ცარიელი ქუჩები თბილისის ცენტრში

ვინ, რატომ და რამდენით? ანუ კრიზისული ეკონომიკის ავი და კარგი

1198
(განახლებულია 13:52 16.11.2020)
კორონავირუსის პანდემიით გამოწვეული ეკონომიკური შოკი... გაუფასურებული ვალუტა, მზარდი ინფლაცია, შემცირებული ექსპორტ-იმპორტი, განულებული ტურისტული შემოსავლები... მთავრობის ოპტიმისტური გათვლები და საერთაშორისო სავალუტო ფონდის ფინანსური მხარდაჭერა...

სამსონ ხონელი

საქართველოში საარსებო შემწეობის მიმღებთა რიცხვი რამდენიმე თვეა იზრდება. სოციალური მომსახურების სააგენტოს მონაცემებით, 2020 წლის სექტემბერში საარსებო შემწეობის მიმღებთა რაოდენობა წინა წლის ანალოგიურ პერიოდთან შედარებით 73.650 ადამიანით გაიზარდა. თუ 2019 წლის სექტემბერში საარსებო შემწეობის მიმღებთა რიცხვი 428.608-ს შეადგენდა, 2020 წლის სექტემბერში ეს მაჩვენებელი უკვე 502.258 იყო.

ასევე გაზრდილია სოციალური მომსახურების სააგენტოს ბაზაში რეგისტრირებულთა რაოდენობაც, ანუ იმ მოქალაქეთა რიცხვი, ვინც თვლის, რომ გაჭირვებულია და დახმარებას საჭიროებს. უფრო კონკრეტულად, 2019 წლის სექტემბერში ასეთი ადამიანების რიცხვი 935.190-ს, ხოლო ამ წლის სექტემბერში 979.850-ს შეადგენდა.

რატომ, რამ განაპირობა საარსებო შემწეობის როგორც მიმღები, ისე მიღების მსურველი მოქალაქეების რაოდენობის საგრძნობი ზრდა? ეკონომიკის ექსპერტთა აბსოლუტური უმრავლესობა კითხვას მარტივად პასუხობს. მათი შეფასებით, COVID-19-ის პანდემიით გამოწვეულმა გლობალურმა ეკონომიკურმა კრიზისმა საქართველოს ისედაც მცირე ეკონომიკა კიდევ უფრო დაასუსტა, რაც მოსალოდნელიც იყო. ეკონომიკურ საქმიანობაზე დაწესებული მასშტაბური თუ წერტილოვანი შეზღუდვების შედეგად ათასობით მოქალაქემ შემოსავალი დაკარგა. მათ შორის ძალზე დიდია თვითდასაქმებულთა, ანუ იმ მოქალაქეთა რაოდენობა, რომლებიც მომსახურებითა თუ საცალო ვაჭრობით იყვნენ დაკავებული. ეკონომისტები, ფინანსისტები, მცირე და საშუალო ბიზნესის წარმომადგენლები აცხადებენ, რომ პანდემიამ კიდევ უფრო მკაფიოდ დაგვანახა ჩვენი ქვეყნის ეკონომიკის სისუსტე. შექმნილი ვითარება მძიმეა. კომპანიები გაძლებაზე, მომავლის იმედად არიან. კომპანიების უმრავლესობამ ბანკებიდან დამატებითი ფინანსური რესურსები მოიზიდა. ბოლო თვეების განმავლობაში ბანკებიც ზარალზე არიან. ასეთია კერძო სექტორის რეალობა.

დისტრიბუტორთა ასოციაციის ხელმძღვანელი ივა ჭყონია: „არსებული მოცემულობა ათობით კომპანიის დახურვას გამოიწვევს. უკვე ნოემბრის შუა რიცხვებია და ჯერ კიდევ არ ვიცით, ჩვენი სექტორისთვის გაგრძელდება თუ არა საშემოსავლო გადასახადის შეღავათი, რომლის ვადაც ამ თვის ბოლოს იწურება. დარტყმა, რომლის წინაშეც ახლა ჩვენი სექტორია, გამოიწვევს ათობით კომპანიიდან 2-3 მონოპოლისტის გადარჩენას, რაც ბუნებრივად ნიშნავს ბაზარზე მაღალ ფასს. ახლა მცირე და საშუალო კომპანიები გაკოტრების პირას დგანან და საეჭვოა რამდენად გადაიტანენ ამ ზამთარს. ბოლო წლების განმავლობაში არაფერი გაკეთებულა და ვართ ძალიან მძიმე მდგომარეობაში. ეს არის ჩვენი ეკონომიკის სახე“.

ქვეყნის ეკონომიკაში მიმდინარე ნეგატიურ პროცესებზე ექსპორტ-იმპორტის გაუარესებული მაჩვენებლებიც მიანიშნებს. სტატისტიკის ეროვნული სამსახურის „საქსტატის“ მონაცემებით, 2020 წლის ათ თვეში საქართველოდან საქონლის ექსპორტი 11.1 პროცენტით, იმპორტი კი 16.6 პროცენტით შემცირდა. როგორც „საქსტატი“ იუწყება, მიმდინარე წლის იანვარ-ოქტომბერში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 9.15 მილიარდი დოლარი შეადგინა – გასული წლის შესაბამისი პერიოდის მაჩვენებელზე 15 პროცენტით ნაკლები. აქედან ექსპორტი 2.71 მილიარდი დოლარი, ხოლო იმპორტი 6.44 მილიარდი დოლარი იყო. უარყოფითმა სავაჭრო ბალანსმა 2020 წლის იანვარ-ოქტომბერში 3.72 მილიარდი დოლარი შეადგინა, რაც საგარეო სავაჭრო ბრუნვის 40.7 პროცენტია. საგარეო ვაჭრობის უფრო დეტალურ მონაცემებს „საქსტატი“ რამდენიმე დღეში გამოაცხადებს და ამ საკითხს კვლავ დავუბრუნდები.

საკამათო არ არის, გლობალურ პანდემიას ნეგატიური გავლენა აქვს საქართველოს ეკონომიკის ისეთ მნიშვნელოვან სექტორზე, როგორიც ტურიზმია. მართალია, მთლიან შიდა პროდუქტში ტურიზმის წილი მხოლოდ 8 პროცენტია, მაგრამ თუ გავითვალისწინებთ მის თანმდევ ეფექტს ეკონომიკის სხვა სფეროებზე, დავრწმუნდებით, რომ ტურიზმის როლი ქვეყნის ეკონომიკაში გაცილებით დიდია. არადა, მიმდინარე წლის განმავლობაში ტურიზმიდან შემოსავალი ქვეყანას თითქმის 95 პროცენტით შეუმცირდა. შესაბამისად, ქვეყანაში უცხოური ვალუტის შემოდინება შემცირდა. არსებულ ვითარებაში ლოგიკური, სამართლიანია ანალიტიკოს მერაბ კაკულიას მინიშნება, რომ ქვეყნის ეკონომიკის უდიდესი წილი მხოლოდ ერთ სექტორს, ანუ ტურიზმს არ უნდა ეკავოს.

დარწმუნებული ვარ, დამეთანხმებით, რომ მსოფლიო ეკონომიკური კრიზისი ყველაზე მეტად ეროვნულ ვალუტაზე აისახა. მიმდინარე წლის განმავლობაში ლარი დოლარის მიმართ 12 პროცენტით გაუფასურდა. ეროვნული ვალუტის კურსის ვარდნამ, არასტაბილურობამ თავის მხრივ ინფლაციის ზრდა გამოიწვია. საგრძნობლად მოიმატა ფასებმა სურსათსა და პირველადი მოხმარების საგნებზე. ერთი სიტყვით, ცხოვრება გაძვირდა. ექსპერტ-ანალიტიკოსებს შორის არსებობს მოსაზრება, რომ მაღალი ინფლაციის დროს მაღალია ეკონომიკური ზრდის ტემპი, თუმცა საქართველოს მაგალითზე ასე არ არის. ეს განპირობებულია როგორც დოლარიზაციის ფაქტორით, ასევე იმით, რამდენად აქვს ეკონომიკას ჩანაცვლების უნარი. რამდენად მოჰყვება კურსის ზრდას ექსპორტის ზრდა და იმპორტის ჩანაცვლება. რაც ასევე არ ხდება.

„თუ მაინც იარსებებს არჩევანი – „3 პროცენტი ინფლაცია თუ 5-6 პროცენტი ეკონომიკური ზრდა“, მე მიზნობრივ მაჩვენებელთან ახლოს ინფლაციას დავუჭერდი მხარს“, − აცხადებს „თიბისი კაპიტალის“ მთავარი ეკონომისტი, ექსპერტი ოთარ ნადარაია და დასძენს, რომ წლევანდელი ინფლაცია სამიზნე ნიშნულზე ბევრად მაღალი იქნება, რაც დიდი პრობლემაა, რადგან ლარის კურსის სტაბილურობის გარეშე ფასების სტაბილურობა ვერ იქნება მიღწეული, ეს აქსიომაა.

როგორია უახლოესი მომავლის პერსპექტივა? როგორც ფინანსთა მინისტრმა ივანე მაჭავარიანმა საერთაშორისო სავალუტო ფონდის მისიის ხელმძღვანელთან მერსედეს ვერა მარტინთან და ეროვნული ბანკის პრეზიდენტთან კობა გვენეტაძესთან გამართული ვიდეოკონფერენციისას განაცხადა, 2021 წლიდან ეკონომიკის ზრდის ტენდენციები მაღალი ტემპებით აღდგება. მისი შეფასებით, კორონავირუსის გავრცელებამ მნიშვნელოვნად შეცვალა მსოფლიოს ეკონომიკური ცხოვრება, რამაც ჩვენი ქვეყნის ეკონომიკასაც უდიდესი დარტყმა მიაყენა. 2020 წელს ქვეყანაში ეკონომიკური კლება მოსალოდნელია 4.5-5.0 პროცენტის ფარგლებში. არადა, ბოლო სამი წლის განმავლობაში ქვეყანა მუდმივად ინარჩუნებდა ეკონომიკური ზრდის მაღალ, ხუთპროცენტიან ნიშნულს. ივანე მაჭავარიანის თქმით, საერთაშორისო სავალუტო ფონდის მისიამ პანდემიამდე პერიოდში საქართველოს მთავრობის მიერ განხორციელებული მაკროეკონომიკური პოლიტიკა დადებითად  შეაფასა.

„მისიის მიერ პოზიტიურად არის შეფასებული ბიზნესის მხარდამჭერი ღონისძიებებიც. ჯამში ჩვენ კერძო სექტორს შევთავაზეთ 1.5 მილიარდ ლარამდე მხარდამჭერი პაკეტები. აღნიშნულმა ღონისძიებებმა მნიშვნელოვნად შეუწყო ხელი ეკონომიკის გამოცოცხლებას და გადაარჩინა ჩვენი ეკონომიკის არაერთი სისტემური დარგი, ამ შემთხვევაში აღვნიშნავდი მშენებლობის სექტორს“, – განაცხადა ფინანსთა მინისტრმა. ქვეყნის ეკონომიკის ზრდის პერსპექტივასთან დაკავშირებით ივანე მაჭავარიანმა აღნიშნა, რომ უკვე 2021 წლიდან ეკონომიკური ზრდის ტემპი მინიმუმ 4.3 პროცენტი, ხოლო საშუალოვადიან პერიოდში – 5.5 პროცენტი იქნება. მისი თქმით, ეს მაჩვენებელი ყველაზე მაღალია არა მარტო რეგიონში, არამედ ევროპაშიც. ივანე მაჭავარიანმა მიუთითა საერთაშორისო სავალუტო მისიის შეფასებაზე, რომ პანდემიის მიერ მიყენებული ზიანის შესამსუბუქებლად მნიშვნელოვანია სტრუქტურული რეფორმების განხორციელება.

სტატიის დასასრულს მკითხველს გავახარებ. საერთაშორისო სავალუტო ფონდის შემფასებელი მისია მხოლოდ პოზიტიური დასკვნით არ შემოიფარგლა, ავტორიტეტულმა საერთაშორისო საფინანსო ორგანიზაციამ საქართველოს ფინანსური მხარდაჭერისთვის 112 მილიონი დოლარი გამოუყო. ექსპერტთა შეფასებით, ხელისუფლებამ სწორი და დროული მოქმედებით შეძლო პანდემიის შემოტევის ნეგატიური სოციალური და ეკონომიკური გავლენების შეკავება.

ანალიტიკოსი იოსებ არჩვაძე: „კრიზისის დაძლევისა და პოსტკრიზისული განვითარებისათვის დიდი მნიშვნელობა აქვს საჯარო და კერძო სექტორში რეფორმების თანმიმდევრულ ხასიათს, რასაც მიესალმება და დადებითად აფასებს საერთაშორისო სავალუტო ფონდი... პანდემიით გამოწვეული მაკროეკონომიკური მაჩვენებლების მკვეთრი გაუარესების ვითარებაში ქვეყანაში ეკონომიკური აქტივობის შემცირების მასშტაბები მნიშვნელოვნად ჩამორჩებოდნენ ეკონომიკის ვარდნის მასშტაბებს, რაშიც განმსაზღვრელი როლი მთავრობის სოციალურმა პოლიტიკამ, მათ შორის სახელფასო სუბსიდიებმა და ბიზნესისთვის შემოღებულმა დროებითმა საგადასახადო შეღავათებმა შეასრულა... საქართველოსთვის ფინანსური მხარდაჭერის მიზნით გამოყოფილი 112.1 მილიონი დოლარი არა მხოლოდ ხელისუფლების მიერ გატარებული თანმიმდევრული სოციალური და ეკონომიკური პოლიტიკის დადებით შეფასებაა, არამედ ამ ავტორიტეტული საერთაშორისო საფინანსო ინსტიტუტის მიერ მონეტარული ფორმით განხორციელებული ინსტიტუციონალიზებული ბონუსია“.

საინტერესოა, რას მოხმარდება „ინსტიტუციონალიზებული ბონუსი“ და როგორი იქნება კიდევ ერთი მრავალმილიონიანი ფინანსური დახმარების ეფექტი? დაველოდოთ, დრო გვიჩვენებს...

 

1198
ბათუმი

ბათუმს ახალი ბულვარი ექნება

70
(განახლებულია 21:28 08.05.2021)
ადგილს ახალი ბულვარისთვის ბათუმში ისევე, როგორც სხვა ობიექტებისთვის აჭარაში,  სპეციალური კომისია განსაზღვრავს

თბილისი, 8 მაისი – Sputnik. საქართველოს ხელისუფლება ბათუმში ახალი ბულვარის აშენებას გეგმავს, განაცხადა რეგიონული განვითარებისა და ინფრასტრუქტურის მინისტრმა ირაკლი ქარსელაძემ.

პროგრამა „განახლებული რეგიონები“ გურიაში: რისი გაკეთება იგეგმება>>

მინისტრის თქმით, კიდევ ერთი ბულვარის მშენებლობა ბათუმში სახელმწიფო პროგრამა „განახლებული რეგიონების“ ფარგლებში განხორციელდება. სულ ამ პროგრამის ფარგლებში პროექტების განხორციელებაზე ხელისუფლებამ უკვე გამოაცხადა ტენდერი 20 მლნ ლარზე.

ადგილს როგორც ახალი ბულვარისთვის ბათუმში, ისე ასევე სხვა ობიექტებისთვის აჭარაში,  სპეციალური კომისია განსაზღვრავს.

როგორც ქარსელაძემ აღნიშნა, ბათუმში ახალი ბულვარი და მწვანე სივრცე ხელს შეუწყობს ქალაქის განაშენიანებების განვითარებას.

„ბათუმში შეიქმნება ახალი ბულვარი და მოეწყობა  მწვანე სივრცე, რაც ხელს შეუწყობს როგორც არსებული განაშენიანებების რეკრეაციული კუთხით უზრუნველყოფას, ასევე  ახალი განაშენიანებების კიდევ უფრო ინტენსიურად განვითარებას“, – განაცხადა ქარსელაძემ.

ბათუმის შემოვლითი გზის მშენებლობა წლის ბოლოს დასრულდება>>

ბათუმი საქართველოს ერთ–ერთი ყველაზე განვითარებადი ქალაქი. ადგილობრივი სადილერო კომპანიების ინფორმაციით, ქალაქში 2023 წლისთვის ექსპლუატაციაში შევა 135 საცხოვრებელი კომპლექსი ათასობით ბინით.

70
თემები:
საქართველოს რეგიონები
შემოვლითი გზის მშენებლობა

ბათუმის შემოვლითი გზის მშენებლობა წლის ბოლოს დასრულდება

43
(განახლებულია 20:12 08.05.2021)
ბათუმის შემოვლითი გზა 13-კილომეტრიანი მონაკვეთს მოიცავს. აშენდება ორზოლიანი ასფალტ-ბეტონის გზა, 19 სახიდე გადასასვლელი, ოთხი სატრანსპორტო კვანძი, ხუთი გვირაბი და 57 წყალგამტარი მილი.

თბილისი, 8 მაისი — Sputnik. ბათუმის შემოვლითი გზის მშენებლობა ინტენსიურ რეჟიმში მიმდინარეობს და წლის ბოლოს დასრულდება. იუწყება აჭარის მთავრობის პრესსამსახური.

ბათუმის შემოვლითი გზა 13-კილომეტრიანი მონაკვეთს მოიცავს. ამ ეტაპზე, სამშენებლო სამუშაოები 11 ხიდზე მიმდინარეობს, ხოლო შვიდ ხიდზე ძირითადი სამუშაოები დასრულებულია. ძირითადი სამუშაოები დასრულებულია ერთ გვირაბზე, გაჭრილია ორი გვირაბი და მიმდინარეობს ორი გვირაბის მშენებლობა.

პროექტის ფარგლებში აშენდება ორზოლიანი ასფალტ-ბეტონის გზა, 19 სახიდე გადასასვლელი, ოთხი სატრანსპორტო კვანძი, ხუთი გვირაბი და 57 წყალგამტარი მილი.

ახალი შემოვლითი გზა, რომლის სამშენებლო სამუშაოები 2018 წელს დაიწყო, გაივლის: მახინჯაურს, განთიადს, კაპრეშუმს, სალიბაურს, ფერიას, მახვილაურსა და ხელვაჩაურს.

პროექტი აზიის განვითარების ბანკისა (ADB) და აზიის ინფრასტრუქტურის საინვესტიციო ბანკის (AIIB) მიერ ფინანსდება. მისი სახელშეკრულებო ღირებულება 329 630 734 ლარია.

8 წუთი ბათუმიდან ქობულეთამდე: ბათუმის შემოვლითი გზის მშენებლობა აქტიურად მიმდინარეობს>>

სამშენებლო სამუშაების მიმდინარეობას დღეს აჭარის მთავრობის თავმჯდომარე თორნიკე რიჟვაძე და რეგიონული განვითარებისა და ინფრასტრუქტურის მინისტრი ირაკლი ქარსელაძე ადგილზე გაეცნენ.

43
თემები:
ტრანსპორტი საქართველოში
მთები

დღის ასტროპროგნოზი ზოდიაქოს ნიშნებისთვის: 9 მაისი

0
(განახლებულია 09:21 08.05.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 9 მაისია, კვირა. კლებადი მთვარე ვერძის ნიშანშია. ამ დღეს პლანეტა მზე მფარველობს.

ეს დღე სიყვარულს უნდა მიუძღვნათ და არა ომსა და მტრობას. გრძნობები გამძაფრებული იქნება, რაც სიყვარულისთვის ძალიან კარგია, მაგრამ კამათისა და ჩხუბისთვის, რა თქმა უნდა – არა. ნებისმიერმა გაუფრთხილებელმა სიტყვამ თუ საქციელმა დიდი წყენა შეიძლება მოიტანოს. გადაწყვეტილებებს დღეს გული მიიღებს, რომელსაც რეალური გრძნობები სჭირდება, და არა – გონება.

როგორ იკლებენ წონაში ზოდიაქოს ნიშნები>>

ვერძი: საზღვარი „საჭიროასა“ და „მინდას“ შორის შეიძლება დაირღვეს. მოგინდებათ გრძნობებზე აყოლა, მაგრამ ვარსკვლავები ამას არ გირჩევენ. ყველაფერი იოლად არ გამოგივათ, ხანდახან სერიოზული წინაღობების გადალახვა მოგიწევთ. მიუხედავად ამისა, პოზიტიური ტენდენციები ბევრ სფეროშია შესამჩნევი. იყავით შეუპოვარი და ეცადეთ, არ დაკარგოთ საკუთარი ძალების რწმენა. თუ ხელებს არ ჩამოუშვებთ პირველივე ბარიერის დანახვისას, ყველაფერი გამოგივათ.

კურო: საჭიროა თანამიმდევრულად მოქმედება და ქაოსისთვის თავის არიდება. აჩქარება შეცდომების მიზეზი შეიძლება გახდეს. დრო უნდა გამონახოთ სიტუაციაში გასარკვევად და სხვადასხვა ვარიანტის განსახილველად. მოუსმინეთ გამოცდილი ადამიანების რჩევებს. ასე შეძლებთ მოსალოდნელი ხარვეზებისთვის გვერდის ავლას. საღამოს დაისვენეთ და ისეთი რამ გააკეთეთ, რაც განწყობას აგიმაღლებთ.

ტყუპი: დღეს მაქსიმალურად გაძლიერდება შემოქმედებითი მისწრაფებები და თუნდაც არ იყოთ ხელოვნების სფეროში დაკავებული ადამიანი, ეს პოტენციალი თქვენში აუცილებლად გაიღვიძებს. ამას გარდა, მოსალოდნელია ურთიერთობები ძალზე საინტერესო ადამიანებთან და საინტერესო თემებზე. ასევე ხელსაყრელი დროა რომანტიკული შეხვედრისთვის, განსაკუთრებით დღის მეორე ნახევარი. ეს დიდ პოზიტიურ ემოციებს მოგიტანთ.

კირჩხიბი: საინტერესო იდეები გაგიჩნდებათ, რაც კარგად აისახება როგორც თქვენს კარიერაზე, ასევე ცხოვრებაზე ზოგადად. ასევე სასარგებლო იდეის მაგივრად შესაძლებელია ძალიან საინტერესო ნაცნობობა. ნაკლებად სავარაუდოა, რომ რომანტიკული შეხვედრა იყოს, მაგრამ მატერიალური თვალსაზრისით ეს ძალზე პერსპექტიული აღმოჩნდება. ნებისმიერ შემთხვევაში, ძალიან კარგი დღე გელოდებათ და ამიტომ ყურადღებით უნდა იყოთ, რომ შანსი ხელიდან არ გაუშვათ.

ლომი: დღეს ახალი საინტერესო შეხვედრებისა და ნაცნობობის შესაძლებლობა გექნებათ. არაა გამორიცხული, რომ ერთ–ერთი ასეთი შეხვედრა ან გაცნობა რომანტიკული ხასიათისა აღმოჩნდეს, თუმცა ნაკლებად სავარაუდოა, რომ მას სერიოზული გაგრძელება მოჰყვეს. მთლიანობაში დღე ძალზე მრავალფეროვანი და საინტერესო გელოდებათ. ხოლო იმისთვის, რომ საჭირო დროს საჭირო ადგილზე აღმოჩნდეთ, ენდეთ ინტუიციას, რომელიც დღეს საკმაოდ გამძაფრებული გექნებათ.

ქალწული: დღეს თქვენი მთავარი ძალა და იარაღი თქვენი სისუსტეები იქნება. ამ სისუსტეების გამოყენებით, შეიძლება ითქვას, რომ გარშემომყოფებს „დაატერორებთ“, უნარი, რომ მიზანს ყველანაირი გზით მიაღწიოთ, აპოგეას მიაღწევს. ამასთან, თავად თქვენ მოგეჩვენებათ, რომ არაფერი განსაკუთრებული და უჩვეულო არ ხდება და გარშემომყოფების გრძნობებზე თამაში სრულიად ბუნებრივი რამაა. თუ ასე გააგრძელებთ, მალე ტირანად შეიძლება იქცეთ ოჯახში.

სასწორი: მთელი დღის განმავლობაში განწყობა შეიძლება ათასჯერ შეგეცვალოთ – მხიარულება მოულოდნელად „მოქუფრულმა“ ფიქრებმა ჩაანაცვლოს, თუმცა ერთი–ორ წუთში ამ ღრუბლებიდან ისევ მზემ გამოანათოს. მოკლედ რომ ვთქვათ, დღეს ემოციებისთვის განსაკუთრებული ყურადღების მიქცევა არ ღირს. ასევე აჯობებს, თუ მნიშვნელოვანი საქმეების გაკეთებას გადადებთ, ან გადააბარებთ იმას, რომლის განწყობა დღეს ჭირვეულობით არ გამოირჩევა.

მორიელი: დღეს თქვენში ტალანტი გაიღვიძებს: ნებისმიერი ბუზი, რომელიც გვერდით ჩაგიფრენთ, სპილოდ აქციოთ. მთელი დღის განმავლობაში ხან რა გაგაღიზიანებთ და ხან – რა. თუ არ გინდათ, ბუზღუნასა და აბეზარას სახელი დაგერქვათ, ნაკლები ყურადღება უნდა მიაქციოთ ნეგატივს, გარშემომყოფების ნაკლოვანებებს. სამაგიეროდ შესანიშნავად გაართმევთ თავს იმ საქმეებს, რომლებშიც წვრილმანებისადმი ყურადღებაა საჭირო – სჯობს, სწორედ ასეთ საქმეებს დაუთმოთ დრო.

მშვილდოსანი: დღეს გული დიდი და ხმაურიანი კომპანიებისკენ გაგიწევთ, რომ თუნდაც სულ ცოტა ხნით აღმოჩნდეთ ყურადღების ცენტრში. ყოველ შემთხვვაში, თუ ასეთ ადგილას არ აღმოჩნდებით და ვერც ყურადღების ცენტრში მოექცევით, იოცნებოთ მაინც ამაზე. ამაში ცუდი არაფერია, მაგრამ ეცადეთ ზედმეტი არ მოგივიდეთ და გარშემომყოფები არ გააღიზიანოთ, თან იმის გათვალისწინებით, რომ თქვენი რეაქცია ირგვლივ მყოფების მხრიდან გამოსროლილ ირონიულ შენიშვნებზე ორმაგად მწვავე იქნება.

თხის რქა: მუდმივად მოგიწევთ სახლის საქმეებზე და საზრუნავზე ყურადღების გადატანა. ეს კარგიცაა – დროა, მიხედოთ საშინაო საქმეებს და სხვა საკითხები კი გადადოთ. მაინც არ გელოდებათ რამე გრანდიოზული გარღვევები და შედეგები საქმიანობაში. მაგრამ ვარსკვლავები გირჩევენ, ზედმეტი ყურადღება არ დაუთმოთ წვრილმანებს, მცირე უსიამოვნებებს, წინააღმდეგ შემთხვევაში შემდეგ რამდენიმე დღე ამაზე მოგიწევთ „ჩაციკლვა“.

მერწყული: გაუგებრობებით სავსე დღეა და ამის მიზეზი თვითონ თქვენი არათანმიმდევრულობა იქნება. დღეს გაცნობიერებულად მოგინდებათ წესების დარღვევა, შეიძლება სხვადასხვა წვრილმანმა მიიქციოს თქვენ ყურადღება, ისეთმა, რომელსაც სხვა დროს საერთოდ არ მიაქცევდით ყურადღებას. ამან შეიძლება ისე გაგიტაცოთ, რომ გასაკეთებელი საქმეები საერთოდ დაგავიწყდეთ, ამით კი თქვენი გეგმები დაირღვევა და კალაპოტიდან ამოვარდებით.

თევზები: თქვენში ყველაფერ მშვენიერსა და ლამაზზე განსაკუთრებული ალღო გაიღვიძებს და ეს მშვენირი, პირველ რიგში, ფულია. ძალიან დიდია დღეს იმის ალბათობა, რომ თუ საგაძური, არა, რამე ძველი ყუთი მაინც იპოვოთ და ამან დაგაინტერესოთ. შემოსავლებთან დაკავშირებით სასიამოვნო სიურპრიზი გელოდებათ. ერთადერთი, რაშიც უნდა იფრთხილოთ, ეს საკვებია – არის დიდი შანსი, რომ გაძლიერებული მადის გამო ფიგურას ზიანი მიაყენოთ.

0