სასტუმროები ბათუმში

ბანკები მცირე სასტუმროებზე გაცემული სესხების რესტრუქტურიზაციას მოახდენენ

55
(განახლებულია 19:36 08.10.2020)
კოორნავირუსის პანდემიის დაწყებისთანავე, ანტიკრიზისული გეგმის ფარგლებში მცირე სასტუმროების ბიზნესს შეღავათები დაუწესდა.

თბილისი, 8 ოქტომბერი - Sputnik. მცირე საოჯახო სასტუმროების დახმარების მიზნით, ბანკებს სესხების რესტრუქტურიზაციის თხოვნით მივმართეთ, განაცხადა საქართველოს ეკონომიკისა და მდგრადი განვითარების მინისტრმა ნათია თურნავამ.

საპროტესტო აქციები და შიმშილობა საქართველოს რეგიონებში - რას ითხოვენ მომიტინგეები >>

მცირე საოჯახო სასტუმროების საბანკო სესხების შემდგომი რესტრუქტურიზაციის შესახებ მინისტრმა საქართველოში მოქმედი წამყვანი ბანკების ხელმძღვანელობასთან გამართულ ონლაინ შეხვედრაზე იმსჯელა.

ნათია თურნავას განცხადებით, მიუხედავად იმისა, რომ ზაფხულის ტურისტული სეზონი ადგილობრივი ტურიზმის წყალობით ჩატარდა, პანდემიის გამო ტურისტული ინდუსტრია საქართველოში, ისევე როგორც მთელ მსოფლიოში, კვლავაც განიცდის პრობლემებს.

„აქედან გამომდინარე, ჩვენ ვიცით და კარგად გვესმის ტურიზმის ინდუსტრიის წინაშე არსებული გამოწვევები, განსაკუთრებით კი მცირე საოჯახო სასტუმროების პრობლემები, ვისაც მძიმედ აწევს ბანკების წინაშე არსებული დავალიანება“, - აღნიშნა ნათია თურნავამ.

მისივე თქმით, პანდემიის დაწყებისთანავე, ანტიკრიზისული გეგმის ფარგლებში მთავრობა გვერდში დაუდგა ამ ბიზნესს და ძალიან ბევრი შეღავათი დაუწესა. თუმცა, თანადგომა ამ ბიზნესებს კვლავაც სჭირდებათ.

„სწორედ ამ მიზნით გუშინ წამყვან ბანკებთან, მათი მაღალი რანგის მენეჯმენტთან ონლაინ შეხვედრა გავმართეთ,  ვესაუბრეთ და ვთხოვეთ, რომ კვლავინდებურად მოახდინონ იმ სესხების რესტრუქტურირება, რომელიც  მცირე საოჯახო სასტუმროებს დაუგროვდათ, რადგან პანდემიით გამოწვეული პრობლემები გრძელდება და ჩვენ ყველა კვლავაც გვერდში უნდა დავუდგეთ მათ. ბანკების მხრიდან მოვისმინეთ მზადყოფნა, რომ როგორც კი მცირე საოჯახო სასტუმროების მეპატრონეები მიმართავენ, მზად არიან, თითოეული კონკრეტული გარემოების გათვალისწინებით, განიხილონ სესხების შემდგომი რესტრუქტურიზაციის შესაძლებლობა“, - განაცხადა ნათია თურნავამ.

მოიხსნება თუ არა შეზღუდვები აჭარაში: ეპიდემიოლოგების პასუხი >>

 შეხვედრას ასევე ესწრებოდნენ ეკონომიკისა და მდგრადი განვითარების მინისტრის მოადგილეები ეკატერინე მიქაბაძე და ირაკლი ნადარეიშვილი, ეროვნული ბანკის ვიცე-პრეზიდენტი პაპუნა ლეჟავა და ბანკების ასოციაციის პრეზიდენტი ალექსანდრე ძნელაძე.

საქართველოს მთავრობამ სექტემბრის დასაწყისში მცირე და საშუალო სასტუმროებისთვის საბანკო კრედიტის პროცენტის სუბსიდირების 6-დან 12-თვემდე ვადით გაგრძელების გადაწყვეტილება მიიღო. აგვისტოს მონაცემებით, საბანკო პროცენტის სუბსიდირებით 687-მა მცირე და საშუალო სასტუმრომ ისარგებლა.

55
თემები:
სოციალური სფერო საქართველოში (224)
ვალუტის გადამცვლელი პუნქტი

ლარის კურსი 20 ოქტომბერს

21
(განახლებულია 08:44 20.10.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0069 ლარით გამყარდა.

თბილისი, 20 ოქტომბერი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,2117 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0069 ლარით გამყარდა. 

ლარის კურსი 20 ოქტომბერს
21
თემები:
ლარის კურსი დღეს
დოლარის და ლარის კუპიურები

ლარის გადასარჩენად: ეროვნულმა ბანკმა კვლავ გაყიდა ვალუტა

50
სავალუტო ბაზრის სტაბილიზაციის მიზნით, ექვს თვეში ეროვნულმა ბანკმა 16 აუქციონი ჩაატარა, რომლებზეც ნახევარი მილიარდი დოლარი გაყიდა

თბილისი, 19 ოქტომბერი - Sputnik. საქართველოს ეროვნულმა ბანკმა ორშაბათს მორიგი სავალუტო აუქციონი ჩაატარა, რომელზეც 30 მილიონი დოლარი გაყიდა, ლარის საშუალო შეწონილმა გაცვლითმა დოლართან მიმართ 3,21 GEL/$1 შეადგინა. 

სავალუტო ბაზრის სტაბილიზაციის მიზნით, ექვს თვეში ეროვნულმა ბანკმა 16 აუქციონი ჩაატარა, რომლებზეც 519,65 მილიონი დოლარი გაყიდა. ლარის ანტირეკორდი 2020 წლის 27 მარტს დაფიქსირდა, როდესაც ეროვნული ვალუტა დაეცა ნიშნულამდე 3.4842 GEL/$1.

სამშაბათისთვის, 20 ოქტომბრისთვის, საქართველოს ეროვნულმა ბანკმა აშშ დოლარის მიმართ ლარის ოფიციალური გაცვლითი კურსი დაადგინა – 3,2117 GEL/$1.

მანამდე, ეროვნულმა ბანკმა განაცხადა, რომ გამოიყენებდა მის განკარგულებაში არსებულ ყველა ინსტრუმენტს ფასების სტაბილურობის შესანარჩუნებლად, მათ შორის, სავალუტო ინტერვენციებსა და სააღრიცხვო განაკვეთებს. 

სავალუტო აუქციონებთან ერთად ეროვნული ბანკი ზედმეტი რყევების შესამცირებლად ყოველდღიურად იყენებს ინტერვენციებს. კერძოდ, როდესაც გაცვლითი კურსის რყევა დღის განმავლობაში წინასწარ დადგენილ ნიშნულს ასცდება, ეროვნული ბანკი გარკვეულ თანხაზე უცხოური ვალუტით ვაჭრობაში მონაწილეობს.

ხგარდა ამისა, წელს ეროვნული ბანკი ინტერვენციისთვის იყენებს ვალუტას, რომელსაც ქვეყანა საერთაშორისო ფინანსური ინსტიტუტებისგან კრედიტებისა თუ გრანტების სახით კორონავირუსის პანდემიის შედეგების აღმოსაფხვრელად იღებს.

დოლარის მიმართ ლარის ოფიციალური გაცვლითი კურსი 2009 წლის მაისიდან Bloomberg-ის სავაჭრო სისტემის ბანკთაშორის ბაზარზე გარიგებების აგრეგირების მეშვეობით განისაზღვრება. 1 ოქტომბრიდან ქართული სავალუტო ბაზარი Bmatch Bloomberg-ის სისტემაში ვაჭრობაზე გადავიდა.

 

50
თემები:
საქართველოს ეკონომიკა
სამუელ პატის ხსოვნისადმი მიძღვნილი აქცია პარიზში

მოკლული მასწავლებლის საქმე: საფრანგეთში მეჩეთი იკეტება

0
(განახლებულია 09:54 20.10.2020)
გავრცელებული ინფორმაციით, ფრანგი მასწავლებლის მკვლელი მოსკოვში დაბადებული წარმოშობით ჩეჩენი მამაკაცი იყო, რომელიც პოლიციამ მოკლა

თბილისი, 20 ოქტომბერი — Sputnik. საფრანგეთის საგარეო საქმეთა მინისტრმა ჟერალდ დერმანენმა მეჩეთის დახურვა მოითხოვა კომუნა პანტენში, რომლის Facebook–გვერდზეც მანამდე განთავსებული იყო ისლამისტის მამაკაცის მიერ მოკლული მასწავლებლის, სამუელ პატის წინააღმდეგ წამქეზებელი ვიდეო.

„მე ვთხოვე სენ–დენის პრეფექტს, დაკეტოს მეჩეთი პანტენში... დღეს ეს მეჩეთი დაიკეტება, დღეს საღამოსპრეფექტი ხელს მოაწერს აკრძალვას“, — განაცხადა დარმანენმა ტელეარხ TF1–ის ეთერში.

მინისტრის განმარტებით, მეჩეთის მმართველმა მანამდე გაავრცელა ვიდეო, რომელშიც ადგილობრივი სკოლის მოსწავლის ერთ–ერთი მშობელი მოუწოდებდა ხალხს, დაეშინებინათ ისტორიის პედაგოგი სამუელ პატი.

გარდა ამისა, პოლიციამ დააკავა მეჩეთის იმამიც. სულ მკვლელობის გამოძიების პროცესში ამ დროისათვის 15 ადამიანია დაკავებული.

შეგახსნებეთ: 16 ოქტომბერს, სამუელ პატის ცხედარი თავმოკვეთილი იპოვეს პარიზის მეზობლად მდებარე კომუნა კონფლან–სენტ–ონორინში, სკოლის მახლობლად. როგორც ირკვევა, სამუელ პატიმ მანამდე გაკვეთილებზე სიტყვის თავისუფლებაზე მსჯელობისას წინასწარმეტყველ მუჰამედის კარიკატურები წარუდგინა მოსწავლეებს თვალსაჩინო მასალად. მოგვიანებით პოლიციამ დამნაშავე პარიზის მეზობელ კომუნაში მოკლა. 

შაბათს საფანგეთის ანტიტერორისტული პროკურატურის ხელმძღვანელმა ჟან-ფრანსუა რიკარმა განაცხადა, რომ თავდამსხმელი მოსკოვში 2002 წელს დაბადებული წარმოშობით ჩეჩენი მამაკაცი იყო, რომელსაც საფრანგეთში ლტოლვილის სტატუსი ჰქონდა.

პრეზიდენტმა მაკრონმა მასწავლებელზე თავდასხმა ტერორისტულ აქტად შეაფასა და განაცხადა, რომ „ისლამისტებს საფრანგეთში მშვიდი ძილი არ ეღირსებათ“.

კვირას პარიზის რესპუბლიკის მოედანზე და ასევე საფრანგეთის სხვა ქალაქებში ხალხმრავალი აქციები გაიმართა სამუელ პატის მკვლელობასთან დაკავშირებით, რომელშიც ქვეყნის პრემიერ-მინისტრმა და მთავრობის სხვა წევრებმაც მიიღეს მონაწილეობა.

 

0
თემები:
მსოფლიო დღეს