გიორგი გახარია

პრემიერი: ხელისუფლებას ეკონომიკის სწრაფი აღდგენისთვის რესურსები გააჩნია

58
(განახლებულია 13:42 28.09.2020)
მიუხედავად მსოფლიო კრიზისისა, საქართველო ნორმალური მაკროეკონომიკური პარამეტრების ფარგლებშია, მიაჩნია გიორგი გახარიას.

თბილისი, 28 სექტემბერი — Sputnik. საქართველოს მთავრობას და ეროვნულ ბანკს საჭიროზე მეტი რესურსი აქვთ, რათა ქვეყნის ეკონომიკის აღდგენა სწრაფად დაიწყოს, რაც პირდაპირ და სწრაფ ზეგავლენას მოახდენს ლარის კურსზე, განაცხადა საქართველოს პრემიერ-მინისტრმა გიორგი გახარიამ. 

სექტემბრის დასაწყისიდან ეროვნული ვალუტის კურსი დოლარის მიმართ 8,5%-ით გაუფასურდა. სავალუტო ბაზრის სტაბილიზაციისთვის ეროვნულმა ბანკმა ექვსი თვის განმავლობაში 15 აუქციონი ჩაატარა, რა დროსაც 400 მილიონ დოლარზე მეტი გაყიდა.

გახარიას თქმით, ზაფხულში, როდესაც კორონავირუსის პირველი ტალღა იყო, ლარის მკვეთრი გაუფასურება მოხდა, თუმცა შემდეგ ლარის კურსი ნორმის ფარგლებს დაუბრუნდა.

„ყველას ძალიან კარგად გვესმის და, პირველ რიგში, მე ძალიან კარგად მესმის, რომ ლარის კურსი არ არის მხოლოდ ეკონომიკური ფაქტორი. ჩვენს ქვეყანაში ლარის კურსი არის სოციალური ფაქტორიც, ეს ძალიან კარგად გვესმის, გაცნობიერებული გვაქვს. რა თქმა უნდა, ლარი დღეს ზედმეტად გაუფასურებულია, რადგან ყველას კარგად უნდა გვესმოდეს, რომ მაკროეკონომიკური მაჩვენებლები ლარის კურსის დღევანდელი ნიშნულისთვის არ არსებობს. მიუხედავად გლობალური კრიზისისა, საქართველო ნორმალური მაკროეკონომიკური პარამეტრების ფარგლებშია“, – განაცხადა პრემიერმა ჟურნალისტებთან.

გახარიამ ლარის კურსზე საუბრისას აღნიშნა, რომ საჭიროა ყველამ გაითვალისწინოს რამდენიმე ფაქტორი – გლობალური კრიზისი, კორონავირუსის ეპიდემია და ოქტომბრის საპარლამენტო არჩევნები.

საქართველოს ფინანსთა მინისტრის მოადგილეს გიორგი კაკაურიძეს მიაჩნია, რომ ლარის კურსზე ზეგავლენას უარყოფითი მოლოდინები ახდენს.

„რაც შეეხება ფასების ზრდას, ვფიქრობ, ეროვნული ბანკი ძალიან კარგად ართმევს თავს. ინფლაციას კლებადი ხასიათი აქვს და, ვფიქრობთ, წლის ბოლოსთვის 4%-ზე ნაკლები იქნება“, – განაცხადა კაკაურიძემ ჟურნალისტებთან.

ამასთან მან განმარტა, რომ ეროვნულ ბანკს აქვს საკმარისი რეზერვი იმისთვის, რათა მართოს ლარის კურსი.

„ჩვენ საკმაოდ დიდი რესურსი მოვიზიდეთ წელს – დაახლოებით 1,5 მლრდ დოლარი, რაც ეროვნულ ბანკს აძლევს საშუალებას, საჭიროების შემთხვევაში ბაზარს ვალუტა მიაწოდოს. ვალუტის მოცულობასა და საჭიროებების შესახებ გადაწყვეტილებას ეროვნული ბანკი იღებს“, – განაცხადა კაკაურიძემ.

ანალიტიკოს ვახტანგ ძაბირაძის განცხადებით, ლარის გაუფასურების ერთ-ერთი მიზეზი 31 ოქტომბრის საპარლამენტო არჩევნებია. 

„არჩევნების წინ ბაზარზე დიდი ოდენობით თანხა გამოდის, რადგანაც ყველა პოლიტიკური ძალა რეკლამასა და სხვა საქმეზე საკმაო ოდენობის თანხას ხარჯავს. მეორე მომენტი – მოსავლის აღების პერიოდია, და, რა თქმა უნდა, ბევრი ფული გამოდის, რაც ლარის გაუფასურებას იწვევს... მთლიანობაში, შემიძლია ვთქვა, რომ თუ ვინმეს არ აწყობს ლარის კურსის ვარდნა, ეს ხელისუფლებაა“, – განუცხადა ძაბირაძემ გაზეთ „რეზონანსს“.

მისი თქმით, ხელისუფლებას ზემოქმედების სხვა სადავეები არ აქვს გარდა იმისა, რასაც აკეთებს და მას იმედი აქვს, რომ ამ თვეში ეკონომიკური ვითარების მკვეთრი გაუარესება არ მოხდება.

58
თემები:
ლარის კურსის დაცემა (35)
მარცვლელულის მოსავლის აღება

რა შემთხვევაში იტყვის უარს საქართველო რუსული ხორბლის იმპორტზე

29
საქართველოში ხორბლის იმპორტის 90% რუსეთზე მოდის, რაც დაახლოებით ნახევარ მილიონ ტონა მარცვლეულს აღწევს

თბილისი, 28 ოქტომბერი - Sputnik. თუ რუსეთი ხორბალსა და ფქვილზე კვოტებს დააწესებს, ქართველი იმპორტიორები სხვა ბაზრებზე გადაერთვებიან, განაცხადა გარემოს დაცვისა და სოფლის მეურნეობის მინისტრმა ლევან დავითაშვილმა „ტვ პირველის“ ეთერში.

ერთი წლის განმავლობაში საქართველო მოიხმარს 500-700 ათას ტონა ხორბალს. აქედან მხოლოდ 10%-ია ადგილობრივი წარმოების. დანარჩენი ქვეყანას რუსეთიდან, ყაზახეთიდან, უკრაინიდან და აშშ-დან შემოაქვს. რუსეთზე ხორბლის იმპორტის 90% მოდის. საქართველოს ხორბლის მწარმოებელთა ასოციაცია მიიჩნევს, რომ რუსული ხორბლის ფასი დღეს საქართველოსთვის ყველაზე მისაღებია.

„ჩვენ შემთხვევაში დამოკიდებულება რუსეთზე არის პრაგმატული, კონკრეტული იმპორტიორი კომპანიების გადასაწყვეტი იქიდან გამომდინარე, რომ მათ აქვთ დღეს ყველაზე კონკურენტუნარიანი იაფი ფასები შედარებით ხარისხიან პროდუქტზე. თუ ეს ასე არ იქნება, ადგილობრივი იმპორტიორები გადაეწყობიან ალტერნატიულ ბაზრებზე“, - განაცხადა დავითაშვილმა.

რუსული მასმედიის ინფორმაციით, ერთი ტონა ხორბლის ფასი დღეს 213 დოლარია. რუსი ექსპერტების პროგნოზით, ფასი შეიძლება 12-13 დოლარით გაიზარდოს.

ხორბალი სხვა ქვეყნებშიც ძვირდება. უკრაინული ხორბალი ექვსი დოლარით გაძვირდა. ახლა კი ერთი ტონა პროდუქცია 207,5 დოლარი ღირს. ფრანგული ხორბალი რვა დოლარით გაძვირდა და მისი ღირებულება 227 დოლარს შეადგენს, ამერიკული ხორბალი გაძვირდა შვიდი დოლარით და 247 დოლარი ღირს.

2020 წლის იანვარ-ივლისში საქართველომ 49,4 მილიონი დოლარის ღირებულების 222 840 ტონა ხორბალი შეისყიდა.

29
თემები:
საქართველოს ეკონომიკა
თევზსაჭერი გემი

„აწარმოე საქართველოში“: ქვეყანაში პირველი თევზსაჭერი გემის მშენებლობა დაფინანსდა

31
არსებული პრაქტიკით, ქართველი ლიცენზიანტები უცხო ქვეყნის გემებს ქირაობენ და ისე ახორციელებენ საქმიანობას, ვინაიდან ქართული გემები სავალალო მდგომარეობაშია.

თბილისი, 28 ოქტომბერი - Sputnik. „აწარმოე საქართველოში“ პროგრამის ფარგლებში პირველი თევზსაჭერი გემის მშენებლობა დაფინანსდა, ნათქვამია სააგენტოს გვერდზე გავრცელებულ ინფორმაციაში.

სააგენტოს ცნობით, ეს იქნება ვიკინგური ტიპის გემი, რომელიც თურქეთის ქალაქ ტრაპზონში აშენდება. გემი აღჭურვილი იქნება თანამედროვე ტექნიკითა და ქისა ბადით, ეს უკანასკნელი კი  განკუთვნილია შავი ზღვის ძირითად რესურსზე - ქაფშიაზე (იგივე ხამსა) სათევზაოდ.

მეთევზე გოჩა ლაბარტყავას განცხადებით, საქმიანობის დაწყების შემდგომ კომპანია 18 ადამიანს დაასაქმებს, წლიური წარმოების მოცულობა კი, მისი გათვლებით, 4 ტონაზე მეტი იქნება. 

მეთევზე სამომავლოდ ქაფშიას შესანახი მაცივრის გაკეთებასაც გეგმავს და დეფიციტურ თვეებში მის ექსპორტს თურქეთში განახორციელებს.

მეთევზე „აწარმოე საქართველოში“ ფარგლებში ფინანსური მხარდაჭერით სარგებლობს, რაც იმას ნიშნავს, რომ პირველი 3 წლის განმავლობაში გემის ლიზინგის პროცენტის თანადაფინანსებას სააგენტო „აწარმოე საქართველოში“ განახორციელებს. განხორციელებული პროექტის ინვესტიციის ჯამური მოცულობა 2 158 182 ლარი იქნება.

ახალი თევზსაჭერი გემის მშენებლობა 27 ოქტომბერს, ფოთის საზღვაო სასწავლო-საწვრთნელი ცენტრში ხელმოწერილი სამმხრივი მემორანდუმის საფუძველზე „აწარმოე საქართველოში“ ინდუსტრიული მიმართულების ფარგლებში პირველად დაფინანსდა.

დოკუმენტი ეკონომიკისა და მდგრადი განვითარების სამინისტროს სააგენტოს „აწარმოე საქართველოში“, კომპანია „თი-ბი-სი ლიზინგსა“ და თევზსაჭერი გემის მფლობელს შორის გაფორმდა.

პროგრამას „აწარმოე საქართველოში“ თევზჭერის მიმართულება ეკონომიკისა და მდგრადი განვითარების სამინისტროს, საზღვაო ტრანსპორტს სააგენტოსა და სააგენტოს „აწარმოე საქართველოში“ ერთობლივი მუშაობის შედეგად  დაემატა.

სააგენტოში ფიქრობენ, რომ პროგრამის ხელშეწყობით თევზმჭერი ფლოტი მნიშვნელოვნად განახლდება და ახალ სამუშაო ადგილებს შექმნის. დარგში თანამედროვე ტექნოლოგიების დანერგვა თევზჭერის პროდუქტების ასორტიმენტისა და გაყიდვების გეოგრაფიის მნიშვნელოვან ზრდას გამოიწვევს.

„პროგრამა ერთდროულად იძლევა 5 მლნ. ლარამდე საკრედიტო-საგარანტიო მექანიზმით (90 %-იანი უზრუნველყოფა) და საბანკო სესხის რეფინანსირების განაკვეთს პლიუს  3%-იანი თანადაფინანსების შესაძლებლობას. ასევე, შესაძლებელია გემის ლიზინგი, რომლის შემთხვევაში რეფინანსირების განაკვეთს პლიუს 5%-იანი თანადაფინანსების მექანიზმი ხორციელდება.“- ნათქვამია სააგენტოს ინფორმაციაში.  

ახალი გემებით მეთევზეები წლიური თევზჭერის კვოტის მაქსიმალურ ათვისებას შეძლებენ, დღეს კი მისი სრულად ათვისება ვერ ხორციელდება.

არსებული პრაქტიკით, ქართველი ლიცენზიანტები უცხო ქვეყნის გემებს ქირაობენ და ისე ახორციელებენ საქმიანობას, ვინაიდან ქართული გემები სავალალო მდგომარეობაშია.

„დღეს 30 სეინერი (თევზსაჭერი გემი) გვყავს, რომელზეც 500-მდე მეთევზე-მეზღვაურია დასაქმებული, თუმცა გემები მოძველებულია და ვერ აკმაყოფილებს თანამედროვე მოთხოვნებს. გემების დაბალი საიმედოობის და წარმადობის გამო მეთევზე-მეზღვაურთა სათანადო დონეზე და ტექნოლოგიებზე გადამზადებაც ვერ ხერხდება“, - აღნიშნულია სააგენტოს ინფორმაციაში.

31
თემები:
საქართველოს ეკონომიკა
დიდი ბორბალო

29 ოქტომბერს დაბადებულები ზოდიაქო, დახასიათება, რჩევები

0
(განახლებულია 10:35 28.10.2020)
გაეცანით 29 ოქტომბერს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

23 ოქტომბერი - 2 ნოემბრის პერიოდი

23 ოქტომბერი - 2 ნოემბრის პერიოდი მორიელის ნიშნის პირველ დეკადას განეკუთვნება.

ამ დეკადას მარსი მართავს. ის ამ პერიოდში დაბადებულებს ანიჭებს პატივმოყვარეობას, აგრესიულობასა და ფეთქებად ხასიათს. მათ ცხოვრებაში ერთმანეთზეა გადაჯაჭვული გამარჯვებებისა და მარცხის მონაცვლეობა და მხოლოდ კონკრეტულ ადამიანზეა დამოკიდებული თავისი ჭეშმარიტი გზის არჩევა, თავისი დამოკიდებულება საკუთარი თავისა და გარშემომყოფების მიმართ.

მნიშვნელოვანი წლებია: 15, 30, 45, 60.

ამ პერიოდში დაბადებულთა სიმბოლოა ფრეზია. ეს ადამიანები უდრეკი, უშიშარი არიან, რაც მათ წარმატებების მიღწევაში ეხმარება, მაგრამ სიჯიუტე უარყოფითი თვისებაა, რაც დაბრკოლებებს უქმნის ცხოვრებისეულ გზაზე. ამ პერიოდში დაბადებულებმა უნდა ისწავლონ ტაქტიანობა, მოქნილობა. ასევე ხშირად საკუთარ თავზე იღებენ მეტ პასუხისმგებლობას, ამიტომ ხშირად იღლებიან. პირველი დეკადის მორიელებმა უნდა ისწავლონ ბალანსის დაცვა მუშაობასა და დასვენებას შორის.

29 ოქტომბერს დაბადებულები

29 ოქტომბერს ძალზე მიმზიდველი ადამიანები იბადებიან. შეუძლებელია, მათ ხიბლსა და ქარიზმას გაუძლო - შეწინააღმდეგებას აზრი არა აქვს, თითოეული ახალი ნაცნობი მოჯადოებული და მოხიბლული რჩება.

ეს თავისთავად ხდება, მაგრამ ამ დღეს დაბადებულებისთვის ეს ძალიან დიდი სარგებლის მომტანია. ქარიზმას სხვაგვარად რბილი იარაღსაც უწოდებენ. 29 ოქტომბერს დაბადებულებს თავისუფლად შეუძლიათ შესანიშნავი მანიპულატორები გახდნენ თან ისე, რომ მათი თანამოსაუბრე ვერც კი იგრძნობს ამ ადამიანების გავლენას.

დიდი შესაძლებლობები ამ ადამიანებში თავდაჯერებულობას ბადებს, მაგრამ მათ უნდა გაითვალისწინონ, რომ ამ პლანეტაზე მძლეთამძლე არავინაა; ზედმეტია ექსპერიმენტების ჩატარება ახლობლებზე, ნაცნობებზე და მათი გამოყენება საკუთარი თავისთვის სარგებლის მიზნით.

29 ოქტომბერს დაბადებული მორიელები ძალაუფლებისმოყვარე, წარმატებაზე ორიენტირებული ადამიანები არიან. უყვართ ყურადღების ცენტრში ყოფნა, აღიარება. მათი მომხიბვლელობა მიზანსწრაფულობასა და სიჯიუტესთანაა შერწყმული. გარეგნულად ეს ადამიანები ნაზი და რბილი ჩანან, მაგრამ, შესაძლოა, ძალზე სასტიკი და მკაცრი იყვნენ. ისინი არ პატიობენ ღალატს. მოტყუებული მორიელი ძალზე საშიში მტერია.

სიმაღლის, სიბნელის, დახურული სივრცის თუ... ზოდიაქოს ნიშნების ფობიები>>

ამასთან, ეს ადამიანები მზად არიან თანამშრომლობისთვის, კარგად მუშაობენ გუნდთან, ამასთან, შესაძლოა, ლიდერობის პრეტენზია არც ჰქონდეთ, აკმაყოფილებთ ავტორიტეტული პროფესიონალის სახელი.

პროფესიული საქმიანობის მხრივ, 29 ოქტომბერს დაბადებულები ნოვატორები არიან. აქვთ ორიგინალური იდეები და სტრატეგიები, ყველაფერი უმნიშვნელო დეტალებამდე აქვთ გათვლილი.

აინტერესებთ მხოლოდ რეალური საქმეები. საქმიანობის სფეროდ, უმეტესად, საზოგადოებრივ საქმიანობას ირჩევენ. პოლიტიკოსებს შორის ბევრი მორიელია.

ჯანმრთელობა

29 ოქტომბერს დაბადებულები იშვიათად ავადდებიან სერიოზულად, მაგრამ ორგანიზმის თითოეულ მინიშნებას ყურადღებას აქცევენ. მათ არ უნდა მიმართონ მკურნალობის საეჭვო მეთოდებს, ამაზე დაეხარჯებათ უამრავი დრო და თანხა, ორგანიზმს კი შეიძლება ავნონ.

რჩევა:

თანამედროვე სამყაროში ძალიან ძნელია, სტრესს თავი აარიდო; მნიშვნელოვანია შედეგების აღკვეთის სწავლა. უნდა შეიმუშაოთ მოდუნების, დასვენების თქვენეული მეთოდიკა, რათა სამუშაოზე არ „გადაიწვათ“.

0