ვენახი

სეტყვით დაზარალებულ მევენახეებს ზარალს უნაზღაურებენ

130
(განახლებულია 19:49 27.07.2020)
სადაზღვევო კომპანია „ალდაგი" უკვე შეუდგა ფერმერებისთვის მიყენებული ზარალის შეფასებას და კომპენსაციების ეტაპობრივად გაცემას იწყებს.

თბილისი, 27 ივლისი — Sputnik. დაიწყო ზარალის ანაზღაურება აგროდაზღვევის სახელმწიფო პროგრამაში ჩართული ბენეფიციარებისთვის, რომლებიც კახეთში სეტყვისგან დაზარალდნენ, იუწყება გარემოს დაცვისა და სოფლის მეურნეობის სამინისტრო.

„სადაზღვევო კომპანიები სტიქიის შედეგად მიყენებული ზარალის დათვლას უმოკლეს ვადაში დაასრულებენ", – განაცხადა სოფლისა და სოფლის მეურნეობის განვითარების სააგენტოს პროექტების საოპერაციო დეპარტამენტის უფროსმა ნატალია ხარატიშვილმა, რომელიც კახეთის მხარის რწმუნებულთან ირაკლი ქადაგიშვილთან და სადაზღვევო კომპანია „ალდაგი" წარმომადგენლებთან ერთად კახეთის რეგიონში სეტყვის შედეგად დაზარალებულ ფერმერებს შეხვდა და დაზიანებული სავარგულები დაათვალიერა.

ხარატიშვილის განცხადებით, სოფლის მეურნეობის ანტიკრიზისული გეგმის ფარგლებში სახელმწიფო მუდმივად აუმჯობესებს აგროდაზღვევის პირობებს, კერძოდ, მრავალწლიანი კულტურების აგროდაზღვევა სამწლიანი გახდა.
„სახელმწიფო ყველა კულტურაზე სადაზღვევო პოლისის 70%-ის, ხოლო ვაზზე 50%-ის დაფინანსებას ახდენს. მოვუწოდებთ ფერმერებს, დაიჭირონ თადარიგი და დააზღვიონ საკუთარი მოსავალი", – განაცხადა ხარატიშვილმა.
კახეთის გუბერნატორმა აღნიშნა, რომ სეტყვის საწინააღმდეგო სისტემა ეფექტურად მუშაობს, მაგრამ არის გამონაკლისებიც და ამისგან დაზღვეული ფერმერი დაცულია.
მაგალითად, ყვარლის რაიონის სოფელ სანავარდოს მცხოვრებმა აკაკი მედულაშვილმა სეტყვის შედეგად მოსავლის 95% დაკარგა, მაგრამ ის სახელმწიფო აგროდაზღვევის ბენეფიციარია. სადაზღვევო პოლისის 50% მას სახელმწიფომ აუნაზღაურა, ახლა კი ფერმერი სადაზღვევო კომპანია „ალდაგისგან" 51 ათას ლარზე მეტს მიიღებს ზარალის კომპენსაციის სახით.

სააგენტოს მონაცემებით, 2020 წლის ივლისში, აგროდაზღვევის პროგრამის ფარგლებში, საქართველოს მასშტაბით გაიცა 15 422 პოლისი, ხოლო დაზღვეულმა ფართობმა 15 ათასი ჰექტარი შეადგინა, რაც გასული წლის ამავე პერიოდთან შედარებით 24%-ით მეტია. დაზღვეული მოსავლის ღირებულება 140 მილიონ ლარს ჭარბობს.

პრემიერმა მევენახეებს მიმართა - სახელმწიფო არ დაგივიწყებთ>>

აგროდაზღვევის პროგრამაში მონაწილეობა შეუძლიათ როგორც ფიზიკურ, ისე იურიდიულ პირებს, რომლებსაც ფაქტობრივ მფლობელობაში აქვთ მაქსიმუმ 5 ჰექტარი სასოფლო დანიშნულების მიწის ნაკვეთი.

130
ვალუტის გადამცვლელი კურსი

ლარის კურსი 24 სექტემბერს

120
(განახლებულია 23:45 23.09.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0242 ლარით გაუფასურდა.

თბილისი, 24 სექტემბერი  — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,2641 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0104 ლარით გაუფასურდა. 

ლარის კურის 24 სექტემბერს
120
თემები:
ლარის კურსი დღეს
ლარის სხვადასხვა ნომინალის კუპიურები

რატომ ყიდის ეროვნული ბანკი რეზერვებიდან დოლარს კობა გვენეტაძის განმარტება

343
(განახლებულია 20:41 23.09.2020)
ეროვნული ბანკის პრეზიდენტის პროგნოზით, პანდემიასთან დაკავშირებული გაურკვევლობის აღმოფხვრისა და ტრადიციული წინასაარჩევნო აჟიოტაჟის გადავლის შემდეგ კურსი მის წონასწორულ ნიშნულს დაუბრუნდება.

თბილისი, 23 სექტემბერი – Sputnik. ეროვნული ბანკის ინტერვენციების მიზანი ბაზარზე უცხოური ვალუტის მიწოდებაა, აცხადებს საქართველოს ეროვნული ბანკის პრეზიდენტი კობა გვენეტაძე.

ეროვნული ბანკი განაგრძობს ვალუტის გაყიდვას. დღეს გამართულ მორიგ აუქციონზე მან ლარის კურსის დასტაბილურების მიზნით კიდევ 40 მილიონი აშშ დოლარი გაყიდა.

პანდემია და არჩევნები საქართველოში: რა ხდება ლარის კურსთან დაკავშირებით>>

სავალუტო ბაზრის სტაბილიზებისთვის ეროვნულმა ბანკმა სავალუტო აუქციონებზე ნახევარ წელიწადში უკვე 400 მლნ დოლარზე მეტი გაყიდა.

„ბოლო დროს ხშირად ისმის განცხადებები: „ეროვნულმა ბანკმა 20 მილიონი დოლარი გაყიდა, მაგრამ ლარი მაინც ვერ გაამყარა“. ეს არასწორია. მსურს განვმარტო, რომ ეროვნული ბანკის ინტერვენციების მიზანი ლარის გამყარება ან გაუფასურება არ გახლავთ. შეგახსენებთ, რომ საქართველოში მოქმედებს მცურავი გაცვლითი კურსის რეჟიმი... პანდემიის პერიოდში განხორციელებული ინტერვენციები ლარის კურსის საბაზრო ქცევას ხელს არ უშლის. ამჟამინდელი ინტერვენციების მიზანი ბაზარზე უცხოური ვალუტის მიწოდებაა“, – დაწერა კობა გვენეტაძემ თავის Facebook-გვერდზე.

გვენეტაძის თქმით, მიუხედავად იმისა, რომ მცურავი კურსის პირობებში შეუძლებელია იმის თქმა, თუ სად არის ამა თუ იმ ვალუტის წონასწორული კურსი, დიდი ალბათობით, დღეს ლარი წონასწორულზე მეტად გაუფასურებულია. პანდემიასთან დაკავშირებული გაურკვევლობის აღმოფხვრისა და ტრადიციული წინასაარჩევნო აჟიოტაჟის გადავლის შემდეგ კი კურსი მის წონასწორულ ნიშნულს დაუბრუნდება.

„პანდემიის გავლენა საქართველოს ეკონომიკაზე ძირითადად ტურიზმიდან მიღებული შემოსავლების თითქმის განულებაში აისახა. ქვეყნის ეკონომიკურმა გუნდმა პანდემიის მიერ დაზიანებული ეკონომიკის დასახმარებლად დროის უმოკლეს პერიოდში უცხოური ვალუტით მოცულობითი დახმარება მოიზიდა, რომლის ნაწილიც, საერთაშორისო საფინანსო ინსტიტუტებთან შეთანხმებული პროგრამის ფარგლებში, ეროვნული ბანკის ინტერვენციების მეშვეობით მიმდინარე წელს და, სავარაუდოდ, მომავალი წლის პირველ ნახევარშიც ეკონომიკას ეტაპობრივად მიეწოდება“, – აღნიშნა გვენეტაძემ.

გვენეტაძის აზრით, ისეთი სულისკვეთების განცხადებები, როგორიცაა „ეროვნულმა ბანკმა 20 მილიონი დოლარი გაყიდა, მაგრამ ლარი მაინც ვერ გაამყარა“, ნებსით თუ უნებლიეთ, მოსახლეობას და ბიზნესს არასწორი გადაწყვეტილებებისკენ უბიძგებს და, საბოლოო ჯამში, მათ მხოლოდ აზარალებს.

„ამიტომ სასურველია გავიაზროთ, რომ როგორც მთელი მსოფლიო, ასევე საქართველო უპრეცედენტოდ რთულ პერიოდს გადის. ამ გამოწვევის წინააღმდეგ სწორი ნაბიჯების გადადგმით - რისი გამოცდილებაც ეროვნულ ბანკს აქვს - ამ კრიზისს მინიმალური დანახარჯებით გადავლახავთ“, – განაცხადა გვენეტაძემ.

პანდემია სერიოზულად აისახა ლარის კურსზე. ეროვნული ვალუტის კურსზე, რომელიც ანტირეკორდებს ამყარებს, ჯერ ნავთობის, ხოლო შემდეგ მსოფლიო ეკონომიკური კრიზისი აისახა.

40 მილიონი დოლარის გაყიდვის შემდეგ საშუალო შეწონილმა გაცვლითმა კურსმა 3.2641 შეადგინა.

343
თემები:
ლარის კურსის დაცემა
ქართველი სამხედროები

სრული მოდერნიზაცია: ყველა სამხედრო ქვედანაყოფში უახლესი სპორტული ინვენტარი დამონტაჟდება

0
(განახლებულია 14:12 24.09.2020)
საქართველოს თავდაცვის უწყებაში მიმდინარე ინფრასტრუქტურული პროექტების ფარგლებში, სამხედრო ბაზების სრული მოდერნიზაცია მიმდინარეობს

თბილისი, 24 სექტემბერი - Sputnik. საქართველოს მასშტაბით არსებულ ყველა სამხედრო ქვედანაყოფში მაღალი ხარისხისა და ხანგრძლივ ექსპლუატაციაზე გათვლილი სპორტული ინვენტარი დამონტაჟდება, ნათქვამია საქართველოს თავდაცვის სამინისტროს მიერ გავრცელებულ განცხადებაში.

ტერიტორიული რეზერვის პროგრამით სულ უფრო მეტი ადამიანი ინტერესდება>>

უწყების ცნობით, დღეს საქართველოს თავდაცვის მინისტრი ირაკლი ღარიბაშვილი ვაზიანის მეოთხე მექანიზებულ ბრიგადაში იმყოფებოდა და პირადად გაეცნო სამხედრო ბაზის უახლესი სპორტული ინვენტარითა და თანამედროვე სანტექნიკით აღჭურვის პროცესს.

„საქართველოს თავდაცვის ძალების ბაზებზე სპორტული დარბაზების განახლება და თანამედროვე ინვენტარით აღჭურვა სამხედროებში ფიზიკური შესაძლებლობების გაუმჯობესებასა და ქვედანაყოფებში სხვადასხვა სპორტული სახეობის პოპულარიზაციას შეუწყობს ხელს“, - აღნიშნულია განცხადებაში.

ასევე, ყველა ბაზაზე მონტაჟდება მსოფლიო ბრენდების უმაღლესი ხარისხის თანამედროვე სანტექნიკა და სააბაზანო ინვენტარი.

უწყების ინფორმაციით, საქართველოს თავდაცვის უწყებაში მიმდინარე ინფრასტრუქტურული პროექტების ფარგლებში, სამხედრო ბაზების სრული მოდერნიზაცია მიმდინარეობს.

ასევე,წლის ბოლომდე 60 ლოკაციაზე ყველა მოქმედი ყაზარმისა და სასადილოს, დაახლოებით, 250-მდე ობიექტის სრული რეაბილიტაცია მოხდება.

სამინისტროს ინფორმაციით, თავდაცვის მინისტრის მიერ გაცხადებული ინფრასტრუქტურული განვითარების პოლიტიკა ნატო-ს წამყვანი ქვეყნების სტანდარტთან გათანაბრებას გულისხმობს.

0
თემები:
საქართველოს თავდაცვა