თბილისი

რამდენს დახარჯავს საქართველო მომავალ წელს? პრიორიტეტები ციფრებში

1065
(განახლებულია 15:36 12.10.2020)
მომავალი წლის ბიუჟეტი – ძირითადი პარამეტრები, გაზრდილი საგადასახადო შემოსავლები და ასიგნებები, მზარდი საგარეო ვალი, პრიორიტეტების სამთავრობო ხედვა... დაამტკიცებს თუ არა უკვე მეათე მოწვევის პარლამენტი წლის მთავარ საფინანსო-პოლიტიკურ დოკუმენტს?

სამსონ ხონელი

ახლადარჩეულ პარლამენტში ცენტრალური საარჩევნო კომისიის მოხსენების დამტკიცებისა და ხალხის რჩეულების უფლებამოსილების ცნობის, პარლამენტის თავმჯდომარისა და მისი მოადგილეების, საპარლამენტო კომიტეტებისა და ფრაქციების თავმჯდომარეთა არჩევისა და მთავრობის ფორმირების შემდეგ დეპუტატებს ერთ-ერთ პირველ საკითხად მსჯელობა ქვეყნის მომავალი წლის ბიუჯეტზე მოუწევთ. რამდენის დახარჯვას აპირებს საქართველო 2021 წელს? სახელმწიფო ბიუჯეტის პროექტი მეცხრე მოწვევის პარლამენტში ბოლო სასესიო კვირაში დარეგისტრირდა და მთავარი საფინანსო-პოლიტიკური დოკუმენტის პარამეტრები გაირკვა.    

2021 წელს მთავრობა 17 071 432.8 ათასი ლარის დახარჯვას გეგმავს, რაც 2020 წელთან შედარებით 1.1 მილიარდი ლარით მეტია. ბიუჯეტის პროექტის მიხედვით, მომდევნო წელს ხარჯების ზრდა ძირითადად მიმდინარე წელს აღებული საგარეო ვალით დაფინანსდება. მთავრობის პროგნოზით, 2020 წლის მიწურულს მიმდინარე ბიუჯეტის ნაშთი ხაზინაში 2 496 476.6 ათას ლარს მიაღწევს, რაც დასახარჯად 2021 წელს გადავა. საგულისხმოა, რომ მთავრობა მომავალ წელს, მიმდინარე წელთან შედარებით, საგადასახადო შემოსავლების 10 450 000.0 ათას ლარამდე ზრდას პროგნოზირებს. ეს მაჩვენებელი 2020 წლის საგადასახადო გეგმას 1 470.65 ათასი ლარით აღემატება.   

მომავალი წლის საბიუჯეტო შემოსავლები 11 284 915.0 ათასი ლარი იქნება, რაც მიმდინარე წლის ბიუჯეტის შემოსავლებს თითქმის 1 მილიარდი ლარით აჭარბებს.  

ბიუჯეტის პროექტის პროექტის მიხედვით, იზრდება საგარეო ვალიც. მომდევნო წელს მთავრობა დამატებით 2 174 160.0 ათასი ლარის მოცულობის ახალი საგარეო ვალის აღებას აპირებს. შიდა ვალის სახით კი მთავრობა 1 მილიარდი ლარის მოზიდვას გეგმავს, რაც მიმდინარე წლის შიდა ვალის გეგმასთან შედარებით 850 მილიონი ლარით ნაკლებია.

მმართველი გუნდის ოპონენტები მიუთითებენ, რომ „ქართული ოცნების“ ხელისუფლებაში ყოფნის პერიოდში ქვეყნის საგარეო ვალის მოცულობა წლიდან წლამდე იზრდება. მზარდი საკრედიტო ვალდებულება ისედაც სუსტ ეკონომიკას მძიმე ტვირთად აწვება. ამ მოსაზრებას ექსპერტ-ანალიტიკოსთა დიდი ნაწილიც იზიარებს. ფინანსთა სამინისტროში განმარტავენ, რომ კრიტიკულად მნიშვნელოვანია, ვალის შემცირება ეტაპობრივად დაიწყოს და მომდევნო 2-3 წლის განმავლობაში მინიმუმ 55 პროცენტს ჩამოსცდეს. სხვაგვარად შეუძლებელი იქნება როგორც სახელმწიფო, ისე კერძო სექტორში ინვესტიციების მოზიდვა, გართულდება სესხის აღება, გაძვირდება საპროცენტო განაკვეთები.

სახელმწიფო ბიუჯეტის პროექტს დავუბრუნდეთ. როგორია დარგობრივი სამინისტროების დაფინანსება, რომელია პრიორიტეტული მიმართულებები? ბიუჯეტის პროექტით, ასიგნებათა მოცულობის მიხედვით ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო ლიდერობს. ამ უწყებისთვის მთავრობამ 4.852 მილიარდი ლარი გამოყო. მომდევნო პოზიცია 2.421 მილიარდი ლარით რეგიონული განვითარებისა და ინფრასტრუქტურის სამინისტროს უკავია. პირველ სამეულშია განათლების, მეცნიერების, კულტურისა და სპორტის სამინისტრო, რომლის დაფინანსებაც 1.738 მილიარდი ლარია. ასე რომ, თუ პირველი სამეულით ვიმსჯელებთ, მთავრობისთვის პრიორიტეტი ჯანმრთელობის დაცვა, ინფრასტრუქტურის განვითარება და განათლებაზე ზრუნვაა.

მეოთხე და მეხუთე პოზიცია თავდაცვისა და შინაგან საქმეთა სამინისტროებს უკავიათ. მათი დაფინანსება, შესაბამისად, 900 და 790 მილიონ ლარს შეადგენს. გარემოს დაცვისა და სოფლის მეურნეობის სამინისტროს მთავრობამ 415.805 მილიონი ლარი გამოუყო. მომავალი წლის ყულაბიდან ეკონომიკისა და მდგრადი განვითარების სამინისტროს 356.5 მილიონი ლარი ერგო. იუსტიციის სამინისტროს დაფინანსება 251 მილიონი ლარია. საგარეო საქმეთა სამინისტროს საბიუჯეტო ასიგნება კი 156 მილიონი ლარია. სამინისტროებს შორის ყველაზე ნაკლები – 81.0 მილიონი ლარი ფინანსთა სამინისტროსთვის გამოიყო. თავად მთავრობის ადმინისტრაცია 15.5 მილიონი ლარის დახარჯვას გეგმავს.  

უმაღლეს საკანონმდებლო ორგანოში წარდგენილი ბიუჯეტის პროექტით, მომავალი წლის 1 იანვრიდან 70 წლამდე ასაკის პენსიონერებისთვის პენსიის ოდენობა 240 ლარით განისაზღვრა, რაც ნიშნავს, რომ დოკუმენტით პენსიის 20 ლარით ზრდა არის დაგეგმილი, ხოლო 70 წლის და მეტი ასაკის პენსიონერების პენსია კი 25 ლარით გაიზრდება და 275 ლარი იქნება.

პატივცემულ მკითხველს შევახსენებ, „სახელმწიფო პენსიის შესახებ“ საქართველოს კანონში მიმდინარე წელს შეტანილი ცვლილებების თანახმად, მომავალი წლიდან საპენსიო ასაკის მოსახლეობას სახელმწიფო პენსია ყოველწლიურად გაეზრდება. კერძოდ, 70 წლამდე ასაკის პენსიონერებისთვის მიმდინარე წლის სახელმწიფო პენსია (220 ლარი) ბოლო თორმეტი თვის ინფლაციის საშუალო მაჩვენებლით, ან არანაკლებ 20 ლარით უნდა გაიზარდოს. „საქსტატის“ მონაცემების თანახმად, აღნიშნული წესით გამოთვლილი პენსიის ზრდა 15 ლარს შეადგენს, რაც კანონმდებლობით გათვალისწინებულ მინიმალურ ზრდაზე ნაკლებია და, შესაბამისად, მომდევნო წლიდან პენსია 20 ლარით გაიზრდება. რაც შეეხება მეორე კატეგორიას, 70 წლის და მეტი ასაკის პენსიონერებისთვის მიმდინარე წლის სახელმწიფო პენსია (250 ლარი) ბოლო თორმეტი თვის ინფლაციის საშუალო მაჩვენებლისა და ბოლო ექვსი კვარტლის რეალური ეკონომიკური ზრდის 80 პროცენტის ჯამით, ან არანაკლებ 25 ლარით უნდა გაიზარდოს. ამ შემთხვევაშიც იმავე „საქსტატის“ მონაცემების თანახმად, აღნიშნული წესით გამოთვლილი პენსიის ზრდა 20 ლარს შეადგენს. ეს კი კანონმდებლობით გათვალისწინებულ მინიმალურ ზრდაზე ნაკლებია. შესაბამისად, მომავალ წელს პენსია 25 ლარით გაიზრდება.

შესაძლოა მკითხველი ჩამეძიოს, შეიცვლება თუ არა საბიუჯეტო პარამეტრები? რა გაეწყობა, მიუხედავად იმისა, რომ ერთმნიშვნელოვანი პასუხი არ არსებობს, არც ამ კითხვას დავტოვებ უპასუხოდ. ყველაფერი არჩევნების შედეგზეა დამოკიდებული. პარლამენტში წარდგენილი ბიუჯეტის პროექტი „ქართული ოცნების“ სამთავრობო გუნდის შემოქმედების ნაყოფია. ახლა თუ ბოლო დროს ჩატარებული საზოგადოებრივი აზრის კვლევის შედეგებს გადავხედავთ, ადვილად დავრწმუნდებით, რომ საარჩევნო მარათონში „ქართული ოცნება“ დამაჯერებლად ლიდერობს. მმართველი გუნდი ახლოს არის, მომავალ პარლამენტში მთავრობა ყოველგვარი კოალიციის გარეშე, დამოუკიდებლად ჩამოაყალიბოს. ხოლო ოპოზიციის ელექტორალური რესურსი და ოპოზიციურ პარტიებს შორის არსებული ურთიერთობის ხარისხი ნაკლებად შესაძლებელს ხდის ოპოზიციური კოალიციური მთავრობის ფორმირების პერსპექტივას. შესაბამისად, ძალიან მაღალი ალბათობით შეგვიძლია ვივარაუდოთ, რომ ქვეყნის 2021 წლის სახელმწიფო ბიუჯეტის ბედს „ქართული ოცნების“ საკანონმდებლო გუნდი გადაწყვეტს და ცვლილებებიც უმნიშვნელო, მხოლოდ შიდაპარტიული კონსულტაციების შედეგი იქნება.

და, ბოლოს, მთავარია, მეათე მოწვევის პარლამენტში პოლიტიკური ძალების კონფიგურაცია გადაწყვეტილების მიღების საშუალებას იძლეოდეს... 

 

1065
მანდარინი

საქართველოდან მანდარინის ექსპორტი გაიზარდა

25
(განახლებულია 13:30 25.01.2021)
წელს ქართული მანდარინი ექსპორტზე 14 ქვეყანაში გაიტანეს. ექსპორტიორი ქვეყნების ხუთეული ასე გამოიყურება: რუსეთი, სომხეთი, უკრაინა, მოლდოვა, თურქმენეთი

თბილისი,  25 იანვარი – Sputnik. საქართველოდან ბოლო ხუთ თვეში 36.7 ათასი ტონა მანდარინის ექსპორტი განხორციელდა, რომლის ღირებულებამ 17.9 მლნ აშშ დოლარი შეადგინა, იუწყება საქართველოს გარემოს დაცვისა და სოფლის მეურნეობის სამინისტრო. 

უწყების ცნობით, 2020 წლის 1 აგვისტოდან მიმდინარე წლის 24 იანვრამდე ექსპორტის მოცულობა 6.5 ათასი ტონით (22%), ხოლო ექსპორტის ღირებულება 2.3 მლნ აშშ დოლარით (15%) აღემატება 2019-2020 წლების ანალოგიური პერიოდის მაჩვენებლებს.

მიმდინარე წელს წარმოებული მანდარინის ექსპორტი ძირითადად განხორციელდა რუსეთის ფედერაციაში (21.2 ათასი ტონა), სომხეთსა (8.0 ათასი ტონა) და უკრაინაში (5.3 ათასი ტონა). ქართული მანდარინი ასევე გავიდა მოლდოვაში, თურქმენეთში, ბელარუსში, ყაზახეთში, ლიეტუვაში, სლოვენიაში, ტაჯიკეთში, ყირგიზეთში, აზერბაიჯანში, აშშ-სა და გერმანიაში.

წელს მანდარინის მოსავლის საპროგნოზო მაჩვენებელი დაახლოებით 40 ათას ტონას შეადგენს.

 

25
თემები:
საქართველოს სოფლის მეურნეობა

ხმაურიანი კვირა: თბილისში აკრძალვები გააპროტესტეს - ფოტო

31
  • კვირას კორონავირუსის გამო დაწესებული შეზღუდვები ასობით ადამიანმა გააპროტესტა
  • აქცია მთავრობის ადმინისტრაციასთან გაიმართა
  • მასში მონაწილეობდნენ სამოქალაქო სექტორის, ოპოზიციის და სხვადასხვა სახის ბიზნესის წარომადგენლები
  • მათ დიდ ნაწილს ეკეთა პირბადე
  • აქციაზე წესრიგს პოლიცია უზრუნველყოფდა
  • აქციის მონაწილეთა ნაწილი თავიდან პარლამენტთან გამოხატავდა პროტესტს
  • ზამთრის სპორტის მოყვარულებმა აქციაზე შვილებიც მიიყვანეს
  • მომიტინგეები რუპორებით და პრესის საშუალებით ცდილობდნენ მთავრობისათვის გაეგონებინათ საკუთარი მოთხოვნები
  • აქციაზე უამრავი ჟურნალისტი და ბლოგერი იმყოფებოდა
  • აქცია რამდენიმე საათს გაგრძელდა
  • თუმცა აქტივისტების ნაწილმა გადაწყვიტა მიტინგი კომენდანტის საათის დროს გაეგრძელებინა
  • ცხრა საათის შემდეგ მათ ჟურნალისტების თანხლებით მსვლელობა გამართეს ცენტრალურ ქუჩებზე, სადაც მოითხოვდნენ კომენდანტის საათის გაუქმებას და აქტივისტი ირაკლი ფანგანის გათავისუფლებას, რომელიც ბათუმში აჭარის უმაღლესი საბჭოს დეპუტატისთვის ნაგვის ურნის სროლისთვის დააკავეს
კვირას მთელი დღის განმავლობაში საზოგადოების ნაწილი სამთავრობო შენობებთან ქვეყანაში მოქმედ შეზღუდვებს აპროტესტებდა. დაწვრილებით - იხილეთ Sputnik-საქართველოს ფოტოლენტაში

დასვენება, როგორც ჩანს, პერმანენტულად იქცა - საახალწლო ორკვირიანი „არდადეგები“ უსასრულოდ გრძელდება. მკაცრი შეზღუდვების დაწყებიდან ქვეყანაში შეჩერებულია ბაზრობების, მაღაზიების, რესტორნების, კაფეების, სპორტდარბაზებისა და სხვა ობიექტების მუშაობა. ასევე დაკეტილია სკოლები და საბავშვო ბაღები, არ მუშაობს საზოგადოებრივი ტრანსპორტი, მოქმედებს საკომენდანტო საათი. უამრავი ბიზნესი და ადამიანები მომსახურების სფეროში კარგავენ შემოსავლებს. ისინი, ვინც უკმაყოფილო არიან სიტუაციით, კვირას პროტესტის გამოსახატად ქუჩაში გამოვიდნენ.

31
  • კვირას კორონავირუსის გამო დაწესებული შეზღუდვები ასობით ადამიანმა გააპროტესტა
    © Sputnik / STRINGER

    კვირას კორონავირუსის გამო დაწესებული შეზღუდვები ასობით ადამიანმა გააპროტესტა

  • აქცია მთავრობის ადმინისტრაციასთან გაიმართა
    © Sputnik / STRINGER

    აქცია მთავრობის ადმინისტრაციასთან გაიმართა

  • მასში მონაწილეობდნენ სამოქალაქო სექტორის, ოპოზიციის და სხვადასხვა სახის ბიზნესის წარომადგენლები
    © Sputnik / STRINGER

    მასში მონაწილეობდნენ სამოქალაქო სექტორის, ოპოზიციის და სხვადასხვა სახის ბიზნესის წარომადგენლები

  • მათ დიდ ნაწილს ეკეთა პირბადე
    © Sputnik / STRINGER

    მათ დიდ ნაწილს ეკეთა პირბადე

  • აქციაზე წესრიგს პოლიცია უზრუნველყოფდა
    © Sputnik / STRINGER

    აქციაზე წესრიგს პოლიცია უზრუნველყოფდა

  • აქციის მონაწილეთა ნაწილი თავიდან პარლამენტთან გამოხატავდა პროტესტს
    © Sputnik / STRINGER

    აქციის მონაწილეთა ნაწილი თავიდან პარლამენტთან გამოხატავდა პროტესტს

  • ზამთრის სპორტის მოყვარულებმა აქციაზე შვილებიც მიიყვანეს
    © Sputnik / STRINGER

    ზამთრის სპორტის მოყვარულებმა აქციაზე შვილებიც მიიყვანეს

  • მომიტინგეები რუპორებით და პრესის საშუალებით ცდილობდნენ მთავრობისათვის გაეგონებინათ საკუთარი მოთხოვნები
    © Sputnik / STRINGER

    მომიტინგეები რუპორებით და პრესის საშუალებით ცდილობდნენ მთავრობისათვის გაეგონებინათ საკუთარი მოთხოვნები

  • აქციაზე უამრავი ჟურნალისტი და ბლოგერი იმყოფებოდა
    © Sputnik / STRINGER

    აქციაზე უამრავი ჟურნალისტი და ბლოგერი იმყოფებოდა

  • აქცია რამდენიმე საათს გაგრძელდა
    © Sputnik / STRINGER

    აქცია რამდენიმე საათს გაგრძელდა

  • თუმცა აქტივისტების ნაწილმა გადაწყვიტა მიტინგი კომენდანტის საათის დროს გაეგრძელებინა
    © Sputnik / Vladimir Umikashvili

    თუმცა აქტივისტების ნაწილმა გადაწყვიტა მიტინგი კომენდანტის საათის დროს გაეგრძელებინა

  • ცხრა საათის შემდეგ მათ ჟურნალისტების თანხლებით მსვლელობა გამართეს ცენტრალურ ქუჩებზე, სადაც მოითხოვდნენ კომენდანტის საათის გაუქმებას და აქტივისტი ირაკლი ფანგანის გათავისუფლებას, რომელიც ბათუმში აჭარის უმაღლესი საბჭოს დეპუტატისთვის ნაგვის ურნის სროლისთვის დააკავეს
    © Sputnik / Vladimir Umikashvili

    ცხრა საათის შემდეგ მათ ჟურნალისტების თანხლებით მსვლელობა გამართეს ცენტრალურ ქუჩებზე, სადაც მოითხოვდნენ კომენდანტის საათის გაუქმებას და აქტივისტი ირაკლი ფანგანის გათავისუფლებას, რომელიც ბათუმში აჭარის უმაღლესი საბჭოს დეპუტატისთვის ნაგვის ურნის სროლისთვის დააკავეს

რაბინი ტაძრის ფონზე

„ვაქცინა გეებად გაქცევთ - არ აიცრათ“ - რაბინი ისრაელის მოსახლეობას მოუწოდებს

14
(განახლებულია 15:00 25.01.2021)
ულტრაორთოდოქს რაბინს მიაჩნია, რომ ემბრიონული სუბსტრატის გამოყენებით დამზადებულ ვაქცინას სექსუალური ორიენტაციის შეცვლა შეუძლია

თბილისი, 25 იანვარი — Sputnik. ულტრაორთოდოქსი რაბინი დანიელ ასორი, რომელიც ისრაელში მოღვაწეობს, მოუწოდებს მიმდევრებს, თავი აარიდონ კორონავირუსზე ვაქცინაციას, ვინაიდან აცრამ შეიძლება ჰომოსექსუალისტებად აქციოს ისინი, იუწყება The Independent–ი.

​ასორს, რომელსაც  ინტერნეტში დიდი რაოდენობით მიმდევარი ჰყავს, მიაჩნია, რომ ვაქცინაცია „გლობალური ბოროტგანმზრახველი მთავრობის გეგმის ნაწილია, რომელიც ახალი მსოფლიო წესრიგის დამყარებას ცდილობს“.

ცოტა ხნის წინ ქადაგებაში მან აღნიშნა, რომ მამაკაცები აცრის შემდეგ შეიძლება გეებად გადაიქცნენ, ვინაიდან ვაქცინა ემბრიონული სუბსტრატის გამოყენებით მზადდება; რომ სწორედ ამას შეიძლება გამოიწვიოს სექსუალური ორიენტაციის შეცვლა.

ისრაელის ლგბტ თემის უფლებათა დამცველთა ჯგუფმა Havruta-მ უკვე ირეაგირა რაბინის მოწოდებაზე და განაცხადა, რომ „ახალი წევრების მისაღებად მზად არიან“.

ისრაელში მოსახლეობის მასობრივი ვაქცინაცია კორონავირუსის წინააღმდეგ 20 იანვარს დაიწყო. პირველ ეტაპზე ვაქცინა გაუკეთდათ მედმუშაბკებს, სტუდენტს–მედიკოსებს, ჰერიატრიული დაწესებულებებისა და ხელისუფლების ორგანოების წარმომადგენლებს. მეორე ეტაპზე აიცრნენ 60 წელზე უფროსი ასაკის მოქალაქეები და სხვა რისკ–ჯგუფებში შემავალი ადამიანები.

 

14
თემები:
საერთაშორისო პანორამა