სილამაზის სალონი

მოქალაქეებისთვის 200-ლარიანი დახმარების გაცემა 2021 წლის იანვრიდან დაიწყება

1364
(განახლებულია 16:45 16.12.2020)
ანტიკრიზისული დახმარების პირველი პაკეტის ფარგლებში სახელმწიფო უკვე დაახლოებით 125 ათას მოქალაქეს დაეხმარა.

თბილისი, 16 დეკემბერი – Sputnik. საქართველოს მთავრობა იმ მოქალაქეებისთვის, რომლებმაც კორონავირუსის პანდემიის დროს სამუშაო დაკარგეს, 200 ლარის ოდენობით კომპენსაციების ჩარიცხვას 2021 წლის იანვრიდან დაიწყებს, განაცხადა საქართველოს ფინაანსთა მინისტრის მოვალეობის შემსრულებელმა ივანე მაჭავარიანმა. 

საქართველოს მთავრობამ მორიგი ანტიკრიზისული პაკეტი შეიმუშავა, რომლის ფარგლებშიც მოსახლეობას და ბიზნესს ქვეყანაში შექმნილი უმძიმესი ეპიდსიტუაციის პირობებში დაეხმარება.

პირები, რომლებმაც სამუშაო დაკარგეს, 1,2 ათასი ლარის ოდენობით ფულად დახმარებას მიიღებენ. მათ 6 თვის განმავლობაში ყოველთვიუთრად 200 ლარი ჩაერიცხებათ. ბენეფიციარების სავარაუდო რაოდენობა 125 ათასი ადამიანია, ბიუჯეტი კი 150 მილიონი ლარი.

ანტიკრიზისული დახმარების პირველი პაკეტის ფარგლებში სახელმწიფო უკვე დაეხმარა დახლოებით 125 ათას მოქალაქეს – 6 თვის განმავლობაში თითოეულს 1,2 ათასი ლარი ჩაერიცხა.

„ვპირდებით ჩვენს მოსახლეობას, ბიზნესს, რომ ეს იანვრიდან გაგრძელდება. შესაბამისად, იანვრიდან დაიწყება ინფორმაციის შეგროვება, ასევე გადარიცხვები და ტრანზაქციები“, – განაცხადა მაჭავარიანმა. 

გარდა ამისა, სახელმწიფოს გადაწყვეტილებით, დაწესებული კოვიდ-შეზღუდვების გამო 28 ნოემბრიდან 24 დეკემბრამდე პერიოდში უმუშევრად დარჩენილ პირებს 300-ლარიანი ერთჯერადი კომპენსაციის მიღებაც შეუძლიათ შემოსავლების სამსახურის ვებ-გვერდზე მოცემული ანკეტის შევსების შემდეგ.

„ამ დროისათვის უკვე რეგისტრირებულია 50 ათასი განაცხადი. ვვარაუდობთ, რომ მათი რიცხვი 100 ათას ადამიანამდე გაიზრდება. საკომპენსაციო პაკეტის ფარგლებში გადახდა დაიწყება და დამთავრდება მიმდინარე წლის ბოლომდე“, - აღნიშნა მაჭავარიანმა.

აღნიშნული დახმარებით სარგებლობა შეუძლიათ ინდმეწარმეებს, ფიზიკურ პირებს, რომლებსაც მცირე ბიზნესის სტატუსი აქვთ, ფიზიკურ პირებს, რომლებიც ფიქსირებულ გადასახადს იხდიან, ასევე მიკრობიზნესის სტატუსის მქონე პირებს, რომლებიც იძულებული იყვნენ შეზრუდვბის გამო შეეჩერებინათ საქმიანობა.

ერთჯერადი 300-ლარიანი კომპენსაცია ასევე ეკუთვნით იმ თვითდასაქმებულ პირებსაც, რომლებიც შეზღუდვების გამო დაკეტილ ობიექტებზე მუშაობდნენ და დარეგისრირებული იყვნენ როგორც გადასახადის გადამხდელები.

1364
თემები:
საქართველოს ეკონომიკა (906)
Туристические услуги и сервис - кризис в экономике

საქართველოში ტურისტების პირველი ჯგუფები, შესაძლოა, უკვე გაზაფხულზე შემოვიდნენ

28
(განახლებულია 20:42 22.01.2021)
ტურისტული სფერო ის დარგია, რომელიც კორონავირუსის პანდემიის გამო ძალიან დაზარალდა. გასული წლის დეკემბრის მონაცემებით, საქართველოში საერთაშორისო მოგზაურთა რიცხვი 90 პროცენტზე მეტით შემცირდა

თბილისი, 22 იანვარი — Sputnik. საქართველოს მთავრობა მომავალ კვირას ქვეყანაში შემოსვლის წესების ლიბერალიზაციაზე იმსჯელებს, განაცხადა საქართველოს ეკონომიკის მინისტრმა ნათია თურნავამ ტელეკომპანია „იმედის“ ეთერში.

დღეს უწყებათაშორისმა საკოორდინაციო საბჭომ ქვეყანაში მოქმედი შეზღუდვების ეტაპობრივი მოხსნის გეგმა დაამტკიცა, რომლის მიხედვით 1 თებერვლიდან ზოგი რეგულაცია შემსუბუქდება. დღესვე ცნობილი გახდა, რომ საქართველო რეგულარულ ავიამიმოსვლას 1 თებერვლიდან ყველა მიმართულებით აღადგენს.

თურნავას განცხადებით, რადგანაც ქვეყანაში ეტაპობრივად გაიხსნება ბიზნესი, ჩნდება შესაძლებლობა, ტურისტებსაც ვუმასპინძლოთ.

„ეს არ უნდა იყოს ერთიანი დარტყმა ჩვენი ეპიდვითარებისთვის, მაგრამ იმის გათვალისწინებით, რომ ევროპაში უკვე ტემპს იკრებს ვაქცინაცია,  საკმაოდ დიდი მოთხოვნაა ვაქცინირებული ტურისტების მოგზაურობისა. ეს ადამიანები უფრო თამამად მოგზაურობენ.  აქედან გამომდინარე ჩვენ ვფიქრობთ, რომ ტურისტების პირველი ჯგუფები ქვეყანაში გაზაფხულზე შემოვლენ“, — განაცხადა მინისტრმა.

მისი თქმით, საქართველო ტურისტებს გახსნილ სასტუმროებსა და სარესტორნო ბიზნესს დაახვედრებს.

ღამის საათებში გადაადგილებაზე შეზღუდვა 1 მარტამდე გახანგრძლივდა

აღსანიშნავია, რომ ტურისტული სექტორი, რომელშიც დაახლოებით 150 ათასი ადამიანია დასაქმებული, კორონავირუსის პანდემიის გამო ყველაზე მეტად დაზარალდა. ამიტომ ამ სფეროსა და ტურიზმთან დაკავშირებული დარგების დახმარება საქართველოს მთავრობის პრიორიტეტულ მიმართულებად იქცა. 


 

28
კურორტი გოდერძი

ტურიზმის სფეროს წარმომადგენლები ხელისუფლებასთან შეხვედრას ითხოვენ

23
(განახლებულია 21:58 22.01.2021)
საქართველოს მთის კურორტებზე ზამთრის სეზონი, ჩვეულებრივ, დეკემბრიდან აპრილის ჩათვლით გრძელდება ხოლმე.

თბილისი, 22 იანვარი – Sputnik. კერძო სექტორის წარმომადგენლები მზად არიან, მთავრობის ეკონომიკურ გუნდს თავად შესთავაზონ გეგმა, თუ როგორ განაახლოს ბიზნესმა მუშაობა უსაფრთხოდ, იუწყება საქართველოს საზოგადოებრივი მაუწყებლის „პირველი არხი“.

დღეს უწყებათშორისმა საკოორდინაციო საბჭომ ქვეყანაში მოქმედი შეზღუდვების ეტაპობრივი მოხსნის გადაწყვეტილება  მიიღო. თუმცა ამ ეტაპზე ტურიზმის, მათ შორის, სამთო-სათხილამურო კურორტების გახსნა არ იგეგმება და არსებული შეზღუდვები კვლავ ძალაში რჩება. 

ბიზნესმენები, პირველ რიგში, სამთო-სათხილამურო კურორტების გახსნას ითხოვენ. მათი განცხადებით, ზამთრის კურორტები, სხვა კურორტებთან შედარებით, არათანაბარ პირობებშია. ბიზნესის წარმომადგენლები აღნიშნავენ, რომ მზად არიან მთავრობის ყველა რეკომენდაციისა და რეგულაციის დაცვით მიიღონ დამსვენებლები.

საკოორდინაციო საბჭოს გადაწყვეტილებით, 28 ნოემბრიდან ბაკურიანის, გუდაურის, გოდერძისა და მესტიის სათხილამურო კურორტებზე სპეციალური შეზღუდვები დაწესდა. კერძოდ, სასტუმროების გამოყენება დასაშვებია მხოლოდ საკარანტინო სივრცეების მოსაწყობად, გაჩერებულია სათხილამურო ტრასებისა და სათხილამურო საბაგიროების ფუნქციონირება. 

საქართველოში ზამთრის კურორტები ოთხ რეგიონშია: გუდაური (მცხეთა-მთიანეთი), თეთნულდი და ჰაწვალი (სვანეთი), ბაკურიანი და კოხტა მიტარბი (სამცხე-ჯავახეთი), გოდერძი (აჭარა).

ტურისტული სექტორი, რომელშიც დაახლოებით 150 ათასი ადამიანია დასაქმებული, კორონავირუსის პანდემიის გამო ყველაზე მეტად დაზარალდა. ამიტომ ამ სფეროსა და ტურიზმთან დაკავშირებული დარგების დახმარება საქართველოს მთავრობის პრიორიტეტულ მიმართულებად იქცა. 

შეზღუდვების გამკაცრებასთან ერთად საქართველოს მთავრობამ მოსახლეობისა და ბიზნესის დასახმარებლად ახალი ანტიკრიზისული გეგმა შეიმუშავა, რომლის ფარგლებშიც რთული ეპიდემიოლოგიური სიტუაციის პირობებში ბიზნესსა და შეჭირვებულ მოსახლეობას დახმარებას გაუწევს. 

მთავრობის მიერ შემუშავებული დახმარების პაკეტი ითვალისწინებს საბანკო სესხების გადავადების შესაძლებლობას იმ სფეროებში დასაქმებული პირებისთვის, რომელთა საქმიანობაც იზღუდება დეკემბერი–იანვარში. ამასთან, გრძელდება სასტუმროების საბანკო სესხების პროცენტის სუბსიდირება, ასევე ამოქმედდება რესტორნების საბანკო სესხების პროცენტის სუბსიდირება 6 თვის განმავლობაში. 

ტურისტული სექტორის წარმომადგენლებს, რომელთაც მთავრობის ანტიკრიზისული გეგმის თანახმად საშემოსავლო და ქონების გადასახადი ოთხი თვის ვადით ჰქონდათ გადავადებული, აღნიშნული ვადა 1 იანვრამდე გაუხანგრძლივდათ. 

გასულ სეზონზე, კორონავირუსის გავრცელების საფრთხის არიდების მიზნით, საქართველოს მთავრობამ მარტში ზამთრის სათხილამურო კურორტებზე სეზონის ვადაზე ადრე დახურვის გადაწყვეტილება მიიღო.

23
ტოკიოს ოლიმპიადის ლოგოტიპი

კიდევ გადაიდება თუ არა ტოკიოს ოლიმპიადა: IOC-ი კომენტარს აკეთებს

0
(განახლებულია 22:27 22.01.2021)
IOC (საერთაშორისო ოლიმპიური კომიტეტი), თამაშების საორგანიზაციო კომიტეტი და ტოკიოს ხელისუფლება ყველაფერს გააკეთებს, რომ ზაფხულის ოლიმპიური თამაშების უსაფრთხოება უზრუნველყოს

თბილისი, 22 იანვარი - Sputnik. საერთაშორისო ოლიმპიური კომიტეტი და საერთაშორისო პარალიმპიური კომიტეტი ამ ზაფხულის ოლიმპიური და პარალიმპიური თამაშების გადადებას ან გაუქმებას გამორიცხავს, მიუხედავად მედიაში გავრცელებული ხმებისა, ნათქვამია IPC-ის განცხადებაში.

მანამდე გავრცელდა ინფორმაცია, რომ იაპონიის ხელისუფლებამ თამაშების გაუქმების შესახებ შეუთანხმებელი გადაწყვეტილება მიიღო და ახლა 2032 წლის ზაფხულის ოლიმპიურ თამაშებზე კონცენტრირდება. იაპონიის მთავრობის გენერალური მდივნის მოადგილემ მანაბუ საკაიმ უარყო ეს ინფორმაცია.

„საერთაშორისო ოლიმპიური კომიტეტი (IOC), IPC, საორგანიზაციო კომიტეტი „ტოკიო 2020“ და ყველა პარტნიორი განწყობილია თამაშების წარმატებით ჩატარებაზე და ორიენტირებულია ოლიმპიური და პარალიმპიური თამაშების უსაფრთხო და საიმედო ორგანიზებაზე. ეს პოზიცია არ შეცვლილა და დღეს კიდევ ერთხელ დაადასტურა IOC-მა, „ტოკიო 2020-მა“ და იაპონიის მთავრობამ“, — ნათქვამია IPC -ის განცხადებაში.

თავის მხრივ, ოლიმპიური თამაშების მინისტრმა სეიკო ჰასიმოტომ ხაზგასმით აღნიშნა, რომ მთავრობა, საორგანიზაციო კომიტეტი და ტოკიოს ხელისუფლება განაგრძობს სპორტული ფორუმისთვის მზადებას.

ამასთან, ზოგი მაღალი რანგის იაპონელი ჩინოვნიკი არ გამორიცხავს თამაშების გადადებას. ოსაკას პრეფექტურის გუბერნატორმა იოსიმურა ჰიროფუმიმ განაცხადა, რომ ოლიმპიადის გადადება არ სურთ, მაგრამ „გადატანა რეალურია“.

ტოკიოში ოლიმპიადა 2020 წლის 24 ივლისიდან 9 აგვისტომდე უნდა ჩატარებულიყო, მაგრამ პანდემიის გამო ჩემპიონატი ერთი წლით გადაიდო და 2021 წლის 23 ივლისიდან 8 აგვისტომდე პერიოდში გაიმართება.

0
თემები:
საერთაშორისო პანორამა