ელიავას ბაზრობა

როგორ შეიცვალა ფასები სამრეწველო პროდუქციაზე

51
(განახლებულია 15:12 28.09.2020)
ერთ წელიწადში ფასები ძირითადად გადამამუშავებელი და სამთო მრეწველობის, ასევე კვების პროდუქტებზე გაიზარდა.

თბილისი, 28 სექტემბერი — Sputnik. 2020 წლის აგვისტოში სამრეწველო პროდუქციის მწარმოებელთა ფასების ინდექსი, 2019 წლის ანალოგიურ პერიოდთან შედარებით, 4,9%-ით გაიზარდა, ნათქვამია საქართველოს სტატისტიკის ეროვნული სამსახურის „საქსტატის“ მასალებში. 

ინდექსის ფორმირებაზე ძირითადად გავლენა იქონია ფასების ზრდამ გადამამუშავებელ მრეწველობაში – 4,7%-ით, მათ შორის, კვების პროდუქტებზე – 6,7%-ით და სამთო-მომპოვებელ მრეწველობაში – 19,6%-ით.

ივლისთან შედარებით, აგვისტოში სამრეწველო პროდუქციაზე ფასები 0,5%-ით გაიზარდა.

ადგილობრივი წარმოება

აგვისტოში, 2019 წლის ანალოგიურ პერიოდთან შედარებით, საქართველოში წარმოებულ პროდუქციაზე ფასები 3,5%-ით გაიზარდა.

ყველაზე მეტად ფასები გაიზარდა გადამამუშავებელ მრეწველობაში – 4,9%-ით, მათ შორის კვების პროდუქტებზე – 4,5%-ით.

ექსპორტი და იმპორტი

ექსპორტზე გატანილი სამრეწველო პროდუქციის ფასების ინდექსი აგვისტოში, გასული წლის ანალოგიურ პერიოდთან შედარებით, 7,2%-ით გაიზარდა. 

სამთო-მომპოვებელი მრეწველობის პროდუქციაზე ფასები 35,3%-ით გაიზარდა. გადამამუშავებელი მრეწველობის ექსპორტირებულ პროდუქციაზე ფასები გაიზარდა 4,7%-ით, მათ შორის კვების პროდუქტებზე – 10,2%-ით, ლითონის ნაკეთობაზე – 2,3%-ით.

საქართველოში იმპორტირებულ სამრეწველო პროდუქციაზე ფასები საანგარიშო პერიოდში 2,3%-ით გაიზარდა. ამასთან გადამამუშავებელი მრეწველობის იმპორტირებული პროდუქცია 2,3%-ით გაძვირდა.

სამომხმარებლო ფასები
აგვისტოში ინფლაციის წლიურმა დონემ 4,8% შეადგინა (მიზნობრივი მაჩვენებელი 3%-ს შეადგენს). სურსათზე ფასები 9,2%-ით გაიზარდა. ექსპერტები ფასების ზრდას კორონავირუსის პანდემიით გამოწვეულ კრიზისს უკავშირებენ.

სექტემბრიდან ეროვნულმა ბანკმა მონეტარული პოლიტიკა გაამკაცრა გაცვლითი კურსის დაცემის შემდეგ ინფლაციაზე ზეწოლის განეიტრალების მიზნით. რეფინანსირების განაკვეთი ამ პერიოდში 6,5%-დან 9%-მდე გაიზარდა. თუმცა, კორონავირუსის პანდემიისგან გამოწვეული კრიზისის დაწყების შემდეგ მონეტარული პოლიტიკის განაკვეთი ეტაპობრივად 8%-მდე შემცირდა.

51
თემები:
საქართველოს ეკონომიკა (795)
მარცვლელულის მოსავლის აღება

რა შემთხვევაში იტყვის უარს საქართველო რუსული ხორბლის იმპორტზე

43
საქართველოში ხორბლის იმპორტის 90% რუსეთზე მოდის, რაც დაახლოებით ნახევარ მილიონ ტონა მარცვლეულს აღწევს

თბილისი, 28 ოქტომბერი - Sputnik. თუ რუსეთი ხორბალსა და ფქვილზე კვოტებს დააწესებს, ქართველი იმპორტიორები სხვა ბაზრებზე გადაერთვებიან, განაცხადა გარემოს დაცვისა და სოფლის მეურნეობის მინისტრმა ლევან დავითაშვილმა „ტვ პირველის“ ეთერში.

ერთი წლის განმავლობაში საქართველო მოიხმარს 500-700 ათას ტონა ხორბალს. აქედან მხოლოდ 10%-ია ადგილობრივი წარმოების. დანარჩენი ქვეყანას რუსეთიდან, ყაზახეთიდან, უკრაინიდან და აშშ-დან შემოაქვს. რუსეთზე ხორბლის იმპორტის 90% მოდის. საქართველოს ხორბლის მწარმოებელთა ასოციაცია მიიჩნევს, რომ რუსული ხორბლის ფასი დღეს საქართველოსთვის ყველაზე მისაღებია.

„ჩვენ შემთხვევაში დამოკიდებულება რუსეთზე არის პრაგმატული, კონკრეტული იმპორტიორი კომპანიების გადასაწყვეტი იქიდან გამომდინარე, რომ მათ აქვთ დღეს ყველაზე კონკურენტუნარიანი იაფი ფასები შედარებით ხარისხიან პროდუქტზე. თუ ეს ასე არ იქნება, ადგილობრივი იმპორტიორები გადაეწყობიან ალტერნატიულ ბაზრებზე“, - განაცხადა დავითაშვილმა.

რუსული მასმედიის ინფორმაციით, ერთი ტონა ხორბლის ფასი დღეს 213 დოლარია. რუსი ექსპერტების პროგნოზით, ფასი შეიძლება 12-13 დოლარით გაიზარდოს.

ხორბალი სხვა ქვეყნებშიც ძვირდება. უკრაინული ხორბალი ექვსი დოლარით გაძვირდა. ახლა კი ერთი ტონა პროდუქცია 207,5 დოლარი ღირს. ფრანგული ხორბალი რვა დოლარით გაძვირდა და მისი ღირებულება 227 დოლარს შეადგენს, ამერიკული ხორბალი გაძვირდა შვიდი დოლარით და 247 დოლარი ღირს.

2020 წლის იანვარ-ივლისში საქართველომ 49,4 მილიონი დოლარის ღირებულების 222 840 ტონა ხორბალი შეისყიდა.

43
თემები:
საქართველოს ეკონომიკა (795)
თევზსაჭერი გემი

„აწარმოე საქართველოში“: ქვეყანაში პირველი თევზსაჭერი გემის მშენებლობა დაფინანსდა

34
არსებული პრაქტიკით, ქართველი ლიცენზიანტები უცხო ქვეყნის გემებს ქირაობენ და ისე ახორციელებენ საქმიანობას, ვინაიდან ქართული გემები სავალალო მდგომარეობაშია.

თბილისი, 28 ოქტომბერი - Sputnik. „აწარმოე საქართველოში“ პროგრამის ფარგლებში პირველი თევზსაჭერი გემის მშენებლობა დაფინანსდა, ნათქვამია სააგენტოს გვერდზე გავრცელებულ ინფორმაციაში.

სააგენტოს ცნობით, ეს იქნება ვიკინგური ტიპის გემი, რომელიც თურქეთის ქალაქ ტრაპზონში აშენდება. გემი აღჭურვილი იქნება თანამედროვე ტექნიკითა და ქისა ბადით, ეს უკანასკნელი კი  განკუთვნილია შავი ზღვის ძირითად რესურსზე - ქაფშიაზე (იგივე ხამსა) სათევზაოდ.

მეთევზე გოჩა ლაბარტყავას განცხადებით, საქმიანობის დაწყების შემდგომ კომპანია 18 ადამიანს დაასაქმებს, წლიური წარმოების მოცულობა კი, მისი გათვლებით, 4 ტონაზე მეტი იქნება. 

მეთევზე სამომავლოდ ქაფშიას შესანახი მაცივრის გაკეთებასაც გეგმავს და დეფიციტურ თვეებში მის ექსპორტს თურქეთში განახორციელებს.

მეთევზე „აწარმოე საქართველოში“ ფარგლებში ფინანსური მხარდაჭერით სარგებლობს, რაც იმას ნიშნავს, რომ პირველი 3 წლის განმავლობაში გემის ლიზინგის პროცენტის თანადაფინანსებას სააგენტო „აწარმოე საქართველოში“ განახორციელებს. განხორციელებული პროექტის ინვესტიციის ჯამური მოცულობა 2 158 182 ლარი იქნება.

ახალი თევზსაჭერი გემის მშენებლობა 27 ოქტომბერს, ფოთის საზღვაო სასწავლო-საწვრთნელი ცენტრში ხელმოწერილი სამმხრივი მემორანდუმის საფუძველზე „აწარმოე საქართველოში“ ინდუსტრიული მიმართულების ფარგლებში პირველად დაფინანსდა.

დოკუმენტი ეკონომიკისა და მდგრადი განვითარების სამინისტროს სააგენტოს „აწარმოე საქართველოში“, კომპანია „თი-ბი-სი ლიზინგსა“ და თევზსაჭერი გემის მფლობელს შორის გაფორმდა.

პროგრამას „აწარმოე საქართველოში“ თევზჭერის მიმართულება ეკონომიკისა და მდგრადი განვითარების სამინისტროს, საზღვაო ტრანსპორტს სააგენტოსა და სააგენტოს „აწარმოე საქართველოში“ ერთობლივი მუშაობის შედეგად  დაემატა.

სააგენტოში ფიქრობენ, რომ პროგრამის ხელშეწყობით თევზმჭერი ფლოტი მნიშვნელოვნად განახლდება და ახალ სამუშაო ადგილებს შექმნის. დარგში თანამედროვე ტექნოლოგიების დანერგვა თევზჭერის პროდუქტების ასორტიმენტისა და გაყიდვების გეოგრაფიის მნიშვნელოვან ზრდას გამოიწვევს.

„პროგრამა ერთდროულად იძლევა 5 მლნ. ლარამდე საკრედიტო-საგარანტიო მექანიზმით (90 %-იანი უზრუნველყოფა) და საბანკო სესხის რეფინანსირების განაკვეთს პლიუს  3%-იანი თანადაფინანსების შესაძლებლობას. ასევე, შესაძლებელია გემის ლიზინგი, რომლის შემთხვევაში რეფინანსირების განაკვეთს პლიუს 5%-იანი თანადაფინანსების მექანიზმი ხორციელდება.“- ნათქვამია სააგენტოს ინფორმაციაში.  

ახალი გემებით მეთევზეები წლიური თევზჭერის კვოტის მაქსიმალურ ათვისებას შეძლებენ, დღეს კი მისი სრულად ათვისება ვერ ხორციელდება.

არსებული პრაქტიკით, ქართველი ლიცენზიანტები უცხო ქვეყნის გემებს ქირაობენ და ისე ახორციელებენ საქმიანობას, ვინაიდან ქართული გემები სავალალო მდგომარეობაშია.

„დღეს 30 სეინერი (თევზსაჭერი გემი) გვყავს, რომელზეც 500-მდე მეთევზე-მეზღვაურია დასაქმებული, თუმცა გემები მოძველებულია და ვერ აკმაყოფილებს თანამედროვე მოთხოვნებს. გემების დაბალი საიმედოობის და წარმადობის გამო მეთევზე-მეზღვაურთა სათანადო დონეზე და ტექნოლოგიებზე გადამზადებაც ვერ ხერხდება“, - აღნიშნულია სააგენტოს ინფორმაციაში.

34
თემები:
საქართველოს ეკონომიკა (795)
შემოდგომის ფოთოლი

ზოდიაქოს ხუთი იღბლიანი ნიშანი ნოემბერში ვის გაუმართლებს ყველაზე მეტად

0
(განახლებულია 17:20 28.10.2020)
ასტროლოგების აზრით, ნოემბერი შემოდგომის ყველაზე ხელსაყრელი თვეა. იღბალი ყველას ეწვევა, მაგრამ ამ ხუთი ნიშნის წარმომადგენლებს – ყველაზე ხშირად

ასტროლოგებმა ნოემბრის რჩეული ნიშნები დაასახელეს, ზოდიაქოს ამ ხუთი ნიშნის წარმომადგენლებს ამ თვეში ყველაზე მეტად გაუმართლებს

2020 წლის სახუმარო ჰოროსკოპი ზოდიაქოს ნიშნებისთვის>>

ვერძი

ვერძებისთვის ნოემბერი ცხოვრების ყველა სფეროში წარმატებული თვე იქნბა. ვარსკვლავები და პლანეტები ძალზე ხელსაყრელ მდგომარეობაში იქნებიან, განსაკუთრებით თვის დასაწყისში. ვერძები შეძლებთ ადრე გაწეული მუშაობის პიველი ნაყოფის დანახვას. ის, რაც ოქტომბერში გააკეთეთ, ახლა უკვე სიხარულს, ფულსა და იღბალს მოგიტანთ. არ არის გამორიცხული, რომ წარმატება პირდაპირ „ხელში ჩაგივარდეთ“ – მხოლოდ მზად უნდა იყოთ ამისთვის.

ტყუპი

ყველა ტყუპს დიდი წარმატებები ელოდება ფინანსურ სფეროში. ძალიან გაგიმართლებთ. იდეალური დროა ძვირფასი შენაძენების, სახსრების ინვესტიციისთვის საკუთარ განვითარებაში. ბევრი თქვენგანი შეძლებს ახალი სამსახურის მოძებნას, შემოსვლების დამატებითი წყაროების პოვნას, ბევრს ეწვევა შთაგონება და ენთუზიაზმით აივსება. მოტივაციაც უამრავი იქნება, მთავარია საქმეების სწორად დაგეგმვა. დიდი წწარმატებები ელოდება შემოქმედებითი სფეროების წარმომადგენლებს.

როგორია თქვენი ბოსი? ხელმძღვანელის პლუსები და მინუსები ზოდიაქოს ნიშნის მიხედვით>>

ქალწული

ქალწულების ცხოვრება, ვარსკვლავებისა და პლანეტების დამსახურებით, უკეთესობისკენ შეიცვლება. ნოემბერში უამრავი კარგი ცვლილება გელოდებათ სასიყვარულო ფრონტზე – განსაკუთრებით, მარტოხელა ქალწულებს. შეიძლება შეხვდეთ დიდ სიყვარულს, იმ ერთადერთს, რომელთანაც მთელი ცხოვრების გატარების სურვილი გაგიჩნდებათ, ასევე ცხოვრებაში საუკეთესო მეგობარს. ზოგადად, ამ თვეში ბევრი სასარგებლო და საბედისწერო ნაცნობობა გელოდებათ. ასევე გაუმართლებს იმათაც, ვისაც უკვე ჰყავს პარტნიორი – საუკეთესო დრო იქნება საერთო პრობლემების მოგვარებისა და გადაჭრისთვის.

მშვილდოსანი

მშვილდოსნებს მრავალი საინტერესო მოვლენა გელოდებათ ნოემბერში. თვე დატვირთული იქნება ახალი შეხვედრებით, თავგადასავლებით, უეცარი აღმაფრენებით. დიდი ძალა და ენერგია დაგჭირდებათ, რომ ტონუსი შეინარჩუნოთ და არაფერი მნიშვნელოვანი არ გამოგრჩეთ. ნოემბრის ბოლოს, თვის მესამე დეკადაში თქვენი ენერგიის ფარული რეზერვები გააქტიურდება და რომ იტყვიან, „მეორე სუნთქვა“ გაგეხსნებათ. ვარსკვლავები მძლავრ პოზიტიურ იმპულსს გამოგიგზავნიან, რომლის წყალობითაც თქვენი ცხოვრებაუკეთესობისკენ შეიცვლება.

ზოდიაქოს ნიშნების ვენდეტა>>

მერწყული

სექტემბერსა და ოქტომბერში მერწყულებს არაერთი საქმე და საზრუნავი დაგიგროვდათ. ეს პრობლემები ნოემბერში უკვე მოგვარდება. ვარსკვლავები დაგეხმარებიან წარმატებების მიღწევაში. ასტროლოგები ამ თვეში ძვირადღირებული ნივთების ყიდვას გირჩევენ – საუბარია რამე აუცილებელსა და ძალზე მნიშვნელოვანზე. შესაძლებელი გახდება ასევე წარმატებული სამუშაო გარიგებების დადება.

0