სავალუტო ჯიხური

რა კავშირშია ოპოზიციის პროტესტი ლარის კურსთან და პროდუქტების ფასებთან

171
(განახლებულია 15:19 05.11.2020)
საქართველოს ეროვნულმა ბანკმა 2 ნოემბერს მორიგ სავალუტო აუქციონზე 60 მილიონი დოლარი გაყიდა. ამ მოცულობის ინტერვენცია ბანკმა წელს პირველად განახორციელა. მანამდე რეგულატორს გასაყიდად ერთჯერადად 40 მილიონზე მეტი არ გამოუტანია.

ლარის გაუფასურების შეჩერება ეროვნულმა ბანკმა ბაზრისთვის დოლარის დღემდე უპრეცედენტო რაოდენობის მიწოდებითაც ვერ მოახერხა – სავალუტო ჯიხურებში მისულ მომხმარებელს 1 დოლარის შესაძენად უკვე 3.36 ლარი სჭირდება, განუცხადა „Sputnik-საქართველოს“ ეკონომისტმა ნიკა შენგელიამ.

ნიკა შენგელია
ნიკა შენგელია

შენგელიას აზრით, ლარის კურსის მკვეთრი გაუფასურების მიზეზი არჩევნების შედეგებით უკმაყოფილო ოპოზიციის გამოსვლებია.

ოპოზიციამ ხელისუფლება 31 ოქტომბერს გამართული საპარლამენტო არჩევნების შედეგების ფალსიფიკაციაში დაადანაშაულა. პარტიებმა ერთმანეთის მიყოლებით ახალი მოწვევის პარლამენტის მანდატებზე უარი განაცხადეს. თბილისსა და ქვეყნის სხვა ქალაქებში საპროტესტო აქციები დაიწყო. 

„არჩევნების არალეგიტიმურად გამოცხადებით პარტიებმა ქვეყნის პოლიტიკურ სტაბილურობას საფრხე შეუქმნეს, ამან კი პირდაპირ იმოქმედა ლარის კურსზე. თუ საქართველოში პოლიტიკური სიტუაცია უახლოეს მომავალში არ დარეგულირდა, შესაძლოა ლარის კურსმა დოლარის მიმართ 3.40-იანი ნიშნული 20 ნოემბრამდეც გადალახოს“, – განაცხადა ნიკა შენგელიამ.

ეკონომისტის თქმით, პოლიტიკური დესტაბილიზაცია, გარდა იმისა, რომ ქვეყანაში ნეგატიურ მოლოდინებს ქმნის,  ხელს უშლის ინვესტიციების შემოდინებას.

აღსანიშნავია ისიც, რომ ქვეყანაში დაძაბული პოლიტიკური სიტუაციის ფონზე ლარის გაუფასურება უფრო სწრაფად აისახება ფასებზე, ვიდრე ეს მოხდებოდა სხვა შემთხვევაში. აქედან გამომდინარე, ნიკა შენგელიას პროგნოზით, იმ კვირიდან შეიძლება უკვე გაიზარდოს ფასები მომსახურებასა და პროდუქტებზე.

„რა თქმა უნდა, ლარის გაუფასურება არ არის მხოლოდ 31 ოქტომბრის არჩევნების შედეგი. ლარის ანტირეკორდი ჯერ კიდევ 27 მარტს დაფიქსირდა, როდესაც ეროვნული ვალუტა 3.4842 GEL/$1 ნიშნულამდე დაეცა და მაშინ ეს კორონავირუსის პანდემიით იყო განპირობებული. თუმცა დღეს ქვეყანაში შექმნილმა არასტაბილურმა პოლიტიკურმა სიტუაციამ ეროვნული ვალუტის დევალვაცია უფრო დააჩქარა და იმ პოლიტიკით, რომელსაც ეროვნული ბანკი დღემდე ატარებს, ლარის კურსის დაჭერა მარეგულირებელს ძალიან გაუჭირდება“, – განაცხადა ნიკა შენგელიამ

სავალუტო ბაზრის სტაბილიზაციის მიზნით გაზაფხულიდან ეროვნულმა ბანკმა უკვე 21 აუქციონი ჩაატარა, რომლებზეც ჯამში 709 650 000 აშშ დოლარი გაყიდა.

„მარეგულირებლის მხრიდან ყველაფერი უნდა გაკეთდეს იმისთვის, რომ ლარის გაუფასურება დიდი ნახტომით არ მოხდეს. ეროვნულმა ბანკმა სავალუტო ბაზარი ბედის ანაბარა არ უნდა მიატოვოს და რეგულარულად უნდა მიაწოდოს მეტი და მეტი რაოდენობის დოლარი“, – აღნიშნა ნიკა შენგელიამ

რაც შეეხება მთვარობას, შენგელიას აზრით, ხელისუფლებამაც უნდა მოუკლოს ბიუჯეტის უკონტროლო ხარჯვას და საგარეო ვალების რესტრუქტურიზაციაზე უნდა იზრუნოს.

„მოახლოვდა 2021 წელი და გარკვეული ვალების დაფარვის დრო, ამიტომ რესტრუქტურიზაცია აუცილებელია“, – მიაჩნია ეკონომიკის ექსპერტს.

თუმცა, მისივე თქმით, ყველაზე მთავარი მაინც პოლიტიკური სტაბილურობაა, წინააღმდეგ შემთხვევაში ყველა ნაბიჯი უშედეგო აღმოჩნდება და ვერც ქვეყნის ეკონომიკა გაუძლებს ლარის მკვეთრ გაუფასურებას და ვერც მოსახლეობის ჯიბე პროდუქტებზე ფასების ზრდას იმპორტზე დამოკიდებულ ქვეყანაში.

ნატა პატარაია

 

171
ვალუტის გაცვლის პუნქტი

ლარის კურსი 28 ნოემბერს

51
(განახლებულია 08:44 28.11.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0027 ლარით გაუფასურდა.

თბილისი, 28 ნოემბერი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,3164 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0027 ლარით გაუფასურდა.

ლარის კურსი 28 ნოემბერს
ლარის კურსი 28 ნოემბერს
51
თემები:
ლარის კურსი დღეს
რესტორნები და კაფეები

რას აცხადებენ საქართველოს ბიზნეს–ასოციაციაში ახალი ლოკდაუნის შესახებ

57
ასოციაცია სამწუხაროდ ფაქტად მიიჩნევს, რომ ახალი კორონავირუსის გავრცელების შეჩერება მნიშვნელოვანი შეზღუდვების გარეშე ვერ მოხერხდა

თბილისი, 27 ნოემბერი – Sputnik. მიუხედავად მაღალი ფასისა, რომლის გადახდაც მოუწევს მოქალაქეებსა და მეწარმეებს დამატებითი შეზღუდვების ამოქმედების გამო, ქვეყნის თითოეული მოქალაქის სიცოცხლე ყველაზე ძვირფასი და უმაღლესი ფასეულობაა, ნათქვამია საქართველოს ბიზნეს–ასოციაციის (BAG) განცხადებაში.

სავაჭრო ცენტრების გახსნის საკითხი, შესაძლოა, გადაიხედოს>>

ეპიდემიოლოგიური ვითარების გაუარესების გამო, საქართველოს მთავრობამ ხუთშაბათს კორონავირუსთან ბრძოლის ორთვიანი გეგმა დაამტკიცა. 28 ნოემბრიდან საქართველოს რვა დიდ ქალაქში შეჩერდება საზოგადოებრივი ტრანსპორტის მუშაობა. მთელ ქვეყანაში აიკრძალა სპორტდარბაზებისა და საცუარაო აუზების ფუნქციონირება, რესტორნები მხოლოდ მიტანის სერვისით იმუშავებენ, დაიკეტება სავაჭრო ცენტრები, გარდა პირველადი მოხმარების საქონლის მაღაზიებისა.

 „ჩვენი ქვეყნის თითოეული მოქალაქის სიცოცხლე ყველაზე ძვირფასი და უმაღლესი ფასეულობაა, რომელიც საჭიროებს განსაკუთრებულ დაცვას მიუხედავად იმ მაღალი ფასისა, რომლის გადახდაც ყველას, ბიზნეს სუბიექტსა თუ რიგით მოქალაქეს ერთობლივად  მოგვიწევს... ბუნებრივია, საქართველოს მთავრობის მიერ შემუშავებული დამატებითი შეზღუდვები ნეგატიურ ზეგავლენას იქონიებს ბიზნეს ოპერატორების საქმიანობაზე და შესაბამისად ეკონომიკაზე“, – ნათქვამია განცხადებაში.

ასოციაცია, როგორც ასობით ბიზნეს–ოპერატორის ინტერესების დამცველი ყველაზე მსხვილი გაერთიანება, სამწუხაროდ მიიჩნევს იმ ფაქტს, რომ კორონავირუსის გავრცელების შეკავება მნიშვნელოვანი შეზღუდვების გარეშე ვერ მოხერხდა.

რა შეიძლება და რა - არა? მთავრობა განმარტავს, როგორ იმოქმედებს ახალი შეზღუდვები>>

ორგანიზაციაში მიესალმებიან იმ ფაქტს, რომეკონომიკური სტიმულირების სამთავრობო პაკეტში გათვალისწინებულია BAG–ის წინადადებები. კერძოდ, 750 ლარამდე ხელფასის შემთხვევაში საშემოსავლო გადასახადისგან სრულად გათავისუფლება, 1500 ლარამდე არსებულ ხელფასებზე საშემოსავლო გადასახადისგან ბიზნესის ნაწილობრივ განთავისუფლების პროგრამის დამატებით 6 თვით გაგრძელება, ასევე ტურიზმისა და მომსახურების სექტორში მოქმედი ბიზნეს–ოპერატორებისთვის გადავადებული 4 თვის საშემოსავლო გადასახადის ჩამოწერა. 

მიუხედავად იმისა, რომ ახალი შეზღუდვები მხოლოდ გარკვეულ სფეროებს ეხება, საშემოსავლო გადასახადზე შეღავათებით სარგებლობას ყველა კომპანია შეძლებს.

ასოციაციაში აღნიშნავენ, რომ გლობალური პანდემიისა და ეკონომიკური კრიზისის ფონზე ქართველი ბიზნესმენების ძირითადი ამოცანაა კომპანიების გადარჩენა და სამუშაო ადგილების მაქსიმალურად შენარჩუნება.

BAG–ის განცხადებით, ასოციაციის მთავრობისადმი შეთავაზებული წინადადებები ემსახურება სამუშაო ადგილების მასიმალურ შენარჩუნებასა და პოსტ-პანდემიურ ფაზაში ეკონომიკის დროული აღდგენისთვის ბიზნესის მზადყოფნის უზრუნველყოფას.

ორგანიზაციაში სტიმულირების ახალ პაკეტს ბიზნესისთვის აუცილებელ მინიმუმად მიიჩნევენ, რომელიც შეიძლება ბოლომდე ვერ ითვალისწინებდეს მის საჭიროებებს.

საქართველოს ბიზნეს–ასოციაცია აქტიურად დააკვირდება შეზღუდვების ახალი გეგმის მიმდინარეობას და ასოციაციის წევრი კომპანიების მოსაზრებების გათვალისწინებით, საჭიროების შემთხვევაში, წარმოადგენს დამატებით წინადადებებს, რომლებიც შეიძლება გულისხმობდნენ მხარდაჭერისა და სტიმულირების ახალ მექანიზმებსაც.

ვიცე-პრემიერი: სამსახურდაკარგულთათვის კომპენსაციების გაცემა ბიზნესზეა დამოკიდებული>>

ბიზნესის დახმარება კორონავირუსის მეორე ტალღის დროს

ბიზნესის მხარდაჭერისთვის 515 მილიონი ლარია გათვალისწინებული.

საშემოსავლო გადასახადის შეღავათი – 1,5 ათას ლარამდე ხელფასის მქონე პირები 750 ლარამდე თანხის საშემოსავლო გადასახადისგან გათავისუფლდებიან 2021 წლის დეკემბერი–მაისის პერიოდში. ბენეფიციართა სავარაუდო რაოდენობა 33 ათასი კომპანია და 425 ათასი დასაქმებულია. ბიუჯეტი – 260 მლნ ლარი. 

ქონების გადასახადის შეღავათი ტურიზმის სექტორისთვის – სასტუმროები, რესტორნები 2021 წელს გათავისუფლდებიან ქონების გადასახადისგან. ბიუჯეტი – 45 მლნ ლარი.

2020 წლის 4 თვის გადავადებული საშემოსავლო გადასახადის ჩამოწერა – განხორციელდება ტურიზმის სექტორში (სასტუმროები, რესტორნები და მსგავს საქმიანობაში ჩართული კომპანიები) 2020 წლის 1დეკემბრამდე გადავადებული საშემოსავლო გადასახადის ჩამოწერა. ბიუჯეტი – 20 მლნ ლარი;

გაგრძელდება სასტუმროების საბანკო სესხების პროცენტის სუბსიდირება, ასევე ამოქმედდება რესტორნების საბანკო სესხების პროცენტის სუბსიდირება 6 თვის განმავლობაში. ბენეფიციართა სავარაუდო რაოდენობა – 3,7 ათასი კომპანია. 

გაგრძელდება მიკროგრანტების პროგრამა, რომლის ფარგლებშიც ათასობით ახალი ბიზნეს-პროექტი დაფინანსდება. ბიუჯეტი – 40 მლნ ლარი.

გახარია: თვითდასაქმებულებისთვის 300-ლარიან დახმარებას ვაწესებთ>>

საკრედიტო-საგარანტიო ფონდი – 2021 წელს აქტიურად გაგრძელდება საკრედიტო-საგარანტიო ფონდის მუშაობა, რომელიც დაეხმარება კერძო სექტორს როგორც არსებული სესხების რესტრუქტურიზაციაში, ასევე ახალი სახსრების მოზიდვაში. ბიუჯეტი – 100 მლნ ლარი.

საბანკო სესხების გადავადების შესაძლებლობა ექნებათ იმ კომპანიებს, რომლებსაც შეეზღუდებათ საქმიანობა დეკემბერი-იანვრის პერიოდში.

57
თემები:
COVID-19 საქართველოში

საქართველო და ახალი შეზღუდვები: რას ფიქრობს საზოგადოება? - ვიდეო

0
დღეიდან საქართველოში ძალაში შედის შეზღუდვები. Sputnik-საქართველომ მოსახლეობა გამოკითხვა რეგულაციებთან დაკავშირებით, რომლებიც ხელისუფლებამ კორონავირუსით ინფიცირების შემთხვევების ზრდის გამო დააწესა

აღმოჩნდა, რომ ყველაზე დიდი უკმაყოფილება მოსახლეობაში საზოგადოებრივი ტრანსპორტის ფუნქციონირების შეჩერებამ გამოიწვია.

თბილისელების თქმით, ბევრ მათგანს არ ექნება საშუალება ტაქსით გადაადგილებისათვის. გამოკითხულთა დიდ ნაწილს სჯერა, რომ მკაცრი შეზღუდვები შედეგიანი აღმოჩნდება და ეპიდსიტუაციის გაუმჯობესებას შეუწყობს ხელს.

0