ეროვნული ბანკის პრეზიდენტი კობა გვენეტაძე

ვინ და როგორ ადგენს ლარის კურსს?.. რა ხდება სავალუტო ბაზარზე?..

2092
(განახლებულია 00:26 05.10.2020)
რას გულისხმობს ეროვნული ვალუტის ოფიციალური კურსის დადგენის ახალი სისტემა, რა გავლენა ექნება ბლუმბერგის Bmatch პლატფორმას ლარის კურსზე, გამოიწვევს თუ არა რეფორმა საბანკო სექტორში შემოსავლების შემცირებასა და დამატებით სავალუტო რყევებს?

სამსონ ხონელი

ოქტომბრის პირველი რიცხვიდან ლარის ოფიციალური გაცვლითი კურსი ბლუმბერგის ახალ, Bmatch-ის პლატფორმაზე გამართული სავაჭრო გარიგებებით დგინდება... კი, მაგრამ სიახლის არსი რაშია? − ჩამეძიება მკითხველი და განვმარტავ, ეროვნული ბანკმა სავალუტო ბაზრის მონაწილეებს ბლუმბერგის ახალი პლატფორმა შესთავაზა, რაც რეფორმის ნაწილია, რომელიც სავალუტო ბაზრის მონაწილეების საქმიანობის ახალ წესს მოიცავს. რეფორმამდე ეროვნული ვალუტის გაცვლით კურსს, იმავე ბლუმბერგის ელექტრონულ სავაჭრო სისტემაში გამართული, სავალუტო ბაზარი განსაზღვრავდა. ვაჭრობაში მონაწილეობის უფლება ჰქონდა საქართველოში ლიცენზირებულ ყველა კომერციულ ბანკსა და უცხოური ბანკების იმ ფილიალებს, რომლებსაც მათივე მოთხოვნის საფუძველზე, ეროვნული ბანკის მიერ მინიჭებული ჰქონდათ „მონაწილე ბანკის“ სტატუსი. 

კობა გვენეტაძის უწყების ინფორმაციით, ადრე არსებული სისტემით კომპანია, იმის მიხედვით, მას უცხოური ვალუტის ყიდვა სურდა თუ გაყიდვა, უკვაშირდებოდა ერთ ან ერთდროულად რამდენიმე კომერციულ ბანკს, ინტერესდებოდა გაცვლითი კურსით და შესაბამის შეთავაზებას იღებდა. შემდეგ გარიგების პირობაზე თანხმდებოდა. ვაჭრობის ძირითადი მოცულობა ბანკსა და მის კლიენტს შორის დადებულ გარიგებაზე მოდიოდა.

ეროვნული ბანკის პრეზიდენტის განცხადებით, მათი ინიციატივით ბლუმბერგის სავაჭრო სისტემაში შეიქმნა ლარი-დოლარის Bmatch პლატფორმა, რაც მიზანად ისახავს, ბლუმბერგის ელექტრონული სავაჭრო სისტემით, საფინანსო ინსტიტუტების გარდა, დამატებით, კიდევ სხვა კომპანიებმაც ისარგებლონ. კობა გვენეტაძის თქმით, ყველა ის მსხვილი კომპანია, რომელსაც ბლუმბერგის ტერმინალი ექნება, ამ პლატფორმაში პირდაპირ ჩაერთვება და მისი საშუალებით შეძლებს იყიდოს და გაყიდოს უცხოური ვალუტა.

ეროვნული ბანკის პრეზიდენტი კობა გვენეტაძე: „სავალუტო ბაზრის რეფორმამდე კომპანიებს სავალუტო გარიგებაზე შეთანხმება ბანკებთან უწევდათ და ასეთი ბანკების წრე იმ კომპანიებით შემოიფარგლებოდა, სადაც მათ ანგარიში აქვთ გახსნილი. ახლა უკვე ყველა კლიენტს თავისი სურვილისამებრ საშუალება აქვს, რომ მომსახურე ბანკს მისი განაცხადის Bmatch-ზე განთავსება დაავალოს. პოტენციური გარიგების დამდები იქნება ნებისმიერი სხვა კომპანია, კომერციული ბანკი თუ მიკროსაფინანსო ორგანიზაცია. ასეთ პირობებში, ვაჭრობის კონკრეტულ მომენტში, საუკეთესო ფასად თანმხვედრი განაცხადის ალბათობა გაცილებით მაღალი იქნება...“

ახალი სისტემით, კომპანიას მომსახურე კომერციულ ბანკთან ვაჭრობის ნაცვლად შეუძლია, მას პლატფორმაზე განაცხადის დადება დაავალოს. განაცხადს ბლუმბერგის Bmatch ელექტრონულ სავაჭრო სისტემაში რეგისტრირებული კომპანიების, კომერციული ბანკების, მიკროსაფინანსო ორგანიზაციების შემხვედრი განაცხადები დახვდება. ეროვნულ ბანკში ამბობენ, რომ შედეგად, ვაჭრობაში მონაწილეობას უფრო მეტი მხარე მიიღებს და, რაც მთავარია, გარიგება დაიდება იმ მომენტისთვის სავალუტო ბაზარზე არსებული საუკეთესო კურსით. კობა გვენეტაძის უწყებაში ახალი სისტემის უპირატესობაზე მიანიშნებენ − ვაჭრობა გაცილებით მეტ მონაწილეს შეუძლია;

კომპანიებს ვაჭრობა პირდაპირ საკუთარი ტერმინალით ან არაპირდაპირ კომერციული ბანკის მეშვეობით შეუძლიათ; უცხოური ვალუტის ყიდვა-გაყიდვით დაინტერესებული უფრო მეტი სუბიექტის ერთ  პლატფორმაზე თავმოყრა ზრდის ლიკვიდობას და ამცირებს ე/წ. სპრედებს; ინფორმაცია ბაზარზე არსებული საუკეთესო კურსების შესახებ ამ პლატფორმის მეშვეობით უფრო მეტად ხელმისაწვდომი ხდება და ბოლოს, ამ სისტემაში განთავსებული განაცხადები გარიგების დადებამდე ანონიმურია, არ ჩანს, ვინ ყიდის თუ ყიდულობს ვალუტას. სამაგირეოდ ჩანს საუკეთესო კურსები და ამ კურსით გარიგების დადება ყველას შეუძლია.  

ერთი სიტყვით, Bmatch-ის პლატფორმის მეშვეობით მსხვილი კომპანიები სავალუტო ბაზარზე კომერციული ბანკების გარეშე შეძლებენ ვაჭრობას. მათ ექნებათ არჩევანი, ან თავად ჩაერთონ ტერმინალში და მისი მეშვეობით პირდაპირ ივაჭრონ ვალუტით, ან განაცხადები კომერციული ბანკის დახმარებით განათავსონ პლატფორმაზე. შედეგად, ისინი აღარ იქნებიან შეზღუდული გარიგებების ერთ კომერციულ ბანკთან დადებით, არამედ ივაჭრებენ იმ კომერციულ ბანკებთან ან კომპანიასთან, რომელიც უკეთეს ფასს შესთავაზებს.

ერთი სიტყვით, კომპანიებს შეუძლიათ, რომ ვალუტით კომერციული ბანკების გვერდის ავლით ივაჭრონ. საინტერესოა, რა გავლენა ექნება ამას საბანკო სექტორის შემოსავლებზე. ეროვნულ ბანკში განმარტავენ, რომ რეფორმის შედეგად შემცირდება სავალუტო სპრედები, ანუ ვალუტის ყიდვა-გაყიდვის კურსებს შორის სხვაობა. ეს კომერციული ბანკების შემოსავალების შემცირებას გამოიწვევს. ამავე დროს, როგორც კობა გვენეტაძის უწყებაში ელიან, სავალუტო ვაჭრობისას გაზრდილი გამჭვირვალობა და ბაზარზე მეტი ლიკვიდობა, კიდევ უფრო მეტ მონაწილეს მოიზიდავს. შედეგად, ბაზრის ამ სეგმენტზე ბრუნვები დროთა განმავლობაში გაიზრდება, რაც დააკომპენსირებს რეფორმის პირველ ეტაპზე საბანკო სექტორში შემოსავლების შემცირებას.

რამდენიმე დღის წინათ ვწერდი, რომ სავარაუდოდ, მკითხველს ნაკლებად აღელვებს, სად და როგორ ყალიბდება ლარის კურსი... მისთვის შედეგია მნიშვნელოვანი. დარწმუნებული ვარ, ამ სიახლეს სწორედ ამ კონტექსტში განიხილავს, კერძოდ, როგორ აისახება ის ლარის კურსზე?

კობა გვენეტაძის თქმით, ახალი სისტემით, გაცვლითი კურსი კიდევ უფრო „რეპრეზენტატული გახდა“... საინტერესოა, რა იგულისმება ამ „რეპრეზენტატულობაში“ და რეალურად რა გავლენა ექნება მას ლარის კურსზე. ეროვნული ბანკის განცხადებით, ამ რეფორმას ლარის კურსზე რაიმე არსებითი გავლენა არ ექნება, მაგრამ Bmatch-ზე დადგენილი კურსი ბევრად ზუსტად ასახავს სავალუტო ბაზარზე არსებულ მდგომარეობას... ოფიციალური კურსის გაანგარიშებაში უფრო მეტი სუბიექტი მიიღებს მონაწილეობას.

სხვისი არ ვიცი, მე კი მგონია, რომ ამ სიახლით, ეროვნული კურსის განსაზღვრისას მცირედით მაინც შემცირდება კომერციული ბანკის ე.წ. ფასნამატის წილი, ანუ თუკი კომერციული ბანკი სავალუტო ბაზარზე ადრე ერთ ამერიკულ დოლარს, პირობითად 3.25 ლარად ყიდულობდა და შემდეგ დოლარის შეძენის მსურველ კომპანიაზე ერთი, ორი ან შესაძლოა, მეტი ერთეულით ძვირად ყიდდა, ახლა ეს კომპანია თავად შეძლებს იმავე კურსის ფარგლებში ივაჭროს და არ იყოს საბანკო სექტორის ნების შემხედვარე... როგორ და რამდენად აისახება ეს კონკრეტულ ციფრებში, ამას დრო გვიჩვენებს...

 

2092
სასოფლო-სამეურნეო სამუშაოები შიდა ქართლში

კლიმატი და სოფლის მეურნეობა პანდემიის პერიოდში: რა განიხილეს მინისტერიალზე

115
(განახლებულია 14:00 24.01.2021)
ფორუმის ფარგლებში მონაწილეებმა რეგიონებისა და ქვეყნების მიხედვით პანდემიის პრევენციის და კლიმატის ცვლილების შერბილების საკითხებზე იმსჯელეს

თბილისი, 24 იანვარი – Sputnik. გარემოს დაცვისა და სოფლის მეურნეობის მინისტრმა, ლევან დავითაშვილმა მიიღო მონაწილეობა სოფლის მეურნეობის საკითხებზე ონლაინ მინისტერიალში, რომელიც ყოველწლიურად ათ წელიწადზე მეტია ბერლინში იმართება, ინფორმაციას სოფლის მეურნეობის სამინისტრო ავრცელებს.

მინისტერიალს, რომელიც სურსათისა და სოფლის მეურნეობის მე-13 გლობალური ფორუმის (GFFA) ფარგლებში გაიმართა, მსოფლიოს 70-ზე მეტი ქვეყნის სოფლის მეურნეობის მინისტრი და საერთაშორისო ორგანიზაციების წარმომადგენლები ესწრებოდნენ.

ლევან დავითაშვილმა, სიტყვით გამოსვლისას, საქართველოში პანდემიით შექმნილი მდგომარეობის საპასუხოდ ხელისუფლების მიერ გატარებულ ღონისძიებებზე ისაუბრა.

როგორც მინისტრმა აღნიშნა, ურთულესი გამოწვევის დროს, კოორდინირებული მუშაობით, არცერთ რეგიონში სასურსათო პროდუქციის დეფიციტი არ შექმნილა.

„მხარდაჭერისთვის და თანამშრომლობისთვის მადლობას ვუხდი ყველა მონაწილე სახელმწიფოს და პარტნიორ ორგანიზაციებს, ასევე, ადგილობრივი კერძო სექტორის წარმომადგენლებს სანიმუშო კომუნიკაციისთვის. ეს წარმატება ერთობლივი შრომის შედეგია“,- განაცხადა ლევან დავითაშვილმა.

დავითაშვილმა ფერმერების მხარდასაჭერად შემუშავებული სოფლის მეურნეობის ანტიკრიზისული გეგმის მნიშვნელობაზეც გაამახვილა ყურადღება.

ფორუმის ფარგლებში მონაწილეებმა რეგიონებისა და ქვეყნების მიხედვით პანდემიის პრევენციის და კლიმატის ცვლილების შერბილების საკითხებზე იმსჯელეს და მიიღეს კომუნიკე, რომელიც კლიმატის ცვლილების და  პანდემიის პირობებში მსოფლიოს სასურსათო მარაგების უზრუნველყოფას და პანდემიის პრევენციას ეხება.

115
პურის მაღაზიაში

რატომ გაიზარდა ხორბლის ფქვილზე სუბსიდიის მოცულობა - ლევან სილაგავას განმარტება

96
 ერთი ტომარა ხორბლის ფქვილზე სახელმწიფო სუბსიდიის მოცულობა გაიზარდა და 15 ლარი გახდა. სუბსიდირების პირველ ეტაპზე ეს თანხა 10 ლარს შეადგენდა

თბილისი, 23 იანვარი - Sputnik. სახელმწიფო სუბსიდირება რომ არა, ყოველდღიური მოხმარების, ქარხნულ პურზე ფასი სავარაუდოდ 15-20 თეთრით გაიზრდებოდა. განაცხადა ფქვილის მწარმოებელთა ასოციაციის აღმასრულებელმა დირექტორმა ლევან სილაგავამ პირველ არხთან საუბრისას.

ლევან სილაგაძემ ერთ ტომარა ფქვილზე სუბსიდიის გაზრდასთან დაკავშირებით ისაუბრა. ცოტა ხნის წინ ერთი ტომარა ხორბლის ფქვილზე სახელმწიფო სუბსიდიის მოცულობა გაიზარდა და 15 ლარი გახდა.

სილაგაძემ აღნიშნა, რომ ფქვილის ფასის სუბსიდირების პროგრამა ორ ეტაპად ხორციელდება, კერძოდ, პირველ ეტაპზე დეკემბერ-იანვარში ერთი ტომარა პირველი ხარისხის ფქვილი 63 ლარი ღირდა, თუმცა უკვე თებერვალსა და მარტში გლობალურ ბაზრებზე ხორბლის მნიშვნელოვანი გაძვირების შედეგად საქართველოში ფქვილის ფასი 68 ლარამდე გაიზარდა.

„შესაბამისად იმისათვის, რომ წისქვილკომბინატებმა მიაწოდონ პურის ქარხნებს 53 ლარად ფქვილი, აღარ არის საკმარისი 10-ლარიანი სუბსიდია და საჭირო გახდა სუბსიდირების თანხის 15 ლარამდე გაზრდა“, - განმარტა სილაგავამ.

ამასთან, ხორბლისა და ფქვილის მწარმოებელთა ასოციაციის აღმასრულებელი დირექტორის განმარტებით, 27 იანვარს გამოცხადდება ტენდერი და ნებისმიერ წისქვილკომბინატს შესაძლებლობა ექნება მიიღოს მასში მონაწილეობა თავისუფალი პრინციპით.

„ეს სუბსიდირების პროგრამა მოიცავს ახლა უკვე პირველი თებერვლიდან პირველ აპრილამდე დღევანდელი ფასის დაჭერას. მონაწილე კომპანიები ამ პირობით შედიან ტენდერში, რომ 53 ლარად მიაწოდებენ პურის ქარხნებს ფქვილს“, - განაცხადა ლევან სილაგავამ.

მწარმოებელ ქვეყნებში ხორბლის ცუდმა მოსავალმა, ეკონომიკურმა კრიზისმა და ლარის მერყევმა კურსმა იმოქმედა ფქვილის ღირებულებაზე, რამაც გააჩინა საფუძვლიანი ეჭვი, რომ ქვეყანაში პური გაძვირდებოდა. ამის თავიდან აცილების მიზნით საქართველოს ხელისუფლებამ მიიღო პირველი ხარისხის ხორბლის ფქვილის იმპორტის სუბსიდირების გადაწყვეტილება.

პროგრამა გათვლილია 4 თვეზე და ის დეკემბრიდან ამოქმედდა. წისქვილკომბინატებისთვის დაწესებულია ფიქსირებული ფასი – 53 ლარი პირველი ხარისხის ფქვილის 50 კგ-იან ტომარაზე. პროგრამა 1 მარტამდე იმოქმედებს.

ხორბლის ფქვილის სუბსიდირებისთვის სახელმწიფო ჯამში 10 მლნ ლარის გამოყოფას გეგმავს.

აღსანიშნავია, რომ საქართველოში ხორბლის იმპორტის 90% რუსეთზე მოდის, რაც დაახლოებით ნახევარ მილიონ ტონა მარცვლეულს ნიშნავს.

96
საქართველოს ზამთრის პეიზაჟები

დღის ასტროპროგნოზი ზოდიაქოს ნიშნებისთვის: 25 იანვარი

0
(განახლებულია 12:50 24.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 25 იანვარია, ორშაბათი. მზარდი მთვარე ტყუპის ნიშანშია. ამ დღეს პლანეტა მთვარე მფარველობს.

დღეს ადამიანების უმრავლესობას ისეთი განწყობა შეექმნება, რომ სულ უბრალო ცხოვრებისეული მოვლენებისგან უსაზღვრო სიხარულს მიიღებს და პოზიტიური ენერგიით დაიმუხტება. გასეირნება ბუნებაში, სუფთა ჰაერზე, ფინჯანი ყავა ან ჩაი მეგობრებთან ერთად, გემრიელი საჭმელი – ეს ყოველივე იმდენ პოზიტიურ ემოციას მოგიტანთ, რამდენსაც რომელიმე ეგზოტიკურ ქვეყანაში მოგზაურობა მოგანიჭებდათ. ამ დღეს არ ღირს სერიოზულ გეგმებზე ფიქრი, რადგან დიდია ალბათობა, სასურველი რეალობად აღიქვათ. სამაგიეროდ, იდეალური დღეა რომანტიკისა და სიყვარულისთვის.

სიყვარული თეთრი ხარის ეგიდით – რა ელოდება ზოდიაქოს ნიშნებს 2021 წელს სასიყვარულო ასპარეზზე>>

ვერძი: განწყობის ნატამალიც კი არ გაქვთ იმისა, რომ რამე გააანალიზოთ ან დეტალებს ჩაუღმავდეთ. მზად ხართ, გადაწყვეტილებები დაუფიქრებლად მიღოთ და გულისძახილს მიჰყვეთ. თუმცა, ვარსკვლავები გაფრთხილებენ, რომ ინტუიციაზე დაყრდნობა დღეს არ ივარგებს. წინათგრძნობა მცდარი აღმოჩნდება და მათზე დაფიძნებული გადაწყვეტილება – არასწორი. შესაძლო გართულებებისა და უსიამოვნებების თავიდან ასაცილებლად, სჯობს, გადაწყვეტილებები ცხელ გულზე არ მიიღოთ.

კურო: დღეს ძალიან უნდა იფრთხილოთ, განსაკუთრებით სარისკო და ავანტიურულ პროექტებთან დაკავშირებით. იღბალზე მინდობა არ შეიძლება, არის დამანგრეველი კრახის საფრთხე. ასე რომ, თუ ფიქრობთ, რომ იღბალი თვითონ ჩაგივარდათ ხელში, იცოდეთ, რომ ეს მხოლოდ მოჩვენებითია და არავითარ შემთხვევაში არ უნდა გარისკოთ. გონივრული იქნება დროის მოგება და პროექტის სამომავლოდ გადადება: მალე სიტუაცია ცხადი გახდება და მიხვდებით, როგორ უნდა იმოქმედოთ.

ტყუპი: ისეთი ენთუზიაზმით ხართ სავსე, რომ უკუშედეგი შეიძლება მიიღოთ. იმის ნაცვლად, რომ წინ წახვიდეთ, გულმოდგინე „სწრაფვით, მგნებარებითა და გარღვევებით“ გარშემომყოფები შეიძლება გააღიზიანოთ და ეს ყველა წამოწყებას დაამუხრუჭებს. მსგავსი რამ რომ არ მოხდეს, სჯობს, დაზოგოთ ძალები და აქცენტი ახლობელ ადამიანებთან ურთიერთობებზე გადაიტანოთ. ხოლო თუ ვითარება თქვენს აქტიურობას მოითხოვს, ეცადეთ, ზედმეტი ენთუზიაზმი და გატაცება არ გამოავლინოთ.

კირჩხიბი: დღეს ასტროლოგები მოდუნებასა და კარგად დასვენებას გირჩევენ. ეს აუცილებელია, რათა აღიდგინოთ ენერგია და სასიცოცხლო ძალები. ერთი კია – ირგვლივ მყოფების გაგების იმედი არ უნდა გქონდეთ, ამიტომ აჯობს, მოქმედების იმიტაციაზე იფიქროთ ისე, რომ არ დააზარალოთ არც საკუთარი თავი და არც სხვები. შესაძლოა, საკუთარი მოვალეობების ნაწილი სხვებს გადააბაროთ, ზოგიერთი სამომავლოდ გადადოთ. მთავარია, ამან არ დაგამძიმოთ – სულ მალე ამ საქმეებს ახალი შემართებითა და ძალებით შეუდგებით.

ლომი: დღეს კარგი „შეჯანჯღარება“ გჭირდებათ. ისეთი შთაბეჭდილება რჩება, თითქოს ყველაფერი სულერთია. სინამდვილეში კი თქვენი ემოციები რუტინამ ჩაახშო და თუ ყოველდღიურ ყოფაში მრავალფეროვნების შეტანას შეძლებთ, ჩამქრალ ენთიაზიაზმს გააცოცხლებთ. დაფიქრიდით, იქნებ ღირს, დროებით გადადოთ საქმეები და ქალაქგარეთ გახვიდეთ დასასვენებლად. ან პირიქით – ახალ პერსპექტიულ პროექტს შეეჭიდოთ, თუნდაც ეს პერსპექტივა ბოლომდე გამოკვეთილი არ იყოს. თქვენი გადასაწყვეტია, ვარსკვლავების აზრით კი დღეს ცოტაოდენი ავანტიურა არ გაწყენდათ.

ქალწული: დღეს ნებისმიერი რამ, რისი მამოძრავებელი ძალაც თქვენ ხართ, შეიძლება ჩავარდეს. და თუმცა ეს ჩავარდნები წვრილმანებს შეეხება, თქვენს ყურადღებას მთლიანად დაიპყრობს და აზროვნების კონცენტრირებაში შეგიშლით ხელს. შედეგად გაგიჭირდებათ კარგი შედეგებით თავის წარმოჩენა. სხვათა შორის, გარშემომყოფები და ხელმძღვანელობაც კი თქვენგან რამე სახის გმირობას არც ელოდება შექმნილი საერთო პრობლემების ფონზე.

სასწორი: ექსპერტები კატეგორიულად არ გიორჩევენ მარტო მოქმედებას. ეს ისეთი დღეა, როდესაც დამოუკიდებლად ვერაფერს გადაწყვეტთ და თუ მაინც ცდით, შეიძლება სავალალო შედეგები მიიღოთ. ასე რომ, თუ დღეს რამე მნიშვნელოვანი საკითხი გაქვთ მოსაგვარებელი, მოგიწევთ მისი გარჩევა ირგვლივ მყოფებთან, მათი რჩევების მოსმენა, კომპრომისის მოძებნა. მაგრამ შედეგი დახარჯული ძალისხმევის კომპენსირებას მოახდენს. ეს რთული გზა ბევრად ეფექტური აღმოჩნდება.

მორიელი: დღეს ავანტიურაში ჩაბმა კარგ არაფერს მოგიტანთ არც სამუშაო და არც პირად ცხოვრებაში. ყველგან, სადაც ოდნავ მაინც გაქვთ იღბლის იმედი, ჩავარდნა გელოდებათ. იღბალი დღეს თქვენთვის „ისვენებს“. უსიამოვნებები რომ აირიდოთ თავიდან, ამისთვის საკმარისი იქნება, რომ არ გარისკოთ და ყველაფერში ნაცადი, კონსერვატიული კურსი შეინარჩუნოთ. შეგიძლიათ მიმდინარე საქმეებს მიხედოთ – არე თუ გვიან, ისიც თქვენი გასაკეთებელია.

მშვილდოსანი: დღეს მხოლოდ საკუთარი თავის იმედი არ უნდა გქონდეთ – ზედმეტმა თავდაჯერებულობამ შეცდომებამდე შეიძლება მიგიყვანოთ. არ არის გამორიცხული, რომ ცხვირწინ ვერ დაინახოთ და შეამჩნიოთ რამე, ან ელემენტარული რამ შეგეშალოთ. სამაგიეროდ, შესანიშნავად შეძლებთ მუშაობას მეწყვილესთან ერთად – მისი კონტროლი შეცდომებისგან დაგიცავთ და უფრო ყურადღებიანი გახდებით.

თხის რქა: დღეს კარგი იქნება, თუ სხვების მონაწილეობით დიდ პროექტებს არ შეეჭიდებით – ნაკლებად სავარაუდოა, რომ გამოგივიდეთ. იგივე ეხება ნებისმიერ ერთობლივ წამოწყებას. ერთადერთი ადამიანი, რომლის იმედიც უნდა გქონდეთ, ეს თვითონ თქვენ ხართ. ეს ნიშნავს, რომ ყურადღება იმ პროექტებზე უნდა გადაიტანოთ, სადაცთქვენ ხართ პირადად პასუხისმგებელი და სადაც ვერავინ შეგიშლით ხელს.

მერწყული: დღეს შესანიშნავი დროა იმისთვის, რომ მოაწყოთ პროექტის ან საკუთარი თავის პრეზენტაცია – გარშემომყოფები ამას ძალზე პოზიტიურად შეხვდებიან. გაქვთ განწყობა, რომ ემოციების ენაზე ისაუბროთ და ეს სწორედ ის ენაა, რომელსაც ყველა „ფრიადზე“ გაიგებს. სხვაგვარად რომ ვთქვათ, დღეს არაა აუცილებელი, მსმენელი ციფრებითა და ფაქტებით დაამძიმოთ. საკმარისია კაშკაშა, გადამდები ემოციები და ადამიანები სიამოვნებით გამოგყვებიან უკან.

თევზები: უნდა მოემზადოთ იმისთვის, რომ შესაძლოა ყველაფერი ისეთი არ აღმოჩნდეს, როგორც ერთი შეხედვით ჩანს. ამასთან სიურპრიზები შეიძლება იყოს როგორც სასიამოვნო, ისე უსიამოვნოც. მაგალითად, არაა გამორიცხული სირთულეები ისეთ საქმეებში, რომლებიც უკვე დიდი ხანია, გადაწყვეტილი გგონიათ. მოკლედ რტომ ვთქვათ, მთელი დღის განმავლობაში მოვლენების პულსზე უნდა გეჭიროთ ხელი და მზად იყოთ საქმეებში მოულოდნელობებისთვის.

0