საკონტროლო-გამშვები პუნქტი საქართველო-რუსეთის საზღვარზე

შემოსავლების სამსახურში სომხეთისკენ მიმავალი სამხედრო  ტვირთის აღმოჩენას არ ადასტურებენ

126
(განახლებულია 10:47 11.10.2020)
უწყების ინფორმაციით, 10 ოქტომბერს ერთ-ერთი მედიასაშუალებით, გავრცელდა დეზინფორმაცია თითქოს, ყაზბეგის საბაჟო გამშვები პუნქტის გავლით სომხეთის მიმართილებით სამხედრო ტვირთის გადაადგილება აღიკვეთა. 

თბილისი, 11 ოქტომბერი — Sputnik. სომხეთის მიმართულებით მიმავალი სატვირთო ავტომობილის საბაჟო კონტროლის განხორციელებისას, არანაირი სამხედრო დანიშნულების ტვირთის აღმოჩენის ფაქტი არ დაფიქსირებულა, იუწყება ფინანსთა სამინისტროს შემოსავლების სამსახური

უწყების ინფორმაციით, 10 ოქტომბერს ერთ-ერთი მედიასაშუალებით, გავრცელდა დეზინფორმაცია თითქოს, ყაზბეგის საბაჟო გამშვები პუნქტის გავლით სომხეთის მიმართილებით სამხედრო ტვირთის გადაადგილება აღიკვეთა. 

„ფინანსთა სამინისტროს შემოსავლების სამსახური გაცნობებთ, რომ საბაჟო გამშვებ პუნქტზე „ყაზბეგი“,  რუსეთის ფედერაციული რესპუბლიკის მხრიდან, უცხო ქვეყნის მოქალაქის მართვის ქვეშ არსებული, საერთაშორისო გადაზიდვების განმახორციელებელი სატვირთო ავტომობილი შემოვიდა. მებაჟე ოფიცრების მიერ, რისკის შეფასებისა და ანალიზის საფუძველზე, გარკვეულ კრიტერიუმებზე დაყრდნობით, აღნიშნულ ტრანზიტული ტვირთი შესაბამის საბაჟო კონტროლის პროცედურებს დაექვემდებარა“- აღნიშნულია უწყების მიერ გავრცელებულ ინფორმაცაიში.

ამასთან, შემდგომი საბაჟო კონტროლის ფარგლებში, ტვირთის თანმხლები დოკუმენტების, კამერალური შემოწმებისა და საქონლის ვიზუალური დათვალიერების შედეგად, არანაირი სამხედრო დანიშნულების ტვირთის აღმოჩენის ფაქტი არ დაფიქსირებულა და შესაბამისად, სამართალდარღვევას ადგილი არ ჰქონია. 

„აღნიშნულ ავტოსატრანსპორტო საშუალებას, დაუფიქსირდა საქართველოს საბაჟო საზღვარის კვეთა და  გააგრძელა მოძრაობა შემდგომი დანიშნულების ადგილის მიხედვით“, - ნათქვამია  უწყების მიერ გავრცელებულ ინფორმაციაში.

შემოსავლების სამსახურის ცნობით, კორონავირუსის გავრცელების პრევენციის უზრუნველყოფის მიზნით, დაწესებული საბაჟო შეზღუდვები არ ეხება სატვირთო ავტოტრანსპორტს და მათი გადაადგილება 24 საათიან რეჟიმში, შესაბამისად ამ მიზნისთვის, შემუშავებული სპეციალური პროტოკოლის დაცვით, შეუფერხებლად მიმდინარეობს.

ბოლო ერთი თვის მონაცემებით, საერთაშორისო გადაზიდვების ფარგლებში, საბაჟო გამშვები პუნქტი „ყაზბეგის“ გავლით საქართველოს ტერიტორიაზე შემოვიდა 14 347 სატვირტო ავტომობილი, ხოლო საქართველოდან გავიდა 14 595 სატრანსპორტო საშუალება.

სომხეთსა და აზერბაიჯანს შორის მთიანი ყარაბაღის გამო კონფლიქტი 27 სექტემბერს გამწვავდა. ერევანი და ბაქო ესკალაციაში ერთმანეთს ადანაშაულებენ. სომხეთის თავდაცვის სამინისტრომ განაცხადა, რომ ყარაბაღზე აზერბაიჯანმა „საჰაერო და სარაკეტო იერიში“ მიიტანა, ბაქოში კი ირწმუნებიან, რომ ცეცხლი სომეხმა სამხედროებმა გახსნეს. სომხეთმა და მთიანმა ყარაბაღმა საომარი მდგომარეობა შემოიღეს და საყოველთაო მობილიზაცია გამოაცხადეს. მოგვიანებით აზერბაიჯანის ხელისუფლებამ ქვეყნის ტერიტორიის ნაწილზე ასევე გამოაცხადა სამხედრო მდგომარეობა.

126
მიხეილ ხიდურელი

მიხეილ ხიდურელი: წელს ბიზნეს–იდეების რეკორდული რაოდენობა დაფიქსირდა

25
(განახლებულია 18:50 27.10.2020)
2015-2018 წლების მონაცემებით, პროგრამის ფარგლებში უკვე დაფინანსებულია 6212 პროექტი, რომელთა ინვესტიციის საერთო მოცულობამ 61 მლნ ლარზე მეტი შეადგინა.

თბილისი, 27 ოქტომბერი — Sputnik. სააგენტო „აწარმოე საქართველოში“ მიკრო და მცირე მეწარმეობის ხელშეწყობის საგრანტო პროგრამებზე ბიზნეს-იდეების მიღება დაასრულა, ნათქვამია სააგენტოს მიერ გავრცელებულ განცხადებაში.

უწყების ცნობით, 5–18 ოქტომბრის პერიოდში სულ 26 307 განაცხადი შევიდა.

სახელმწიფო პროგრამის ფარგლებში გამოცხადებულ საგრანტო კონკურსში მონაწილეობა შეუძლია საქართველოს სრულწლოვან მოქალაქეს, როგორც მეწარმე სუბიექტს, რომელსაც პროგრამის ფარგლებში დაფინანსება არ მიუღია, ან პირველად მონაწილეობს. ასევე მეწარმე სუბიექტს, რომელმაც ერთხელ უკვე მიიღო პროგრამის მიკრო და მცირე მეწარმეობის ნაწილით განსაზღვრული ხელშეწყობა. არსებულ მეწარმე სუბიექტებს პროგრამის ფარგლებში გრანტის მიღების შესაძლებლობა ექნებათ როგორც მათთვის უკვე დაფინანსებული საქმიანობის გაფართოების, ასევე ახალი ბიზნეს-პროექტის შემთხვევაში. 

პროგრამაში მონაწილეობის მსურველები, კონკურსის პირველი ეტაპის შედეგების შესახებ პასუხს, ელექტრონული ფოსტისა და მოკლე ტექსტური შეტყობინების სახით, 15 ნოემბრამდე  მიიღებენ.  

„წელს, ბიზნეს–იდეების რეკორდული რაოდენობა დაფიქსირდა. პირველ რიგში, მსურს დიდი მადლობა გადავუხადო და წარმატება ვუსურვო ყველა მეწარმეს“, - განაცხადა სააგენტოს „აწარმოე საქართველოში“ დირექტორმა მიხეილ ხიდურელმა.

საგრანტო პროგრამის ბიუჯეტი ამჯერად  40 მილიონ ლარია, ხოლო ერთი პროექტის დაფინანსების მოცულობა კი 30 ათას ლარამდეა გაზრდილი.

ის, რაც უნდა იცოდეს ბიზნესმა სააგენტოს „აწარმოე საქართველოში“ პროგრამების შესახებ>>>

პროგრამა მოიცავს ნებისმიერ ეკონომიკურ საქმიანობას, გარდა სოფლის მეურნეობის პირველადი პროდუქციის წარმოებისა და სოფლის მეურნეობის პირველად წარმოებასთან დაკავშირებული მომსახურებებისა.

პროგრამაში გამარჯვებული მეწარმის თანამონაწილეობის თანხის მოცულობა 20%-ის ნაცვლად წელს 10% იქნება, მაღალმთიან რაიონებში კი 5%, გარდა ამისა, პროგრამის სამიზნე ტერიტორიულ ერთეულებს თბილისი დაემატა. 

„აწარმოე საქართველოში“ – საქართველოს მთავრობის ერთ-ერთი წარმატებული პროექტია, რომელიც მიზნად ისახავს ქვეყანაში ადგილობრივი წარმოების წახალისებას. სააგენტო აერთიანებს ყველა სახელმწიფო პროგრამას, რომელიც ბიზნეს-სექტორისა და ქვეყნის ეკონომიკური განვითარების ხელშეწყობისკენაა მიმართული.  2015-2018 წლების მონაცემებით, პროგრამის ფარგლებში უკვე დაფინანსებულია 6212 პროექტი, რომელთა ინვესტიციის საერთო მოცულობამ 61 მლნ ლარზე მეტი შეადგინა.

25
თემები:
საქართველოს ეკონომიკა
გაზქურა

საქართველოს სოფლების გაზიფიკაცია გაგრძელდება

29
(განახლებულია 18:27 27.10.2020)
მთავრობამ გააგრძელა სახელმწიფო პროგრამა, რომელიც 2021-დან 2024 წლამდე კიდევ 211 სოფლის გაზიფიკაციას ითვალისწინებს.

თბილისი, 27 ოქტომბერი – Sputnik. საქართველოს მთავრობამ გაზიფიკაციის პროგრამის 2024 წლამდე გაგრძელების გადაწყვეტილება მიიღო, განაცხადა ქვეყნის პრემიერ-მინისტრმა გიორგი გახარიამ წალენჯიხაში მოსახლეობის წინაშე სიტყვით გამოსვლისას, სადაც გაიმართა გაზიფიკაციის მიმართულებით ჩატარებული სამუშაოების ანგარიშისა და სამომავლო გეგმების პრეზენტაცია.

მთავრობამ გაზიფიკაციის სამწლიანი გეგმის შესრულება 2019 წელს დაიწყო. გეგმის მიხედვით 2021 წლის ბოლოს მოსახლეობის 90% – 1,4 მლნ აბონენტი გაზგამანაწილებელ ქსელში იქნება ჩართული. 2013–2021 წლებში გაზიფიკაციის სამუშაოებზე სულ 659 მლნ ლარი დაიხარჯება.

„საქართველოს მთავრობამ მიიღო გადაწყვეტილება, 2021 წლიდან 2024 წლამდე გააგრძელოს გაზიფიცირების ახალი სამთავრობო პროგრამა, რომლის შედეგიც იქნება დამატებით 211 გაზიფიცირებული სოფელი და დაახლოებით 33 000 ოჯახი საქართველოში. საქართველოს მოსახლეობის 90 პროცენტი იქნება გაზიფიცირებული. ეს არის ერთ-ერთი ყველაზე საუკეთესო მონაცემი ევროპაში“, – განაცხადა გახარიამ.

რაც შეეხება კონკრეტულად წალენჯიხას, პრემიერის განცხადებით, ბოლო წელიწად-ნახევარში აქ გაყვანილია დაახლოებით 130 ათასი მეტრი გაზსადენი და 2,9 ათას ოჯახს ბუნებრივი აირი ექნება.

წალენჯიხაში ანგარიში გაზიფიცირების სამწლიანი პროგრამის ფარგლებში განხორციელებული სამუშაოების შესახებ ეკონომიკისა და მდგრადი განვითარების მინისტრმა ნათია თურნავამ წარადგინა.

მინისტრის განცხადებით, 2021 წლის ბოლომდე საქართველოში სრულად იქნება გაზიფიცირებული 1,4 მლნ-მდე ოჯახი, რაც, ქვეყნის რელიეფის გათვალისწინებით, მსოფლიოში ერთ-ერთი მაღალი მაჩვენებელია.

თურნავამ წალენჯიხის მოსახლეობას მიულოცა ბუნებრივი აირის შეყვანა და აღნიშნა, რომ ეს „ისტორიული დღეა“ ამ რაიონისთვის, რადგან წინა წლებში აქ არასდროს შეუყვანიათ ბუნებრივი აირი.

მინისტრმა განაცხადა, რომ უახლოეს თვეებში კიდევ 13 თემისა და 49 სოფლის გაზიფიცირება დასრულდება და წალენჯიხის მუნიციპალიტეტი შესაბამისი ინფრასტრუქტურით 100%-ით დაიფარება.

ეკონომიკისა და მდგრადი განვითარების სამინისტროს ცნობით, 2013 წლიდან დღემდე დამატებით 1000-ზე მეტი დასახლებული პუნქტის გაზიფიცირება განხორციელდა და 312 000 ოჯახს აქვს შესაძლებლობა ისარგებლოს ბუნებრივი აირით. 

29
თემები:
საქართველოს ეკონომიკა
საქართველოს პროკურატურა

ზუგდიდში პოლიციელმა მამაკაცს თავში რკინის ხელკეტი ჩაარტყა - დაწყებულია გამოძიება

0
პროკურატურის ინფორმაციით, საპატრულო პოლიციის თანამშრომელი შემთხვევის დროს სამსახურებრივ მოვალეობას არ ასრულებდა.

თბილისი, 27 ოქტომბერი - Sputnik. პროკურატურამ ზუგდიდში საპატრულო პოლიციის თანამშრომლის მიერ მოქალაქის ცემის ფაქტზე გამოძიება დაიწყო, ნათქვამია უწყების მიერ გავრცელებულ განცხადებაში.

შემთხვევა ზუგდიდში, წმინდა ნინოს ქუჩაზე დღეს მოხდა. გავრცელებული ინფორმაციით, ურთიერთშელაპარაკება ავტომობილის შეკეთების დროს დაიწყო და ფიზიკურ დაპირისპირებაში გადაიზარდა. ინციდენტის დროს საპატრულო პოლიციის თანამშრომელმა ახალგაზრდა მამაკაცს თავში რკინის ხელკეტი ჩაარტყა.

პროკურატურის ცნობით, დაშავებული გამოძიების მიერ ცნობილია დაზარალებულად. მიღებული დაზიანების ხარისხის დასადგენად  დანიშნულია სასამართლო-სამედიცინო ექსპერტიზა. ასევე, მიმდინარეობს მოწმეების გამოკითხვა.

უწყების ინფორმაციით, პოლიციელი შემთხვევის დროს სამსახურებრივ მოვალეობას არ ასრულებდა.

მომხდარზე გამოძიება საქართველოს სსკ-ის 126-ე მუხლის პირველი ნაწილით დაიწყო, რაც ძალადობას გულისხმობს.    

სისხლის სამართლის საქმეზე გამოძიება გრძელდება.

0
თემები:
კრიმინალი საქართველოში