„თბილისი ენერჯი“ კომერციული მომხმარებლებისთვის გაზის ტარიფს აძვირებს

© photo: Sputnik / StringerTbilisi Energy 114-ის მორიგე ბრიგადა
Tbilisi Energy 114-ის მორიგე ბრიგადა - Sputnik საქართველო
გამოწერა
ბუნებრივი აირის ტარიფი უცვლელი მხოლოდ პურის საწარმოებისთვის დარჩება, სხვა დანარჩენი კომერციული ობიექტები კი 3 იანვრიდან ერთ კუბურ მეტრ მოხმარებულ გაზში 1.10 ლარს გადაიხდიან.

თბილისი, 1 დეკემბერი – Sputnik. „თბილისი ენერჯის“ კომერციული მომხმარებლებისთვის 2021 წლის 3 იანვრიდან ბუნებრივი გაზის ღირებულება იცვლება პურის საწარმოების გარდა, ნათქვამია კომპანიის გვერდზე.

გაზქურა - Sputnik საქართველო
საქართველოს ორი რეგიონი ბუნებრივი აირის გარეშე დარჩა

2021 წლის 3 იანვრიდან კომპანიის არასაყოფაცხოვრებო მომხმარებლისთვის მისაწოდებელი ბუნებრივი აირის ფასი ერთ კუბურ მეტრზე განისაზღვრება 1.10 ლარით, დამატებული ღირებულების გადასახადის ჩათვლით. ამ პერიოდისთვის არასაყოფაცხოვრებო ტარიფი არის 0,86 ლარი. 

კომპანიის განცხადებით, ბოლო წლებში ეროვნული ვალუტის კურსის ცვლილებამ აშშ დოლარის მიმართ სერიოზული პრობლემები შექმნა დედაქალაქის უწყვეტი გაზმომარაგების საკითხში, ვინაიდან კომპანია ბუნებრივი გაზის შესყიდვას ახორციელებს აშშ დოლარში, ხოლო მომხმარებლებთან ბუნებრივი გაზის მიწოდებისას ანგარიშსწორებას ახდენს ლარში ფიქსირებული ფასით.

„შპს „თბილისი ენერჯი“ დღემდე ინარჩუნებს ბუნებრივი გაზის ყველაზე დაბალ ტარიფს არასაყოფაცხოვრებო მომხმარებლებისთვის. კომპანია შექმნის პირველივე დღიდან ქართული ბიზნესის განვითარების ხელშეწყობისთვის საკუთარი რესურსებით აბალანსებს ვალუტის კურსის ცვლილებით ბუნებრივი გაზის შესაძენ და სარეალიზაციო ფასებს შორის წარმოქმნილ სხვაობას“, – ნათქვამია კომპანიის განცხადებაში.
გაზქურა - Sputnik საქართველო
საქართველოს რეგიონებში ბუნებრივი აირი ძვირდება

კომპანიის ცნობით, მილიონობით ლარის ზარალი სერიოზულ საფრთხეს უქმნის მნიშვნელოვან პროექტებს, რომლებსაც შპს „თბილისი ენერჯი“ დედაქალაქის მასშტაბით ახორციელებს, მაგალითად, გამანაწილებელი ქსელის რეაბილიტაცია-განახლებას, რომელიც 60 წელია არ შეცვლილა და მწყობრიდანაა გამოსული. ქსელის განახლება სასიცოცხლოდ მნიშვნელოვანია აბონენტების, დედაქალაქის მოსახლეობის მეტი უსაფრთხოებისთვის.

„დღეისათვის შპს „თბილისი ენერჯის“ უჭირს მოწოდებული ბუნებრივი გაზის შესასყიდად საკმარისი ფინანსური სახსრების აკუმულირება, რაც არა მხოლოდ რეალურ საფრთხეს უქმნის მომხმარებელთა უწყვეტ გაზმომარაგებას, არამედ კომპანიის ნორმალურ და უსაფრთხო ფუნქციონირებას“, – აღნიშნულია განცხადებაში.

კომპანიის განცხადებით, იმისათვის, რომ არ შეფერხდეს ბუნებრივი გაზის შესყიდვის პროცესი და თბილისის მოსახლეობის უწყვეტი გაზმომარაგება, აუცილებელია არასაყოფაცხოვრებო აბონენტებისთვის ბუნებრივი გაზის ფასის კორექტირება.

„ხაზგასმით აღვნიშნავთ, რომ ბუნებრივი გაზის ფასი არ ძვირდება საყოფაცხოვრებო მომხმარებლებისთვის, რომელიც 1 კუბურ მეტრზე 0,461374 ლარს შეადგენს და დადგენილია სემეკის მიერ. ასევე ქვეყანაში დღეს არსებული მდგომარეობის გათვალისწინებით ტარიფი არ გაუძვირდებათ პურის საწარმოებს“, – აღნიშნულია განცხადებაში.
ყველა ახალი ამბავი
0