მცირე საწარმო

მთავრობა მეწარმეების ხელშესაწყობად ახალ პროგრამას იწყებს

121
(განახლებულია 19:35 20.08.2020)
პრემიერ-მინისტრის თქმით, მოქალაქეებს რეგიონებიდან თბილისში ჩამოსვლა აღარ მოუწევთ, ისინი ინფორმაციას საქართველოს მასშტაბით არსებულ საზოგადოებრივ ცენტრებში მიიღებენ.

თბილისი, 20 აგვისტო – Sputnik. სამეწარმეო საქმიანობის ხელშეწყობის მიზნით საქართველოში იწყება პროგრამა „სახელმწიფო შენი პარტნიორია“, განაცხადა საქართველოს პრემიერ-მინისტრმა გიორგი გახარიამ.

პრემიერ-მინისტრის თქმით, ამ ახალი პროგრამის გასაცნობად მოქალაქეებს რეგიონებიდან თბილისში ჩამოსვლა აღარ მოუწევთ, ისინი ინფორმაციას საქართველოს მასშტაბით არსებულ საზოგადოებრივ ცენტრებში მიიღებენ.

„დღეს, იუსტიციის სამინისტროს დახმარებით, საქართველოს მასშტაბით 80 საზოგადოებრივ ცენტრში და 24 იუსტიციის სახლში, 100-ზე მეტ დასახლებულ პუნქტში საქართველოს ნებისმიერ მოქალაქეს შეუძლია მივიდეს და მიიღოს ზუსტად ის მომსახურება, რომელსაც მიიღებდა თბილისში, სოფლის მეურნეობის სამინისტროში, ეკონომიკის სამინისტროსა და ტურიზმის სააგენტოში. ეს არის უაღრესად სწორი გადაწყვეტილება, რომელიც სწრაფად იქნა განხორციელებული და გვაძლევს შესაძლებლობას, რომ რეგიონული მასშტაბით გავშალოთ სახელმწიფოს მხარდაჭერის პროგრამები“, – განაცხადა გახარიამ.

პრემიერის თქმით, აქამდე ეს ყველა პროგრამა თავმოყრილი იყო შესაბამის სამინისტროებში: ეკონომიკის, სოფლის მეურნეობის სამინისტროებში, ასევე ტურიზმის სააგენტოში. თითეულ მოქალაქეს უწევდა თბილისში ჩასვლა, რომ ამ პროგრამას გაცნობოდა და გამხდარიყო ამ პროგრამის ბენეფიციარი.

პროგრამა „სახელმწიფო შენი პარტნიორია“ – ეს არის ძალზე მნიშვნელოვანი ნაბიჯი თითოეული ოჯახისთვის, რომელიც მზად არის გარკვეული რისკები აიღოს საკუთარ თავზე, დაიწყოს მეწარმეობა“, – აღნიშნა გახარიამ.

ახალი პროგრამის პრეზენტაცია ამბროლაურში გაიმართა.

„ესეც სიმბოლურია, იმიტომ რომ, მოგეხსენებათ, ამბროლაურსა და რაჭას ახლა სტიქიის გამო უჭირს, ამიტომ ეს იქნება მნიშვნელოვანი ნაბიჯი. ეს ჩვენს მოქალაქეებს მისცემს შესაძლებლობას, რომ სწრაფად გახდნენ სახელმწიფოს მხარდაჭერის პროგრამების მონაწილე და ამით შეძლონ დაიწყონ თავისი ბიზნესი, საქმე. თავდაპირველად აიღონ გარკვეული რისკები თავიანთ ოჯახზე, საკუთარ თავზე და, წარმატების შემთხვევაში, უკვე თავიანთ სოფელზე, დაბაზე და ასე გაძლიერდება ქვეყანა“, – განაცხადა გიორგი გახარიამ.

საქართველოს მთავრობა ხელს უწყობს, რომ ქვეყანაში ბიზნესის წარმოება მარტივი იყოს.

საქართველო Doing Business-2020-ის მსოფლიო რეიტინგში, რომელიც ბიზნესის წარმოების სიმარტივეს აფასებს, მეშვიდე ადგილზე, ევროპაში კი მეორე ადგილზეა. გარდა ამისა, თავისუფალი ვაჭრობის რეჟიმები, მათ შორის ევროკავშირთან და ჩინეთთან, ქვეყანას შესაძლებლობას აძლევს ევროპასა და აზიას შორის ჰაბის როლი შეასრულოს.

121
თემები:
საქართველოს მთავრობა (100)
აშშ-ის დოლარები

ფულადი გზავნილები: რამდენი გადმოირიცხა საქართველოში 2020 წელს

672
(განახლებულია 12:53 16.01.2021)
2020 წელს რუსეთიდან ფულადი გზავნილების მოცულობამ 364 მლნ დოლარზე მეტი შეადგინა –საერთო მოცულობის 19,3%.

თბილისი, 16 იანვარი – Sputnik. საქართველოს კომერციულ ბანკებში 2020 წელს ელექტრონული სისტემებით ფულადი გზავნილების მოცულობა 2019 წელთან შედარებით 8,8%-ით გაიზარდა და 1 866 მლნ აშშ დოლარი შეადგინა, ნათქვამია საქართველოს ეროვნული ბანკის განცხადებაში

ყველაზე მეტი ვალუტა რუსეთიდან შემოვიდა. 2020 წელს რუსეთიდან ფულადი გზავნილების მოცულობამ 364 მლნ დოლარზე მეტი შეადგინა – ელექტრონული სისტემების მეშვეობით საქართველოს კომერციულ ბანკებში ფულადი გზავნილების საერთო მოცულობის 19,3%. თუმცა, ეს მაჩვენებელი 15,1%-ით ნაკლებია 2019 წელთან შედარებით.

ლიდერი ქვეყნების ხუთეულში ასევე შედიან იტალია, საბერძნეთი, აშშ და ისრაელი.

2020 წლის დეკემბერში ფულადი გზავნილები 15,9%-ით გაიზარდა და 199,7 მლნ დოლარი შეადგინა.

ყველაზე მეტი მოცულობის ვალუტა შემოვიდა რუსეთიდან. 2020 წლის დეკემბერში რუსეთიდან ფულადი გზავნილების მოცულობამ 40,7 მლნ დოლარზე მეტი შეადგინა – ელექტრონული სისტემების მეშვეობით საქართველოს კომერციულ ბანკებში ფულადი გზავნილების საერთო მოცულობის 20,4%. თუმცა, ეს მაჩვენებელი 7,1%-ით ნაკლებია 2019 წლის ანალოგიურ პერიოდთან შედარებით.

ლიდერი ქვეყნების ხუთეულში ასევე შედიან იტალია, საბერძნეთი, აშშ და ისრაელი.

დეკემბერში ლიდერთა ქვეყნებს შორის მეექვსე ადგილი დაიბრუნა თურქეთმა და გაუსწრო უკრაინას, რომელმაც მაც 2020 წლის აგვისტოში აჯობა.

ზრდის ტემპები აჩქარდა

ფულადი გზავნილების ზრდის ტენდენცია გრძელდება, თუმცა მისი ტემპები კვლავ დაბალია. ივნისში 17,8%-იანი მატების შემდეგ ივლისში წლიურმა ზრდამ 22,1% შეადგინა, აგვისტოში – 25,8%, სექტემბერში – 28,7%, ოქტომბერში ზრდის ტემპმა იკლო და 18,6% შეადგინა, ნოემბერში -12,5%, ხოლო დეკემბერში კვლავ აჩქარდა და 15,9% შეადგინა.

ფულადი გზავნილების გარკვეული ნაწილი, დაახლოებით 8%, ქვეყანაში პანდემიამდე შემოდიოდა არასაბანკო არხებით – ვიზიტორების მეშვეობით. საერთაშორისო მოგზაურობის შეზღუდვის გამო ფულადი გზავნილების ეს ნაწილი საბანკო სექტორში გადავიდა და, შედეგად, ფულადი გზავნილების აღნიშნულ ზრდაშიც შეიტანა წვლილი, განაცხადა ადრე საქართველოს ეროვნული ბანკის პრეზიდენტმა კობა გვენეტაძემ.

„საერთაშორისო პროგნოზირებისა და კვლევების ცენტრის“ ვიცე-პრეზიდენტმა ნიკა შენგელიამ საქართველოში ფულადი გზავნილების მოცულობის ზრდის ორი მიზეზი დაასახელა.

„პირველი მდგომარეობს იმაში, რომ პანდემიისა და ეკონომიკური საქმიანობის შეზღუდვებიდან გამომდინარე, ხალხი უფრო გაღარიბდა, არ მუშაობს ტრანსპორტი, დაკეტილია სავაჭრო ცენტრები, გარდა სასურსათო და ფარმაცევტული ობიექტებისა. და უცხოეთში მყოფი ჩვენი თანამოქალაქეები უფრო მეტ თანხას გზავნიან. დავუშვათ, თუ 200 დოლარს რიცხავდნენ, ახლა 300 დოლარს რიცხავენ“, – განაცხადა შენგელიამ „Sputnik-საქართველოსთან“ ინტერვიუში.

საქართველოს ეკონომიკის ვარდნის ტემპები გაიზარდა

მისი აზრით, მეორე მიზეზი მდგომარეობს იმაში, რომ სამშენებლო ბიზნესის დახმარების მიზნით დეკემბრის ჩათვლით მთავრობამ იპოთეკური სესხების 4%-ით სუბსიდირების გადაწყვეტილება მიიღო.

„ყველა, ვისაც ახლა საშუალება აქვს, ცდილობს ამ შეთავაზებით ისარგებლოს და ამიტომაც გაიზარდა საქართველოში უცხოეთიდან ტრანზაქციები. თუ 2021 წელს მთავრობა იპოთეკური სესხების სუბსიდირებას გააგრძელებს და ადამიანები ბინებს შეიძენენ, პირველ კვარტალში გადმორიცხვების მოცულობა ისევ გაიზრდება“, – განაცხადა შენგელიამ.

მან აღნიშნა, რომ დეკემბრის ჩათვლით პროგრამა ძალაშია. ამიტომ უცხოეთში მომუშავე ადამიანები ჩქარობენ ისარგებლონ ნაკლები პროცენტის გადახდის შესაძლებლობით და აქტიურად ყიდულობენ ბინებს, რადგან ადრე მათ იპოთეკურ კრედიტზე 13-14%-ის გადახდა უწევდათ.

რამდენი ვალუტა გაიგზავნა საქართველოდან

2020 წლის დეკემბერში საქართველოდან საზღვარგარეთ დაახლოებით 24,7 მლნ დოლარზე მეტი გადაირიცხა, რაც 2019 წლის იმავე პერიოდის მაჩვენებელზე 3,4%-ით ნაკლებია.

2020 წელს საქართველოდან საზღვარგარეთ დაახლოებით 246,9 მლნ დოლარი გადაირიცხა, რაც 4%-ით მეტია 2019 წელთან შედარებით.

672
თემები:
საქართველოს ეკონომიკა
ვალუტის გადამცვლელი პუნქტი

ლარის კურსი 16 იანვარს

3969
(განახლებულია 12:53 16.01.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0052 ლარით გაუფასურდა.

თბილისი, 16 იანვარი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,2987 GEL/$1 ნიშნულზე დაადგინა.

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0052 ლარით გაუფასურდა.

ლარის კურსი 16 იანვარს
ლარის კურსი 16 იანვარს
3969
თემები:
ლარის კურსი დღეს
შტორმი შავ ზღვაზე

შავ ზღვაში რუსული გემი ჩაიძირა: ეკიპაჟის გადასარჩენად ოპერაცია მიმდინარეობს

32
მიმდინარეობს ოპერაცია რუსული გემის Арвин ეკიპაჟის 13 წევრის გადასარჩენად. ინციდენტი ინკუმუს რაიონში მოხდა

თბილისი, 17 იანვარი – Sputnik. შავ ზღვაში თურქეთის სანაპიროზე სატვირთო გემი „არვინი“ ჩაიძირა, იუწყება ბართინის პროვინციის გუბერნატორი სინან გიუნერი.

მისი მონაცემებით, იწყება ოპერაცია ეკიპაჟის 13 წევრის გადასარჩენად.

გუბერნატორის განცხადებით, არახელსაყრელი მეტეოროლოგიური პირობების გამო სამაშველო ოპერაცია გართულდა, მაშველებს უბედურების ზონამდე მიღწევა უჭირთ.

„ბორტზე ეკიპაჟის 13 წევრი იმყოფებოდა, ყველა რუსეთის მოქალაქეა. ამ მომენტისთვის გადარჩენილია ეკიპაჟის 5 წევრი, სამაშველო კატარღაზე ამოყვანილია ორი ცხედარი, ექვსის ძებნა გრძელდება“, - ციტირებს გიუნერს სააგენტო Anadolu.

ამასთან, ანკარაში რუსეთის საელჩოს მონაცემებით, შავ ზღვაში გემის ჩაძირვის შედეგად დაღუპულები არ არიან.

შავ ზღვაში თურქეთის სანაპიროსთან ჩაძირული გემი „არვინი“ პალაუს დროშის ქვეშ ცურავდა, ამას გემების მონიტორინგის სისტემების - Vesselfinder და Marinetraffic-ის მონაცემები მოწმობს.

32