საქართველოს ბიზნეს–ასოციაცია: ნავთობპროდუქტების სფეროში ვითარება გაუმჯობესდა

საქართველოს ბიზნეს-ასოციაცია: ნავთობპროდუქტების სფეროში ვითარება გაუმჯობესდა

94
(განახლებულია 15:25 28.08.2020)
კორონავირუსის პანდემიის დასაწყისიდან საქართველოში საწვავზე ფასმა დაიწია, თუმცა ივნისის შუა რიცხვებიდან ფასებმა ისევ მატება დაიწყო.

თბილისი, 28 აგვისტო – Sputnik. საწვავის იმპორტის გაზრდამ ნავთობპროდუქტების ინდუსტრიაში არსებული  პრობლემის მასშტაბი დაგვანახა, განაცხადა ნავთობისა და გაზის ბიზნეს-ასოციაციის ხელმძღვანელმა შავლეგ მიშველაძემ.

მისი თქმით, 2020 წლის შვიდი თვის მანძილზე პანდემიის ფონზე დიზელის საწვავის იმპორტი, გასული წლის ანალოგიურ პერიოდთან შედარებით, 11%-ით გაიზარდა, მაშინ, როცა ბენზინის იმპორტი აღნიშნულ პერიოდში შემცირდა 1,4%-ით. 

„დიზელის საწვავის იმპორტის ზრდა პირდაპირ ხაზს უსვამს იმ პრობლემებს, რაც არსებობდა ინდუსტრიაში და 2018-2019 წლებში გამოვლინდა დღგ-სთან დაკავშირებული მანიპულაციებისა თუ აღურიცხავი საწვავის სახით“, – განაცხადა მიშველაძემ.

ამასთან, მან აღნიშნა, რომ მიღწეული შედეგების საფუძველი გახდა საკანონმდებლო ცვლილებები, ნორმატიული აქტები და ეფექტური ადმინისტრირება, რამაც ხელი შეუწყო ბიზნესში ჯანსაღი კონკურენტული გარემოს განვითარებას.

საქართველოს ნავთობპროდუქტების იმპორტიორთა კავშირმა ადრე აღნიშნა, რომ საწვავის იმპორტის გაზრა ძირითადად გამოწვეულია დიზელის საწვავის იმპორტის ზრდით, რაც, თავის მხრივ, დაკავშირებულია სასოფლო-სამეურნეო დანიშნულების მიწის მფლობელთა სტიმულირების სახელმწიფო პროგრამასთან, ინფრასტრუქტურული სამუშაოების დიდ მოცულობასთან და საქართველოს გავლით ტრანზიტით სატვირთო სატრანსპორტო საშუალებების რაოდენობის ზრდასთან.

იმპორტი და ფასები

დღეს საქართველოში ხუთი მსხვილი კომპანია ოპერირებს, რომელთაც მთელ ქვეყანაში 600-მდე ავტოგასამართი სადგური ეკუთვნით. მათ გარდა არის ასევე მცირე და საშუალო კომპანიები, ე.წ. არაბრენდირებული, რომლებსაც ერთად ასევე დაახლოებით 600 ავტოგასამართი სადგური ეკუთვნით. 

საქართველოში საწვავი შემოაქვთ რუსეთიდან, რუმინეთიდან, აზერბაიჯანიდან, თურქმენეთიდან, ბულგარეთიდან, საბერძნეთიდან, ყაზახეთიდან, თურქეთიდან, ავსტრიიდან, სინგაპურიდან, შვეიცარიიდან და ჰონკონგიდან – ნავთობპროდუქტები ქვეყანაში რკინიგზით ან ზღვით შემოდის.

ამჟამად ბრენდირებული ავტოგასამართი სადგურების ქსელებში ერთი ლიტრი საწვავის საშუალო ფასია: პრემიუმის – 2,01–2,15 ლარი; რეგულარის – 1,88–2,05 ლარი; ევროდიზელის – 2,03–2,17 ლარი.

კორონავირუსის პანდემიის დასაწყისიდან საქართველოში საწვავზე ფასმა დაიწია, თუმცა ივნისის შუა რიცხვებიდან ისევ ფასების მატება დაიწყო.

94
ვალუტის გადამცვლელი პუნქტი

ლარის კურსი 25 სექტემბერს

45
(განახლებულია 09:21 25.09.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0256 ლარით გაუფასურდა.

თბილისი, 25 სექტემბერი  — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,2897 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0256 ლარით გაუფასურდა. 

ლარის კურსი 25 სექტემბერს
45
თემები:
ლარის კურსი დღეს
სტუდენტები

სოციალურად დაუცველი სტუდენტების სწავლის დასაფინანსებლად ელექტრონული პორტალი ამოქმედდა

80
(განახლებულია 20:54 24.09.2020)
ელექტრონულ პორტალზე რეგისტრაციის შესაძლებლობა ექნება იმ მშობელსაც, რომლის სარეიტინგო ქულა ნაკლებია 150 ათასზე და სტუდენტი შვილი არ არის გათვალისწინებული ოჯახის წევრად.

თბილისი, 24 სექტემბერი – Sputnik. დღეიდან სოციალურად დაუცველი სტუდენტების სწავლის საფასურის დასაფინანსებლად ჯანდაცვის სამინისტროს ვებ-გვერდზე ელექტრონული პორტალი student.moh.gov.ge ამოქმედდა, ნათქვამია უწყების მიერ გავრცელებულ განცხადებაში.

მიიღე დაფინანსება: თბილისის მერია სტუდენტების განცხადებების მიღებას იწყებს>>

საქართველოს პრემიერ-მინისტრის გიორგი გახარიას ინიციატივით, სოციალურად დაუცველ სტუდენტებს, რომელთა ოჯახებს 150 ათასზე ნაკლები სოციალური ქულა აქვთ, სახელმწიფო სრულად დაუფარავს 2019–2020 სასწავლო წლის გაზაფხულის სემესტრისა და 2020–2021 სასწავლო წლის შემოდგომის სემესტრის სწავლის საფასურს.

სამინისტროს ცნობით, იმ სტუდენტებს, რომლებიც რეგისტრირებული არიან სოციალურად დაუცველი ოჯახების მონაცემთა ბაზაში და 2020 წლის 1 სექტემბრის მდგომარეობით სარეიტინგო ქულა ნაკლებია 150 ათასზე, არ სჭირდებათ რეგისტრაცია ელექტრონულ პორტალზე.

ასევე ელექტრონულ პორტალზე რეგისტრაციის შესაძლებლობა ექნება მშობელს, რომელიც რეგისტრირებულია „სოციალურად დაუცველი ოჯახების მონაცემთა ერთიანი ბაზაში“, სარეიტინგო ქულა ნაკლებია 150 ათასზე და სტუდენტი შვილი არ არის გათვალისწინებული ოჯახის წევრად.

სტუდენტის მშობელი რეგისტრაციისას უთითებს:

  • საკუთარ სახელს, გვარსა და პირად ნომერს;
  • სტუდენტი შვილის სახელს, გვარს, პირად ნომერს და საჭიროების შემთხვევაში ატვირთავს პირადობის დამადასტურებელი დოკუმენტის და დაბადების მოწმობის ასლებს.

ელექტრონულ პორტალზე რეგისტრაცია შესაძლებელია 2020 წლის 1 ნოემბრამდე.

80
თემები:
სოციალური სფერო საქართველოში
თეთრ და მუქნაჭუჭიანი კვერცხები კალათში

ფერმერი საგონებელშია: ქათამმა უცნაური კვერცხი დადო - ვრცელდება ვიდეო

0
(განახლებულია 10:13 25.09.2020)
ფერმერ ქალს წარმოდგენა არ აქვს, რას შეიძლებოდა მოეხდინა გავლენა კვერცხის უცნაურ შეფერილობაზე, ვინაიდან ყველა ქათამს ერთნაირად კვებავდა

თბილისი, 25 სექტემბერი — Sputnik. ჩინეთის პროვინცია ცზიანსუს ფერმაში ქათამმა მწვანე კვერცხი დადო და ფერმერი საგონებელში ჩააგდო, წერს გამოცემა Daily Star-ი.

მეურნეობის მეპატრონე გაო გაოცებული დარჩა, როდესაც მისმა ქათამმა მწვანე ლაქებიანი კვერცხი დადო. ჩინელმა ქალბატონმა თქვა, რომ წარმოდგენა არ აქვს, კონკრეტულად თუ  რას შეეძლო კვერცხის შეფერილობაზე გავლენის მოხდენა.

„ეს კვერცხი იგივე ზომისაა, როგორიც სხვები, მაგრამ მწვანე ხალებითაა დაფარული. ჩემს ეზოში შვიდი ქათამი და ერთი მამალია. მე მათ ერთნაირად ვაჭმევდი: სიმინდს, ბოსტნეულსა და სხვა მწვანილეულს“, — განმარტა მან.

სუციანის მეცხოველეობისა და ვეტერინარული სადგურის უფროსმა ვეტერინარმა ჩჟან ვენჩენმა თქვა, რომ კვერცხმა შეიძლება გარეგანი ზემოქმედება ჯერ კიდევ ქათმის შიგნით განიცადა. მან დიასახლისს ურჩია, რომ უცნაური კვერცხი არ ეჭამათ.

0
თემები:
მსოფლიო დღეს