რატი აბულაძე

ექსპერტი: საგარეო ვაჭრობის უფრო მეტ ვარდნას მოველოდი

180
(განახლებულია 15:55 20.07.2020)
„საქსტატის“ მონაცემებით, 2020 წლის იანვარი-ივნისში საქართველოში საქონლით საგარეო სავაჭრო ბრუნვამ 5 072.5 მლნ აშშ დოლარი შეადგინა, რაც წინა წლის შესაბამისი პერიოდის მაჩვენებელზე 16.3%-ით ნაკლებია. აქედან ექსპორტმა იკლო 15.6%-ით, ხოლო იმპორტმა – 16.5%-ით.

ეკონომისტი რატი აბულაძე მიიჩნევს, რომ ვაჭრობის შემცირების მაჩვენებელი უფრო ოპტიმისტურად გამოიყურება, ვიდრე ეს მოსალოდნელი იყო, ეს კი, სხვა ფაქტორებთან ერთად, ეკონომიკის რეგენერაციის ოპტიმისტურ ნიშანს წარმოადგენს.

რაც შეეხება იმას, თუ რატომ დაეცა საგარეო ვაჭრობის მაჩვენებელი ასე საგრძნობლად, რატი აბულაძის თქმით,  ძირითადი მიზეზი კორონავირუსის პანდემიაა სუსტი ეკონომიკური პოლიტიკის ფონზე.

„პანდემიის შედეგად გაიზარდა ფინანსური ზარალი, ეკონომიკური რისკები, სიღარიბე, სოციალური არასტაბილურობა და უკმაყოფილება. დაეცა ვაჭრობა და წარმოება. საზოგადოებამ შეამცირა ხარჯვა და და გაზარდა ფულის ეკონომია. ბიზნესმა შეკვეცა თავისი წარმოება და აქტივობა. დაეცა საინვესტიციო აქტივობაც“, – აღნიშნა რატი აბულაძემ „Sputnik–საქართველოსთან“ საუბრისას.

ეკონომისტს მიაჩნია, რომ ამავე დროს გამოვლინდა საშინაო და საგარეო ეკონომიკური პოლიტიკის მართვის სისუსტეები და მთავრობა გამოწვევების დასაძლევად ფინანსური, ინტელექტუალური და პოლიტიკური რესურსების ძიებაშია.

„შეზღუდვები და საკარანტინო რეჟიმი მოგვევლინა „ხელის მუხრუჭის“ როლში მიწოდების ჯაჭვისა და საერთაშორისო ვაჭრობის პროცესში. შედეგად – მსოფლიო ვაჭრობა შემცირდა 18.5%-ით (WTO, 2020 წლის II კვარტალი), ხოლო ბარიერებისა და ვაჭრობის შემზღუდველი ღონისძიებების შედეგად საქართველოს საგარეო ვაჭრობა შემცირდა 16.3%-ით“, – აღნიშნა რატი აბულაძემ.

როგორც სპეციალისტმა განმარტა, დღეს შემოსავლის მიღება ყველას სჭირდება – მოქალაქეებს, ბიზნესს და სახელმწიფოს. თუ ვაჭრობა არ იქნა, არც შემოსავალი იქნება და ვერც სოციალურ-ეკონომიკურ პრობლემებს დავძლევთ.

„ხაზგასასმელია ის გარემოება, რომ ნათელია ვირუსის ეკონომიკური კონტურები. ეს კი შესაძლებლობას იძლევა ჩარჩოებში მოექცეს გაურკვევლობის პროცესი და არსებული გამოწვევების შესაბამისად განისაზღვროს ეკონომიკის სტრუქტურის ცვლილების ვექტორი“, – აღნიშნა აბულაძემ.

ეკონომისტის თქმით, საბოლოო ჯამში პრობლემების დაძლევის პასუხი პოლიტიკურ რესურსშია. მთავრობამ ხელი უნდა შეუწყოს რეგიონულ თანამშრომლობას და უნდა გაატაროს დაბალანსებული ეკონომიკური პოლიტიკა. ასევე დაძლიოს ბაზრებზე არსებული გაურკვევლობა, ხელი შეუწყოს მოსახლეობის მსყიდველობითუნარიანობის ამაღლებას.

საქართველოს მთავრობამ ვაჭრობის დარგი, ხელშეწყობის მიზნით, წელს პირველად სააგენტოს „აწარმოე საქართველოში“ პროგრამებში ჩართო. ვაჭრობის სფეროში დასაქმებულებს შეუძლიათ 50 ათასი ლარიდან 5 მლნ ლარამდე მოცულობის სესხის აღება და მისი გამოყენება საოპერაციო ხარჯებისთვის. მაგალითად, კომუნალურების, ხელფასების, იჯარის გადასახდელად.  

საქართველოში კორონავირუსის გამოვლენის პირველი შემთხვევა 26 თებერვალს დაფიქსირდა. 21 მარტს ხელისუფლებამ ინფექციის გავრცელების საფრთხის გამო ქვეყნის მთელ ტერიტორიაზე ერთი თვით საგანგებო მდგომარეობა გამოაცხადა, რომელიც შემდეგ 22 მაისამდე გახანგრძლივდა.

ქართული საინვესტიციო კომპანია Galt&Taggart-ის მონაცემებით, კორონავირუსის პანდემიასთან დაკავშირებით დაწესებული შეზღუდვების გამო, ექსპორტის შემცირებამ ეკონომიკას შეიძლება 200 მილიონიდან 1 მილიარდ დოლარამდე ზარალი მიაყენოს, იმის მიხედვით, თუ როგორ განვითარდება მოვლენები.

საქართველოდან საქონლის ფართო ასორტიმენტი გააქვთ — სპილენძის მადნები და კონცენტრატები, ფეროშენადნობები, მსუბუქი ავტომობილები, ნატურალური ღვინო, სამკურნალო საშუალებები, მინერალური წყლები, დამუშავებული ან ნახევრადდამუშავებული ოქრო, თხილი და სხვ.

საქართველოში შემოდის ნავთობი და ნავთობპროდუქტები, მსუბუქი ავტომობილები, ნავთობის აირები და აირისებრი ნახშირწყალბადები, სპილენძის მადნები და კონცენტრატები, სამკურნალო საშუალებები, ხორბალი, ელექტროენერგია, სატელეფონო აპარატები და სხვ.

ნატა პატარაია

180
ვალუტის გადამცვლელი კურსი

ლარის კურსი 24 სექტემბერს

120
(განახლებულია 23:45 23.09.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0242 ლარით გაუფასურდა.

თბილისი, 24 სექტემბერი  — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,2641 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0104 ლარით გაუფასურდა. 

ლარის კურის 24 სექტემბერს
120
თემები:
ლარის კურსი დღეს
ლარის სხვადასხვა ნომინალის კუპიურები

რატომ ყიდის ეროვნული ბანკი რეზერვებიდან დოლარს კობა გვენეტაძის განმარტება

343
(განახლებულია 20:41 23.09.2020)
ეროვნული ბანკის პრეზიდენტის პროგნოზით, პანდემიასთან დაკავშირებული გაურკვევლობის აღმოფხვრისა და ტრადიციული წინასაარჩევნო აჟიოტაჟის გადავლის შემდეგ კურსი მის წონასწორულ ნიშნულს დაუბრუნდება.

თბილისი, 23 სექტემბერი – Sputnik. ეროვნული ბანკის ინტერვენციების მიზანი ბაზარზე უცხოური ვალუტის მიწოდებაა, აცხადებს საქართველოს ეროვნული ბანკის პრეზიდენტი კობა გვენეტაძე.

ეროვნული ბანკი განაგრძობს ვალუტის გაყიდვას. დღეს გამართულ მორიგ აუქციონზე მან ლარის კურსის დასტაბილურების მიზნით კიდევ 40 მილიონი აშშ დოლარი გაყიდა.

პანდემია და არჩევნები საქართველოში: რა ხდება ლარის კურსთან დაკავშირებით>>

სავალუტო ბაზრის სტაბილიზებისთვის ეროვნულმა ბანკმა სავალუტო აუქციონებზე ნახევარ წელიწადში უკვე 400 მლნ დოლარზე მეტი გაყიდა.

„ბოლო დროს ხშირად ისმის განცხადებები: „ეროვნულმა ბანკმა 20 მილიონი დოლარი გაყიდა, მაგრამ ლარი მაინც ვერ გაამყარა“. ეს არასწორია. მსურს განვმარტო, რომ ეროვნული ბანკის ინტერვენციების მიზანი ლარის გამყარება ან გაუფასურება არ გახლავთ. შეგახსენებთ, რომ საქართველოში მოქმედებს მცურავი გაცვლითი კურსის რეჟიმი... პანდემიის პერიოდში განხორციელებული ინტერვენციები ლარის კურსის საბაზრო ქცევას ხელს არ უშლის. ამჟამინდელი ინტერვენციების მიზანი ბაზარზე უცხოური ვალუტის მიწოდებაა“, – დაწერა კობა გვენეტაძემ თავის Facebook-გვერდზე.

გვენეტაძის თქმით, მიუხედავად იმისა, რომ მცურავი კურსის პირობებში შეუძლებელია იმის თქმა, თუ სად არის ამა თუ იმ ვალუტის წონასწორული კურსი, დიდი ალბათობით, დღეს ლარი წონასწორულზე მეტად გაუფასურებულია. პანდემიასთან დაკავშირებული გაურკვევლობის აღმოფხვრისა და ტრადიციული წინასაარჩევნო აჟიოტაჟის გადავლის შემდეგ კი კურსი მის წონასწორულ ნიშნულს დაუბრუნდება.

„პანდემიის გავლენა საქართველოს ეკონომიკაზე ძირითადად ტურიზმიდან მიღებული შემოსავლების თითქმის განულებაში აისახა. ქვეყნის ეკონომიკურმა გუნდმა პანდემიის მიერ დაზიანებული ეკონომიკის დასახმარებლად დროის უმოკლეს პერიოდში უცხოური ვალუტით მოცულობითი დახმარება მოიზიდა, რომლის ნაწილიც, საერთაშორისო საფინანსო ინსტიტუტებთან შეთანხმებული პროგრამის ფარგლებში, ეროვნული ბანკის ინტერვენციების მეშვეობით მიმდინარე წელს და, სავარაუდოდ, მომავალი წლის პირველ ნახევარშიც ეკონომიკას ეტაპობრივად მიეწოდება“, – აღნიშნა გვენეტაძემ.

გვენეტაძის აზრით, ისეთი სულისკვეთების განცხადებები, როგორიცაა „ეროვნულმა ბანკმა 20 მილიონი დოლარი გაყიდა, მაგრამ ლარი მაინც ვერ გაამყარა“, ნებსით თუ უნებლიეთ, მოსახლეობას და ბიზნესს არასწორი გადაწყვეტილებებისკენ უბიძგებს და, საბოლოო ჯამში, მათ მხოლოდ აზარალებს.

„ამიტომ სასურველია გავიაზროთ, რომ როგორც მთელი მსოფლიო, ასევე საქართველო უპრეცედენტოდ რთულ პერიოდს გადის. ამ გამოწვევის წინააღმდეგ სწორი ნაბიჯების გადადგმით - რისი გამოცდილებაც ეროვნულ ბანკს აქვს - ამ კრიზისს მინიმალური დანახარჯებით გადავლახავთ“, – განაცხადა გვენეტაძემ.

პანდემია სერიოზულად აისახა ლარის კურსზე. ეროვნული ვალუტის კურსზე, რომელიც ანტირეკორდებს ამყარებს, ჯერ ნავთობის, ხოლო შემდეგ მსოფლიო ეკონომიკური კრიზისი აისახა.

40 მილიონი დოლარის გაყიდვის შემდეგ საშუალო შეწონილმა გაცვლითმა კურსმა 3.2641 შეადგინა.

343
თემები:
ლარის კურსის დაცემა
ქართველი სამხედროები

სრული მოდერნიზაცია: ყველა სამხედრო ქვედანაყოფში უახლესი სპორტული ინვენტარი დამონტაჟდება

0
(განახლებულია 14:12 24.09.2020)
საქართველოს თავდაცვის უწყებაში მიმდინარე ინფრასტრუქტურული პროექტების ფარგლებში, სამხედრო ბაზების სრული მოდერნიზაცია მიმდინარეობს

თბილისი, 24 სექტემბერი - Sputnik. საქართველოს მასშტაბით არსებულ ყველა სამხედრო ქვედანაყოფში მაღალი ხარისხისა და ხანგრძლივ ექსპლუატაციაზე გათვლილი სპორტული ინვენტარი დამონტაჟდება, ნათქვამია საქართველოს თავდაცვის სამინისტროს მიერ გავრცელებულ განცხადებაში.

ტერიტორიული რეზერვის პროგრამით სულ უფრო მეტი ადამიანი ინტერესდება>>

უწყების ცნობით, დღეს საქართველოს თავდაცვის მინისტრი ირაკლი ღარიბაშვილი ვაზიანის მეოთხე მექანიზებულ ბრიგადაში იმყოფებოდა და პირადად გაეცნო სამხედრო ბაზის უახლესი სპორტული ინვენტარითა და თანამედროვე სანტექნიკით აღჭურვის პროცესს.

„საქართველოს თავდაცვის ძალების ბაზებზე სპორტული დარბაზების განახლება და თანამედროვე ინვენტარით აღჭურვა სამხედროებში ფიზიკური შესაძლებლობების გაუმჯობესებასა და ქვედანაყოფებში სხვადასხვა სპორტული სახეობის პოპულარიზაციას შეუწყობს ხელს“, - აღნიშნულია განცხადებაში.

ასევე, ყველა ბაზაზე მონტაჟდება მსოფლიო ბრენდების უმაღლესი ხარისხის თანამედროვე სანტექნიკა და სააბაზანო ინვენტარი.

უწყების ინფორმაციით, საქართველოს თავდაცვის უწყებაში მიმდინარე ინფრასტრუქტურული პროექტების ფარგლებში, სამხედრო ბაზების სრული მოდერნიზაცია მიმდინარეობს.

ასევე,წლის ბოლომდე 60 ლოკაციაზე ყველა მოქმედი ყაზარმისა და სასადილოს, დაახლოებით, 250-მდე ობიექტის სრული რეაბილიტაცია მოხდება.

სამინისტროს ინფორმაციით, თავდაცვის მინისტრის მიერ გაცხადებული ინფრასტრუქტურული განვითარების პოლიტიკა ნატო-ს წამყვანი ქვეყნების სტანდარტთან გათანაბრებას გულისხმობს.

0
თემები:
საქართველოს თავდაცვა