პრესკონფერენცია „პარტიების პოლიტიკური პროგრამები საქართველოში - როგორ გადავარჩინოთ ეკონომიკა?“

„სავალდებულო“ დაპირებები: ექსპერტები ქართველი პოლიტიკოსების წინასაარჩევნო გეგმებზე

35
(განახლებულია 20:04 16.10.2020)
კორონავირუსთან და ეკონომიკურ კრიზისთან ბრძოლა საქართველოში პარტიების ყველა დაპირებისა და მათი წინასაარჩევნო პროგრამების ძირითად ლაიტმოტივად იქცა - ექსპერტებმა ეს დაპირებები შეაფასეს

თბილისი, 16 ოქტომბერი - Sputnik. პოლიტიკური პარტიების დაპირებები ქვეყანაში ეკონომიკური სიტუაციის გაუმჯობესებასთან დაკავშირებით უფრო წინასაარჩევნო პროცესის განუყოფელი ნაწილია, ვიდრე რეალური სამოქმედო გეგმა - ასეთი დასკვნა გამოიტანეს ეკონომიკის ექსპერტებმა Sputnik-საქართველოს მულტიმედიურ პრესცენტრში გამართულ პრესკონფერენციაზე.

რა აღელვებს ქართველ ხალხს და ვისი სჯერა არჩევნების წინ - გამოკითხვა>>

დისკუსიაში თემაზე - „პარტიების პოლიტიკური პროგრამები საქართველოში - როგორ გადავარჩინოთ ეკონომიკა?“ - მონაწილეობა მიიღეს პროფესორებმა და ეკონომიკის ექსპერტებმა იოსებ არჩვაძემ და დემურ გიორხელიძემ.

„წინასაარჩევნო კამპანიაში ჩართულ პარტიებს შორის შეჯიბრი სიმწრის ღიმილს იწვევს. დაპირებებს, რომლებიც პარტიების მხრიდან ისე მოედინება, როგორც რძე სიუხვის რქიდან, სრულიად არანაირი საფუძველი არ გააჩნია. პენსიის რამდენჯერმე გაზრდა, მოქალაქეთა კეთილდღეობის გაზრდა, სოციალური უზრუნველყოფის გაუმჯობესება - ამ ყველაფრის მოსმენა ძალიან სასიამოვნოა. მაგრამ არცერთ ამ დაპირებას ობიექტური საფუძველი არ გააჩნია“, - განაცხადა არჩვაძემ პრესკონფერენციაზე.

რას გვპირდება სააკაშვილის პარტია არჩევნების შემდეგ? მოკლედ და გასაგებად>>

კოლეგას გიორხელიძეც დაეთანხმა და აღნიშნა, რომ წინასაარჩევნო დაპირებებმა თითქოს სავალდებულო ხასიათი შეიძინა და მას არაფერი აქვს საერთო რეალურ სამოქმედო გეგმასთან.

„ამ პროგრამებს აღვიქვამ, როგორც ვალდებულებას წინასაარჩევნო პროცესის ფარგლებში. რეალურ ქმედებასთან მათ არანაირი კავშირი არა აქვთ. ეს არაა პროგრამები, რომლებსაც პოლიტიკოსები რეალურად შეასრულებენ. შეუძლებელია იმის ხორცშესხმა, რასაც ისინი ამბობენ. პრაქტიკაში ამის რეალიზება არ შეიძლება, რადგან საამისო შესაძლებლობა არ არსებობს“, - განაცხადა გიორხელიძემ.

პროფესორმა არჩვაძემ ხაზი გაუსვა, რომ ქვეყნის ეკონომიკა, მათ შორის, ეროვნული ვალუტის კურსი, საგარეო ფაქტორებზეა დამოკიდებული.

 „საგარეო სავაჭრო ბრუნვის მაჩვენებელი „მშპ-ს მიმართ - ბოლო მონაცემებით, დაახლოებით 55%-ია. განვითარებულ ქვეყნებში კი ის 15-20%-ის დონეზეა. ეკონომიკა, ეროვნული ვალუტა, ძირითადად, გარეშე ფაქტორებზე რეაგირებს“, - განაცხადა არჩვაძემ.

ამ „გარეშე ფაქტორებზე“ საუბრისას ექსპერტები შეთანხმდნენ, რომ ეკონომიკაზე ძლიერ იმოქმედა ლოქდაუნმა, რომელიც კორონავირუსის პანდემიამ გამოიწვია. კერძოდ, როგორც გიორხელიძემ აღნიშნა, საქართველომ დიდი ფინანსური დანაკარგი განიცადა იმის გამო, რომ თავის დროზე ტურისტულ სექტორზე მეტისმეტად დიდი იმედები დაამყარა.

 „ადამიანებმა დაიჯერეს, რომ ტურიზმი მომგებიანი საქმეა. მათ დააგროვეს ვალები, მთელი ქონება სასტუმროებისა და რესტორნების გახსნაში დააბანდეს, ისინი ტურისტების ნაკადს ელოდებიან და რა მოხდა? ნაკადი შეწყდა, სულ მცირე, რამდენიმე წლით! არავითარი ტურიზმი არც 2021 და არც 2022 წელს არ იქნება. ეს გამორიცხულია“, - განაცხადა გიორხელიძემ და თავისი მოსაზრება იმით დაასაბუთა, რომ ადამიანებმა მთელ მსოფლიოში ისე იზარალეს, რომ ვეღარ იმოგზაურებენ ისე ხშირად, როგორც ეს პანდემიამდე იყო.

ექსპერტმა აღნიშნა ასევე, რომ ერთადერთი გამოსავალი ამ ვითარებაში არის შიდა ტურიზმი, მაგრამ, გიორხელიძის აზრით, არც ეს არის „საუკეთესო იდეა“.

ახალი ხედვა პოლიტიკაზე: რას გვთავაზობს ბურჯანაძის პარტია>>

„რა მივიღეთ შიდა ტურიზმიდან? ეპიდემიის ზრდა! ადამიანები გაემგზავრნენ იაფ კურორტებზე ბათუმში, დაინფიცირდნენ და ქვეყანაში მეორე ტალღა გაჩნდა“, - განაცხადა პროფესორმა.

35
თემები:
საქართველოს საპარლამენტო არჩევნები 2020 (245)
ვალუტის გადამცვლელი პუნქტი

ლარის კურსი 20 ოქტომბერს

45
(განახლებულია 08:44 20.10.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0069 ლარით გამყარდა.

თბილისი, 20 ოქტომბერი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,2117 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0069 ლარით გამყარდა. 

ლარის კურსი 20 ოქტომბერს
45
თემები:
ლარის კურსი დღეს
დოლარის და ლარის კუპიურები

ლარის გადასარჩენად: ეროვნულმა ბანკმა კვლავ გაყიდა ვალუტა

54
სავალუტო ბაზრის სტაბილიზაციის მიზნით, ექვს თვეში ეროვნულმა ბანკმა 16 აუქციონი ჩაატარა, რომლებზეც ნახევარი მილიარდი დოლარი გაყიდა

თბილისი, 19 ოქტომბერი - Sputnik. საქართველოს ეროვნულმა ბანკმა ორშაბათს მორიგი სავალუტო აუქციონი ჩაატარა, რომელზეც 30 მილიონი დოლარი გაყიდა, ლარის საშუალო შეწონილმა გაცვლითმა დოლართან მიმართ 3,21 GEL/$1 შეადგინა. 

სავალუტო ბაზრის სტაბილიზაციის მიზნით, ექვს თვეში ეროვნულმა ბანკმა 16 აუქციონი ჩაატარა, რომლებზეც 519,65 მილიონი დოლარი გაყიდა. ლარის ანტირეკორდი 2020 წლის 27 მარტს დაფიქსირდა, როდესაც ეროვნული ვალუტა დაეცა ნიშნულამდე 3.4842 GEL/$1.

სამშაბათისთვის, 20 ოქტომბრისთვის, საქართველოს ეროვნულმა ბანკმა აშშ დოლარის მიმართ ლარის ოფიციალური გაცვლითი კურსი დაადგინა – 3,2117 GEL/$1.

მანამდე, ეროვნულმა ბანკმა განაცხადა, რომ გამოიყენებდა მის განკარგულებაში არსებულ ყველა ინსტრუმენტს ფასების სტაბილურობის შესანარჩუნებლად, მათ შორის, სავალუტო ინტერვენციებსა და სააღრიცხვო განაკვეთებს. 

სავალუტო აუქციონებთან ერთად ეროვნული ბანკი ზედმეტი რყევების შესამცირებლად ყოველდღიურად იყენებს ინტერვენციებს. კერძოდ, როდესაც გაცვლითი კურსის რყევა დღის განმავლობაში წინასწარ დადგენილ ნიშნულს ასცდება, ეროვნული ბანკი გარკვეულ თანხაზე უცხოური ვალუტით ვაჭრობაში მონაწილეობს.

ხგარდა ამისა, წელს ეროვნული ბანკი ინტერვენციისთვის იყენებს ვალუტას, რომელსაც ქვეყანა საერთაშორისო ფინანსური ინსტიტუტებისგან კრედიტებისა თუ გრანტების სახით კორონავირუსის პანდემიის შედეგების აღმოსაფხვრელად იღებს.

დოლარის მიმართ ლარის ოფიციალური გაცვლითი კურსი 2009 წლის მაისიდან Bloomberg-ის სავაჭრო სისტემის ბანკთაშორის ბაზარზე გარიგებების აგრეგირების მეშვეობით განისაზღვრება. 1 ოქტომბრიდან ქართული სავალუტო ბაზარი Bmatch Bloomberg-ის სისტემაში ვაჭრობაზე გადავიდა.

 

54
თემები:
საქართველოს ეკონომიკა
გიორგი მახარაძე მარიამ ნადირაძე

ჩცდ-ს „მაქსიმე“ და მისი შეყვარებული შვილს ელოდებიან - ფოტო

0
(განახლებულია 11:47 20.10.2020)
მსახიობი გიორგი მახარაძე ორი წლის წინ დიდი განსაცდელის წინაშე დადგა, მას მძიმე დიაგნოზი დაუსვეს, თუმცა, მოახერხა და მისი ჯანმრთელობის მდგომარეობა ახლა გაუმჯობესებულია

გიორგი მახარაძე პოპულარობით გოგონებში სარგებლობს, თუმცა, მისი გული უკვე დაკავებულია და წლებია, მსახიობ მარიამ ნადირაძის შეყვარებულია. ერთი პერიოდი წყვილი დაშორდა, თუმცა პოპულარული სერიალის „ჩემი ცოლის დაქალების“ გმირის „მაქსიმეს“ შემსრულებელმა გიორგი მახარაძემ, შეყვარებული დაიბრუნა.

View this post on Instagram

A post shared by MIU NADIRADZE (@miunadiradze) on

მძიმე წუთებში, როდესაც გიორგის სიმსივნე დაუდგინდა, მარიამი განსაცდელის დროს გვერდიდან არ მოშორებია, ისინი ერთად ცხოვრობენ და დაოჯახებასაც გეგმავენ.

View this post on Instagram

A post shared by Giorgi Makharadze (@maxara_m) on

როგორც მარიამმა ერთ-ერთ ინტერვიუში აღნიშნა, საყვარელმა კაცმა მას ხელი უცხოეთში სთხოვა. რაც შეეხება ქორწილს, ქორწილის ზუსტი თარიღი ჯერჯერობით წყვილმა არ იცის, თუმცა, სადა წვეულების მოწყობას გეგმავენ.

View this post on Instagram

A post shared by MIU NADIRADZE (@miunadiradze) on

გიორგი მახარაძე მარჯანიშვილის თეატრის მსახიობია. მას უამრავ სპექტაკლში აქვს მონაწილეობა მიღებული. ბოლო პერიოდში მახარაძე სერიალებშიც იღებდა მონაწილეობას. განსაკუთრებული პოპულარობა მას „ტიფლისმა“ და „ჩემი ცოლის დაქალებმა“ მოუტანა. გიორგი მახარაძეს პირველი ქორწინებიდან ერთი შვილი ჰყავს. ის თამრიკო ჭოხონელიძის ქალიშვილზე, მარიამ როინიშვილზე იყო დაქორწინებული.

0
თემები:
სელებრითების ცხოვრება