ბათუმის საზღვაო პორტი

ბათუმის პორტმა ტვირთის გადამუშავება 18%-ით გაზარდა

67
(განახლებულია 14:37 24.08.2020)
სარკინიგზო და ავიაგადაზიდვების შემცირების გამო ტვირთის გადამუშავება გაიზარდა საზღვაო მარშრუტების სასარგებლოდ, რაც კორონავირუსის პანდემიამ გამოიწვია.

თბილისი, 24 აგვისტო – Sputnik. „ბათუმის ნავთობტერმინალმა“ წლის პირველ ნახევარში 3 მილიონ ტონაზე მეტი ტვირთები გადაამუშავა, რაც 2019 წლის ანალოგიური პერიოდის მაჩვენებელზე 18%-ით მეტია, ნათქვამია ყაზახური კომპანია „ყაზტრანსოილის“ განცხადებაში, რომელიც „ბათუმის ნავთობტერმინალის“ 100%-ის მფლობელია.

განცხადების თანახმად, ნავთობისა და ნავთობპროდუქტების გადაზიდვა 409 ათას ტონამდე შემცირდა, რაც 2019 წლის პირველი ნახევრის მონაცემზე 16%-ით ნაკლებია.

„ეს შემცირება უკავშირდება თურქმენეთში ნავთობგადამამუშავებელ ქარხანაში მიმდინარე სარემონტო სამუშაოებს, ასევე მოთხოვნილების შემცირებას გამჭვირვალე ნავთობპროდუქტებზე კორონავირუსის პანდემიით გამოწვეული ვითარების გამო“, – განმარტავენ კომპანიაში.

ტვირთების გადაზიდვის მოცულობის ზრდა 2020 წლის იანვარი–ივნისში განპირობებულია მშრალი ტვირთების 124 ათასი ტონით, ანუ 37%-ით გაზრდით, ასევე კონტეინერული ტვირთების 506 ტონით, ანუ 38%-ით ზრდით.

ეს მაჩვენებლები მიღწეულია „ბათუმის საზღვაო პორტის“ მიერ დადებული გრძელვადიანი კონტრაქტების შედეგად მსხვილ რეგიონულ კლიენტებთან და კონტეინერებით შემოტანილი იმ ავტოტრანსპორტის შეღავათიანი პირობების პერიოდის გახანგრძლივებით, რომლებიც შემდეგ რეგისტრაციას გადიან ევრაზიული ეკონომიკური კავშირის ტერიტორიაზე.

გარდა ამისა, მშრალი ტვირთების მოცულობა კორონავირუსის პანდემიის გამო სარკინიგზო და ავიაგადაზიდვების შემცირების გამო საზღვაო ტრანსპორტის მიმართულებით გაიზარდა.

„ბათუმის ნავთობტერმინალის“ კონსოლიდირებული შემოსავლები 2020 წლის პირველი ნახევრის შედეგებით 21%-ით, 12 მილიონ დოლარამდე გაიზარდა გასული წლის ანალოგიურ პერიოდთან შედარებით. კონსოლიდირებულმა ხარჯებმა შეადგინა 11,1 მლნ დოლარი, რაც გასული წლის ანალოგიურ პერიოდთან შედარებით 46%-ით ნაკლებია. კონსოლიდირებულმა სუფთა მოგებამ აღნიშნულ პერიოდში 943 ათასი დოლარი შეადგინა.

„ბათუმის ნავთობტერმინალს“ შპს „ბათუმის საზღვაო პორტის“ ექსკლუზიური მართვის 100% ეკუთვნის.

67
თემები:
ტრანსპორტი საქართველოში (354)
ავლაბარი

საქართველოში საშემოსავლო და ქონების გადასახადი 2021 წლის 1 იანვრამდე გადავადდა

47
(განახლებულია 21:41 02.12.2020)
მთავრობის გადაწყვეტილებით, მომავალ წელს ქონების გადასახადისგან მთლიანად თავისუფლდებიან სასტუმროები, კვების ობიექტები და ტურისტული კომპანიები.

თბილისი, 2 დეკემბერი – Sputnik. ტურისტული სექტორის წარმომადგენლებს, რომელთაც მთავრობის ანტიკრიზისული გეგმის თანახმად საშემოსავლო და ქონების გადასახადი ოთხი თვის ვადით ჰქონდათ გადავადებული, აღნიშნული ვადა 1 იანვრამდე გაუხანგრძლივდათ, ნათქვამია საქართველოს შემოსავლების სამსახურის განცხადებაში.

საქართველოს კანონმდებლობის თანახმად, კომპანია ვალდებულია შემოსავლების სამსახურს გადასახადების შესახებ დეკლარაცია წარუდგინოს. მთავრობის გადაწყვეტილებით, ტურისტულ კომპანიებს საშეღავათო პერიოდით სარგებლობის უფლება 1 დეკემბრამდე ჰქონდათ. ამჯერად კი სახელმწიფომ 1 იანვრამდე ვადა დეკლარაციის ორ მუხლთან – ქონებისა და საშემოსავლო გადასახადთან მიმართებით გაახანგრძლივა. 

„აღნიშნული გადავადებით უკვე 652-მა კომპანიამ ისარგებლა და მათ დეკლარაციის წარდგენის ვადა 1 იანვრამდე მიეცათ“, – ნათქვამია განცხადებაში.

ამასთან, შემოსავლების სამსახური მოუწოდებს იმ კომპანიებს, რომელთა იდენტიფიცირებაც ვერ მოხერხდა, გადავადების შესახებ განცხადებით უწყებას დროულად მიმართონ, რათა მათ მიმართ არ განხორციელდეს დავალიანების გადახდევინების უზრუნველყოფის ღონისძიებებები. 

უწყებაში პირობას დებენ, რომ განცხადებების განხილვა უმოკლედ ვადებში მოხდება, რათა კომპანიამ აღნიშნული შეღავათებით ისარგებლოს.

ამასთან, შემოსავლების სამსახური მიუთითებს, რომ ახალი გეგმის თანახმად, 2021 წელს ქონების გადასახადისგან მთლიანად თავისუფლდებიან სასტუმროები, კვების ობიექტები და ტურისტული კომპანიები.

47
გუდაური

გუდაურში წყალმომარაგების პრობლემა აღმოიფხვრება

21
(განახლებულია 21:17 02.12.2020)
პროექტების განხორციელების შედეგად საკურორტო ზონა წყლისა და წყალარინების გამართული ინფრასტრუქტურით და 24-საათიანი, უწყვეტი წყალმომარაგებით იქნება უზრუნველყოფილი.

თბილისი, 2 დეკემბერი – Sputnik. დაბა გუდაურში წყლისა და წყალარინების ინფრასტრუქტურის მოწყობა აქტიურად მიმდინარეობს, ნათქვამია „საქართველოს გაერთიანებული წყალმომარაგების კომპანიის“ Facebook-გვერდზე გავრცელებულ განცხადებაში.

კომპანიის დირექტორი გიგა მანდარია გუდაურში მიმდინარე პროექტებს ადგილზე გაეცნო და არსებული ვითარება შეაფასა.

უწყების ცნობით, ამ დროისათვის გუდაურში როგორც საერთაშორისო, ასევე ადგილობრივი ბიუჯეტით დაფინანსებული რამდენიმე პროექტი მიმდინარეობს.

კერძოდ, პროექტებით გათვალისწინებულია წყალმომარაგებისა და წყალარინების სისტემისა და წყალარინების გამწმენდი ნაგებობების მშენებლობა, რომელიც ექსპლუატაციაში შესვლის შემდეგ ჩამდინარე წყლების წმენდას სრული ბიოლოგიური ციკლის დაცვით განახორციელებს. ასევე აშენდება რეზერვუარი, 34 კილომეტრამდე საკანალიზაციო და 3 კილომეტრამდე წყალმომარაგების ქსელი.

დასრულების ეტაპზეა სათავე ნაგებობებისა და ჭაბურღილების მოწყობა.

კომპანიის ინფორმაციით, სამუშაოების შედეგად გუდაურის მოსახლეობა და იქ ჩასული დამსვენებლები 24-საათიანი, უწყვეტი წყალმომარაგებითა და წყალარინების გამართული ინფრასტრუქტურით იქნებიან უზრუნველყოფილი. თანამედროვე სტანდარტების შესაბამისი წყალარინების გამწმენდი ნაგებობები მნიშვნელოვნად შეამცირებს ეკოლოგიური დაბინძურების რისკებს რეგიონში.

დაბა გუდაურის წყალმომარაგების პროექტების ჯამური ღირებულება დაახლოებით 40 მლნ ლარს შეადგენს.

მიმდინარე წლის დასაწყისში ზამთრის ორ კურორტზე – გუდაურსა და ბაკურიანში წყალმომარაგების პრობლემა წარმოიშვა. კურორტებზე აღნიშნული პრობლემის აღმოსაფხვრელად რამდენიმე დღის განმავლობაში ინტენსიური სამუშაოები ტარდებოდა. როგორც მაშინ განმარტეს, გუდაურსა და ბაკურიანში წყლის პრობლემა თოვლის არარსებობით იყო გამოწვეული, რადგან დაიცალა რეზერვუარები, რომლებიც თოვლით ივსება.

21
სავსე მთვარე

მთვარის კალენდარი: 3 დეკემბერი რისი გაკეთება შეიძლება და რისი არა

0
(განახლებულია 14:08 02.12.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

  • 3 დეკემბერი, ხუთშაბათი. ამ დღეს იუპიტერი მართავს. კლებადი მთვარე კირჩხიბის ნიშანშია.

ესაა სენტიმენტური გრძნობების, ემოციური მერყეობის დღე, მგრძნობირობა მატულობს, ამიტომ საჭიროა დიპლომატიურობა.

ამ დროს ძლიერდება რომანტიკული განწყობა, ადამიანები უფრო მეოცნებენი ხდებიან და მოგონებებს ეძლევიან. საწინააღმდეგო სქესის წარმომადგენლებთან ურთიერთობები უფრო სულიერი და ემოციურად სავსე ხდება.

სიყვარულში მგზნებარება უკან იხევს და წინა პლანზე სინაზე გამოდის. ძალიან მნიშვნელოვანია, რომ პარტნიორს აჩვენოთ თქვენი თანაგრძნობა, ზრუნვა, ნდობა. ამავე დროს, აუცილებლად უნდა გააკონტროლოთ თქვენი გრძნობები და ემოციები. ასევე არის საშიშროება, რომ სხვისი გავლენის ქვეშ მოექცეთ.

ამ დღეს დაწყებული ურთიერთობები ძალიან ხშირად ქორწინებით გვირგვინდება.

რეკომენდებულია მშვიდი მუშაობა, მარტივი ფინანსური საკითხების გადაჭრა, მნიშვნელოვანი საქმეების გადადება, ირგვლივ მიმდინარე მოვლენებისა და ნათქვამის მიმართ ყურადღებით ყოფნა, ადამიანებთან ურთიერთობებში მოქნილობა და არასტადარტული დამოკიდებულება, ნიუანსებისადმი ყურადღება, ინდივიდუალური და არა გუნდური მუშაობა.

არარეკომენდებულია რთულ პროექტებზე შეჭიდება, მოლაპარაკებების წარმოება, ზედმეტი აქტიურობა, დინების წინააღმდეგ წასვლა, სხვისი გავლენის ქვეშ მოქცევა და მის წინადადებაზე დათანხმება.

არახელსაყრელი დღეა მგზავრობისთვის.

თმის შეჭრა, შეღებვა: კირჩხიბის დღეები ძალზე მგრძნობიარეა ნებისმიერი პროცედურის მიმართ. ამ დღეს არაა რეკომენდებული თმის შეჭრა, შეღებვა. კარგი დღეა სახის ნიღბისთვის.

ასევე არახელსაყრელი დროა მანიკურისთვის.

მებაღეობა: კირჩხიბი ერთ–ერთი ნაყოფიერი ნიშანია. შეიძლება სინესტის მოყვარული და დეკორატიულ–ფოთლოვანი ხეების დარგვა, ფორმის მიმცემი გასხვლა, ნაყოფიანი ხეებისა და ბუჩქების შეწამვლა, ოთახისა და აივნის მცენარეების მორწყვა.

არასასურველია ისეთი მცენარეების დარგვა–დათესვა, რომლებიც დიდი სიმაღლის იზრდებიან, ხილის ხეებისა და ბუჩქებისთვის გამხმარი ტოტების მოშორება.

0