საქართველოდან ნიდერლანდებში მარნის ღვინის ნიმუშები გაგზავნეს

© photo: Sputnik / Stringerქართული ღვინო
ქართული ღვინო - Sputnik საქართველო
გამოწერა
მცირე მარნებს პოტენციური იმპორტიორებისთვის ნიმუშების მიწოდებაში და დეგუსტაციების ორგანიზებაში ღვინის ეროვნული სააგენტო დაეხმარა.

თბილისი, 25 ნოემბერი – Sputnik. საქართველოდან ნიდერლანდებში 9 მცირე მარნის ღვინის 47 ნიმუში გაიგზავნა, იუწყება ღვინის ეროვნული სააგენტო.

მცირე მარნების მიერ წარმოებული ღვინის ტრანსპორტირება მათ მიერ მოძიებულ პოტენციურ იმპორტიორებთან ღვინის ეროვნულმა სააგენტომ COVID-19-ის პანდემიის შედეგად მიყენებული ზარალის შესამსუბუქებლად უზრუნველყო.

ქართული ღვინო - Sputnik საქართველო
ბრიტანულმა კომპანიამ ქართული ღვინისადმი მიძღვნილი ონლაინ–ტურები მოაწყო

„აღნიშნული ინიციატივის ფარგლებში ჰოლანდიაში გაიგზავნა 9 მცირე მარნის 47 ღვინის ნიმუში, რომელთა პრეზენტაციაც მოხდა ქართული ღვინის იმპორტიორის, ქალბატონ მანა ოტმერის ორგანიზებით ჩატარებულ დეგუსტაციებზე ნოემბრის თვეში“, – აღნიშნულია ღვინის ეროვნული სააგენტოს გვერდზე.

უწყების ცნობით, ნიდერლანდებში ჯამში სამი პრეზენტაცია-დეგუსტაცია გაიმართა, რომელთაც 30-ზე მეტი წარმომადგენელი ესწრებოდა ევროპის ღვინის სექტორიდან.

აღსანიშნავია, რომ რთველი-2020-ის ფარგლებში კახეთსა და რაჭა-ლეჩხუმში 280 ათას ტონამდე ყურძენი გადამუშავდა, რაც ბოლო 30 წლის რეკორდული მაჩვენებელია. უწყების ცნობით, ღვინის საწარმოებში ყურძენი 25 ათასამდე მევენახე ფერმერმა ჩააბარა. მათი შემოსავალი 310 მლნ ლარზე მეტს შეადგენს. პანდემიით გამოწვეულ ვითარებაში მევენახეობა-მეღვინეობის დარგის მხარდასაჭერად სახელმწიფომ კახეთში 2020 წლის რთველის სუბსიდირება განახორციელა. რომლის პირობების შესაბამისად, მევენახე ფერმერებმა 1 კგ „რქაწითელისა“ და 1 კგ „კახური მწვანეს“ სანაცვლოდ მინიმუმ 80 თეთრი მიიღეს.

ყველა ახალი ამბავი
0