მშენებლობა

100 მილიონი მენაშენეების დასახმარებლად: საქართველოს მთავრობის ახალი ინიციატივა

101
სახელწმიფო აპირებს გამოისყიდოს ფართობების ნაწილი მენაშენეებისგან, რაც, პრემიერის თქმით, დაუსრულებელ ობიექტებს დააზღვევს

თბილისი, 27 აგვისტო - Sputnik. საქართველოს მთავრობამ მენაშენეებისთვის გამოაცხადა კონკურსი, რომელიც დაეხმარება მათ გაუმკლავდნენ პანდემიას საკუთარი აშენებული ფართის ნაწილის სახელმწიფოსთვის მიყიდვის გზით, ნათქვამია უძრავი ქონების სააგენტოს ვებგვერდზე.

კონკურსში მონაწილეობის მიღება ნებისმიერ მენაშენეს შეუძლია. ამისათვის მან სააგენტოს ვებგვერდზე განაცხადი უნდა შეავსოს და მიუთითოს, რამდენ ბინას ყიდის და რას აფასებს, ამასთან თბილისში ერთი კვადრატული მეტრის ფასი არ უნდა აღემატებოდეს 1,7 ათას ლარს, ბათუმში - 1,53 ათას ლარს, ქუთაისში - 1,445 ათასს, რუსთავში - 1,36 ათასს, ზუგდიდში - 1,326 ათასს, დანარჩენ მუნიციპალიტეტებში - 1,36 ათას ლარს.

პრემიერ-მინისტრის თქმით, ბინების შესაძენად სულ 100 მილიონი ლარი გამოიყო.

„ჩვენ დღეს უნდა გამოვაცხადოთ ას მილიონი ლარის საგარანტიო აუქციონი, რაც ნიშნავს, რომ ყველანაირად ვაზღვევთ დაუსრულებელ მშენებლობას ქვეყანაში“, - განაცხადა გახარიამ.

ეკონომიკისა და მდგრადი განვითარების მინისტრის, ნათია თურნავას თქმით, სახელმწიფო მშენებლებისგან ფართობის 30%-ს გამოისყიდის.

„მენაშენეებს ექნებათ გარანტია, რომ სურვილის შემთხვევაში, ფართის 30 პროცენტი იქნება შეძენილი სახელმწიფოს მიერ. ეს ნიშნავს, რომ მათი რისკები იქნება მინიმალური და რაც მთავარია, მინიმალური იქნება რისკები იმ მოსახლეობის, ვინც ელოდება ამ ბინების აშენებას და ვინც ამაზე ფინანსურ დანახარჯს აკეთებს“, – განაცხადა თურნავამ.

ადრე სახელმწიფომ უკვე განაცხადა, რომ მზად არის იპოთეკური სესხების სუბსიდირებისთვის, რათა არ დაუშვას მასობრივი დაუმთავრებელი მშენებლობები.

ასობით მილიონი ლარი მშენებლობის დასახმარებლად: საქართველოს ხელისუფლების ახალი გეგმა >>

საქსტატის მონაცემებით, 2020 წლის პირველ ექვს თვეში 4 169 მშენებლობის ნებართვა გაიცა და ეს მაჩვენებელი გასული წლის ანალოგიურ მაჩვენებელთან შედარებით 16,5%-ით დაეცა. ამასთან ნებართვების დიდი ნაწილი გაცემული მრავალფუნქციური საცხოვრებელი კომპლექსის ასაშენებლად.

101
თემები:
საქართველოს ეკონომიკა (749)
ვალუტის გადამცვლელი პუნქტი

ლარის კურსი 23 სექტემბერს

221
(განახლებულია 09:23 23.09.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0242 ლარით გაუფასურდა.

თბილისი, 23 სექტემბერი  — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,2537 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0242 ლარით გაუფასურდა. 

ლარის კურსი 23 სექტემბერს

 

 

221
თემები:
ლარის კურსი დღეს
რთველი

რთველი 2020: ჩაბარებული ყურძნის ღირებულება უკვე 133 მილიონ ლარს აჭარბებს

99
(განახლებულია 20:48 22.09.2020)
სუბსიდიას იღებენ ის კომპანიები, რომლებიც შეისყიდიან და გადაამუშავებენ ამ ჯიშების სულ ცოტა 1 ათას ტონა „რქაწითელის“ ან „კახურის მწვანის“ ჯიშის ყურძენს.

თბილისი, 21 სექტემბერი – Sputnik. 22 სექტემბრის მონაცემებით, კახეთში „რთველი-2020“-ის ფარგლებში უკვე გადამუშავებულია 134,8 ათასი ტონა ყურძენი, იუწყება ღვინის ეროვნული სააგენტო.

რთველი კახეთში წელს 22 აგვისტოს დაიწყო. გადამუშავების პროცესში 60-ზე მეტი ღვინის ქარხანაა ჩართული. ჩაბარებული ყურძნის ღირებულება ამ დროისათვის 133,7 მილიონ ლარზე მეტს შეადგენს.

საქართველოს მთავრობამ წელს COVID-19-ის პანდემიის შედეგად დაზარალებული მევენახეობა-მეღვინეობის დარგის მხარდასაჭერად „რქაწითელისა“ და „კახური მწვანეს“ ჯიშის ყურძნის სუბსიდირება გადაწყვიტა.

სუბსიდიას იღებენ ის კომპანიები, რომლებიც შეისყიდიან და გადაამუშავებენ ამ ჯიშების სულ ცოტა 1 ათას ტონა ყურძენს. ამასთან, ღვინის ქარხნებს დადგენილი აქვთ ერთი კილოგრამი ყურძნის ფასი – არანაკლებ 80 თეთრისა. სახელმწიფოს სუბსიდია ერთ კილოგრამზე 30 თეთრს შეადგენს.

სააგენტოს ცნობით, „რქაწითელი“ უკვე ჩაბარებულია 100,7 ათასი ტონა (81,3 მილიონი ლარის ღირებულების), „კახური მწვანე“ – 2,2 ათასი ტონა (2,1 მლნ ლარი), „საფერავი“ – 27,9 ათასი ტონა (44,9 მლნ ლარი), „ალექსანდროულ-მუჯურეთული“ – 125,12 ათასი ტონა (216 ათასი ლარი) და სხვა ჯიშების ყურძენი - 3,8 ათასი ტონა (5,1 მლნ ლარი).

იქიდან გამომდინარე, რომ ექსპორტის ძირითადი ნაწილი წითელ ღვინოზე მოდის, ხელისუფლებამ უარი თქვა „საფერავის“ ჯიშის ყურძნის სუბსიდირებაზე. ყურძნის იშვიათ ჯიშებზე, რომლებიც მეტ-ნაკლებადაა პოპულარული და ნაკლებად მოთხოვნადია, ასევე არ არის გათვალისწინებული სუბსიდია.

„რთველი 2020“-ის საკოორდინაციო შტაბი თელავში 24-საათიან რეჟიმში მუშაობს და აქტიურ კოორდინირებას უწევს სახელმწიფო ორგანოების, მეწარმეებისა და მევენახეების ურთიერთობებს.

99
თემები:
ღვინის კულტურა და მეღვინეობა
„მეტრონომი“ ნიუ-იორკში

კატასტროფამდე დარჩა შვიდი წელი: ნიუ-იორკის საათი ქვეყნიერების დასასრულს აითვლის

0
(განახლებულია 16:20 23.09.2020)
ნიუ-იორკში მდებარე იდუმალი საათის, „მეტრონომის“ ფუნქცია რადიკალურად შეიცვალა - ამიერიდან ის შეუქცევადი კატასატროფის დადგომამდე დარჩენილ დროს აითვლის

თბილისი, 23 სექტემბერი — Sputnik. ოც წელზე მეტია, რაც ნიუ-იორკის იუნიონ-სკვერზე მდებარე ერთ-ერთი შენობის ფასადის ელექტრონული საათი ნიუ-იორკელებისთვის საიდუმლოდ რჩება — 15 ციფრი ციფერბლატზე, რომლებიც გაუგებარი თანმიმდევრობით იცვლება, არაფრით ჯდება დროის ათვლაში, წერს გამოცემა The New-York Times-ი.

​იყო ვერსიები, რომ საათი, როგორც „მეტრონომის“ ინსტალაციის ნაწილი, გვიჩვენებს ყველაფერს, მაგრამ არა დროს. მაგალითად, ბევრი დღესაც დარწმუნებულია, რომ ციფერბლატზე 15-ნიშნა რიცხვი — არის შეერთებული შტატების სახელმწიფო ვალი, პლანეტაზე მცხოვრები ადამიანების რაოდენობა, დამწვარი და გაჩეხილი ტყეების ფართობი და ა.შ.

ვერსიები ბევრია, მაგრამ რეალურად ეს მართლაც საათია, რომლის მარცხენა ნაწილი მიმდინარე დროს აჩვენებს წამის მეასედების სიზუსტით, ხოლო მარჯვენა მხარე —  მეორე დღის დასაწყისამდე დარჩენილ დროს.

ახლა კი „მეტრონომის“ მისია რადიკალურად შეიცვალა — ამიერიდან ის აჩვენებს, თუ რამდენი დარჩა კაცობრიობას შეუქცევადი კლიმატური კატასტროფის დაწყების მომენტამდე.

ათვლის დაწყებამდე ციფერბლატზე  გაჩნდა წარწერა The Earth has a deadline („დედამიწას ვადა აქვს“).

ეკრანზე მოცემული ციფრების თანახმად, დღევანდელი დღიდან კლიმატური კოლაფსის დადგომამდე 7 წელი და 103 დღეა დარჩენილი.

იდეის ავტორები, მხატვრები გან გოლანი და ენდრიუ ბოიდი აცხადებენ, რომ ამ გზით სურთ საზოგადოების ყურადღება გლობალური დათბობის პრობლემებს მიაპყრონ და საათის მაჩვენებლებს „დედამიწაზე ყველაზე მნიშვნელოვან ციფრებს“ უწოდებენ.

0
თემები:
მსოფლიო დღეს