თხილი

საქართველოდან თხილის ექსპორტი კვლავ იზრდება

171
(განახლებულია 21:45 05.10.2020)
გარემოს დაცვისა და სოფლის მეურნეობის სამინისტროს ცნობით, 2020 წელს მაღალი ხარისხის თხილის საპროგნოზო მოსავალი 50 ათასი ტონაა.

თბილისი, 5 ოქტომბერი — Sputnik. საქართველოდან ამ დროისათვის 5 458 ტონა თხილია ექსპორტირებული, იუწყება საქართველოს გარემოს დაცვისა და სოფლის მეურნეობის სამინისტრო. 

უწყების ცნობით, ქართული თხილის ექსპორტი ძირითადად ევროკავშირის ბაზრებზე ხორციელდება, კერძოდ: გერმანიაში – 1747,4 ტონა, იტალიაში – 922,1 ტონა, ჩეხეთში – 338 ტონა, პოლონეთში – 192 ტონა, ესპანეთში – 165 ტონა, ლიეტუვაში – 160,7 ტონა, საფრანგეთში – 147 ტონა, საბერძნეთში – 74,7 ტონა, ავსტრიაში – 22 ტონა, ესტონეთში – 22 ტონა.

ამასთან, ქართული თხილი ექსპორტზე გადის ასევე ისეთ ქვეყნებში, როგორებიცაა რუსეთი, სომხეთი, ბულგარეთი, ბელარუსი, უკრაინა, ბრაზილია, მექსიკა, კანადა, დიდი ბრიტანეთი, აშშ.

2020 წელს მაღალი ხარისხის თხილის საპროგნოზო მოსავალი 50 ათასი ტონაა. წელს თხილის დაბინავების პროცესში ჩართულია 30-ზე მეტი საწარმო.

171
თემები:
საქართველოს სოფლის მეურნეობა (158)
დოლარის და ლარის კუპიურები

ლარის გადასარჩენად: ეროვნულმა ბანკმა კვლავ გაყიდა ვალუტა

41
სავალუტო ბაზრის სტაბილიზაციის მიზნით, ექვს თვეში ეროვნულმა ბანკმა 16 აუქციონი ჩაატარა, რომლებზეც ნახევარი მილიარდი დოლარი გაყიდა

თბილისი, 19 ოქტომბერი - Sputnik. საქართველოს ეროვნულმა ბანკმა ორშაბათს მორიგი სავალუტო აუქციონი ჩაატარა, რომელზეც 30 მილიონი დოლარი გაყიდა, ლარის საშუალო შეწონილმა გაცვლითმა დოლართან მიმართ 3,21 GEL/$1 შეადგინა. 

სავალუტო ბაზრის სტაბილიზაციის მიზნით, ექვს თვეში ეროვნულმა ბანკმა 16 აუქციონი ჩაატარა, რომლებზეც 519,65 მილიონი დოლარი გაყიდა. ლარის ანტირეკორდი 2020 წლის 27 მარტს დაფიქსირდა, როდესაც ეროვნული ვალუტა დაეცა ნიშნულამდე 3.4842 GEL/$1.

სამშაბათისთვის, 20 ოქტომბრისთვის, საქართველოს ეროვნულმა ბანკმა აშშ დოლარის მიმართ ლარის ოფიციალური გაცვლითი კურსი დაადგინა – 3,2117 GEL/$1.

მანამდე, ეროვნულმა ბანკმა განაცხადა, რომ გამოიყენებდა მის განკარგულებაში არსებულ ყველა ინსტრუმენტს ფასების სტაბილურობის შესანარჩუნებლად, მათ შორის, სავალუტო ინტერვენციებსა და სააღრიცხვო განაკვეთებს. 

სავალუტო აუქციონებთან ერთად ეროვნული ბანკი ზედმეტი რყევების შესამცირებლად ყოველდღიურად იყენებს ინტერვენციებს. კერძოდ, როდესაც გაცვლითი კურსის რყევა დღის განმავლობაში წინასწარ დადგენილ ნიშნულს ასცდება, ეროვნული ბანკი გარკვეულ თანხაზე უცხოური ვალუტით ვაჭრობაში მონაწილეობს.

ხგარდა ამისა, წელს ეროვნული ბანკი ინტერვენციისთვის იყენებს ვალუტას, რომელსაც ქვეყანა საერთაშორისო ფინანსური ინსტიტუტებისგან კრედიტებისა თუ გრანტების სახით კორონავირუსის პანდემიის შედეგების აღმოსაფხვრელად იღებს.

დოლარის მიმართ ლარის ოფიციალური გაცვლითი კურსი 2009 წლის მაისიდან Bloomberg-ის სავაჭრო სისტემის ბანკთაშორის ბაზარზე გარიგებების აგრეგირების მეშვეობით განისაზღვრება. 1 ოქტომბრიდან ქართული სავალუტო ბაზარი Bmatch Bloomberg-ის სისტემაში ვაჭრობაზე გადავიდა.

 

41
თემები:
საქართველოს ეკონომიკა
რთველის დასრულების აღნიშვნა ღვინის კომპანია „შუმში“

კახეთში რთველის სეზონი სრულდება: რამდენი ყურძენი დაიკრიფა?

37
კორონავირუსის პანდემიამ ხელი ვერ შეუშალა რთველს, თუმცა ძლიერ დაზარალა ღვინის ტურიზმის სეგმენტი საქართველოში

თბილისი, 19 ოქტომბერი - Sputnik. კახეთის რეგიონში ყურძნის მოსავლის აღების სეზონი დასასრულს უახლოვდება, ზოგიერთმა ღვინის კომპანიამ რთველის დასრულება საგანგებო ღონისძიებებით აღნიშნა.

რთველს კორონავირუსის არ ეშინია: კახეთში ყურძნის დიდი მოსავალი მიიღეს – ფოტო >>

ღვინის ეროვნული სააგენტოს ბოლო მონაცემებით, კახეთის რეგიონში ამ მომენტისთვის უკვე დაიკრიფა და გადამუშავდა 270 ათასი ტონა ყურძენი.

„კორონავირუსის პანდემიამ ხელი ვერ შეუშალა რთველს. სრული პასუხისმგებლობით შემიძლია აღვნიშნო, რომ მიუხედავად სირთულეებისა, ყველა გეგმა ჩვენი შევასრულეთ“, - განაცხადა Sputnik-საქართველოსთან ინტერვიუში ღვინის კომპანია „შუმის“ დამფუძნებელმა აკაკი ცოფურაშვილმა.

თუმცა კორონავირუსის პანდემიამ ძლიერ დააზარალა საქართველოში ღვინის ტურიზმის სეგმენტი, აღნიშნა მან.

„ასე თუ ისე, რთველის დროს, სექტემბერში, საბედნიეროდ, შეინიშნებოდა სტუმრების რაოდენობის ზრდა, მაგრამ ეპიდემიოლოგიური სიტუაციის გაუარესებამ ბოლო დღეებში კვლავ დიდი გავლენა იქონია ჩვენს მუშაობაზე, კვლავ ვხედავთ სტუმრების რაოდენობის კლებას“, - აღნიშნა ცოფურაშვილმა.

Празднование окончания Ртвели в винной компании Шуми
© Sputnik / Vladimir Umikashvili
რთველის დასრულების აღნიშვნა ღვინის კომპანია „შუმში“

კახეთში მიმდინარე წელს COVID-19 პანდემიის შედეგად დაზარალებული მევენახეობა-მეღვინეობის დარგის მხარდასაჭერად, საქართველოს მთავრობის გადაწყვეტილებით, „რქაწითელისა“ და „კახური მწვანეს“ ჯიშის ყურძნის სუბსიდირება განხორციელდა.

Празднование окончания Ртвели в винной компании Шуми
© Sputnik / Vladimir Umikashvili
რთველის დასრულების აღნიშვნა ღვინის კომპანია „შუმში“

სუბსიდიებს იღებენ ღვინის კომპანიები, რომლებიც არანაკლებ ათას ტონა ამ ჯიშის ყურძენს ყიდულობენ და გადაამუშავებენ. ამასთან, ღვინის ქარხნებს დაუწესეს ფიქსირებული გადასახდელი ფასი - არანაკლებ 80 თეთრი ერთ კილოგრამ ყურძენზე. სახელმწიფო სუბსიდია თითო კილოგრამზე 30 თეთრია.

Празднование окончания Ртвели в винной компании Шуми
© Sputnik / Vladimir Umikashvili
რთველის დასრულების აღნიშვნა ღვინის კომპანია „შუმში“

რთველი ამ მომენტისთვის აქტიურ ფაზაშია რაჭის რეგიონში. იქ უპრეცედენტოდ მაღალ - 2,5 ათასამდე ტონა უნიკალური ჯიშების - „ალექსანდროულისა“ და „მუჯურეთულის“ მოსავალს ელოდებიან. ეს ჯიშები მხოლოდ ამ ადგილებში მოდის და მათგან საუკეთესო ქართული ღვინო ხვანჭკარა მზადდება.

 

37
თემები:
ღვინის კულტურა და მეღვინეობა
ნახევარმთვარე

მთვარის კალენდარი: 20 ოქტომბერი რისი გაკეთება შეიძლება და რისი არა

0
(განახლებულია 09:45 19.10.2020)
მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

  • 20 ოქტომბერი, სამშაბათი. ამ დღეს მარსი მართავს. მზარდი მთვარე მშვილდოსნის ნიშანშია.

ყველაფერი გამოგივათ, თუ შემოქმედებით აქტიურობას გამოიჩენთ და მიზნისკენ ივლით. უნდა დაიცვათ საკუთარი პრინციპები, გამოამჟღავნოთ ემოციები, გრძნობები.

იზრდება აქტიურობა, სიცოცხლის ხალისი. ადამიანებში ჩნდება სტაბილურობისა და წესრიგის თვისებები. განწყობაში სიმშვიდე დომინირებს. ამ დღეს კარგია შეთანხმებების დადება. იღვიძებს საზოგადოებრივი საქმის კეთების ინტერესი. კარგი დღეა სამართლებრივი საკითხების გადაჭრისთვის. შეიძლება ახალი საქმეების დაწყება, შორეულ ადგილებში გამგზავრება. არ ღირს მიწის ყიდვა და მშენებლობის დაწყება.

ამ დღეს კარგად გამოდის ერთობლივი რომანტიკული მოგზაურობა, ან რამე სახის ღონისძიებაზე ერთად დასწრება, ასევე ხელსაყრელი დროა მეგობრული საღამოებისა და ოჯახური წვეულებების მოწყობისთვის.

ასეთ პერიოდში დაწყებული რომანი რომანტიკული, მგზნებარე იქნება, რომელიც მრავალ კმაყოფილებასა და იმედს მოიტანს. მსოფლმხედველობის, ვნების, აზარტისა და ორმხრივი კმაყოფილების თანხვედრა განამტკიცებს ურთიერთობებს, შედეგად დგება მსუბუქი და ოპტიმისტური კავშირი. თუ რომელიმე წყვილში მეორის ცხოვრების მასწავლებელი ან მისი წამოწყებების მფარველი გახდება, ეს ძალიან წაადგება ამ კავშირს. თუმცა, სწრაფად გაჩენილი მგზნებარება შეიძლება ასევე სწრაფად ჩაქრეს.

ასეთ დღეს, ძირითადად, ხანმოკლე, მაგრამ ინტენსიური და კაშკაშა ურთიერთობები იბადება.

რეკომენდებულია ვალის დაბრუნება, დაწყებული საქმეების დამთავრება, სამუშაო ადგილზე ცვლილებები, ახალი ნაბიჯების გადადგმა საქმეების წარმოების მეთოდების მხრივ.

არარეკომენდებულია ფინანსური საქმეების წარმოება, ახალი საქმეების დაწყება.

არცთუ ხელსაყრელი დღეა მგზავრობისთვის.

თმის შეჭრა, შეღებვა: მშვილდოსნის დღე არ მიიჩნევა ხელსაყრელ დროდ თმის შეჭრის ან შეღებვისთვის. მანიკურისთვის ნეიტრალური დღეა.

მებაღეობა: მშვილდოსანი დღე კარგია ხილის დარგვისთვის, ასევე იმ ხეების, რომლებიც მალე უნდა გაიზარდოს. შეიძლება ხილის ხეებისა და ბუჩქების გასხვლა, მავნებლებთან ბრძოლა.

ამ დღეს არ შეიძლება ნიადაგის გაფხვიერება.

0