საქორწილო კაბა მანეკენზე ქუჩაში

პატარძალი საქორწილო კაბის გარეშე, ანუ როგორ ავარიდოთ თავი დადგენილ აკრძალვებს

129
(განახლებულია 14:11 15.09.2020)
შრომის ინსპექციის მიერ ამ დღეებში აჭარაში ჩატარებულმა შემოწმებებმა თავისი შედეგი გამოიღო – დარღვევები და, შესაბამისად, ჯარიმები ნაკლებია.

თბილისი, 15 სექტემბერი – Sputnik. აჭარაში ობიექტების მხრიდან კორონავირუსის საწინააღმდეგო რეკომენდაციების დაცვის შესრულების შემოწმებისას ექვსი სარიტუალო დარბაზი დაჯარიმდა, განუცხადა ჟურნალისტებს საქართველოს ჯანდაცვის სამინისტროს შრომის პირობების ინსპექტირების დეპარტამენტის ხელმძღვანელმა ბექა ფერაძემ.

მასობრივი შემოწმებები გრძელდება: რამდენი სკოლაა მზად მოსწავლეების მისაღებად>>

ეპიდემიური ვითარების გაუარესებასთან დაკავშირებით საქართველოს ხელისუფლებამ 9 სექტემბერს ქვეყანაში რიგი შეზღუდვების დაწესების გადაწყვეტილება მიიღო. კერძოდ, აიკრძალა კულტურული და სპორტული ღონისძიებების ჩატარება 200-ზე მეტი ადამიანის მონაწილეობით, სარიტუალო ღონისძიებების – ქორწილების, ქელეხების, იუბილეების, დღესასწაულების გამართვა, დაიკეტა ღამის კლუბები. შრომის ინსპექცია აქტიურად ამოწმებს, თუ რამდენად იცავენ ობიექტები დადგენილ აკრძალვებს. მონიტორინგში ჩართული არიან სურსათის ეროვნული სააგენტო, ადგილობრივი მუნიციპალიტეტების სამეთვალყურეო სამსახურები და შსს.

„მისასალმებელია, რომ ტენდენცია ზოგადად არის ნაკლები და ჩვენ ყოველდღიურად სულ უფრო და უფრო ნაკლები ობიექტის დაჯარიმება გვიწევს ამ მიმართულებით. მიუხედავად ამისა, სამწუხაროდ, აჭარის რეგიონში მოგვიხდა ექვსი სარიტუალო დარბაზის დაჯარიმება იმისთვის, რომ მათ კვლავ განახორციელეს სოციალური ღონისძიება. ქვეყნის მასშტაბით ჯამში დაჯარიმებულია ამ მიმართულებით 20 ბიზნეს-სუბიექტი... აქ გარკვეულწილად მოდიფიცირებას განიცდის და ხშირ შემთხვევაში მაინც ცდილობს სხვადასხვა ადამიანი, რომ რეგულაციების გვერდის ავლით განახორციელოს სოციალური ღონისძიება, მაგალითად, ჩვენ ვნახეთ, რომ სადედოფლო კაბის გარეშე ხორციელდებოდა ქორწილი“, – განაცხადა ფერაძემ.

მისი თქმით, აჭარაში ყველა ხალხმრავალი ადგილი შეამოწმეს – ექვსი ბაზრობა და თითქმის 150 ობიექტი.

ბათუმში ოთხი ღამის კლუბი დახურეს>>

„ექვსი ბაზრის 150 მეწარმეს მიეცა გაფრთხილება. ჯამში შეიძლება ითქვას, რომ ამ მიმართულებით გარკვეულწილად დამაკმაყოფილებელი იყო ვითარება, თუმცა კვლავ განემარტათ მეწარმე-სუბიექტებს და შემოწმების აქტზე ხელმოწერით დაადასტურეს ნაკისრი ვალდებულებების გაცნობა. გარდა ამისა, დაახლოებით 150 ობიექტზე განვახორციელეთ სამი დღის განმავლობაში ზედამხედველობა, მოხდა მათი გაფრთხილება, ასევე გეგმური მონიტორინგი“, – განაცხადა ფერაძემ.

მან ასევე აღნიშნა, რომ ბარებთან, რესტორნებთან და კვების ობიექტებთან დაკავშირებული მდგომარეობა დამაკმაყოფილებელია. შეამოწმეს ასეთი რვა ობიექტი, აქედან დაჯარიმდა ერთი, ხოლო დანარჩენები გააფრთხილეს და რეკომენდაციები კიდევ ერთხელ გააცნეს.

აჭარაში ასევე შეამოწმეს საზოგადოებრივი ტრანსპორტის 927 ერთეული. პირბადის ტარებაზე გაფრთხილება მიიღო 358-მა მგზავრმა.

ფერაძის განცხადებით, მთლიანობაში ვითარება აჭარაში დამაკმაყოფილებელია. მონიტორინგი მთელ ქვეყანაში გრძელდება, მაგრამ განსაკუთრებული ყურადღება ექცევა ისეთ დიდ ქალაქებს, როგორიც თბილისი და ქუთაისია.

ამ დროისათვის საქართველოში კორონავირუსის 2392 შემთხვევა დაფიქსირდა. პანდემიის დაწყებიდან გამოჯანმრთელდა 1369 ადამიანი, გარდაცვლილია 19 პაციენტი.

კორონავირუსის პირველი შემთხვევა ქვეყანაში 26 თებერვალს დაფიქსირდა.

129
თემები:
COVID-19 საქართველოში (1789)
ვალუტის გადამცვლელი კურსი

ლარის კურსი 24 სექტემბერს

58
(განახლებულია 23:45 23.09.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0242 ლარით გაუფასურდა.

თბილისი, 24 სექტემბერი  — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,2641 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0104 ლარით გაუფასურდა. 

ლარის კურის 24 სექტემბერს
58
თემები:
ლარის კურსი დღეს
ლარის სხვადასხვა ნომინალის კუპიურები

რატომ ყიდის ეროვნული ბანკი რეზერვებიდან დოლარს კობა გვენეტაძის განმარტება

206
(განახლებულია 20:41 23.09.2020)
ეროვნული ბანკის პრეზიდენტის პროგნოზით, პანდემიასთან დაკავშირებული გაურკვევლობის აღმოფხვრისა და ტრადიციული წინასაარჩევნო აჟიოტაჟის გადავლის შემდეგ კურსი მის წონასწორულ ნიშნულს დაუბრუნდება.

თბილისი, 23 სექტემბერი – Sputnik. ეროვნული ბანკის ინტერვენციების მიზანი ბაზარზე უცხოური ვალუტის მიწოდებაა, აცხადებს საქართველოს ეროვნული ბანკის პრეზიდენტი კობა გვენეტაძე.

ეროვნული ბანკი განაგრძობს ვალუტის გაყიდვას. დღეს გამართულ მორიგ აუქციონზე მან ლარის კურსის დასტაბილურების მიზნით კიდევ 40 მილიონი აშშ დოლარი გაყიდა.

პანდემია და არჩევნები საქართველოში: რა ხდება ლარის კურსთან დაკავშირებით>>

სავალუტო ბაზრის სტაბილიზებისთვის ეროვნულმა ბანკმა სავალუტო აუქციონებზე ნახევარ წელიწადში უკვე 400 მლნ დოლარზე მეტი გაყიდა.

„ბოლო დროს ხშირად ისმის განცხადებები: „ეროვნულმა ბანკმა 20 მილიონი დოლარი გაყიდა, მაგრამ ლარი მაინც ვერ გაამყარა“. ეს არასწორია. მსურს განვმარტო, რომ ეროვნული ბანკის ინტერვენციების მიზანი ლარის გამყარება ან გაუფასურება არ გახლავთ. შეგახსენებთ, რომ საქართველოში მოქმედებს მცურავი გაცვლითი კურსის რეჟიმი... პანდემიის პერიოდში განხორციელებული ინტერვენციები ლარის კურსის საბაზრო ქცევას ხელს არ უშლის. ამჟამინდელი ინტერვენციების მიზანი ბაზარზე უცხოური ვალუტის მიწოდებაა“, – დაწერა კობა გვენეტაძემ თავის Facebook-გვერდზე.

გვენეტაძის თქმით, მიუხედავად იმისა, რომ მცურავი კურსის პირობებში შეუძლებელია იმის თქმა, თუ სად არის ამა თუ იმ ვალუტის წონასწორული კურსი, დიდი ალბათობით, დღეს ლარი წონასწორულზე მეტად გაუფასურებულია. პანდემიასთან დაკავშირებული გაურკვევლობის აღმოფხვრისა და ტრადიციული წინასაარჩევნო აჟიოტაჟის გადავლის შემდეგ კი კურსი მის წონასწორულ ნიშნულს დაუბრუნდება.

„პანდემიის გავლენა საქართველოს ეკონომიკაზე ძირითადად ტურიზმიდან მიღებული შემოსავლების თითქმის განულებაში აისახა. ქვეყნის ეკონომიკურმა გუნდმა პანდემიის მიერ დაზიანებული ეკონომიკის დასახმარებლად დროის უმოკლეს პერიოდში უცხოური ვალუტით მოცულობითი დახმარება მოიზიდა, რომლის ნაწილიც, საერთაშორისო საფინანსო ინსტიტუტებთან შეთანხმებული პროგრამის ფარგლებში, ეროვნული ბანკის ინტერვენციების მეშვეობით მიმდინარე წელს და, სავარაუდოდ, მომავალი წლის პირველ ნახევარშიც ეკონომიკას ეტაპობრივად მიეწოდება“, – აღნიშნა გვენეტაძემ.

გვენეტაძის აზრით, ისეთი სულისკვეთების განცხადებები, როგორიცაა „ეროვნულმა ბანკმა 20 მილიონი დოლარი გაყიდა, მაგრამ ლარი მაინც ვერ გაამყარა“, ნებსით თუ უნებლიეთ, მოსახლეობას და ბიზნესს არასწორი გადაწყვეტილებებისკენ უბიძგებს და, საბოლოო ჯამში, მათ მხოლოდ აზარალებს.

„ამიტომ სასურველია გავიაზროთ, რომ როგორც მთელი მსოფლიო, ასევე საქართველო უპრეცედენტოდ რთულ პერიოდს გადის. ამ გამოწვევის წინააღმდეგ სწორი ნაბიჯების გადადგმით - რისი გამოცდილებაც ეროვნულ ბანკს აქვს - ამ კრიზისს მინიმალური დანახარჯებით გადავლახავთ“, – განაცხადა გვენეტაძემ.

პანდემია სერიოზულად აისახა ლარის კურსზე. ეროვნული ვალუტის კურსზე, რომელიც ანტირეკორდებს ამყარებს, ჯერ ნავთობის, ხოლო შემდეგ მსოფლიო ეკონომიკური კრიზისი აისახა.

40 მილიონი დოლარის გაყიდვის შემდეგ საშუალო შეწონილმა გაცვლითმა კურსმა 3.2641 შეადგინა.

206
თემები:
ლარის კურსის დაცემა
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 24 სექტემბერს

0
(განახლებულია 17:25 23.09.2020)
გადაუდებელი სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 24 სექტემბერი — Sputnik. სააქციო საზოგადოება „თელასი" იუწყება, რომ 23 სექტემბერს გადაუდებელი სარემონტო სამუშაოების გამო დედაქალაქის სხვადასხვა უბანში ელექტროენერგიის მიწოდება დროებით შეიზღუდება.

მთაწმინდის რაიონი

10:00 საათიდან 18:00 საათამდე შეზღუდვა შეეხება: ლერმონტოვის, ლორთქიფანიძის, ჭონქაძის და იაშვილის ქუჩების მოსახლეობას.

სამგორის რაიონი

11:00 საათიდან 16:00 საათამდე შეზღუდვა შეეხება: სამგორის დასახლების, ვარკეთილი-3 I, IIIა, IV მიკრორაიონების, ვარკეთილის ზემო პლატოს II მიკრორაიონის, ხეხილ-სანერგე მეურნეობის, კოტეტიშვილის, ჯავახეთის, თრიალეთის, სადგერის, ოჯალეში, ვიქტორ კუპრაძის, რწმენის, აკაკი ჩხენკელის, ბარბარე მაჭავარიანი-წერეთლის ქუჩების მოსახლეობას.

დიდუბის რაიონი

11:00 საათიდან 18:00 საათამდე შეზღუდვა შეეხება: ხოშარაულის ქუჩის მოსახლეობას.

ვაკის რაიონი

10:00 საათიდან 13:00 საათამდე შეზღუდვა შეეხება: ჭავჭავაძის გამზირის (ნაწილობრივ) მოსახლეობას.

გლდანის რაიონი

10:00 საათიდან 17:00 საათამდე შეზღუდვა შეეხება: გლდანის მასივის I, II მიკრორაიონების, ომარ ხიზანიშვილის, ფორე მოსულიშვილის, ალეკო გობრონიძის და ილია ვეკუას ქუჩების მოსახლეობას.

საბურთალოს რაიონი

14:00 საათიდან 17:00 საათამდე შეზღუდვა შეეხება: ყაზბეგის გამზირის, გიორგი გეგეჭკორის, მედეა ჩახავას, მარიკა ბარათაშვილის, ოთარ ლორთქიფანიძის და ოთარ ჩხეიძის ქუჩების მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

0
თემები:
თბილისი დღეს