ელექტროგამანაწილებელ კომპანია „თელასი“

„საპარტნიორო ფონდმა“ „თელასის“ აქციები 10,5 მილიონ დოლარად გაყიდა

101
ელექტროგამანაწილებელი კომპანიის თანამფლობელი შპს „ბესთ ენერჯი გრუპი“ გახდება, რომელმაც საჯარო აუქციონში გაიმარჯვა

თბილისი, 9 სექტემბერი - Sputnik. სახელმწიფო „საპარტნიორო ფონდმა“ ელექტროგამანაწილებელ კომპანია „თელასში“ თავისი აქციების 24,5% გაყიდა, ნათქვამია ფონდის ვებგვერდზე გამოქვეყნებულ განცხადებაში.

რატომ ყიდის საპარტნიორო ფონდი „თელასის“ აქციებს >>

სს „თელასი“ არის საქართველოს ერთ-ერთი უმსხვილესი ქსელური კომპანია, რომელიც თბილისში ელექტროენერგიის განაწილებაზეა პასუხისმგებელი. კომპანია ელექტროენერგიით ამარაგებს 600 ათას მომხმარებელს. 2003 წლის აგვისტოში „თელასი“ შევიდა რუსეთის სახელმწიფო ჯგუფ „ინტერ რაოს“ შემადგენლობაში. ჰოლდინგს „თელასის“ აქციების 75% ეკუთვნის.

„საპარტნიორო ფონდის“ ოფისში სს „თელასის“ კაპიტალში კუთვნილი აქციების წილის - 24.529%-ის გასასხვისებლად საჯარო აუქციონი ჩატარდა. საჯარო აუქციონში გამარჯვებულად შპს „ბესტ ენერჯი გრუპი“ დასახელდა, რომელმაც აქციები 10 527 467 აშშ დოლარად შეიძინა“, - ნათქვამია განცხადებაში.

საჯარო აუქციონის საწყისი ფასი შეადგენდა 10 511 211.08 აშშ დოლარის ეკვივალენტს ლარში.

ფონდის ინფორმაციით, „ენერგეტიკისა და წყალმომარაგების შესახებ“ კანონის თანახმად, აუქციონის გამარჯვებული ვერ გახდება აქციათა პაკეტის მფლობელი საქართველოს ენერგეტიკისა და წყალმომარაგების მარეგულირებელი ეროვნული კომისიის თანხმობის გარეშე.

„საპარტნიორო ფონდი“ არის სახელმწიფო საინვესტიციო ფონდი, დაფუძნებული 2011 წელს. მისი საქმიანობის მთავარი მიმართულება - საქართველოში საინვესტიციო პროექტების განვითარების საწყის ეტაპზე თანამონაწილეობის გზით ინვესტირების წახალისებაა. ამ მომენტში მთავრობა იხილავს მისი რეფორმირების საკითხს.

ფონდის მიზანია თანამშრომლობის განვითარება საჯარო და კერძო სექტორებს შორის საინვესტიციო პროექტების განსახორციელებლად, სამუშაო ადგილების შესაქმნელად, უცხოური ინვესტიციების მოსაზიდად და ქვეყნის ეკონომიკის გასავითარებლად. ფონდი ფუნქციონირებს ოთხ სექტორში - ენერგეტიკის, სოფლის მეურნეობის, მრეწველობისა და უძრავი ქონების. ფონდის ფინანსური მონაწილეობა შემოიფარგლება პროექტის მთლიანი კაპიტალის 49%-ით და პროექტის ჯამური ღირებულების 25%-ით. დანარჩენი კაპიტალი სტრატეგიული ინვესტორის მიერ იფარება.

საპარტნიორო ფონდი მართავს რამდენიმე სახელმწიფო კომპანიას, მათ შორის, საქართველოს რკინიგზას, ნავთობისა და გაზის კორპორაციას, საქართველოს სახელმწიფო ელექტროსისტემას.

საჯარო რეესტრის მონაცემებით, შპს „ბესთ ენერჯი გრუპი“ საქართველოშია დარეგისტრირებული და მისი მფლობელი ხვიჩა მაქაცარიაა.

101
თემები:
საქართველოს ენერგეტიკა (118)
საწარმო

საქართველოში სახელმწიფო საწარმოთა რეფორმის საბჭო შეიქმნება

20
(განახლებულია 13:41 25.02.2021)
აღსანიშნავია, რომ სახელმწიფო საწარმოების რეფორმაზე ფინანსთა სამინისტრომ მუშაობა 2020 წლის მეორე კვარტალიდან დაიწყო.

თბილისი, 25 თებერვალი - Sputnik. საქართველოში სახელმწიფო საწარმოთა რეფორმის საბჭო შეიქმნება, განაცხადა საქართველოს პრემიერ-მინისტრმა ირაკლი ღარიბაშვილმა ხუთშაბათს გამართულ მთავრობის  სხდომაზე.

მისი თქმით, ასეთი აუცილებლობა კორონავირუსით გამოწვეული ეკონომიკური კრიზისის გამო წარმოიშვა. პრემიერი იმედს გამოთქვამს, რომ ახალი საბჭო ხელს შეუწყობს ეკონომიკის განვითარებას. 

როგორც ღარიბაშვილმა აღნიშნა, საბჭო სახელმწიფო საწარმოთა რეფორმის სტრატეგიასა და კონკრეტულ სამოქმედო გეგმას შეიმუშავებს და ასევე  უზრუნველყოფს და მეთვალყურეობას გაუწევს რეფორმების დანერგვას ყველა ეტაპზე.

„ჩვენი მთავრობა აქტიურად მუშაობს სახელმწიფო საწარმოების კოპლექსურ რეფორმაზე, რომლის მიზანია, კორპორაციული მართვის უმაღლეს სტანდარტებთან დაახლოება. ეს არის ევროპული ტიპის რეფორმა, რომელიც ეფუძნება საუკეთესო ევროპულ სტანდარტებს და გამოცდილებას. ინიციატივას აქტიურად უჭერს მხარს საერთაშორისო სავალუტო ფონდი, მსოფლიო ბანკი და „აზიის განვითარების ბანკი“, – განაცხადა ღარიბაშვილმა.

„რეფორმა მოგვცემს საშუალებას, მივაღწიოთ სახელმწიფო საწარმოთა სექტორში ეფექტიანობის ზრდას, რამაც ხელი უნდა შეუწყოს მათი წვლილის გაზრდას ეკონომიკურ საქმიანობაში“, - განაცხადა ღარიბაშვილმა.

კორონავირუსის პანდემიამ ქვეყნის ეკონომიკას დიდი ზიანი მიაყენა. მოსახლეობის გარკვეული ნაწილი შემოსავლის გარეშე დარჩა, ბიზნესი სტაგნაციას განიცდის, ვითარებას მოქმედი შეზღუდვებიც ართულებს. პანდემიის შედეგების შესარბილებლად მთავრობამ 2020 წლის აპრილში დაამტკიცა ანტიკრიზისული გეგმა მოსახლეობისა და ბიზნესის დასახმარებლად, რომელიც ამ დღემდე რამდენიმე ეტაპად ხორციელდება.

20
ვალუტის გაცვლის პუნქტი

ლარის კურსი 25 თებერვალს

62
(განახლებულია 17:53 24.02.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0029 ლარით გაუფასურდა.

თბილისი, 25 თებერვალი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,3198 GEL/$1 ნიშნულზე დაადგინა.

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0029 ლარით გაუფასურდა.

ლარის კურსი 25 თებერვალს
ლარის კურსი 25 თებერვალს
62
თემები:
ლარის კურსი დღეს
თამო ვაშალომიძე

„100 ლარი მასესხე...“ - თამო ვაშალომიძის უცნაურმა „ლუქმა“ სოცქსელები მოიცვა

0
(განახლებულია 12:42 25.02.2021)
ცნობილი მოდელის უცნაურმა ჩაცმულობამ სოციალური ქსელის მომხმარებლების ყურადღება მიიქცია. ნახეთ რა აცვია ვაშალომიძეს

თამო ვაშალომიძემ „ინსტაგრამზე“ ფოტო გამოაქვეყნა, სადაც ქართული 100-ლარიანებით დაპრინტული ტანისამოსი აცვია. ფოტო მალევე გახდა განხილვის საგანი და უამრავი კომენტარი დაიმსახურა. „კიდე ეგ უნდოდა ლარს?“, „თამო ასი ლარი მასესხე“, „თამომ ლარის კურსი გაამყარა“, „ყოველთვის ორიგინალური იდეები და საუკეთესო შედეგი მაგარი გოგო ხარ წარმატებები შენ“, „ევროები უფრო მოგიხდება თამო“, - უწერენ მოდელს კომენტარებში.

თამო ვაშალომიძე, ფაქტობრივად, საიდუმლოს გარეშე ცხოვრობს. ერთადერთი, რაც მოდელმა თაყვანისმცემლებს დღემდე არ გაუმხილა – მისი პირველი პარტნიორის ვინაობაა. მოდელმა ახალშობილი ვაჟის ფოტო მშობიარობისდღეს გამოაქვეყნა და დაწერა, რომ სიტყვებით ვერ გადმოსცემს ისეთი ბედნიერია, თუმცა ბავშვის სახე დამალა. ახლა მოდელმა გადაწყვიტა თაყვანისმცემლებს უსაყვარლესი მაქსიმეს სახეც აჩვენოს, რასაც სოფიას დაბადებისას არ აკეთებდა და საგულდაგულოდ მალავდა ცხოვრების გარკვეულ დეტალებს.

რამდენიმე თვეა თაყვანისმცემლებმა შეამჩნიეს, რომ მის გვერდზე ეროტიკული ხასიათის სურათებმა იკლო, ხოლო ოჯახურმა იდილიამ იმატა. თამო ვაშალომიძის ახალი პარტნიორი აკა სამხარაძეა. ის ბიზნესმენია, რომელიც სამედიცინო სფეროში საქმიანობს. ფოტომოდელის განცხადებით, ისინი ერთ წელზე მეტია, რაც ერთმანეთს ხვდებიან. ეს ერთი ნახვით შეყვარებას ჰგავს.

 

 

0
თემები:
სელებრითების ცხოვრება