ნათურები

გაიზრდება თუ არა ტარიფები კომუნალურ მომსახურებაზე

103
(განახლებულია 14:14 17.11.2020)
კომისიაში შესულ არც ერთ განაცხადში არ არის ტარიფის გაზრდის ან შემცირების მოთხოვნა, იქ მხოლოდ კომპანიების გასული წლის ტექნიკური და ეკონომიკური მაჩვენებლებია.

თბილისი, 17 ნოემბერი – Sputnik. ელექტროენერგიის სექტორში მოქმედ არც ერთ კომპანიას ენერგეტიკისა და წყალმომარაგების მარეგულირებელი კომისიისთვის (GNERC) ტარიფების გაზრდის მიზნით არ მიუმართავს, ნათქვამია უწყების განცხადებაში.

ეროვნულმა მარეგულირებელმა კომპანიამ (სემეკი) კომენტარი გააკეთა იმ ინფორმაციის თაობაზე, რომ საქართველოში, შესაძლოა, ელექტროენერგია გაძვირდეს და აღნიშნა, რომ სატარიფო განაცხადით უწყებისთვის ჯერჯერობით არავის მიუმართავს.

„ელექტროენერგიის გამანაწილებელმა და წყალმომარაგების კომპანიებმა 2021-2023 წლებისათვის გეგმური ტარიფების დადგენის მიზნით სემეკს მომართეს მიმდინარე წლის ივლისის დასაწყისში, რომლის საფუძველზეც კომისიამ დაიწყო საჯარო ადმინისტრაციული წარმოებები, შესაბამისი ინფორმაცია განთავსდა კომისიის ვებ-გვერდზე, ასევე გაჟღერდა სხვადასხვა მედიასაშუალების მიერ“, – ნათქვამია კომისიის განცხადებაში.

სატარიფო მეთოდოლოგიების საფუძველზე ელექტროენერგიის გამანაწილებელ კომპანიებს: სს „თელასსა“ და სს „ენერგო პრო ჯორჯიას“, ასევე წყალმომარაგების კომპანიებს – შპს „ჯორჯიან უოთერ ენდ ფაუერს“, შპს „რუსთავის წყალსა“ და შპს „მცხეთის წყალს“ ტარიფები დადგენილი აქვთ 2020 წლის 31 დეკემბრის ჩათვლით.

კომისია განმარტავს, რომ არც ერთ განაცხადში არ არის მითითებული ტარიფის გაზრდის ან შემცირების მოთხოვნა, არამედ წარმოდგენილია მხოლოდ კომპანიების გასული წლის ტექნიკური და ეკონომიკური მაჩვენებლები.

ექსპერტთა ნაწილის ინფორმაციით, ტარიფების შენარჩუნება ელექტროენერგიასა და წყალზე 2021 წელს დიდი კითხვის ნიშნის ქვეშ დადგება. სამი წლით დადგენილი ტარიფები მიმდინარე წლის ბოლოს გადაიხედება და ყველა კომპანიამ ტარიფების გაზრდის მოთხოვნით უკვე შეიტანა განაცხადი.

როდესაც ბოლო ტარიფები დადგინდა, მაშინ ეროვნული ვალუტის გაცვლითი კურსი დოლარის მიმართ 2,5 ლარი იყო, ამჟამად კი კურსი 3,3 ლარს შეადგენს.

ეროვნული ვალუტის მნიშვნელოვანი გაუფასურების მიუხედავად ბევრი სპეციალისტი ვარაუდობს, რომ სამომხმარებლო ტარიფი არ შეიცვლება.

რაც შეეხება გაზის ტარიფს, ის უახლოესი სამი წლის განმავლობაში არ შეიცვლება.

103
თემები:
საქართველოს ენერგეტიკა (118)
კომპანია  OMV -ს შესასვლელი

ევროპის ერთ-ერთი უდიდესი კომპანია საქართველოს შელფზე ნავთობს მოძებნის

37
(განახლებულია 21:26 25.02.2021)
კომპანია შავი ზღვის კონტინენტურ შელფზე სეისმური დაზვერვის სამუშაოებს ჩაატარებს, ხოლო შემდეგ ბურღვას დაიწყებს.

თბილისი, 25 თებერვალი – Sputnik. საქართველოს ნავთობისა და გაზის სახელმწიფო სააგენტო ავსტრიულ ნავთობისა და გაზის კომპანიასთან OMV პროდუქციის წილობრივი განაწილების ხელშეკრულებას ხელს უახლოეს მომავალში მოაწერს, განაცხადა ეკონომიკისა და მდგრადი განვითარების მინისტრმა ნათია თურნავამ.

ავსტრიულმა კომპანიამ OMV PETROM S.A. შავი ზღვის შელფზე ნავთობისა და გაზის რესურსებით სარგებლობის გენერალური ლიცენზიის მოსაპოვებლად ტენდერში გაიმარჯვა. კომპანია ავსტრიული ჰოლდინგის OMV (Österreichische Mineralölverwaltung AG) ნაწილია, რომელიც 1956 წელს დაფუძნდა. აღნიშნული კომპანია ნავთობისა და გაზის მოპოვების მოცულობით ავსტრიაში რიგით მეორე და ევროპაში მეათე პოზიციას იკავებს.

„საქართველოს მთავრობამ მოიწონა ხელშეკრულება, რომელიც რამდენიმე დღეში იქნება ხელმოწერილი... კომპანია OMV Petrom SA ცნობილია რუმინეთის შელფზე გაზის ერთ-ერთი მსხვილი საბადოს „დომინო 1“-ის აღმოჩენით. ჩვენ დიდი იმედი გვაქვს, რომ ასევე წარმატებით წარიმართება კომპანიის საქმიანობა საქართველოშიც. დიდი წვლილი იქნება შეტანილი ქვეყნის ეკონომიკის განვითარებაში, იმიტომ რომ ნავთობის მოპოვება პერსპექტიული დარგია. ჩვენ დიდ იმედებს ვამყარებთ ამ კომპანიაზე“, – განაცხადა ნათია თურნავამ.

თურნავას თქმით, პანდემიის მიუხედავად საქართველოში ასეთი მსხვილი ბიზნეს-ჯგუფის შემოსვლა სწორედ იმაზე მეტყველებს, რომ ქვეყნის საინვესტიციო კლიმატი სტაბილურია გარე შოკების მიმართ.

კომპანიამ შავი ზღვის სანაპიროებთან 5,3 ათასი კვადრატული კილომეტრის შელფურ მონაკვეთზე ნავთობისა და გაზის რესურსებით სარგებლობის გენერალური ლიცენზიის მოსაპოვებლად გამოცხადებულ საერთაშორისო ტენდერში გაიმარჯვა.

კომპანიას უკვე გააჩნია ნავთობის საბადოების მოძიების წარმატებული გამოცდილება. მან რუმინეთის ტერიტორიულ წყლებში აღმოაჩინა საბადო, რომლის რესურსების ღირებულება 1,5 მლრდ აშშ დოლარად ფასდება.

ნავთობისა და გაზის სახელმწიფო სააგენტოს ცნობით, ქვეყანაში სალიცენზიო მონაკვეთებზე ნავთობის მოპოვებით ექვსი ინვესტორი კომპანიაა დაკავებული. კიდევ შვიდი კომპანია საძიებო სამუშაოებს ახორციელებს, საშუალო წლიური მოპოვება, ბოლო 10 წლის მონაცემებით, 43,6 ათას ტონას შეადგენს.

37
ბათუმში თაფლის ფესტივალზე პროდუქცია საქართველოს სხვადასხვა რეგიონებიდან წარმოადგინეს

ლევან დავითაშვილი: მეფუტკრეობის სექტორში მნიშვნელოვანი პროგრესი გვაქვს

23
(განახლებულია 21:01 25.02.2021)
2020 წელს თაფლის ექსპორტი, წინა წელთან შედარებით, 3,4-ჯერ არის გაზრდილი, განაცხადა გარემოს დაცვისა და სოფლის მეურნეობის მინისტრმა.

თბილისი, 25 თებერვალი – Sputnik. საქართველოს გარემოს დაცვისა და სოფლის მეურნეობის მინისტრმა ლევან დავითაშვილმა მეფუტკრეობის განვითარების საბჭოს რიგით მესამე შეხვედრაზე დარგის განვითარების მიმართულებით სახელმწიფოს მიერ განხორციელებული პროგრამები და მიღწეული შედეგები განიხილა, ნათქვამია უწყების მიერ გავრცელებულ განცხადებაში. 

დავითაშვილის განცხადებით, კერძო სექტორთან მსგავსი ფორმატის შეხვედრები განსაკუთრებით მნიშვნელოვანია მეფუტკრეობის დარგში არსებული პრობლემების განხილვისა და მათი ერთობლივი ძალებით გადაჭრის გზების მოძიებისთვის.

„2020 წელს საქართველოდან ექსპორტზე 21,7 ტონა თაფლი გავიდა, რაც 15,3 ტონით (3.4-ჯერ) აღემატება 2019 წლის მაჩვენებელს. ექსპორტი ძირითადად განხორციელდა ევროკავშირის ქვეყნებში (12,9 ტონა), აშშ-ში (4,9 ტონა), კანადასა (1,8 ტონა) და კატარში (1.2 ტონა)“, – განაცხადა ლევან დავითაშვილმა.

როგორც მინისტრმა ონლაინ–შეხვედრაზე განმარტა, პროგრესი, რაც ბოლო პერიოდში მეფუტკრეობის სექტორში შეიმჩნევა, სახელმწიფოს სწორი პოლიტიკის შედეგია. განსაკუთრებით მნიშვნელოვანია, რომ საქართველოში ჩატარებული კვლევები ევროკავშირმა აღიარა. 

2020 წელს სოფლის მეურნეობის სახელმწიფო ლაბორატორიამ ახალი კვლევები დანერგა და შესაბამისი აკრედიტაცია მიიღო. ამჟამად უკვე დანერგილია თაფლის კვლევა 120-მდე პარამეტრზე, აქედან დიდი ნაწილი უკვე აკრედიტებულია. 

შეხვედრაზე კერძო სექტორის წარმომადგენლებმა დადებითად შეაფასეს სახელმწიფოს მიერ ლაბორატორიული კვლევების ფართო სპექტრის დანერგვა. ყურადღება გამახვილდა სახელმწიფო ლაბორატორიაში ფუტკრის რძისა და შხამის, ასევე დინდგელის კვლევის დანერგვის აუცილებლობაზე, რაც ხელს შეუწყობს აღნიშნული პროდუქციის ექსპორტზე გატანას. აღინიშნა, რომ მნიშვნელოვანია ფუტკრის მოვლის თანამედროვე მიდგომების შესახებ გაიდლაინების შემუშავება, ფერმერთა ცოდნის ამაღლება, ფალსიფიკაციასთან ბრძოლა, საერთაშორისო ბაზრებზე ქართული თაფლის ცნობადობის გაზრდა და ახალ საექსპორტო ბაზრებზე წვდომის მხარდაჭერა.

„ქართული თაფლის საექსპორტო ბაზრების დივერსიფიკაციის მიზნით სურსათის ეროვნული სააგენტო აქტიურად თანამშრომლობს სხვადასხვა ქვეყნის უწყებებთან თაფლის ექსპორტისთვის საჭირო დოკუმენტაციისა და სერტიფიკატების შეთანხმების/აღიარების მიმართულებით. გარკვეული შედეგები უკვე მიღწეულია სპარსეთის ყურის ქვეყნებთან, აშშ-თან, კანადასთან, იაპონიასთან“, – განაცხადა მინისტრმა.

მეფუტკრეობის განვითარების საბჭოს რიგით მესამე შეხვედრას სოფლის მეურნეობის სამინისტროს წარმომადგენლებთან ერთად ესწრებოდნენ საქართველოს მეფუტკრეთა გაერთიანებისა და ასოციაციების, კერძო ლაბორატორიების, არასამთავრობო და დონორი ორგანიზაციების წარმომადგენლები.

2016 წლის დეკემბერში ევროკომისიამ დადებითად შეაფასა საქართველოს სახელმწიფო კონტროლის სისტემა და ქვეყანა იმ სახელმწიფოების სიაში შეიყვანა, საიდანაც დასაშვებია თაფლის იმპორტი ევროკავშირში.

 

23
თემები:
საქართველოს სოფლის მეურნეობა

6 წლის სიმსივნიანი გოგონას ასრულებული ოცნება: მსოფლიოში ყველაზე მცირეწლოვანი პოლიციელი

0
ტეხასელი ექვსი წლის ებიგეილ არიასი თირკმელების კიბოს ებრძვის. ქალაქის პოლიციის სამმართველომ გადაწყვიტა, ებიგეილის ოცნება აესრულებინა და ის პოლიციის რიგებში ყველა წესის დაცვით მიიღეს

ვილმსის სიმსივნე (ნეფრობლასტომა) თირკმელების იშვიათი სიმსივნეა ბავშვებში, რომელიც პატარა გოგონას ჯანმრთელობას გაორმაგებული ძალებით უტევს, მედიცინა კი მის წინაშე უძლურია.

"მე კიბო მაქვს, ცუდი ბიჭები ახლა ჩემ ფილტვებში არიან და გვიტევენ", – ამბობს ებიგეილი.

მრავალკვირიანი განცდებისა და ნერვიულობის შემდეგ ექიმებმა ბავშვის მშობლებს მასთან გატარებული დროით დატკბობა ურჩიეს. 

"რომ გამოიარო ეს ყველაფერი და გააცნობიერო, რომ არაფერი შეგიძლია საკუთარი შვილის გადასარჩენად, როგორც მშობლისთვის, ეს ძალიან რთულია. ჩვენ ძალიან გაგვიჭირდა ამის გადატანა", – თქვა ებიგეილის მამამ რუბენ არიასმა.

ოჯახმა გასული წლის დეკემბერში ფრიპორტის პოლიციის უფროსი რეი გარივეი გაიცნო და დაუახლოვდა. პატარა გოგონამ მას ოცნება გაუმხილა, უთხრა, რომ პოლიციელობა სურდა... 

და რეი გარივეიმ გოგონასთვის უნიფორმა შეაკერინა. 7 თებერვალს კი ებიგეილმა ფიცი დადო ახლობლების, პოლიციელებისა და რამდენიმე ადგილობრივი საინფორმაციო საშუალების თანხლებით.

 

0