ცარიელი კაფეები

ბიზნესი ხელისუფლებისგან საგადასახადო შეღავათებს ითხოვს

48
(განახლებულია 21:45 11.11.2020)
საქართველოს ბიზნეს–ასოციაცია ბიზნესისთვის პანდემიის შედეგების შესამსუბუქებლად გაზაფხულზე შემოღებული საგადასახადო შეღავათების გაგრძელებას ითხოვს.

თბილისი, 11 ნოემბერი – Sputnik. ბიზნესის მხარდასაჭერად განხორციელებული ის საგადასახადო შეღავათები, რომლებიც საქართველოს მთავრობამ მიმდინარე წლის გაზაფხულზე პანდემიის შედეგების შესამსუბუქებლად შემოიღო, უნდა გაგრძელდეს, ნათქვამია საქართველოს ბიზნეს–ასოციაციის განცხადებაში.

მთავრობის მიერ შემუშავებულ ბიზნესის მხარდაჭერის პაკეტში შემავალი საგადასახადო შეღავათების თანახმად, 2020 წლის 1 მაისიდან 6 თვის განმავლობაში დამქირავებელს შეეძლო ესარგებლა საგადასახადო შეღავათით, თუ დაქირავებულისთვის გადასახდელი თანხა 1500 ლარს არ აღემატებოდა. ხოლო ტურიზმის ინდუსტრიას მარტში, აპრილსა და მაისში გადასახდელი საშემოსავლო გადასახადის გადახდა 2021 წლის 1 დეკემბრამდე არ უწევდა.

ასოციაციის განცხადებით, ამ საგადასახადო შეღავათებმა პოზიტიური გავლენა იქონია ეკონომიკის მთელ რიგ სექტორებზე, რადგანაც ამან საშუალება მისცა ბიზნესს, სახელმწიფოს მიერ დატოვებული რესურსების ხარჯზე შეენარჩუნებინა სამუშაო ადგილები. თუმცა იმ პერიოდში შემუშავებული ღონისძიებათა პაკეტი, ბუნებრივია, ვერ გაითვალისწინებდა ბიზნეს–ოპერატორების წინაშე შემოდგომაზე, ანუ პანდემიის მეორე ტალღის დროს წამოჭრილ ახალ სირთულეებს. ახლა ბიზნეს–ოპერატორები კიდევ უფრო მეტი სიმწვავით განიცდიან იმ პრობლემებს, რასაც ისინი პანდემიის პირველ თვეებში აწყდებოდნენ.

„დღეისათვის საშეღავათო პერიოდი ამოიწურა, და ეს ხდება მაშინ, როდესაც პანდემიასთან დაკავშირებული პრობლემები გრძელდება და, უფრო მეტიც, ამ კუთხით სახეზეა სიტუაციის შემდგომი დამძიმება. ძალიან დიდი ალბათობით, მომდევნო თვეების განმავლობაში ბიზნესს გაუჭირდება სამუშაო ადგილების შენარჩუნება, ხოლო სამუშაოს გარეშე დარჩენილი ადამიანები დამატებით ტვირთად დააწვება როგორც სახელმწიფოს, ასევე, ზოგადად, საზოგადოებას“, – აღნიშნულია განცხადებაში.  

საქართველოს ბიზნეს–ასოციაცია, ასეულობით ბიზნეს-კომპანიის ინტერესების გათვალისწინებით, ითხოვს საქართველოს მთავრობისგან და ახლადარჩეულ პარლამენტისგან, რომ საშემოსავლო გადასახადთან დაკავშირებული ის შეღავათი, რომელიც 1500 ლარამდე ხელფასებს შეეხებოდა, დამატებით გაგრძელდეს კიდევ ექვსი თვით და, შესაბამისად, სრულად მოიცვას ერთწლიანი პერიოდი 2020 წლის 1 მაისიდან 2021 წლის 1 მაისამდე. ასევე ტურიზმისა და სტუმარმასპინძლობის ინდუსტრიას ჩამოეწეროს გადავადებული და დაგროვებული საშემოსავლო გადასახადი.

„გვინდა ხაზგასმით აღვნიშნოთ, რომ ზემოაღნიშული ორივე თხოვნა პირდაპირ კავშირშია და ემსახურება ჩვენს ქვეყანაში სამუშაო ადგილების შენარჩუნებას, რაც, ვფიქრობთ, უნდა იყოს ნებისმიერი ჩვენგანის ერთ-ერთი მთავარი საზრუნავი“, – ნათქვამია განცხადებაში.

ვინაიდან შეღავათების დაწესებას საქართველოს საგადასახადო კოდექსში ცვლილების შეტანა სჭირდება, რაც, თავის მხრივ, საქართველოს პარლამენტის უფლებამოსილებაა, საქართველოს ბიზნეს–ასოციაცია გამოთქვამს სრულ მზადყოფნას, პროფესიულ დისკუსიებში ჩაერთოს ყველა მხარესთან, რათა ძალიან სწრაფად, საქართველოს ახალი პარლამენტის პირველივე სხდომებზე მოხდეს ამ ცვლილებების განხილვა და შესაბამისი გადაწყვეტილების მიღება.

საქართველოში 31 ოქტომბერს საპარლამენტო არჩევნები გაიმართა. ცესკოს წინასწარი მონაცემებით, მმართველმა პარტია „ქართულმა ოცნებამ“ ხელისუფლებაში მესამე ვადით დარჩენა შეძლო. მაგრამ პარლამენტში შესულმა ოპოზიციურმა პარტიებმა მმართველი გუნდი არჩევნების გაყალბებაში დაადანაშაულეს და ერთმანეთის მიყოლებით უარი განაცხადეს მეათე მოწვევის პარლამენტის დეპუტატის მანდატზე. თბილისსა და სხვა ქალაქებში საპროტესტო აქციები დაიწყო.

რაც შეეხება კორონავირუსის პანდემიას, ქვეყანაში სექტემბრის დასაწყისიდან ეპიდემიური ვითარება ძალიან გაუარესდა. ინფიცირებულების ყოველდღიური მაჩვენებელი უკვე 3 ათასს უახლოვდება.

ეპიდემიური ვითარების გაუარესების მიუხედავად, მთავრობა მოერიდა მკაცრი შეზღუდვების დაწესებას და მხოლოდ წერტილოვანი შეზღუდვები შემოიღო.

 

48
პენსიონერები

მომავალი წლის პირველი იანვრიდან პენსიები იზრდება

30
2021 წლის  ბიუჯეტის პროექტის თანახმად, 70 წლამდე ასაკის პენსიონერებს პენსია  20 ლარით, ხოლო 70 წლის ან მეტი ასაკის პენსიონერებს კი 25 ლარით გაეზრდებათ. 

თბილისი, 1 დეკემბერი – Sputnik. 2021 წლის სახელმწიფო ბიუჯეტის პროექტში, რომელიც საქართველოს პარლამენტს უკვე წარედგინა, მომავალი წლის პირველი იანვრიდან პენსიების მატებაა გათვალისწინებული, იუწყება ფინანსთა სამინისტროს პრესსამსახური.

კანონის პროექტით, 2021 წლის პირველი იანვრიდან გათვალისწინებულია 70 წლამდე ასაკის პენსიონერებისთვის პენსიის ზრდა 20 ლარით და პენსია განისაზღვრება 240 ლარით, ხოლო 70 წლის ან მეტი ასაკის პენსიონერებისთვის პენსია იზრდება 25 ლარით და ის განისაზღვრება 275 ლარის ოდენობით.

დღეისათვის საქართველოში ასაკობრივი პენსია ქალებს 60 წლიდან, ხოლო მამაკაცებს 65 წლიდან ენიშნებათ. საქართველოში პენსიას დაახლოებით 770,3 ათასი ადამიანი იღებს.

ჯამში საპენსიო უზრუნველყოფაზე მიმართულია 2.6 მლნ ლარი (გაზრდილია 370 მლნ ლარით), რაც გამოწვეულია სახელმწიფო პენსიის ზრდის ინდექსაციის წესის შემოღებით;

საქართველოს პრემიერ-მინისტრმა ჯერ კიდევ ივნისის თვეში განაცხადა, რომ პენსიები საქართველოში ყოველწლიურად გაიზრდება და ნებისმიერი ეკონომიკური ზრდის ან ინფლაციის მაჩვენებლების პირობებშიც კი 70 წლამდე პენსიონერის პენსია მინიმუმ 20 ლარით, ხოლო 70 წელს ზემოთ – 25 ლარით მოიმატებს.

პენსიის ინდექსაციის ზრდის ეფექტი 2021 წლისათვის შეადგენს 210 მლნ ლარს, ასევე, გათვალისწინებულია მიმდინარე წლის ივლისის თვიდან, 70 წლის და მეტი ასაკის პენსიონრების საპენსიო გასაცემლების 30 ლარით ზრდის წლიური ეფექტი და დემოგრაფიის გათვალისწინებით საპენსიო ასაკის მოსახლეობის ზრდის ეფექტი.

პლუს 30: რამდენი პენსიონერი მიიღებს გაზრდილ პენსიას>>

პენსიების ინდექსაცია საქართველოსთვის საერთაშორისო სავალუტო ფონდის ერთ-ერთ რეკომენდაციას წარმოადგენს. ფონდის ანალიტიკოსების აზრით, საბაზო სახელმწიფო პენსიის ინდექსაციის წესების შემოღება პენსიონერების რეალური შემოსავლის გაზრდას და სიბერით გამოწვეული სიღარიბის შემცირებას შეუწყობს ხელს.

30
თემები:
საქართველოს ეკონომიკა
ვაშლი

„არასტანდარტული ვაშლის რეალიზაციის ხელშეწყობის“ სახელმწიფო პროგრამა გაგრძელდა

17
(განახლებულია 11:49 01.12.2020)
წელს საქართველოში  ვაშლის უხვი მოსავალი იყო  – 120 ათას ტონაზე მეტი. მისი ძირითადი ნაწილი შიდა ქართლის რეგიონზე მოდის.

 

თბილისი, 1 დეკემბერი – Sputnik. მოსავლის დაბინავების პროცესში ფერმერების მაქსიმალური ხელშეწყობის მიზნით, „არასტანდარტული ვაშლის რეალიზაციის ხელშეწყობის“ სახელმწიფო პროგრამის მოქმედების ვადა 15 დეკემბრამდე გახანგრძლივდა, იუწყება სოფლის განვითარების სააგენტო. 

სახელმწიფო პროგრამის ფარგლებში, სოფლის განვითარების სააგენტო 1 კგ არასტანდარტულ ვაშლზე 10 თეთრის ოდენობის სუბსიდიას გასცემს.

უწყების ცნობით, არასტანდარტული ვაშლის რეალიზაციის ხელშეწყობის სახელმწიფო პროგრამის ფარგლებში უკვე ჩაბარებულია 47 ათას ტონაზე მეტი  ვაშლი. შედეგად, ფერმერებმა 10 მლნ ლარზე მეტი შემოსავალი მიიღეს.

სახელმწიფო სუბსიდიას იღებენ ხილის გადამამუშავებელი ის კომპანიები, რომლებიც მეხილეობის სფეროში დასაქმებული ფიზიკური პირებისგან 1 კგ არასტანდარტულ ვაშლს არანაკლებ 0.22 ლარად შეისყიდიან.

არასტანდარტული ვაშლის რეალიზაციის ხელშეწყობის პროგრამაში 14 კომპანიაა ჩართული.

წელს საქართველოში  ვაშლის უხვი მოსავალი იყო  – 120 ათას ტონაზე მეტი. მისი ძირითადი ნაწილი შიდა ქართლის რეგიონზე მოდის. თუმცა, კორონავირუსის პანდემიის გამო მსოფლიო ბაზარზე ვაშლზე ფასი დაეცა, ამიტომაც მთავრობა გარკვეულ ინტერვენციებს ახორციელებს იმ ფერმერებისა და კომპანიების მხარდასაჭერად, რომლებიც ხილის გადამუშავების სფეროში მუშაობენ.





 

17
თემები:
საქართველოს სოფლის მეურნეობა
პატრული

შეიარაღებული თავდასხმა კლინიკაზე პოლიცია დამნაშავეებს ეძებს

0
წინასწარი მონაცემებით, ინციდენტის შედეგად არავინ დაშავებულა. ჯერჯერობით უცნობია რა გახდა თავდასხმის მიზეზი

თბილისი, 1 დეკემბერი  – Sputnik. პოლიცია ინტენსიურ ოპერატიულ–საგამოძიებო ღონისძიებებს ახორციელებს, რათა „თბილისის ზღვის ჰოსპიტალზე“ შეიარაღებულ თავდასხმაში ეჭვმიტანილ პირთა დაკავების მიზნით, პოლიცია ინტენსიურ ოპერატიულ–საგამოძიებო ღონისძიებებს ახორციელებს.

თავდამსხმელთა რაოდენობისა და თავდასხმის მიზეზი ჯერჯერობით უცნობია.

წინასწარი მონაცემებით, ინციდენტის შედეგად არავინ დაშავებულა.

0