ხულოში ფერმერი მიწას ამუშავებს

ახალი შეღავათები: ფერმერებს სამელიორაციო მომსახურების გადასახადი მოეხსნა

73
(განახლებულია 10:44 05.09.2020)
მთავრობის გადაწყვეტილებით, 2020 წელს 10 ჰექტრამდე ფართობის მიწის ნაკვეთების მფლობელები სამელიორაციო მომსახურების საფასურის გადახდისგან მთლიანად გათავისუფლდნენ.

თბილისი, 5 სექტემბერი – Sputnik. სახელმწიფო შეღავათით, რომელიც სამელიორაციო მომსახურების საფასურისგან გათავისუფლებას გულისხმობს, 24 ათასმა აბონენტმა ისარგებლა, ნათქვამია კომპანია „საქართველოს მელიორაციის“ განცხადებაში.

COVID-19-ით გამოწვეული ეკონომიკური ზარალის შემცირების მიზნით, ასევე ეკონომიკის წასახალისებლად სოფლის მეურნეობის სამინისტრომ შეიმუშავა ანტიკრიზისული გეგმა „ზრუნვა სოფელზე და ფერმერებზე“, რომელიც მელიორაციის კუთხით მნიშვნელოვან შეღავათებს ითვალისწინებს.

ამგვარად, ფერმერებმა ამ გეგმის შედეგად 2,9 მილიონი ლარი დაზოგეს.

მთავრობის გადაწყვეტილებით, 2020 წელს 10 ჰექტრამდე ფართობის მიწის ნაკვეთების მფლობელები სამელიორაციო მომსახურების საფასურის გადახდისგან მთლიანად გათავისუფლდნენ.

გარდა ამისა, ანტიკრიზისული გეგმის ფარგლებში, 42 ათასი ფიზიკურ და იურიდიულ პირს მთლიანად ჩამოეწერა 8 მილიონამდე ლარის დავალიანება „საქართველოს მელიორაციის“ წინაშე. დავალიანება 2012 წლიდან 2019 წლამდე მიწის ნაკვეთების სამელიორაციო მომსახურებისთვის დაგროვდა.

ყურძნის შემდეგ ვაშლი: რა დახმარებას მიიღებენ კომპანიები >>

კორონავირუსის პანდემიით გამოწვეულმა კრიზისის გამო მთავრობას პრიორიტეტების გადახედვა მოუწია - მთავრობამ განაცხადა იმპორტჩანაცვლების გეგმებზე და შეიმუშავა სოფლის მეურნეობის დახმარების გეგმა, რომელიც მიმართულია იმ ფერმერული მეურნეობების განვითარებაზე, რომლებიც რეგისტრირებულ მიწას ფლობენ. ამ პროგრამით დაახლოებით 200 ათასი ფერმერი უკვე იღებს დამატებით შეღავათებს.

73
თემები:
საქართველოს სოფლის მეურნეობა (139)
ვალუტის გადამცვლელი პუნქტი

ლარის კურსი 25 სექტემბერს

41
(განახლებულია 09:21 25.09.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0256 ლარით გაუფასურდა.

თბილისი, 25 სექტემბერი  — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,2897 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0256 ლარით გაუფასურდა. 

ლარის კურსი 25 სექტემბერს
41
თემები:
ლარის კურსი დღეს
სტუდენტები

სოციალურად დაუცველი სტუდენტების სწავლის დასაფინანსებლად ელექტრონული პორტალი ამოქმედდა

80
(განახლებულია 20:54 24.09.2020)
ელექტრონულ პორტალზე რეგისტრაციის შესაძლებლობა ექნება იმ მშობელსაც, რომლის სარეიტინგო ქულა ნაკლებია 150 ათასზე და სტუდენტი შვილი არ არის გათვალისწინებული ოჯახის წევრად.

თბილისი, 24 სექტემბერი – Sputnik. დღეიდან სოციალურად დაუცველი სტუდენტების სწავლის საფასურის დასაფინანსებლად ჯანდაცვის სამინისტროს ვებ-გვერდზე ელექტრონული პორტალი student.moh.gov.ge ამოქმედდა, ნათქვამია უწყების მიერ გავრცელებულ განცხადებაში.

მიიღე დაფინანსება: თბილისის მერია სტუდენტების განცხადებების მიღებას იწყებს>>

საქართველოს პრემიერ-მინისტრის გიორგი გახარიას ინიციატივით, სოციალურად დაუცველ სტუდენტებს, რომელთა ოჯახებს 150 ათასზე ნაკლები სოციალური ქულა აქვთ, სახელმწიფო სრულად დაუფარავს 2019–2020 სასწავლო წლის გაზაფხულის სემესტრისა და 2020–2021 სასწავლო წლის შემოდგომის სემესტრის სწავლის საფასურს.

სამინისტროს ცნობით, იმ სტუდენტებს, რომლებიც რეგისტრირებული არიან სოციალურად დაუცველი ოჯახების მონაცემთა ბაზაში და 2020 წლის 1 სექტემბრის მდგომარეობით სარეიტინგო ქულა ნაკლებია 150 ათასზე, არ სჭირდებათ რეგისტრაცია ელექტრონულ პორტალზე.

ასევე ელექტრონულ პორტალზე რეგისტრაციის შესაძლებლობა ექნება მშობელს, რომელიც რეგისტრირებულია „სოციალურად დაუცველი ოჯახების მონაცემთა ერთიანი ბაზაში“, სარეიტინგო ქულა ნაკლებია 150 ათასზე და სტუდენტი შვილი არ არის გათვალისწინებული ოჯახის წევრად.

სტუდენტის მშობელი რეგისტრაციისას უთითებს:

  • საკუთარ სახელს, გვარსა და პირად ნომერს;
  • სტუდენტი შვილის სახელს, გვარს, პირად ნომერს და საჭიროების შემთხვევაში ატვირთავს პირადობის დამადასტურებელი დოკუმენტის და დაბადების მოწმობის ასლებს.

ელექტრონულ პორტალზე რეგისტრაცია შესაძლებელია 2020 წლის 1 ნოემბრამდე.

80
თემები:
სოციალური სფერო საქართველოში
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 25 სექტემბერს

0
(განახლებულია 20:56 24.09.2020)
გადაუდებელი სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 25 სექტემბერი — Sputnik. სააქციო საზოგადოება „თელასი" იუწყება, რომ 25 სექტემბერს გადაუდებელი სარემონტო სამუშაოების გამო დედაქალაქის სხვადასხვა უბანში ელექტროენერგიის მიწოდება დროებით შეიზღუდება.

საბურთალოს რაიონი

 11:00 საათიდან 16:00 საათამდე შეზღუდვა შეეხება: ვაჟა-ფშაველას VI კვარტლის (ნაწილობრივ) და ავთო ვარაზის ქუჩის მოსახლეობას.

კრწანისის რაიონი

11:00 საათიდან 17:00 საათამდე შეზღუდვა შეეხება: ხეივნის დასახლების მოსახლეობას.

დიდუბის რაიონი

11:00 საათიდან 18:00 საათამდე შეზღუდვა შეეხება: აკაკი წერეთლის გამზირის (ნაწილობრივ) მოსახლეობას.

 

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

0
თემები:
თბილისი დღეს