პრემიერი გიორგი გახარია

საქართველოში ბიზნესისთვის მიკროგრანტების მოცულობა გაიზარდა

85
(განახლებულია 11:11 21.09.2020)
ბიზნესის სფერო პანდემიის ფონზე ეკონომიკური კრიზისის გამო ყველაზე მეტად დაზარალდა, ამიტომ მთავრობის პრიორიტეტი ამ სექტორის დახმარებაა.

თბილისი, 18 სექტემბერი – Sputnik. საქართველოში 5 ოქტომბრიდან ბიზნესისთვის მიკროგრანტების გაზრდილი მოცულობის გაცემა დაიწყება, განაცხადა საქართველოს პრემიერ-მინისტრმა გიორგი გახარიამ.

მიკროგრანტების მიღებას ბიზნესის წარმომადგენლები პროგრამის „აწარმოე საქართველოში“ ფარგლებში შეძლებენ. მიკროგრანტის მაქსიმალური მოცულობა აქამდე 20 ათასი ლარი იყო.

„პროგრამის ბიუჯეტი გავზარდეთ 40 მილიონამდე, ასევე გავზარდეთ ერთჯერადი დაფინანსების მოცულობაც, იყო 20 000 ლარი და დღეს გახდება 30 000 ლარი. ეს არის გრანტის სახით ჩვენი მოქალაქეების დახმარება, რომლებსაც შეუძლიათ გადადგან პირველი ნაბიჯი, დაიწყონ საკუთარი ბიზნესი, საკუთარი საქმე“, – განაცხადა პრემიერმა.

მისი თქმით, მიკროგრანტების პროგრამით ამ დროისათვის უკვე ისარგებლა 9 ათასმა ადამიანმა.

„აწარმოე საქართველოში“ – საქართველოს მთავრობის ერთ-ერთი წარმატებული პროექტია, რომელიც მიზნად ისახავს ქვეყანაში ადგილობრივი წარმოების წახალისებას. სააგენტო აერთიანებს ყველა სახელმწიფო პროგრამას, რომელიც ბიზნეს-სექტორისა და ქვეყნის ეკონომიკური განვითარების ხელშეწყობისკენაა მიმართული. კორონავირუსის პანდემიით გამოწვეული კრიზისის პირობებში მეწარმეთა დახმარების მიზნით გადაწყდა პროგრამის გაფართოება.

საუბარია კრედიტების სუბსიდირებაზე, რომლებიც 200-ზე მეტი სახის საქმიანობას მოიცავს, და მიკროგრანტებზე, რომლებიც 300-ზე მეტი სახის საქმიანობას ეხება.

85
თემები:
საქართველოს ეკონომიკა (905)
მზადება საველე სამუშეოებისთვის

საქართველოში დიზელის საწვავზე „ევრო-5“ის სტანდარტის შემოღება გადაიდო

56
(განახლებულია 20:05 21.01.2021)
საქართველოს სისხლის სამართლის კოდექსს დაემატა ახალი მუხლი, რომლის თანახმად, უხარისხო საწვავის განმეორებით შემოტანის ფაქტზე დამნაშავეს შესაძლოა სამ წლამდე ვადით პატიმრობა შეეფარდოს

თბილისი, 21 იანვარი — Sputnik. საქართველოში დიზელის საწვავზე „ევრო-5“-ის სტანდარტის შემოღება, რომელიც 2021 წლის 1 იანვარს იყო დაგეგმილი, მთავრობის დადგენილებით, 2022 წლის 1 იანვრამდე გადადეს.

ახალი სტანდარტების ამოქმედება იყო დაგეგმილი 2020 წლის 1 იანვრისთვის, თუმცა ბიზნეს-გაერთიანებების თხოვნით სიახლის ძალაში შესვლა გადადეს. ამ ეტაპზე საქართველო ახორციელებს „ევრო-4“-ისა და „ევრო-5“-ის სტანდარტის დიზელის საწვავს.

გარემოს დაცვისა და სოფლის მეურნეობის სამინისტროში აღნიშნავენ, რომ ბენზინის ხარისხობრივი მაჩვენებლები ეტაპობრივად უმჯობესდება და, დადგენილი პარამეტრების ფარგლებში, 2019 წლიდან შეესაბამება „ევრო 4-ის სტანდარტს, რაც გოგირდის მცირე შემცველობას გულისხმობს.

ატმოსფერულ ჰაერს ძირითადად აბინძურებენ ავტომობილები და საწვავის ხარისხის მაჩვენებელი - ერთ-ერთი უმნიშვნელოვანესი პარამეტრია ეკოლოგიური სიტუაციის შეფასებისას, ამიტომ საწვავის ხარისხის გაუმჯობესება დაბინძურების შემცირებას შეუწყობს ხელს. გაუმჯობესდება წვის პროცესი ავტოსატრანსპორტო საშუალებებში. შედეგად, შემცირდება ატმოსფერულ ჰაერში აზოტის დიოქსიდის, მყარი ნაწილაკებისა და ნახშირჟანგის გაფრქვევები.

გასულ წელს საქართველოს ხელისუფლებამ საწვავის ხარისხზე კონტროლის გამკაცრების გადაწყვეტილება მიიღო. საქართველოს პარლამენტის გარემოს დაცვის კომიტეტის ინიციატივით, სანქციები მკაცრდება უხარისხო ბენზინის ან დიზელის საწვავის საქართველოში იმპორტზე, წარმოებასა და რეალიზაციაზე.

ცვლილებების პაკეტი ითვალისწინებს არა მხოლოდ ჯარიმების გაზრდას, არამედ სისხლის სამართლის პასუხისმგებლობის დაწესებასაც.

საქართველოს სისხლის სამართლის კოდექსს დაემატა ახალი მუხლი, რომლის თანახმად, უხარისხო საწვავის განმეორებით შემოტანის ფაქტზე დამნაშავე ისჯება ჯარიმითა და ორ წლამდე გამასწორებელი სამუშაოებით ანდა სამ წლამდე ვადით თავისუფლების აღკვეთით.

56
დაკეტილი კაფე–ბარები

საქართველოს ბიზნეს-ასოციაცია: მხოლოდ ეკონომიკის გახსნა დაამარცხებს კრიზისს

41
(განახლებულია 14:08 21.01.2021)
საქართველოს ბიზნეს–ასოციაციაში მიაჩნიათ, რომ აუცილებელია ეკონომიკის გახსნა, მაგრამ მკაცრად უნდა გაკონტროლდეს ვირუსის გავრცელების პრევენციისათვის აუცილებელი ზომები

თბილისი, 21 იანვარი - Sputnik. პირველი თებერვლიდან ეკონომიკის გახსნისა და სხვადასხვა მიმართულებით შეზღუდვების მოხსნის გადაწყვეტილება უნდა იყოს ცალსახა, პრინციპული და შეუქცევადი, განაცხადა საქართველოს ბიზნეს–ასოციაციის პრეზიდენტმა სოსო ფხაკაძემ.

ტიკარაძე: თებერვლიდან განვიხილავთ გახსნებს, თუმცა...>>

არსებული ეპიდემიოლოგიური ვითარების გამო საქართველოში 28 ნოემბრიდან ახალი შეზღუდვები მოქმედებს, რომლებიც 2021 წლის 31 იანვრის ჩათვლით იქნება ძალაში. კერძოდ, სავალდებულოა პირბადის ტარება, ასევე იკრძალება ქუჩაში გასვლა 21:00 საათის შემდეგ დილის 5 საათამდე, არ მუშაობს საზოგადოებრივი ტრანსპორტი, დაკეტილია სავაჭრო ცენტრები, სპორტდარბაზები, რესტორნები, კაფე–ბარები და ა.შ. საქართველოში შეზღუდვების ეტაპობრივი მოხსნა 1 თებერვლიდან დაიწყება.

„პრაქტიკულად მთელი გასული წლის განმავლობაში ვიცხოვრეთ და ვიმუშავეთ COVID 19-ის დღის წესრიგით... გვესმის, რომ რეკომენდაციების დაცვა უნდა გაგრძელდეს პირველი თებერვლის შემდეგაც, ოღონდ ყოველგვარი ჩაკეტვის, წერტილოვანი თუ სექტორული შეზღუდვების გარეშე“, - თქვა ფხაკაძემ.

სოსო ფხაკაძის განცხადებით, ქვეყანას მხოლოდ ეკონომიკის გახსნის გზით შეუძლია დაამარცხოს პანდემიით გამოწვეული ეკონომიკური კრიზისი.

„2021 წლის პირველი თებერვალი ის თარიღია, რომლის შემდეგაც დღის წესრიგის კორექტირებაა აუცილებელი ეკონომიკური საჭიროებებიდან, მწვავე გამოწვევებიდან გამომდინარე“, - განაცხადა ფხაკაძემ.

ფხაკაძემ ასევე აღნიშნა, რომ რასაკვირველია, უცვლელი უნდა დარჩეს და მკაცრად გაკონტროლდეს ვირუსის გავრცელების პრევენციისათვის აუცილებელი ზომები, იქნება ეს მომხმარებელთა ნაკადების მართვა, დისტანციისა და პირბადის ტარების წესის დაცვა, პერიოდული ტესტირება თუ სხვა, რაზეც ეპიდემიოლოგები, მთავრობის ეკონომიკური გუნდი და ბიზნესი შეთანხმდებიან.

საქართველოს კოვიდსტატისტიკა დაწესებულ შეზღუდვებს ამართლებს - ჯანდაცვის სამინისტრო>>

ჯანდაცვისა და ეკონომიკის სამინისტროებს უკვე დაევალათ შეზღუდვების შემსუბუქებასთან დაკავშირებული ეტაპობრივი გეგმის შემუშავება. პირველ ეტაპზე მოლებისა და ბაზრობების გახსნა იგეგმება. შეზღუდვების შემსუბუქების შემდეგ სპეციალისტები ორი კვირის განმავლობაში ისეთ ინდიკატორებს დააკვირდებიან, როგორებიც არის დადებითობის და ინციდენტობის მაჩვენებელი, და ამ შედეგებზე დაფუძნებით გადაწყდება, რა შეზღუდვა მოიხსნება შემდეგ ეტაპზე.

41
თემები:
საქართველოს ეკონომიკა (905)
ბანგურიანი

დღის ასტროპროგნოზი ზოდიაქოს ნიშნებისთვის: 22 იანვარი

0
(განახლებულია 13:11 21.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 22 იანვარია, პარასკევი. მზარდი მთვარე კუროს ნიშანშია. ამ დღეს პლანეტა ვენერა მფარველობს.

იღბლიანი დღეა, აქტიურობისა და მკაფიო აზრების დრო. თუმცა, თვალი მიადევნეთ, რომ თქვენი თავდაჯერებულობა ზედმეტ სიამაყესა და ამპარტავნებაში არ გადაიზარდოს. დღე ხელსაყრელია ახალი წამოწყებებისთვის. ასევე ურიგო პერიოდი არაა ჯანმრთელობის თვალსაზრისით, მაგრამ ყურადღება მაინც გმართებთ – იგივე ზედმეტმა თავდაჯერებულობამ, შესაძლოა, სარისკო ნაბიჯებისკენ გიბიძგოთ და ჯანმრთელობის პრობლემები შეიქმნათ.

ზოდიაქოს რომელ ნიშნებს ელოდება მატერიალური კეთილდღეობა 2021 წელს>>

ვერძი: დღეს თქვენში წინა პლანზე გამოვა ისეთი თვისებები, როგორიცაა სიმტკიცე, მიზანსწრაფულობა და გამჭრიახობა. ამის წყალობით რთულ საქმეებსაც კი იოლად გაუმკლავდებით. არაა გამორიცხული, რომ ჩახლართული პრობლემიდან გამოსავალი იპოვოთ. თქვენი გეგმა მკაფიო იქნება, ხოლო მოქმედებები – ეფექტური. ეს მხოლოდ თქვენ საქმიანობას არ ეხება – პარასკევს ირგვლივ მყოფებსაც დაეხმარებით, ვინც ამის თხოვნით მოგმართავთ.

კურო: დღეს უზარმაზარი, პრაქტიკულად, უკიდეგანო პოტენციალით დასაჩუქრდებით. მთავარია, მომენტი ხელიდან არ გაუშვათ და ყველა მოცემული შესაძლებლობა გამოიყენოთ. ვარსკვლავები მოგიწოდებენ, სახლში არ დასხდეთ და ეცადოთ, მოვლენების ცენტრში აღმოჩნდეთ. თუ ასე მოიქცევით, ბევრი რამის მიღწევას შეძლებთ, გექნებათ შესაძლებლოა, რომ ცხოვრება უკეთესობისკენ შეცვალოთ. თუ ასე არ მოიქცევით, როგორც ამბობენ, „არ მინდა“ მიზეზია, ხოლო „არ შემიძლია“ – საბაბი.

ტყუპი: ასტროლოგები გირჩევენ, ეს დღე სიჩუმეში გაატაროთ. დროა, მოწყდეთ მოვლენებს, ღათა ამ ყველაფერს გარედან შეხედოთ. ამისთვის საკმარისია, მოერიდოთ აქტიურ ურთიერთობებს და ქვეცნობიერის ხმას მოუსმინოთ. აუჩქარებელი ფიქრი, აბაზანა მოდუნებისთვის, არომატული სანთლები, ან, სულაც, უსაქმოდ წამოწოლა დივანზე დაგეხმარებათ, რომ საკუთარ თავს ჩაუღმავდეთ და იპოვოთ პასუხები იმ კითხვებზე, რომლებიც გაღელვებთ.

კირჩხიბი: შესანიშნავი დღეა. თქვენი გრძნობები გაწონასოწრებული და ჰარმონიული იქნება იქნება როგორც სამყაროსთან, ისე საკუთარ თავთან. ამას თქვენ გვერდით მყოფი ადამიანებიც იგრძნობენ. პოზიტიური ემოციების წყალობით ადვილად მოიპოვებთ ადამიანების სიმპათიას, მათ მხარდაჭერას. იდეალური დღეა ახალი ნაცნობობის, ურთიერთობების, რომანტიკის, მოგზაურობის, შემოქმედებისთვის. გაატარეთ დრო თქვენთვის ძვირფასი ადამიანის გვერდით – გელოდებათ დიდი სიხარული, სიყვარული და წრფელი გული.

ლომი: შესანიშნავი დღეა კარიერის საკითხების ან სხვა ამბიციური მიზნების გადაწყვეტისთვის. იქნებით ორგანიზებული, გაძლიერდება ნებისყოფა და მიზნისკენ სვლის უნარი. ვარსკვლავები ამბობენ, რომ თუ ენერგიას სწორ კალაპოტში მიმართავს, უზარმაზარი ნაბიჯის გადადგმას შეძლებთ წინ. ერთადერთი „მაგრამ“ ისაა, რომ ყველაფერში გარშემომყოფებზე დაყრდნობა არ ღირს – პასუხისმგებლობისა და დისციპლინის თვალსაზრისით, თქვენგან გასნხვავებით, ისინი ძალიან მოიკოჭლებენ.

ქალწული: დღეს გაქვთ შანსი, რომ დარწმუნდეთ ამ ანდაზის ჭეშმარიტებაში – „ზოგი ჭირი მარგებელია“. დიდი ალბათობაა, რომ ერთი შეხედვით არახელსაყრელი გარემოება თქვენ სასარგებლოდ შემობრუნდეს. ასე რომ არ ღირს ბედზე წუწუნი და ნაჩქარევი დასკვნების გამოტანა – პარასკევს არცთუ პოზიტიური მოვლენის უკან შეიძლება სასიამოვნო სიურპრიზი იმალებოდეს.

სასწორი: დღეს უზარმაზარი შესაძლებლობები გელოდებათ, რომლებიც არ იქნება დამოკიდებული გზაზე გაჩენილ დაბრკოლებებზე. განწყობა საბრძოლო გექნებათ და ბარიერები და რთული ამოცანები თქვენს აზარტს კიდევ უფრო გაახელებს. იგივე შეეხება მეტოქეებს – პარასკევს ისინი მეტ სტიმულს მოგცემენ და ხარის წინ აფრიალებული წითელი ქსოვილის ფუნქციას შეასრულებენ. ასე რომ, არ შეუშინდეთ დაბრკოლებებს – სწორედ ისინი მოგცემთ ბრძოლისა და გამარჯვების ბიძგს.

მორიელი: დღეს ცხოვრების ნებისმიერ სფეროში, შესაძლოა, საკმაოდ მაცდური წინადადება მიიღოთ, მაგრამ სანამ დათანხმდებით, ასტროლოგები კარგად დაფიქრებას გირჩევენ. შესაძლოა, წინადადება მართლაც მომგებიანი იყოს, მაგრამ ასევე არაა გამორიცხული, რომ სარისკოც აღმოჩნდეს. ამის გამოსარკვევად ჯერ შეაგროვეთ რაც შეიძლება მეტი ინფორმაცია და მხოლოდ ამის შემდეგ მიიღეთ გადაწყვეტილება. ხომ გაგიგიათ, ყველაფერი ოქრო არაა, რაც ბრწყინავს.

მშვილდოსანი: ასტროლოგები გაფრთხილებენ, რომ დღეს საქმეებისადმი ზედმეტად სერიოზული დამოკიდებულება არ ღირს. ეს განსაკუთრებით ყოფით საკითხებს, რუტინულ სამუშაოსა და წვრილმანებს ეხება. პარასკევს თქვენი განწყობა იმგვარი იქნება, რომ ნებისმიერ არასწორად გაკეთებულ საქმეს თქვენი სულიერი წონასწორობის დარღვევა შეუძლია. მცირეოდენი შეცდომის გამო ნერვიულობა ნამდვილად არ ღირს. სხვათა შორის, ამის გამოსწორება სულაც არ იქნება რთული: საკმარისია, საკუთარ თავს გარედან შეხედოთ და თან იუმორიც არ დაივიწყოთ.

თხის რქა: დღეს ბედმა, შესაძლოა, სასიამოვნო სიურპრიზი მოგიმზადოთ. არ არის გამორიცხული დაწინაურება სამსახურში, საჩუქრის მიღება, დაუგეგმავი თანხის შემოსვლა. ერთადერთი პრობლემა გარშემომყოფებთან ურთიერთობებში შეიძლება შეიქმნას, თუ მხოლოდ საკუთარ თავზე და წარმატებებზე იფიქრებთ. შესაძლოა, მიზნის მიღწევისას ვინმეს გზა გადაუღობოთ, ან ვინმეს თქვენი მიღწევების ძალიან შეშურდეს. ასეა თუ ისე, დღეს მეტი მოკრძალება გმართებთ, ეცადეთ, სხვის გრძნობებს არ შეეხოთ.

მერწყული: ემოციებითა და სულიერი კავშირებით დატვირთული დღეა. დაუთმეთ რაც შეიძლება მეტი დრო საყვარელ ადამიანს, მეგობრებს, ნათესავებს. ეს მძლავრი პოზიტიური ენერგიით დაგმუხტავთ. თუ ახლობელ ადამიანთან სერიოზული საუბარი გსურთ, პარასკევი სწორედ რომ შესაფერისი დღეა ამისთვის. სჯობს, არ გადადოთ და დაელაპარაკოთ მას. თქვენი ნათქვამი სწორად იქნება გაგებული.

თევზები: საქმიანობაში უზარმაზარი აქტიურობის ჩვენება შეგიძლიათ, თუმცა ექსპერტები გირჩევენ, ნაჩქარევი გადაწყვეტილება არ მიიღოთ და არაფერი მოიმოქმედოთ, სანამ კარგად არ მოიფიქრებთ. ამ დროს კი თქვენი განწყობა პირიქითაა – რაღაც ძალა ჯერ მოქმედებისა და შემდეგ დაფიქრებისკენ გიბიძგებთ. ეს, რა თქმა უნდა, საქმეებზე კარგად არ აისახება. აქედან გამომდინარე, სჯობს, ემოციებს არ აჰყვეთ და იმოქმედოთ წესით – ასჯერ გაზომე და ერთხელ გაჭერი.

0