ივანე მაჭავარიანი

მაჭავარიანი: 300-ლარიანი კომპენსაციის მისაღებად უკვე 14 ათასზე მეტი განაცხადია შემოსული

118
(განახლებულია 19:35 07.12.2020)
იმ ობიექტებში დასაქმებულმა პირებმა და ინდმეწარმეებმა, რომელთაც საქმიანობა კორონავირუსის გავრცელების პრევენციის მიზნით შემოღებული შეზღუდვების შედეგად შეუჩერდათ, კომპენსაციების მისაღებად რეგისტრაცია შემოსავლების სამსახურის ვებ-გვერდზე უნდა გაიარონ.

თბილისი, 7 დეკემბერი – Sputnik. 300-ლარიანი კომპენსაციის მისაღებად ამ დროისათვის შემოსავლების სამსახურს 14.300-ზე მეტმა ადამიანმა მიმართა, განაცხადა საქართველოს ფინანსთა მინისტრმა ივანე მაჭავარიანმა საკოორდინაციო საბჭოს სხდომის დასრულების შემდეგ ბრიფინგზე.

ვის შეუძლია მიიღოს 300-ლარიანი კომპენსაცია: შემოსავლების სამსახური დეტალებს აქვეყნებს>>

300-ლარიანი ერთჯერადი დახმარება გაიცემა იმ ობიექტებში დასაქმებული პირებისა და ინდმეწარმეებისთვის, რომელთაც საქმიანობა შეუჩერდათ დეკემბერსა და იანვარში დაწესებული დამატებითი შეზღუდვების შედეგად. ბენეფიციართა სავარაუდო რაოდენობა 100 ათასია, საერთო ბიუჯეტი 30 მლნ ლარს შეადგენს.

„განაცხადების მიღება კომპენსაციების მოთხოვნის თაობაზე დაწყებულია. ამ მომენტისთვის 14.300-ზე მეტი განაცხადია შემოსული შემოსავლების სამსახურში, რომლებიც გადაეგზავნა უკვე ჯანდაცვის სამინისტროს და მალევე დაიწყება ამ კომპენსაციების გაცემა“, – განაცხადა მაჭავარიანმა.

ივანე მაჭავარიანმა შეახსენა იმ მეწარმეებს, ვისაც შეეხო 28 ნოემბრიდან ამოქმედებული შეზღუდვები, რომ რეგისტრაციისთვის ისარგებლონ შემოსავლების სამსახურის პორტალით. 

„საკმაოდ მარტივი ფორმაა, იოლი შესავსები, სადაც უნდა მიუთითონ დასაქმებულის ვინაობა, ასევე მისი პირადი მონაცემები და, რაც მთავარია, საბანკო ანგარიში, რომლის შემდეგაც ჩვენ გადავგზავნით ამ ინფორმაციას ჯანდაცვის სამინისტროში და იქიდან მოხდება კომპენსაციების გაცემა“, – აღნიშნა მინისტრმა.

მაჭავარიანის თქმით, რეგისტრაციის პროცესი გაგრძელდება 24 დეკემბრამდე, ამიტომ მნიშვნელოვანია, რომ მეწარმეებმა მაქსიმალურად გამოიყენონ ეს დრო. თუმცა მონაცემების დაზუსტება 28 დეკემბრამდე იქნება შესაძლებელი.

„მნიშვნელოვანია, რომ მონაცემები სწორად იყოს მოწოდებული, პასუხისმგებლობა სრულად ეკისრება იმ გადამხდელს, ვინც მოახდენს ამ ინფორმაციის მოწოდებას“, – აღნიშნა მაჭავარიანმა.

ქვეყანაში ინფიცირებულთა ზრდის მაჩვენებლის შეკავების მიზნით ხელისუფლებამ 28 ნოემბრიდან რიგი შეზღუდვები დააწესა, ყველაზე სერიოზული შეზღუდვები შვიდ დიდ ქალაქში მოქმედებს – არ მუშაობს მუნიციპალური ტრანსპორტი, დაიკეტა სავაჭრო ცენტრები, ბაზრობები (გარდა აგრარული ბაზრებისა), ფიტნეს–დარბაზები და აუზები და ა.შ. გარდა ამისა, ქვეყნის მთელ ტერიტორიაზე 21:00 საათიდან 05:00 საათამდე იკრძალება ქუჩაში როგორც ქვეითების, ისე ტრანსპორტის გადაადგილება.

118
თემები:
COVID-19 საქართველოში (2862)
ვალუტის კურსი

ლარის კურსი 8 მარტს

61
(განახლებულია 20:07 07.03.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0012 ლარით დაეცა.

თბილისი, 8 მარტი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,3202 GEL/$1 ნიშნულზე დაადგინა. 

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0012 ლარით დაეცა. 

ლარის კურსი 8 მარტს
ლარის კურსი 8 მარტს
61
თემები:
ლარის კურსი დღეს
მტკვრის სანაპირო

ძველ თბილისში კერძო ინვესტიციით მაღალი კლასის სასტუმრო შენდება

68
(განახლებულია 11:22 08.03.2021)
არსებული ინფორმაციით, მშენებლობისთვის 30 მლნ აშშ დოლარი დაიხარჯება და სასტუმროში 100 ნომერი იქნება განთავსებული

თბილისი,  7 მარტი – Sputnik. საქართველოს მთავრობის მხარდაჭერით, ძველ თბილისში კერძო ინვესტიციით მაღალი კლასის სასტუმრო აშენდება, იუწყება ტელეკომპანია „იმედი“.

გავრცელებული ინფორმაციით, საქართველოში მოქმედმა საინვესტიციო კომპანია MCI PROJECT-სა და საერთაშორისო სასტუმროების ქსელ Wyndham-ს შორის გაფორმდა ხელშეკრულება, რომლის თანახმადაც, კომპანია MCI PROJECT გახდა უმაღლესი კლასის სასტუმრო ბრენდის REGISTRY COLLECTION-ის ოფიციალური წარმომადგენელი და ექსკლუზიური მფლობელი.

აღნიშნული სტატუსის მიღება კომპანიის მენეჯმენტმა საქართველო-ისრაელის ბიზნესპალატის შუამდგომლობით, ორწლიანი დეტალური და პროფესიონალური მოლაპარაკების შედეგად მოახერხა, ვინაიდან ბრენდი არაერთი მკაცრი კრიტერიუმის დაკმაყოფილებას მოითხოვს. მათ შორისაა ინვესტიციის მოცულობა და მართვა.

Wyndham-ის პროგნოზით, მომავალი 10 წლის განმავლობაში საქართველოში სამი უნიკალური სასტუმროს მშენებლობა იგეგმება და MCI PROJECT სამივეს ექსკლუზიური მფლობელი იქნება.

68
პროკურატურა

პროკურატურა ფარული აუდიოჩანაწერების გამოძიებას დაიწყებს? „ლელომ" სარჩელი შეიტანა

0
(განახლებულია 13:17 08.03.2021)
გავრცელებული ჩანაწერების ავთენტურობის შესასწავლად შესაბამისი საექსპერტო და საგამოძიებო ღონისძიებების ჩატარებისკენ სამართალდამცავ ორგანოებს მოუწოდა არასამთავრობო სექტორმაც

თბილისი, 8 მარტი – Sputnik. ოპოზიციური პარტია „ლელო საქართველოსთვის“ წარმომადგენლებმა ფარული აუდიოჩანაწერების გამოძიების მოთხოვნით საქართველოს პროკურატურას მიმართეს. 

6 მარტს ოპოზიციურმა ტელეარხმა „ტვ პირველმა“ გამოაქვეყნა სკანდალური აუდიოჩანაწერები, რომლებიც ბიძინა ივანიშვილის ვაჟის - 27 წლის ბერას, ამჟამინდელი პრემიერ-მინისტრ ირაკლი ღარიბაშვილის და სხვა მაღალჩინოსნების მაკომპრომეტირებელ საუბრებს შეიცავს. 

„ლელოს“ ერთ–ერთი ლიდერის კახა კოჟორიძის თქმით, პროკურატურა ვალდებულია აღნიშნული ფაქტი გამოიძიოს, რამდენადაც გავრცელებული აუდიომასალა შესაძლო დანაშაულის ნიშნებს შეიცავს.

 „ლელოს“ წევრები და იურისტები აქ მოვედით, რათა პროკურატურას შევახსენოთ მათი ვალდებულებები. საქართველოს სისხლის სამართლის საპროცესო კოდექსში პირდაპირ წერია, რომ მედიის საშუალებით ინფორმაციის გავრცელება, რომელიც შეიცავს დანაშაულის ნიშნებს, პირდაპირ წარმოშობს პროკურატურის ვალდებულებას, რომ დაიწყოს გამოძიება“, – განაცხადა კოჟორიძემ ჟურნალისტებთან. 

გუშინ მმართველმა პარტია „ქართული ოცნება – დემოკრატიულმა საქართველომ“ განცხადება გაავრცელა და აუდიოჩანაწერებს „2010-2011 წლების უკანონო ჩანაწერების უხეში ფაბრიკაცია“ უწოდა.

როგორც მმართველი გუნდის განცხადებაშია აღნიშნული, გავრცელებული ჩანაწერი შედგება  იმ ადამიანების საუბრებიდან ამოჭრილი ცალკეული სიტყვებისა და ფრაზებისაგან, რომელთაც ბიძინა ივანიშვილის პოლიტიკაში მოსვლამდე მიხეილ სააკაშვილის ხელისუფლება რამდენიმე თვის განმავლობაში ფარულად წერდა.

მმართველ პარტიაში აღნიშნავენ, რომ ჩანაწერის გაკეთების დროს მოქმედი პრემიერ-მინისტრი ირაკლი ღარიბაშვილი საქველმოქმედო ფონდ „ქართუს“ პრეზიდენტის პოსტს იკავებდა, ხოლო ბერა ივანიშვილი არასრულწლოვანი იყო.

0