ქართული ვაშლის ექსპორტი რუსეთში კვლავ იზრდება

© photo: Sputnikვაშლი
ვაშლი - Sputnik საქართველო
გამოწერა
მიმდინარე წლის ოთხ თვეში განხორციელებული ვაშლის ექსპორტის მოცულობა 14-ჯერ აღემატება გასული წლის ანალოგიური პერიოდის მაჩვენებელს

თბილისი, 7 დეკემბერი – Sputnik. საქართველოდან 1 აგვისტოდან 6 დეკემბრამდე 6,2 ათასი ტონა ვაშლის ექსპორტი განხორციელდა, რომლის ღირებულებაც 2,7 მლნ აშშ დოლარია, იუწყება გარემოს დაცვისა და სოფლის მეურნეობის სამინისტრო

უწყების ცნობით, ამ პერიოდში განხორციელებული ვაშლის ექსპორტის მოცულობა 14-ჯერ აღემატება გასული წლის ანალოგიური პერიოდის მაჩვენებელს, ხოლო ექსპორტის ღირებულება 2,4 მლნ აშშ დოლარითაა გაზრდილი.

მწიფე ხურმა - Sputnik საქართველო
საქართველოდან ხურმისა და კარალიოკის ექსპორტი იზრდება

ქართული ვაშლის მთავარი ექსპორტიორი არის რუსეთი, აგვისტოდან იქ უკვე გატანილია 5,9 ათასი ტონა ვაშლი. გარდა ამისა, ქართულ ვაშლს აქტიურად ყიდულობენ ყაზახეთი, სომხეთი, სინგაპური და ჰონგ-კონგი.

წელს საქართველოში ელოდებიან ვაშლის უხვ მოსავალს - 120 ათას ტონაზე მეტს, ძირითადად შიდა ქართლის რეგიონში.

ვაშლის ექსპორტის განვითარების ხელშეწყობის მიზნით საქართველოში ახალი ბაღების გაშენების დასახმარებლად ხორციელდება პროგრამა „დანერგე მომავალი“. ამ პროგრამის ფარგლებში ვაშლის ბაღები 1 128 ჰექტარზე გაშენდა.

ხილის ექსპორტის ხელშეწყობის მიზნით, საჭირო დოკუმენტაციის მომზადება და გაცემა „ერთი ფანჯრის“ პრინციპით განხორციელდა. პროცესში ჩართულები იყვნენ  ფიტოსანიტარიული და საბაჟო სამსახურების წარმომადგენლები.

თხილის წარმოება საქართველოში - Sputnik საქართველო
საქართველოდან ექსპორტზე თითქმის 60 მილიონი დოლარის თხილი გაიტანეს

სუბსიდირების პროგრამის ფარგლებში სახელმწიფო იმ კომპანიებზე, რომლებიც მეხილეობის სფეროში დასაქმებული ფიზიკური პირებისგან 1 კგ არასტანდარტულ ვაშლს არანაკლებ 0.22 ლარად შეისყიდიან, თითო კილოგრამზე 10 თეთრის სუბსიდიას გასცემს. პროგრამა 15 დეკემბრამდე გახანგრძლივდა.

ბოლო მონაცემებით, პროგრამის ფარგლებში ფერმერებმა 47 ათას ტონაზე მეტი არასტანდარტული ვაშლი ჩააბარეს, შედეგად კი 10 მილიონ ლარზე მეტი მოგება მიიღეს.

არასტანდარტული ვაშლის რეალიზაციის ხელშეწყობის პროგრამაში 14 კომპანიაა ჩართული.

 

ყველა ახალი ამბავი
0