ტესტი

ADB საქართველოს PCR–ტესტირებისთვის საჭირო აღჭურვილობით უზრუნველყოფს

138
(განახლებულია 14:01 03.07.2020)
საქართველოს ჯანდაცვის სამინისტროსთვის ტესტირებისთვის საჭირო აღჭურვილობის მოწოდებას უზრუნველყოფს კომპანია Roche Diagnostics Turkey, A.S.

თბილისი, 3 ივლისი — Sputnik. აზიის განვითარების ბანკი (ADB) საქართველოს კორონავირუსის ინფექციაზე PCR ტესტირებისთვის საჭირო აღჭურვილობის შესაძენად 440 ათასი ევროს ფარგლებში გრანტს გამოუყოფს, ნათქვამია ბანკის განცხადებაში. 

აზიის განვითარების ბანკმა ხელი მოაწერა კონტრაქტს სრულიად ავტომატიზებული მაღალი წარმადობის PCR–ტესტირებისთვის საჭირო აღჭურვილობის შესაძენად, რომლის მიზანიც ქვეყანაში COVID-19-ის პანდემიის გავრცელების შეჩერების ღონისძიებების მხარდაჭერაა.

აღჭურვილობის საქართველოს ჯანდაცვის სამინისტროსთვის მოწოდებას უზრუნველყოფს კომპანია Roche Diagnostics Turkey, A.S.

„საქართველომ გამორჩეულად წარმატებულად უპასუხა პანდემიის გამოწვევებს, ვირუსის გავრცელების შეჩერებისა და ყველაზე მეტად დაზარალებული შინამეურნეობებისა და ბიზნესის ხელშეწყობის გზით. ბანკის გრანტით შეძენილი აღჭურვილობა გაზრდის ქვეყანაში ტესტირების ჩატარების შესაძლებლობებს, რაც აუცილებელია ვირუსის შემდგომი გავრცელების შესაჩერებლად, განსაკუთრებით კი შეზღუდვების ნელ-ნელა მოხსნის და ეკონომიკის აღდგენის პირობებში“, – განაცხადა ADB-ს მუდმივმა წარმომადგენელმა საქართველოში შეინ როზენტალმა. 

„მოხარული ვართ, რომ ახალი აღჭურვილობა დღეში 2 ათასი ტესტით გაზრდის ეროვნული ლაბორატორიის შესაძლებლობებს და შეამცირებს დიაგნოსტიკის ვადებს“, – განაცხადა ჯანდაცვის მინისტრის მოადგილემ თამარ გაბუნიამ. 

გრანტის თანხა დაემატება ADB-ს მიერ „COVID-19-ზე აქტიური რეაგირების და ხარჯვითი დახმარების“ (CARES) პროგრამის ფარგლებში 28 მაისს დამტკიცებულ 100 მილიონი დოლარის ოდენობის სესხს, რომელიც საბიუჯეტო დახმარებას გაუწევს მთავრობას და დააფინანსებს მის კომპლექსურ ანტიკრიზისულ გეგმას.

პროგრამა CARES საქართველოს დასახმარებლად

აზიის განვითარების ბანკის ფინანსური დახმარება მიმართული იქნება პროგრამის „COVID-19-ზე აქტიური რეაგირება და ხარჯვითი ნაწილი“ (CARES) მხარდაჭერისკენ. თანხები მოხმარდება პანდემიის შედეგად წარმოქმნილი ეკონომიკური პრობლემების შერბილებას, მოსახლეობის კეთილდღეობისა და მაკროეკონომიკური პირობების გაუმჯობესებას, ასევე მოსახლეობის მოწყვლად ჯგუფებს, რომლებიც პანდემიისგან სერიოზულად დაზარალდნენ.

დაფინანსება მოიცავს ტურისტული სექტორის 4 ათასზე მეტი მცირე და საშუალო ბიზნესისთვის გადასახადების გადავადებასა და მინიმუმ 2 ათასი მცირე და საშუალო სასტუმროსთვის კრედიტების სუბსიდირებას.  

სესხი მოსახლეობის მოწყვლადი ჯგუფების დაცვასაც მოხმარდება, რაც მოიცავს პანდემიის გამო სამსახურის დაკარგვის რისკის ქვეშ მყოფი 350 ათასი დასაქმებულის დროებით ფინანსურ დახმარებას; 250 ათასი თვითდასაქმებული მოქალაქის და 1,2 მილიონი ოჯახისთვის კომუნალური გადასახადების სუბსიდირებას. გარდა ამისა, ცხრა ძირითად პროდუქტზე ექვსი თვის მანძილზე ფასები ფიქსირებული იქნება.

აზიის განვითარების ბანკის პაკეტი (CARES) შეიქმნა საერთაშორისო სავალუტო ფონდთან და სხვა პარტნიორებთან ერთად საქართველოში COVID-19-ის კრიზისის დასაძლევად კოორდინირებული მუშაობის ფარგლებში.

აზიის განვითარების ბანკის მიზანია აზია–წყნარი ოკეანის რეგიონის წარმატებული, მრავალმხრივი განვითარების ხელშეწყობა. ამასთან, ის განაგრძობს მუშაობას რეგიონში უკიდურესი სიღარიბის აღმოსაფხვრელად. ორგანიზაცია, რომელიც 1966 წელს დაარსდა, აერთიანებს 68 ქვეყანას, მათ შორის 49 აზიის რეგიონიდანაა. აზიის განვითარების ბანკი საქართველოს მხარს 2007 წლიდან უჭერს და მისი ერთ-ერთი ყველაზე მრავალმხრივი პარტნიორია. საქართველოსთვის დღემდე გამოყოფილი ვალების საერთო რაოდენობა 2,8 მილიარდ დოლარს შეადგენს.

138
თემები:
COVID-19 საქართველოში (2170)
ფოთის პორტი

ფოთის პორტი გაფართოვდება: ინვესტორებმა შეთანხმება უკვე გააფორმეს

11
(განახლებულია 11:26 24.10.2020)
APM Terminals Poti მოახდენს ინვესტირებას 400 მეტრის სიგრძის ნავმისადგომის მშენებლობაში და 13.5 მეტრამდე ფსკერის დაღრმავებაში, ხოლო კორპორაცია განახორციელებს ინვესტიციას მშრალი და ნაყარი ტვირთებისთვის განკუთვნილ ახალ ინფრასტრუქტურაში

თბილისი, 24 ოქტომბერი – Sputnik. კომპანიამ APM Terminals Poti და „ფოთის ახალი ტერმინალების კორპორაციამ“ (PNTC) ხელი მოაწერეს შეთანხმებას ფოთის საზღვაო ნავსადგურის ჩრდილოეთით მშრალი და ნაყარი ტვირთების ახალი ტერმინალის ერთობლივად განვითარებაზე, ნათქვამია კომპანიის განცხადებაში.

აღნიშნული დოკუმენტის თანახმად, APM Terminals Poti მოახდენს ინვესტირებას 400 მეტრის სიგრძის ნავმისადგომის მშენებლობაში და 13.5 მეტრამდე ფსკერდაღრმავებითი სამუშაოებში, ხოლო კორპორაცია განახორციელებს ინვესტიციას მშრალი და ნაყარი ტვირთებისთვის განკუთვნილ ახალ ინფრასტრუქტურაში, რომელიც მოიცავს მასშტაბური საოპერაციო ზონის მოწყობას და სარკინიგზო ხაზთან კავშირის უზრუნველყოფას ფოთში.

ინვესტიციების განხორციელება შესაბამისი სამშენებლო ნებართვების მიღებაზეა დამოკიდებული.

ფოთის პორტის გაფართოება

ფოთის პორტის მფლობელმა კომპანია APM Terminals Poti-მ მიწათსარგებლობის ნებართვა მიიღო, რაც ღრმაწყლოვანი ნავსადგურის მშენებლობის ნებართვის მოპოვების სამსაფეხურიანი პროცედურის საწყის ეტაპს წარმოადგენს.

კომპანიას ფოთის ნავსადგურის გაფართოება სურს, რათა საქართველოს გააჩნდეს თანამედროვე ლოგისტიკური კარიბჭე, რომელიც Panamax-ის ტიპის გემებს მოემსახურება.

APM Terminals Poti პროექტის განხორციელებას 24-30 თვეში გეგმავს. ის ორი ფაზისგან შედგება.

პირველი ფაზა 1,7 ათასი მეტრი სიგრძის მოლის მშენებლობასა და ასევე 400 მ სიგრძისა და 13,5 მ სიღრმის მრავალფუნქციური ნავმისადგომის მოწყობას ითვალისწინებს. ეს პორტს 9 ათას TEU–მდე წყალტევადობის ხომალდების მიღების  და დამატებით 150 ათას TEU-მდე მოცულობის ტვირთების გადამუშავების საშუალებას მისცემს.

მეორე ფაზა 300 მეტრიანი საკონტეინერო ნავმისადგომის მშენებლობას მოიაზრებს, სადაც სამი ამწე იქნება განთავსებული და რაც წლიურ ტვირგამტარობას 1 მლნ TEU–მდე გაზრდის.

ფოთის პორტი ღრმაწყლოვანი ანაკლიის აშენებამდე გახდება >>

კომპანია მშრალი ტვირთების ოპერირებას გეგმავს. ეს იქნება რკინის ჯართი მთელი რეგიონიდან, სასუქი, ასევე მარცვლეული აზერბაიჯანიდან, თურქმენეთიდან და ყაზახეთიდან.

11
თემები:
საქართველოს ეკონომიკა
ვალუტის გაცვლის პუნქტი

ლარის კურსი 24 ოქტომბერს

23
(განახლებულია 09:12 24.10.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0021 ლარით გაუფასურდა.

თბილისი, 24 ოქტომბერი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,2202 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0021 ლარით გაუფასურდა.

ლარის კურსი 24 ოქტომბერს
ლარის კურსი 24 ოქტომბერს
23
თემები:
ლარის კურსი დღეს
ქეთა თოფურია

ის, რაზეც ყველა ქალი ოცნებობს - ორსულ ქეთა თოფურიას საქმრომ ასეთი სიურპრიზი გაუკეთა

0
(განახლებულია 19:13 23.10.2020)
ქეთა თოფურიას საყვარელი მამაკაცი ძალიან ანებივრებს. ნახეთ რა საჩუქრები აჩუქა ბიზნესმენმა ლევ ძენგოვმა საყვარელ ქალს

რუსეთში მოღვაწე ქართველ შემსრულებელზე მუდამ საუბრობენ. მისი ცხოვრების სტილისა და პოპულარული პარტნიორების გამო ქეთა ტაბლოიდების ფავორიტია. ქეთა თოფურია რუსი და ქართველი ჟურნალისტების ერთ-ერთი გამორჩეული რესპონდენტია. რეიტინგული ვარსკვლავი სითამამით გამოირჩევა და რუსული ესტრადა A'Studio-სთან ერთად არაერთხელ დაიპყრო.

View this post on Instagram

Summer mood🙃🤞🏽💫 #tbt

A post shared by Keti Topuria (@keti_one_official) on

ქეთა თოფურიას პირადი ცხოვრება ქართული და რუსული პრესის ყურადღების ცენტრში ხშირად ხვდება. რეპერ გუფთან დაშორების შემდეგ A'Studio-ს ქართველმა სოლისტმა პირობა დადო, რომ პირად ცხოვრებაზე არასდროს ისაუბრებდა, თუმცა შემდეგ ერთ-ერთ ინტერვიუში მაინც ამომწურავი პასუხი გასცა გუფთან რომანისა და ქმართან დაშორების შესახებ გავრცელებულ ჭორებს. მოგვიანებით კი ახალ პარტნიორზეც ალაპარაკდა. არც ისე დიდი ხნის წინ კი ფეხმძიმობაზე ქართველ ჟურნალისტს ამომწურავი პასუხი გასცა. მიუხედავად ამისა, მის გარშემო ჭორები არ წყდება.

View this post on Instagram

🏝🤍

A post shared by Keti Topuria (@keti_one_official) on

ქეთა თოფურიას ახალი რჩეული დიპლომატი ლევ დენგოვია. ქეთამ რუსულ გადაცემაში თქვა, რომ ახლანდელი რჩეული მინსკში გაიცნო. თოფურია რამდენიმე თვეა რჩეულ მამაკაცთან ერთად ცხოვრობს, მოგზაურობს და უბრალოდ ცხოვრებით ტკბება. მისი სოციალური ქსელის „სთორები“ ერთობლივი ფოტო-ვიდეოებით არის მოცული. უსიმპათიურესი ბიზნესმენი ქალბატონებში დიდ აჟიოტაჟს იწვევს.

View this post on Instagram

💭🙃

A post shared by Keti Topuria (@keti_one_official) on

სანამ პანდემია დაიწყებოდა, ცნობილმა მომღერალმა სტილის შეცვლა დაიწყო. შესამჩნევი ცვლილებები გამოხმაურების გარეშე არ დარჩა. არტისტის გარდერობში მომრავლდა Oversize კაბები და მაისურები, რამაც თაყვანისმცემლებს ეჭვი გაუჩინა. ტაბლოიდები მის ფეხმძიმობაზე აქტიურად წერენ, თაყვანისმცემლები კი ერთხმად აღნიშნავენ, რომ ქეთას მალე ვაჟი ეყოლება. ბოლოდროინდელ ფოტოებსა თუ ვიდეოებზე მომღერლის წამოზრდილი მუცელი ადვილად შესამჩნევია.

ცოტა ხნის წინ ქეთამ „ინსტაგრამის“ „სთორიზე“ ულამაზესი ყვავილების თაიგულები გამოაქვეყნა და ბიზნესმენი მონიშნა. როგორც ჩანს, შეყვარებული ორსულ ქეთას სიურპრიზებით ძალიან ანებივრებს და საჩუქრებს არ იშურებს. დაბადების დღეზე ბიზნესმენმა საყვარელ ქალს 2700 ევროიანი თეთრი ოქროს ბრილიანტებით გაწყობილი სამაჯური აჩუქა.

0
თემები:
სელებრითების ცხოვრება