მზესუმზირის პლანტაცია

ბიზნესის ხელშეწყობის გასაძლიერებლად: რა ცვლილებები შევიდა „აწარმოე საქართველოში“

121
(განახლებულია 23:25 12.11.2020)
საქართველოს მთავრობის გადაწყვეტილებით განხორციელებული ცვლილებების შედეგად, იზრდება ბიზნესის ხელშეწყობის მექანიზმები და თანადაფინანსების სფეროები. 

თბილისი, 12 ნოემბერი – Sputnik. ახალი კორონავირუსის პანდემიით შექმნილ ეკონომიკურ გამოწვევებთან გასამკლავებლად სააგენტოს „აწარმოე საქართველოში“ პროგრამებში ცვლილებები შედის, ნათქვამია უწყების მიერ გავრცელებულ ინფორმაციაში.

„ბიზნესის ხელშეწყობის გასაძლიერებლად, „აწარმოე საქართველოში“ კერძო სექტორის მხარდაჭერას აგრძელებს, სააგენტოში განხორციელებული ცვლილებების შედეგად, იზრდება ხელშეწყობის მექანიზმები და თანადაფინანსების საქმიანობები, რაც მნიშვნელოვნად შეუწყობს ხელს საქართველოში ეკონომიკური გამოწვევების დაძლევას“, - განაცხადა სააგენტოს დირექტორმა, მიხეილ ხიდურელმა.

მთავრობის გადაწყვეტილებით ცვლილება რამდენიმე პროგრამაში შედის:

ღონისძიებების ორგანიზატორთა მიერ კომერციული ბანკისგან მიღებული სესხის სუბსიდირების სქემა:

პანდემიის შედეგად დაზარალებულ იმ ბიზნეს სუბიექტებს, რომლებსაც ხელისუფლება პროგრამის „აწარმოე საქართველოში“ ფარგლებში ეხმარება,  ივენთ-კომპანიები დაემატა. კერძოდ: სახელმწიფოს მიერ შეთავაზებული სუბსიდირების სქემით სარგებლობის შესაძლებლობა ექნებათ ნებისმიერი სახის შეკრებების, გამოფენების, კონფერენციების, შეხვედრების და წვეულებების ორგანიზატორებს. სახელმწოფო მათი საბანკო კრედიტის პროცენტის სუბსიდირებას 12 თვის განმავლობაში მოახდენს.

სააგენტოს ცნობით, როგორც ყველა სხვა პროგრამაში, აღნიშნული სქემის სამიზნე სუბიექტები არიან მცირე და საშუალო ბიზნესის წარმომადგენლები.

საკრედიტო-საგარანტიო სქემა:

  • პროგრამას ემატება სოფლის მეურნეობის 9 ახალი მიმართულება მრავალწლიანი კულტურების მოყვანის მიმართულებით:
  • ყურძნის მოყვანა
  • ტროპიკული და სუბტროპიკული ხილის მოყვანა
  • ციტრუსების მოყვანა
  • თესლოვანი და კურკოვანი ხილის მოყვანა
  • სხვა ხილის, კენკროვნების და კაკლისებრების მოყვანა
  • ზეთოვანი ხილის მოყვანა
  • კულტურების მოყვანა სასმელების წარმოებისათვის
  • სანელებლების, არომატული, ნარკოტიკული და ფარმაცევტული კულტურების მოყვანა (ამ კოდში დასაშვებია ყველა ჩამოთვლილი ეკონომიკური საქმიანობა, გარდა ნარკოტიკული კულტურების მოყვანისა)
  • სხვა მრავალწლოვანი კულტურების მოყვანა.

ამასთან, სიახლეა ისიც, რომ საკრედიტო-საგარანტიო სქემით ის მეწარმეებიც შეძლებენ სარგებლობას, რომლებსაც სესხი მიკროსაფინანსო ორგანიზაციებში აქვთ აღებული.

თანადაფინანსების მექანიზმი მცირე, საშუალო და საოჯახო სასტუმრო ინდუსტრიის ხელშეწყობისათვის:

მცირე და საოჯახო სასტუმროების საბანკო სესხის პროცენტის სუბსიდირების პროგრამა განახლდა და უკვე შესაძლებელია დაფინანსდეს შერეული მიზნობრიობის მქონე სესხები. რაც იმას ნიშნავს, რომ  წინა ეტაპებისგან განსხვავებით დაფინანსების შესაძლებლობა აქვთ იმ მსესხებლებსაც, რომელთა მიერ აღებული სესხების არანაკლებ 80% მიმართულია სასტუმროს შეძენის /მშენებლობის/გაფართოების/აღჭურვის/რემონტის/ რეკონსტრუქციის/ სასტუმროსთვის უძრავი ნივთის (ქონების) შეძენისთვის.

პროგრამაში ჩართვას ახლა უკვე დაახლოებით 800 მცირე და საოჯახო სასტუმრო შეძლებს, რომლებმაც პირველ ეტაპზე ვერ ისარგებლეს სახელმწიფო დახმარებით. აღსანიშნავია, რომ  მანამდე ამ შესაძლებლობით 2000-მდე სასტუმრომ ისარგებლა.

„აწარმოე საქართველოში“ ინდუსტრიული კომპონენტი:

სააგენტოს „აწარმოე საქართველოში“ ინდუსტრიულ მიმართულებას დაემატება 2 ახალი ეკონომიკური საქმიანობა: კვლევები და ექსპერიმენტული შემუშავებები ბიოტექნოლოგიაში და ტექნიკური გამოცდა/ანალიზები.

აღნიშნული საქმიანობების ფარგლებში დასაშვებია როგორც სესხის თანადაფინანსების, ასევე საკრედიტო-საგარანტიო მექანიზმის სესხის გარანტირების პარალელური გამოყენება. მათ შორის არის კვლევები და ექსპერიმენტული დამუშავებები ბიოტექნოლოგიაში, ასევე ტექნიკური გამოცდები და ანალიზები.

უწყების ცნობით, 2014 წლიდან სააგენტომ „აწარმოე საქართველოში“ 13 000-ზე მეტ ბენეფიციარს დაუჭირა მხარი ბიზნესის წამოწყებასა და განვითარებაში.

„აწარმოე საქართველოში“ - საქართველოს ხელისუფლების ერთ-ერთი ყველაზე წარმატებული პროექტია, რომელიც მიზნად ისახავს ქვეყანაში ადგილობრივი წარმოების განვითარებას. სააგენტო აერთიანებს ყველა სახელმწიფო პროგრამას, მიმართულს ბიზნეს-სექტორის ხელშეწყობისა და ქვეყნის ეკონომიკური განვითარებისკენ.

121
თემები:
სამთავრობო პროგრამა „აწარმოე საქართველოში“ (26)
ქართული ღვინო

გერმანიაში ქართული ღვინის კონკურსი-დეგუსტაცია გაიმართა

17
(განახლებულია 15:38 24.06.2021)
საკონკურსო ჟიურის შემადგენლობაში ღვინის ექსპერტები და WSET სერტიფიკატის მფლობელი სომელიები, სულ 20 წევრი შედიოდა.

თბილისი, 24 ივნისი - Sputnik. ღვინის სფეროში ერთ-ერთმა ყველაზე პრესტიჟულმა გერმანულმა მედია–ჰოლდინგმა Meininger–მა  საუკეთესო ქართული ღვინოების შესარჩევად კონკურსი-დეგუსტაცია ქალაქ ნოიშტადტში  ჩაატარა, ნათქვამია ღვინის ეროვნული სააგენტოს მიერ გავრცელებულ განცხადებაში. 

გერმანია ევროპაში ღვინის უმსხვილესი იმპორტიორია, რომელიც 2020 წლიდან საქართველოს სტრატეგიული ღვინის ბაზრების სიაშია შესული. გასულ წელს საქართველოდან გერმანიაში ექსპორტზე 700 ათასი ბოთლის ღვინო (ზრდა 4%) გავიდა.

2021 წლის  ხუთი თვის მონაცემებით, გერმანიაში ექსპორტირებულია 314 ათასი ბოთლი ღვინო, რაც გასული წლის ანალოგიურ პერიოდთან შედარებით, 23%–ით მეტია, ნათქვამია სააგენტოს ინფორმაციაში.

კონკურსში ქართული ღვინის მწარმოებელი 83 კომპანია მონაწილეობდა, რომლებმაც „საფერავის“ მარკის 152 ღვინის წარადგინეს.

შერჩეულ ღვინოებზე სტატია უკვე დაიბეჭდა  მედია–ჰოლდინგის ჟურნალ Weinwirtschaft–ის  ივნისის ნომერში, ქართულ ღვინოებს კიდევ ერთი სტატია მიეძღვნება ჟურნალ Sommelier–ის  სექტემბერის  ნომერში.

გერმანიაში ქართული ღვინოების შესარჩევი კონკურსი-დეგუსტაცია ღვინის ეროვნული სააგენტოს მხარდაჭერითა და გერმანული მარკეტინგული კომპანიის „ff.k Public Relations“ ორგანიზებით გაიმართა. მისი მიზანი საქართველოდან წარდგენილ ღვინოებს შორის საუკეთესოების შერჩევა და გერმანიის ბაზარზე პოპულარიზაცია იყო.

17
თემები:
ღვინის კულტურა და მეღვინეობა
ვალუტის კურსი

ლარის კურსი 24 ივნისს

68
(განახლებულია 22:36 23.06.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0017 ლარით გამყარდა.

თბილისი, 24 ივნისი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,1549 GEL/$1 ნიშნულზე დაადგინა. 

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0017 ლარით გამყარდა. 

ლარის კურსი 24 ივნისს
68
თემები:
ლარის კურსი დღეს
პოლიციის ლენტი

გარდაბანში არსებულ წყალსაცავში ორი მოზარდის ცხედარი იპოვეს

0
ხელოვნური წყალსაცავი გარდაბანში არსებულ „თბილსრესთან“ მდებარეობს. მაშველები მოზარდებს ორი საათის განმავლობაში ეძებდნენ.

თბილისი, 24 ივნისი − Sputnik. გარდაბანში, წყალსაცავში მაშველებმა ორი მოზარდის ცხედარი იპოვეს, იუწყება „პირველი არხი“.

ტელეკომპანიის ინფორმაციით, გარდაბნის რაიონის სოფელ ნაზარლოს მკვიდრი  მოზარდები წყალსაცავში საბანაოდ ჩავიდნენ. 15 წლის მოზარდი წყლიდან ამოსვლას ვეღარ ახერხებდა და მის დახმარებას 17 წლის მოზარდი შეეცადა, მაგრამ, სამწუხაროდ, ორივე დაიხრჩო.

სამძებრო სამუშაოებში ჩართული იყვნენ საგანგებო სიტუაციების მართვის სამსახურის თანამშრომლები და მყვინთავები. ამასთან, ადგილზე მობილიზებული იყო სასწრაფო სამედიცინო დახმარების ბრიგადებიც.

0