საქართველოს ბიზნეს–ასოციაცია დღგ–ის დაბრუნების ახალ სისტემას დადებითად აფასებს

გამოწერა
ახალი პროგრამის დანერგვა პოზიტიურად იმოქმედებს ბიზნეს–სუბიექტების ეკონომიკურ აქტივობასა და მათ ფინანსურ მდგომარეობაზე

თბილისი, 21 ნოემბერი — Sputnik. დღგ–ის ავტომატური დაბრუნების ახალი სისტემის შემოღებით საქართველოში საუკეთესო საერთაშორისო პრაქტიკა ინერგება, რომელიც სახელმწიფოსა და ბიზნესს შორის ნდობას ამაღლებს, ნათქვამია საქართველოს ბიზნეს–ასოციაციის განცხადებაში. 

თბილისი - Sputnik საქართველო
სახელმწიფო სასტუმროების მეპატრონეებს სესხების დაფარვაში კიდევ ერთხელ დაეხმარება

17 ნოემბრიდან გადასახადის გადამხდელებს შესაძლებლობა ეძლევათ ფინანსთა სამინისტროს შემოსავლების სამსახურში, კანონმდებლობით დადგენილი წესით წარდგენილი დამატებული ღირებულების გადასახადის დეკლარირებით წარმოშობილი ზედმეტობა სრულად ავტომატურ რეჟიმში დაიბრუნონ.

 „ვფიქრობთ, იგი პოზიტიურად იმოქმედებს ბიზნეს–სუბიექტების ეკონომიკურ აქტივობაზე, მათ ფინანსურ მდგომარეობაზე, რაც დაეხმარება მათ კრიზისის თანმდევი სიძნელეების გადალახვაში და იქნება ქვეყანაში ბიზნეს–გარემოს გაუმჯობესების კუთხით წინ გადადგმული ნაბიჯი“, - განაცხადა საქართველოს ბიზნეს–ასოციაციის აღმასრულებელმა დირექტორმა, ლევან ვეფხვაძემ.

ქართული ბიზნესის წინაშე არსებული მწვავე გამოწვევებიდან გამომდინარე, ასოციაცია კიდევ ერთხელ მოუწოდებს საქართველოს მთავრობას და ქვეყნის ახლადარჩეულ პარლამენტს, საგადასახადო კოდექსში უმოკლეს ვადაში შეიტანონ ცვლილებები.

კერძოდ, საშემოსავლო გადასახადთან დაკავშირებული ის შეღავათი, რომელიც 1,5 ათას ლარამდე ხელფასებს შეეხებოდა, დამატებით გაგრძელდეს ექვსი თვით და, შესაბამისად, სრულად მოიცვას ერთწლიანი პერიოდი 2020 წლის 1 მაისიდან 2021 წლის 1 მაისამდე.

საშემოსავლო გადასახადის სუბსიდირება ითვალისწინებს გადასახადისგან კერძო სექტორში დასაქმებულ იმ პირთა გათავისუფლებას, რომელთა ხელფასი 1,5 ათას ლარამდეა. ამასთან, 750 ლარის ოდენობის ხელფასი სრულად თავისუფლდება საშემოსავლო გადასახადისგან. 

მზესუმზირის პლანტაცია - Sputnik საქართველო
ბიზნესის ხელშეწყობის გასაძლიერებლად: რა ცვლილებები შევიდა „აწარმოე საქართველოში“

გარდა ამისა, ტურიზმის სფეროს სრულად ჩამოეწეროს საქართველოს საგადასახადო კოდექსში 2020 წლის 22 მაისს განხორციელებული ცვლილების საფუძველზე გადავადებული და დაგროვებული საშემოსავლო გადასახადი.

როგორც ბიზნეს–ასოციაციაში აღნიშნავენ,  ორივე თხოვნა პირდაპირ კავშირშია და ემსახურება  ქვეყანაში სამუშაო ადგილების შენარჩუნებას.

საქართველოს მთავრობისთვის კორონავირუსის პანდემიის გამო რთულ ვითარებაში აღმოჩენილი ტურისტული სექტორის დახმარება პრირიტეტს წარმოადგენს – ხელისუფლებამ პანდემიის ბიზნესზე უარყოფითი ზემოქმედების შერბილების მიზნით რიგი ზომები გაატარა. კომპანიებს, რომელთა საქმიანობაც დაკავშირებულია სასტუმრო და სარესტორნო სფეროსთან, ტურისტულ სააგენტოებთან, სატრანსპორტო კომპანიებთან, საექსკურსიო ბიუროებთან და ა.შ. 1 ნოემბრამდე საშემოსავლო და კერძო საკუთრებაზე გადასახადი ოთხი თვით გადაუვადდათ. ეს შეეხო ტურიზმის სექტორში დასაქმებულ 6 ათასზე მეტ კომპანიას.

ყველა ახალი ამბავი
0