ვალუტის გაცვლის პუნქტი

ლარის კურსი 31 ოქტომბერს

107
(განახლებულია 18:23 30.10.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0011 ლარით გამყარდა.

თბილისი, 31 ოქტომბერი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,2327 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0011 ლარით გამყარდა.

ლარის კურსი 31 ოქტომბერს
ლარის კურსი 31 ოქტომბერს
107
თემები:
ლარის კურსი დღეს (545)
ივანე მაჭავარიანი

ფინანსთა მინისტრი: დახმარების პროგრამის ასამოქმედებლად საჭიროა ახალი ბიუჯეტი

22
2021 წლის სახელმწიფო ბიუჯეტის საბოლოო პროექტი პარლამენტში დეკემბრის დასაწყისში შევა და წლის ბოლომდე უნდა დამტკიცდეს

თბილისი, 26 ნოემბერი – Sputnik.  ტურიზმის სექტორის ქონების გადასახადისგან განთავისუფლება ასევე 4 თვით გადავადებული საშემოსავლო გადასახადის ჩამოწერა მოითხოვს საკანონმდებლო ცვლილებებს, ისევე როგორც ყველა ახალი პროგრამა, განაცხადა ფინანსთა მინისტრმა ივანე მაჭავარიანმა.

საქართველოს მთავრობამ მიიღო ორთვიანი შეზღუდვების დაწესების გადაწყვეტილება, ასევე განაცხადა, რომ წლის განმავლობაში ბიზნესი მიიღებს გარკვეულ შეღავათებს, ხოლო მოსახლეობა - სოციალურ დახმარებას.

„საჭიროა მომავალი წლის ბიუჯეტში აისახოს ეს პროგრამები, ამიტომ ძალიან მნიშვნელოვანია დაიწყოს საბიუჯეტო განხილვა და 2021 წლის ბიუჯეტი დროულად იქნას მიღებული“, - აღნიშნა ფინანსთა მინისტრმა.

2021 წლის სახელმწიფო ბიუჯეტის საბოლოო პროექტი პარლამენტში დეკემბრის დასაწყისში შევა და წლის ბოლომდე უნდა დამტკიცდეს. ამ ეტაპზე პრობლემა მდგომარეობს იმაში, რომ არჩეული პარლამენტის პირველი სხდომა დანიშნული არ არის, ასევე არ არის დამტკიცებული მინისტრთა კაბინეტი და მთავრობის პროგრამა.

ამასთან მაჭავარიანი ირწმუნება, რომ ბიუჯეტში საკმარისი რესურსია დახმარების პროგრამის განსახორციელებლად, თუმცა საქართველო განაგრძობს უცხოელი დონორების სახსრების მოზიდვას კონკრეტული პროექტების განხორციელებისათვის და რეფორმების მხარდასაჭერად.

22
თემები:
საქართველოს ეკონომიკა
ნათია თურნავა

რას ჰპირდება სახელმწიფო ბიზნესს პანდემიის გამო დაწესებული შეზღუდვების სანაცვლოდ

57
(განახლებულია 21:00 26.11.2020)
ეპიდვითარების გაუარესების გამო საქართველოს ხელისუფლებამ შეზღუდვების გამკაცრებისა და გაფართოების გადაწყვეტილება მიიღო.

თბილისი, 26 ნოემბერი – Sputnik. პროგრამის „აწარმოე საქართველოში“ დახმარებით რესტორნებზე ექვსი თვის განმავლობაში ბანკის სესხის სუბსიდირება განხორციელდება, განაცხადა საქართველოს ეკონომიკის მინისტრმა ნათია თურნავამ დღეს გამართულ ბრიფინგზე.

რაზე ისაუბრა პრემიერ-მინისტრმა ბიზნესისა და საფინანსო სექტორის წარმომადგენლებთან>>

„პროგრამა „აწარმოე საქართველოში“ არის ერთ-ერთი ბერკეტი, რომლის მეშვეობითაც ჩვენ აქამდე უკვე 2 200 მცირე და საშუალო საოჯახო სასტუმროს დავუსუბსიდირეთ ბანკის სესხი და ახლა ეს პროგრამა ფართოვდება. ამაში ჩაერთვებიან ექვსი თვის განმავლობაში რესტორნებიც. ეს არის დაახლოებით 1500-მდე რესტორანი მთელი საქართველოს მასშტაბით და მათ ექნებათ შესაძლებლობა ისარგებლონ პროგრამით. ჩვენ ექვსი თვის საბანკო სესხის პროცენტის თანასუბსიდირებას გავაკეთებთ მათთვისაც“, – განაცხადა თურნავამ.

მინისტრის ინფორმაციით, ასევე ტურიზმის სექტორი მიიღებს შეღავათს და 2021 წლის განმავლობაში სრულად გათავისუფლდება ქონების გადასახადისგან.

თურნავას განცხადებით, მთავრობის სოციალური დახმარების პაკეტი ორი ნაწილისგან შედგება. ერთი ნაწილი არის პანდემიასთან ასოცირებული ეკონომიკური სირთულეებით გამოწვეული პრობლემების დაბალანსება.

„ვაგრძელებთ საშემოსავლო გადასახადის თანადაფინანსებას ბიზნესთან ერთად. რაც შეეხება 750 ლარიდან 1500 ლარამდე მქონე ხელფასებზე დასაქმებულების შენარჩუნებას, აქ საშემოსავლო გადასახადის ხარჯის გაზიარება კვლავაც გაგრძელდება“, – აღნიშნა მინისტრმა.

მისი თქმით, გაგრძელდება სოციალურად დაუცველ მოსახლეობაზე დახმარებების გაცემა, კომუნალური ხარჯების სუბსიდირება ოთხი თვის განმავლობაში. გარდა ამისა, ამას ემატება ისეთი სოციალური დახმარება, რომელიც მიმართულია კონკრეტულად იმ სექტორებზე, რომლებიც მთავრობამ დროებით შეზღუდა.

„ვიცით, რომ შეზღუდვის შედეგად რამდენიმე კვირის განმავლობაში შემოსავალი უნდა შეუმცირდეს ან დაეკარგოს თუნდაც ბაზრობაზე დასაქმებულ ადამიანებს, სხვა დასაქმებულ პირებს... ასევე ჩვენ ვაწარმოებთ კომუნიკაციას ბანკებთან, რომ ამ დროებით შეზღუდულ ობიექტებში დასაქმებულ პირებს რა საბანკო სესხებიც აქვთ, მოხდეს ამ სესხების გადავადება და, ვფიქრობთ, რომ ბანკები მხარს დაგვიჭერენ“, – განაცხადა თურნავამ.

საკოორდინაციო საბჭოს გადაწყვეტილებით, 28 ნოემბრიდან სხვადასხვა შეზღუდვა ამოქმედდება, მათ შორის, იზღუდება მუნიციპალური ტრანსპორტის მუშაობა; სავაჭრო ობიექტების (გარდა სურსათის, ცხოველების საკვების, აფთიაქების, ვეტაფთიაქების, საყოფაცხოვრებო ქიმიისა და ჰიგიენის მაღაზიებისა და პრესის ჯიხურებისა) მუშაობა, ღია და დახურული ბაზრობების მუშაობა (გარდა აგრარული ბაზრებისა), სასწავლო დაწესებულებები მთლიანად დისტანციურ რეჟიმზე გადადიან.

ევროკავშირმა საქართველოს პანდემიასთან გასამკლავებლად 100 მლნ ევრო გამოუყო>>

საქართველოში კორონავირუსის მეორე ტალღა მძვინვარებს. ინფიცირების დღიური მაჩვენებელი 4 ათასს აღწევს. 26 ნოემბრის მონაცემებით, ქვეყანაში ინფიცირებულთა საერთო რაოდენობამ 118 ათას ადამიანს გადააჭარბა, 1100-ზე მეტი პაციენტი კი გარდაიცვალა.

საქართველოში კორონავირუსის პირველი შემთხვევა 26 თებერვალს დაფიქსირდა.

57
თემები:
საქართველოს ეკონომიკა
ქალი ყაყაჩოებში

2021 წლის ჰოროსკოპი: ქალწული ფინანსები, სიყვარული, ჯანმრთელობა

0
(განახლებულია 07:17 27.11.2020)
როგორი იქნება 2021 წელი ქალწულებისთვის, რას მოუტანს ის ამ ნიშნით დაბადებულ ქალებსა და მამაკაცებს ცხოვრების სხვადასხვა სფეროში – გაეცანით ჩვენს ჰოროსკოპს

2021 – თეთრი ხარის წელიწადი მარტივი არ იქნება, მაგრამ რამდენადაც ქალწულები ზოდიაქოს ბრძენ ნიშანთა რიცხვს განეკუთვნებიან, ისინი ნებისმიერი პრობლემიდან გარკვეული გაკვეთილის გამოტანას ცდილობენ, რათა ერთი და იგივე შეცდომა არ გაიმეორონ. 2021 წელს ეს პრობლემები, ძირითადად, უმნიშვნელო იქნება და ხშირად თავად ქალწულების გადაწყვეტილებაზე არ იქნება დამოკიდებული.

ქალწული: ანალიტიკოსი, ორგანიზებული, მოწესრიგებული - ზოგადი დახასიათება>>

ქალწული მამაკაცი

მამაკაც ქალწულებს, შესაძლოა, რაღაც გეგმები ჩაუვარდეთ, ჰქონდეთ გარკვეული გაუგებრობები და თავდაჯერებულობის მოულოდნელი შერყევები. ბევრი სირთულე არაპროგნოზირებადი იქნება, რაც გადაწყვეტილების მოძებნის მცდელობაზე უარყოფითად აისახება. ასტროლოგები გირჩევენ, ყოველგვარ მოვლენას რაც შეიძლება მარტივად შეხედოთ.

ფინანსები და სამუშაო: ქალწულებისთვის ყველაზე პროდუქტიული დრო გაზაფხულის პირველი ნახევარი და შემოდგომის მიწურული იქნება. იღბალი ყველა პროფესიის წარმომადგენლების გვერდით დადგება. თქვენ მხოლოდ მოტივაცია და ენთუზიაზმი დაგჭირდებათ. ექსპერტები გირჩევენ, ფულთან დაკავშირებით იფრთხილოთ, ნებისმიერი ნივთი დაფიქრებით იყიდოთ და თანხა ქარს არ გაატანოთ.

სიყვარული და ურთიერთობები: სიყვარულში ქალწულ მამაკაცებს ძალიან გაგიმართლებთ. ეს განსაკუთრებით მათ ეხება, ვისაც თავისი მეორე ნახევარი ჯერ არ უპოვია. ვარსკვლავები და პლანეტები გააძლიერებენ თქვენს მომხიბვლელობას, რაც საწინააღმდეგო სქესის წარმომადგენლებზე განსაკუთრებული შთაბეჭდილების მოხდენაში დაგეხმარებათ.

განწყობა და ჯანმრთელობა: 2021 წელს ქალწულმა მამაკაცებმა ჯანმრთელობას ყურადღება უნდა მიაქციოთ, თუ ასე არ მოიქცევით, შესაძლოა, პრობლემები გაჩნდეს. არ შეიძლება, ყურადღება არ მიაქციოთ ორგანიზმის სიგნალებს იმის თაობაზე, რომ რაღაც წესრიგში არაა.

ზოდიაქოს ყველაზე ქარიზმატული ნიშნები>>

ქალწული ქალი

2021 წელი ქალწულებს ბევრ სასიამოვნო სიახლეს გპირდებათ. იანვრის დასაწყისში შესაძლებელი იქნება ადრე გაწეული სამუშაოს პირველი ნაყოფის მიღება. საუკეთესო იქნება თქვენთვის დროის მუშაობაში ინვესტირება, მაგრამ, ამავდროულად, არ უნდა დაივიწყოთ დროული დასვენებაც. ასტროლოგები ასევე გირჩევენ, რომ სასურველი რეალობად არ მიიღოთ.

ფინანსები და სამუშაო: ფინანსურ სფეროში ქალმა ქალწულებმა აუცილებლად უნდა მოუსმინოთ და ენდოთ საკუთარ ინტუიციას, რომელიც ზოდიაქოს ყველა სხვა ნიშანს შორის თქვენთვის ყველაზე მძლავრი იარაღი გახდება. მეექვსე გრძნობა განსაკუთრებით დაეხმარება შემოქმედებით სფეროებში მოღვაწე ქალწულებს. ძვირადღირებული ნივთების შეძენა უპრიანი ზაფხულში იქნება, სხვა დროს, სჯობს, ამისგან თავი შეიკავოთ.

სიყვარული და ურთიერთობები: ამ ნიშნის ქალებს, მამაკაცების მსგავსად, ვარსკვლავები მომხიბვლელობისა და ქარიზმის განსაკუთრებულ აურას გიბოძებენ. გრძნობებთან დაკავშირებულ საკითხებში ქალწულები წარმატებებს უკვე 2021 წლის პირველივე დღეებიდან მიაღწევთ. შეგიძლიათ პაემანზე წასვლა, ინიციატივის გამოჩენა, მაგრამ მოვლენების დაჩქარება არ ივარგებს.

ყველაზე, ყველაზე... ზოდიაქოს ნიშნების ძლიერი მხარეები>>

განწყობა და ჯანმრთელობა: ამ სფეროში ქალ ქალწულებს უფრო მშვიდი წელი გელოდებათ, ვიდრე მამაკაცებს. განწყობის მკვეთრი ცვლილებები, რომლებიც თქვენს გეგმებს დაარღვევს და იღბალს დაგაშორებთ, მოსალოდნელი არ არის. ზამთარსა და გაზაფხულზე კარგი იქნება, თუ ნეგატიური ჩვევებისგან გათავისუფლდებით.

გაეცანით ასევე 2021 წლის ჰოროსკოპს ვერძებისკუროებისტყუპების, კირჩხიბებისა და ლომებისთვის.

0