ქართული ღვინო

ბრიტანულმა კომპანიამ ქართული ღვინისადმი მიძღვნილი ონლაინ–ტურები მოაწყო

41
(განახლებულია 13:39 05.11.2020)
ბრიტანულ ღვინის კომპანიებს საშუალება მიეცათ, გასცნობოდნენ ქართული ღვინის მწარმოებელი ექვსი კომპანიის პროდუქციას, რომელსაც მათ უნიკალური უწოდეს.

თბილისი, 5 ნოემბერი – Sputnik. საქართველოს ღვინის ეროვნული სააგენტოს კონტრაქტორმა ბრიტანულმა კომპანია Swril Wine Group-მა ღვინის პროფესიონალებისთვის, იმპორტიორებისა და მასმედიის წარმომადგენლებისთვის ქართული ღვინისადმი მიძღვნილი ონლაინ–ტურები ჩაატარა.

როგორც ეროვნულ სააგენტოში აღნიშნავენ, ღვინის ონლაინ–ტურები ოთხი დღე გაგრძელდა. მას ხელმძღვანელობდა Swril Wine Group-ის დირექტორი სარა ებოტი, რომელმაც ტურის მონაწილეებს გააცნო საქართველო, მისი ტრადიციები, ღვინის კულტურა და ისტორია.

ბრიტანულ ღვინის კომპანიებს საშუალება მიეცათ, გასცნობოდნენ ქართული ღვინის მწარმოებელი ექვსი კომპანიის პროდუქციას. ამ კომპანიების ღვინოები, რომლებიც დიდ ბრიტანეთში ღვინის ეროვნულმა სააგენტომ გაგზავნა, Swril Wine Group-ის ტურის მონაწილეებს წინასწარ გაუგზავნეს.

სარა ებოტის თქმით, ონლაინ–დიალოგი ტურის ბრიტანელ და ქართველ მონაწილეებს შორის საინტერესო, პროდუქტიული აღმოჩნდა და ძალზე საინტერესო გამოხმაურება ჰპოვა, ხოლო ქართულ ღვინოებს მისცეს შეფასება „უნიკალური“.

დიდი ბრიტანეთი ქართული ღვინის სტრატეგიული საექსპორტო ბაზარია, სადაც COVID-19-ის მსოფლიო პანდემიის პირობებში მსგავს ონლაინ ღონისძიებებს დიდი მნიშვნელობა აქვს ქართული ღვინის პოპულარიზაციის, საექსპორტო პოტენციალისა და ცნობადობის გაზრდის კუთხით, აღნიშნულია ღვინის სააგენტოს განცხადებაში.

საქართველოში რთველი-2020 რეკორდული მაჩვენებლით დასრულდა>>

დიდი ბრიტანეთი მსოფლიოში ღვინის ერთ-ერთი ყველაზე დიდი იმპორტიორი და მომხმარებელია. პანდემიის პირობებშიც კი ქართული ღვინის ექსპორტი ამ ქვეყანაში იზრდება. მიმდინარე წლის პირველი 10 თვის მონაცემებით, დიდ ბრიტანეთში საქართველოდან ექსპორტირებული იყო 160 644 ბოთლი ღვინო, რაც გასული წლის ანალოგიურ პერიოდთან შედარებით 50%-ით მეტია.

41
თემები:
ღვინის კულტურა და მეღვინეობა (92)
კაფეები და რესტორნები მეიდანზე

მთავრობა რესტორატორებს შეხვდა: სრული „ლოკდაუნი“ არ იგეგმება

69
(განახლებულია 20:05 23.11.2020)
შეხვედრაზე აღინიშნა, რომ სამუშაო ადგილების შენარჩუნება ხელისუფლების ერთ-ერთი მთავარი პრიორიტეტია, ამიტომ სრული „ლოკდაუნი“ არ იქნება.

თბილისი, 23 ნოემბერი – Sputnik. მთავრობის ეკონომიკური გუნდისა და სარესტორნო ბიზნესის წარმომადგენლებს შორის შეხვედრაზე მხარეებმა ვირუსის გავრცელების შენელების კუთხით გასატარებელ დამატებით ღონისძიებებზე იმსჯელეს. ინფორმაციას საქართველოს მთავრობის პრეს-სამსახური ავრცელებს.

უმუშევრობა საქართველოში – ახალი სტატისტიკა>>

პრემიერ-მინისტრ გიორგი გახარიას დავალებით მთავრობის ეკონომიკური გუნდი ვიცე-პრემიერ მაია ცქიტიშვილის ხელმძღვანელობით კერძო სექტორის წარმომადგენლებთან ინტენსიურ შეხვედრებს მართავს.

შეხვედრაზე, რომელსაც, გარდა ვიცე-პრემიერის, რეგიონული განვითარებისა და ინფრასტრუქტურის მინისტრის მაია ცქიტიშვილისა, ესწრებოდნენ ფინანსთა მინისტრი ივანე მაჭავარიანი და ეკონომიკისა და მდგრადი განვითარების მინისტრი ნათია თურნავა, დეტალურად მოისმინეს რესტორატორთა პოზიციები პანდემიის პერიოდში არსებული გამოწვევების შესახებ.

შესაძლო დამატებით წერტილოვან შეზღუდვებზე მსჯელობისას შეხვედრაზე კიდევ ერთხელ აღინიშნა, რომ ამ ეტაპზე სრული „ლოკდაუნი“ არ იგეგმება, რადგან სამუშაო ადგილების შენარჩუნება ხელისუფლების ერთ-ერთ მთავარ პრიორიტეტად იქცა. მათ განიხილეს, თუ რა სახის წერტილოვანი შეზღუდვები შეიძლება დაწესდეს ვირუსის გავრცელების შენელების მიზნით.

69
თემები:
საქართველოს ეკონომიკა
ვალუტის გადამცვლელი პუნქტი

ლარის კურსი 23 ნოემბერს

89
(განახლებულია 08:46 21.11.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0125 ლარით გაუფასურდა.

თბილისი, 23 ნოემბერი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,3073GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0125 ლარით გაუფასურდა. 

ლარის კურსი 23 ნოემბერს
89
თემები:
ლარის კურსი დღეს
სანდრა გადელია

სანდრა გადელია საბავშვო ევროვიზიაზე მეშვიდე ნომრად წარდგება

0
სანდრა გადელია კონკურსზე წარადგენს გიორგი კუხიანიძის სიმღერას „შენ მარტო არ ხარ“ და, როგორც ყველა მონაწილე, სამშობლოდან იმღერებს

თბილისი, 23 ნოემბერი - Sputnik. საქართველოს წარმომადგენელი „საბავშვო ევროვიზია-2020-ზე“ სანდრა გადელია კონკურსზე მეშვიდე ნომრად გამოვა, აღნიშნულია ღონისძიების ოფიციალურ ვებგვერდზე.

როგორი იქნება ევროვიზიის საიმიჯო კლიპი – ვიდეო >>

მე-18 საერთაშორისო კონკურსის - „საბავშვო ევროვიზია-2020-ის“ ფინალი მსოფლიოში არსებული ეპიდემიოლოგიური სიტუაციის გამო 29 ნოემბერს პოლონეთში ვიდეოხიდის ფორმატით გაიმართება. საორგანიზაციო ჯგუფი და წამყვანები ღონისძიებას ვარშავის სტუდიიდან გაუძღვებიან, ყოველი მონაწილე კი სიმღერას თავის სამშობლოში შეასრულებს.

კონკურსის სამართლიანობისა და ყველა არტისტის ღირსეული წარდგენისთვის, ევროპის სამაუწყებლო კავშირის (EBU) წევრები ყველა მოედანზე სცენის ანალოგიურ გეგმარებას და ტექნიკურ განათებას გამოიყენებენ.

კონკურსანტი საქართველოდან შეასრულებს სიმღერას You Are Not Alone. გადელიას საკონკურსო სიმღერაზე იმუშავა კომპოზიტორმა გიორგი კუხიანიძემ, ტექსტი კი თემო საჯაიას ეკუთვნის.

მე-18 საერთაშორისო ფესტივალის სლოგანია Move the world! („აამოძრავე მსოფლიო“). ფინალში მონაწილეობას მიიღებენ შემსრულებლები 12 ქვეყნიდან: საქართველოდან, რუსეთიდან, ბელარუსიდან, საფრანგეთიდან, ყაზახეთიდან, მალტიდან, ნიდერლანდებიდან, სერბეთიდან, ესპანეთიდან, უკრაინიდან, პოლონეთიდან და გერმანიიდან.

2019 წელს პოლონეთის ქალაქ გლივიცაში გამართულ  „საბავშვო ევროვიზია 2019“-ზე საქართველო წარადგინა 13 წლის გიორგი როსტიაშვილმა სიმღერით „გვინდა გვიყვარდეს“ (We need love) და კონკურსში მე-14 ადგილი დაიკავა. კონკურსის გამარჯვებული პოლონელი ვიკი გაბორი გახდა.

საქართველო საბავშვო ევროვიზიის გამარჯვებული სამჯერ (2008, 2011 და 2016 წლებში) გახდა.

0
თემები:
საქართველო და კულტურა