვის დასრულების თემაზე მოლაპარაკებები 2021 წლის გაზაფხულზე გაიმართება.

102
თემები:
საქართველოს ეკონომიკა (897)
ვალუტის გაცვლის პუნქტი

ლარის კურსი 15 იანვარს

78
(განახლებულია 10:28 15.01.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0026 ლარით გაუფასურდა.

თბილისი, 15 იანვარი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,2935 GEL/$1 ნიშნულზე დაადგინა.

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0026 ლარით გაუფასურდა.

ლარის კურსი 15 იანვარს
ლარის კურსი 15 იანვარს
78
თემები:
ლარის კურსი დღეს
ბათუმის პორტი

პანდემია და ვაჭრობა: საქართველოდან ექსპორტი 12%-ით შემცირდა

56
(განახლებულია 16:01 15.01.2021)
2020 წელს საგარეო სავაჭრო ბრუნვა, 2019 წელთან შედარებით, 14,8%-ით შემცირდა და 11,3 მილიარდ დოლარს გაუტოლდა.

თბილისი, 15 იანვარი – Sputnik. სტატისტიკის ეროვნული სამსახურის „საქსტატის“ მონაცემებით, 2020 წელს ექსპორტზე 3,3 მლრდ აშშ დოლარზე მეტი ღირებულების ქართული პროდუქცია გავიდა – 12%-ით ნაკლები 2019 წელთან შედარებით.

2020 წელს იმპორტმა დაახლოებით 8 მლრდ დოლარი შეადგინა, რაც 2019 წელთან შედარებით 15,9%-ით ნაკლებია.

საქართველოს საგარეო სავაჭრო ბრუნვა 2020 წელს

მაჩვენებელი მოცულობა/მლნ დოლარი ვარდნა/%
ექსპორტი 3 342 -12,0
იმპორტი 8 006 -15,9
სულ 11 348 -14,8

2020 წელს მთლიანი საგარეო სავაჭრო ბრუნვა, 2019 წელთან შედარებით, 14,8%-ით შემცირდა და 11,3 მილიარდ დოლარს გაუტოლდა (არაორგანიზებული ვაჭრობის გარეშე).

როდის გაუმჯობესდება სიტუაცია ვაჭრობის კუთხით?

კორონავირუსის ეპიდაფეთქებამ ქვეყნის ეკონომიკას მნიშვნელოვანი დარტყმა მიაყენა – ზარალდებიან სასტუმროები, რესტორნები, სავაჭრო ცენტრები, დასვენებისა და გართობის სფერო, ტრანსპორტი. საფრთხის ქვეშაა საფინანსო სექტორი, მშენებლობის, უძრავი ქონების, წარმოების და განათლების სფეროები.

„საერთაშორისო პროგნოზირებისა და კვლევების ცენტრის“ ვიცე-პრეზიდენტი ნიკა შენგელია მიიჩნევს, რომ საგარეო ვაჭრობაში ვითარება 2021 წლის მაისი–ივნისამდე არ გაუმჯობესდება. 

„ერთადერთი, რამაც დადებითად იმოქმედა ექსპორტზე, ეს ხილის უცხოეთში გატანაა. მაგრამ თუ ჩვენ ვსაუბრობთ იმის შესახებ, თუ რა გავლენას მოახდენს ეს მონაცემები ლარის კურსზე, ვიტყოდი, რომ ყოველივე ეს მაინც ნეგატიურად მოქმედებს, რადგანაც უარყოფითი სალდო წლების განმავლობაში გრძელდება. ხოლო ექსპორტის თვალსაზრისით ჩვენ ვერ ვხედავთ რაიმე სახის დადებით დინამიკას, რომ ექსპორტი 2021 წლის ზაფხულამდე მნიშვნელოვნად გაიზრდება“, – განაცხადა „Sputnik-საქართველოსთან“ შენგელიამ.

მისი თქმით, ექსპორტის ზრდის ხელშეწყობისთვის საქართველოს მთავრობამ ეკონომიკა სამი მიმართულებით სწრაფად და რევოლუციური გზით უნდა განავითაროს.

„პირველი მიმართულება ახალი ტექნოლოგიების დანერგვაა, მეორე – ბიოფარმაცევტული ბაზრის განვითარება, მესამე და მთავარი კი ქვეყანაში არსებული სასარგებლო წიაღისეულის გადამუშავება და ექსპორტზე საბოლოო სახით გატანაა“, – განაცხადა შენგელიამ და აღნიშნა, რომ ყველა ჩამოთვლილ მიმართულებაზე იაფი კრედიტებია საჭირო.

ეკონომისტი მიიჩნევს, რომ ქვეყნის კრიზისიდან გამოსაყვანად აუცილებელია ეკონომიკის განვითარების სტრატეგიული გეგმა, რომლის განხორციელებაც პუნქტობრივად მოხდება.

56
ღვთისმშობლის ტაძარი. 1896 წელი

გურიაში რელიგიურ ნიადაგზე მომხდარი კონფლიქტი აღმოფხვრილია

0
მომხდარი იყო პროვოკაცია და სოფლის მოსახლეობამ ძველებურად ერთად ცხოვრება უნდა განაგრძოს, განაცხადეს შეხვედრის მონაწილეებმა

თბილისი, 15 იანვარი – Sputnik. ჩოხატაურის მუნიციპალიტეტის სოფელ ბუკნარში მუსლიმი თემის, ქრისტიანებისა და მთავრობის წარმომადგენლებს შორის გაიმართა შეხვედრა, რომლის ფარგლებში, მონაწილეების თქმით, მხარეებს შორის შეთანხმება შედგა.

კონფლიქტი ბუკნარში იმის გამო დაიწყო, რომ ადგილობრივმა მუსლიმებმა ტრადიციული პარასკევის ლოცვის წასაკითხად კერძო სახლში სამლოცველოს მოწყობა გადაწყვიტეს. ამის გამო სოფელში გავრცელდა ხმა, რომ ბუკნარში აპირებენ მეჩეთის აშენებას, რამაც ადგილობრივ მართლმადიდებელთა უკმაყოფილება გამოიწვია.

შეხვედრის მონაწილეებმა აღნიშნეს, რომ მომხდარი იყო პროვოკაცია, მათ გასაყოფი არაფერი არ აქვთ და უწინდებურად ერთად ცხოვრება უნდა განაგრძონ.

„ინციდენტი, რაც რამდენიმე დღის განმავლობაში მიმდინარეობდა, სრულად აღმოიფხვრა. როგორც ადგილობრივი მოსახლეობა, მუსლიმები და მართლმადიდებელი ქრისტიანები აცხადებდნენ, ერთეული ადამიანების მიერ პროვოცირებულმა ფაქტმა მიიღო საკმაოდ მახინჯი განვრცობა და ეს დღეები იყო სამარცხვინო ფურცელი ჩვენი სოფლისთვის. დაპირისპირებულ მხარეებად წოდებულმა ადამიანებმა გაუცვალეს ერთმანეთს თავიანთი მოსაზრებები, კიდევ ერთხელ დააფიქსირეს, რომ მათ გასაყოფი არაფერი აქვთ და გრძელდება მეგობრული თანაცხოვრება“, - განაცახდა პარლამენტის წევრმა ნინო წილოსანმა.

ორი დღის წინ მომხდარი პირველი დაპირისპირებისა და ჩხუბის შემდეგ სამი ადამიანი, მათ შორის ორი მოზარდი მუსლიმი თემიდან, საავადმყოფოში მოხვდა. პოლიციამ ინციდებტის ერთ-ერთი დამნაშავე პირი დააკავა.

 

0